105
P.Qəlbinur poeziyasında təşbeh – epitet
hibridliyi dominantlıq təşkil edir. Üstün olan
nədir – təşbehlə epitet olanın birliyindən alınan
duyumsuzluq və idraksızlıq – bu, həm də duyulan,
idrak ediləndir. Bu, poetik söhbətdir, poetik
intəhasızlıqdır:
Ay gözlərin
işığında yol gedirəm.
Sabahıma baxır mənim
Ucalardan Ay gözlərin.
“Ay gözlər”də həm epitet, həm də təşbehdən
nə isə vardır. Bu “nə isə” olan psixoloji
gizlinlərdir.
Paşanın təşbeh-metaforaya yaratmaq ustalığına
da bir misal:
Nərgiz kimi çırtlayar
süd dişləri.
Süd dişləri – qarçiçəyi.
Bir nümunə də təşbeh-litota üçün:
Aya bax – o totuq əllərin boyda.
Şairin açıq təşbehlərinə aid bir nümunə:
Yuxu kimi, duman kimi
Bu sevgilər çəkiləndi,
Olsa-olsa bir dən kimi
Şum yerinə əkiləndi...
106
P.Qəlbinur
poeziyasında
adətən
aşağı
intonasiyada
danışır
və
əsasən
adilikləri
danışdırır; duyğu ilə faktı ortaq başlanğıcda
götürür, obrazlılığı daha çox “sıxır” söz-qəlibdə.
O, adilikləri “böyüdərək” danışır. Lakin sənətkar
ictimai-siyasiyə, geniş “formatlı” poeziyaya da
yer verir – fərdi üslubunu saxlamaq şərti ilə!
Halbuki Paşa daha çox təşbeh yeniliyində,
gözlənilməzliklərində,
bənzəyənlə
bənzədilən
arasında olan tapıntıları, axtarışları üzə çıxarmağa
meyil edir və buna nail olur:
... Matros yuxusunda kapitan qızı,
Qobsek ürəyində qızıl,
Nar çiçəyində yağış damlası –
Qubanın ağ alması...
Təəsüf ki, şair ciddi mətləblərdən yazanda
onun poetik məcazları bəzən qüsurlu da olur:
Əlimizdə zülməti
Kəsib – doğrayan bıçaq.
Vətənimin gözünə
Araz boyda ağ gəlib,
Kəsə bilmirik ancaq...
Belə bir metafora – təşbeh, təsvir – ideya
vermək
caiz
deyil:
Vətəni,
torpağı
əlacsızlaşdırmaq olmaz, – belə məntiq ideya-
estetik cəhətdən qüsurlu görünür.
107
108
Şeirimizin
poetik
ənənələrinə
münasibətdə
adiliyin ifadəsində bənzərsizliklər çox olur. Bunu
əsasən şairin metafora və təşbehləri yaradır:
Sən uzaq diyarda rəngi boğulmuş
İçinə tökülmüş termos kimisən.
Sənin ürək kimi sıxılmağın var!..
Səni qarsalayıb bu soyuq, bu qar
Bizim soyuqlarda gözəldin, ey nar.
P.Qəlbinur bəlkə də poeziyamızda ilk dəfədir
ki, bir misradan ibarət olan şeir yazır. Onun ən
kiçik miniatür şeirləri belə metafora – təşbeh
üstündədir.
P.Qəlbinur
təsvirlərində
təşbeh
eyhamdan, işarədən sərf-nəzər deyil. Eyhamdan
isə bir qayda olaraq mənalandırılmış fikir və
düşüncə yükü ötürülür. Bəlkə belə deyil? Baxın:
Bülbül qonur ürəyimə – dimdiyi qan!..
P.Qəlbinur
psixoloji
halın
hər
dəfə
təkrarsızlığını poetikləşdirir. O, ömür yolundakı
ağlı-qaralığı tamamilə orijinal obrazda verir.
“İşığın kölgəsi” şeirində gecikən eşq “gözü
kölgəli” – təşbehi ilə təzəlik tapıb:
İçimdə bir işıq yanır elə bil,
İşığın kölgəsi düşür gözümə.
Gecikən eşqimdi gözü kölgəli
Günahkar olmuşam özüm-özümə.
Şairin təsvirlərində əyanilik bir qayda olaraq
orijinal təşbehdə, metaforada yaradılır.
109
Yağış yağır...
Gölməçələr
Yanıb-sönən göz-göz olur.
P.Qəlbinur hərdən ifratlara da varır. Təşbehləri
yerində olmur:
Bu gecə yuxuda çörək görürdüm –
Əllərin çörəkdi, isti, ətirli.
Öpməli, and içməli!
Bir yol gördüm – “Qıl körpümdü”.
Taleyim ordan keçməli.
Bizcə, əlin çörəyə qiyas edilməsi o qədər də
caiz deyil. Bu, nə qədər şərtiliklə verilsə belə,
poetik strukturda yerini ala bilməmişdir.
Şeirdə obyekt çörək olduğu halda, uzaşıb
bənzədiləndən danışılır (əllər). Taleyin yalnız
əldən (qadın əlindən) ötürülməsi nə qədər caizdir?
Əlbəttə, şair başa düşüləndir, onun poetik fikri,
düşüncəsi və emosiyası da aydındır. Ancaq
məqsədin ifadəsi, təzahürü bir tərəflidir (taleyin
yalnız qadın əlindən asılılığı – ?).
P.Qəlbinuun təşbehləri çox halda metaforalarla
bir yerdə olur, yəni poetik lövhələr, əsasən, iki
təsvir vasitəsinin birikməsi ilə yaranır. Lakin şair
yalnız metaforalar hesabına da təsvirlər yaradır və
poetik düşüncəni mənalandırır. Bəzən mövzu
metafora
ilə
başlayıb
qapanır,
poetik
mənalandırma, “köçürülmə” hesabına təmin
olunur:
110
Fəxri qarovulda dayanıb
Bürküdə yarpaqlar
Şəhidlər xiyabanında...
Şair şəhidlər xiyabanının müqəddəsliyini ifadə
etmək üçün keşikçi əsgər ilə yarpaqlar arasında
bir oxşarlıq aramış, “əsgər”ə aid olanı “yarpaqlar”
üzərinə
köçürmüş
və
poetik
mənanı
qüvvətləndirmişdir.
P.Qəlbinur
psixoloji,
mücərrəd
olana
predmetləşdirmə, təcəssüm, şəxsləndirmə görümü
verməklə obraz-metafora da yaratmışdır. Məsələn:
Mənim günahlarım özümdən gözəl,
Özümdən vəfalı çıxdılar Allah!..
Şair bircə misra ilə də sevgi, məhəbbət
ehtizazını ifadə edə bilir. Pəncərədə işıq yanır və
lirik “Mən”in gecəsinə od düşür. Bu, köçürmənin
– metaforanın emosional vəcdidir:
Sənin pəncərəndən od alıb gecəm...
Yaxud:
Mənim yuxularımda suda aysan sən...
P.Qəlbinur hətta etnoqrafik təsvirlər də
yaradır.
Fikrin
(emosiyanın)
rəngi
olur
təsvirlərində: