111
Mənli günlərini sıxma gözünə...
* * *
Sözüm tumurcuq tutub
o bahar nəfəsindən...
Yaxud:
O tər bənövşəlik
üzməyənindir...
P.Qəlbinur
poeziyasında
təşbehin
“yetişməsi”nin bədii dil xüsusiyyətləri var. Onun
təşbehləri
çeşid-çeşid,
rəng-rəngdir.
Demək
olarmı ki, aşağıdakı təşbeh örtülü və ya açıq
təşbehdir? Belə təşbehlərin poetik duyumu,
özgünlüyü var:
Sən yadıma düşəndə
Xəzər boyda nanəliyim
Həzin-həzin titrəyir...
Yaxud:
Bir qanad çaşır kimi
Yuxuma girir uşaqlığım...
P.Qəlbinur metaforadan da geniş istifadə
etmiş,
onun
əlvan
poetik
nümunələrini
yaratmışdır.
Şair
metafora
yeniliyini
gözlənilməzliklərdən, fəqət mümkün, təbii ola
bilənlərdən yaradır və onun poetik sintaksisində
sintaqmlar (söz birləşmələri, ismi birləşmələr)
yeni görünür:
112
Uzun gecələrimdə
Qaranlığın ətrisən,
Sükutun səsi.
“Ay gecəyə hicran sıxır” şeirində təşbeh və
metafora əvəzlənəndir. Təşbeh və metaforada
qiymətləndirmə və dəyərləndirmənin ifadəsinə aid
bir nümunə:
Yarpaqların titrəyişi –
Bir şəlalə yaraşığı.
(Qovur, qovur qaranlığı)
Ay işığı.
Yerə düşüb çay bir gümüş kəmər kimi...
Dağlar çimir, köynəyində işıldaquş düymələri.
Ay gecəyə hicran sıxır:
Qızılgülün qönçələri –
Çarpan ürək.
Ancaq onu
Sevməyənlər görməyəcək.
Görməyəcək,
Ay gecəyə hicran sıxır...
Künc-bucaqda
Dizin-dizin sürünməkdən
Qaranlığın dili çıxır
Ay gecəyə hicran sıxır...
Metaforalar təkrirlər və epiforalar hesabına
mətnə sürəklilik gətirir:
İşıqlar içimnən keçib gedirlər,
İnsanlar ruhumnan içib gedirlər,
113
Gedir, yollar gedir, çaylar gedirlər,
Anlar, dəqiqələr, aylar gedirlər...
Günəş batan yerə, nərgizlər yatan yerə...
Bu nə kor karvanı, bu nə kəcavə?!
P.Qəlbinur şeirlərində epitet – metafora –
örtülü təşbeh birliyindən də danışmaq olar:
Yellənir Qalaylı Qayalar çayda.
Şair nəzərində Qalaylı Qayalar – əslində
parlaq dalğalardır, dağ kimi oynayır. Dağ olub
oynayır dəryada.
Şairin xitablı metaforalarına bir nümunə.
Ayanına müraciətlə:
Gəl ürək, gəl görək, gəl boynuma min.
Ürəyim boynumda
dünyanı gəzək.
P.Qəlbinurun şeirlərində satirik çalar nə zaman
üzə çıxır? Özü ilə mühit arasında təzadda. Şairin
poeziyasında psixoloji təzadla bərabər, özü ilə
mühit arasında olan təzad da vardır. Sənətkarın
bədxahları ilə “dialoqu”, daxili “monoloqu”
başlayanda intonasiya dəyişir. “Pıçıltı” ilə danışan
P.Qəlbinur səsini qaldırır, düşmən tərəfə aman
vermək istəmir. “Ay nuru kimi” şeirindən:
Qurd kimi yalnızam, şir kimi güclü!
Sən mənim yoluma çıxa bilməzsən.
Sən deyən deyiləm; sən olammaram –
Pul kimi hamının xoşuna gələm...
114
P.Qəlbinurun etiraflarında M.Yaqubun istiliyi,
səmimiyyəti var. Çünki belə etirafların müncəri,
əyarı lirik “Mən”in daxili təzad keyfiyyətini üzə
çıxaran təbiətin özüdür, ona aid olanlardır:
Mənim bir az – gülnən yaxınlığım var,
Mənim bir az – aynan yaxınlığım var.
Ayın nurundan çox üzdə həyam var,
Kürün suyundan çox ilham payım var.
P.Qəlbinurun işlətdiyi poetik vasitələrindən
biri
təzaddır. Bədii təzad onun poeziyasının həm
mətn-strukturunda, həm də sətiriçi, sətiraltı ifadə
vasitəsi kimi özünü təzahür etdirir. Şairin istifadə
etdiyi təzadlar obyektiv, obyektlə subyektarası,
habelə, obyektin doğurduğu psixoloji təzadlar
kimi ifadə olunur. Təzad şairin poeziyasında
güclü poetik fiqurdur. Ümumən P.Qəlbinur poetik
mətni təzadlar, daha çox psixoloji təzadlar
üzərində qurmağı təbii görür. Hesab edir ki, insan
ömrü bu qədər ki, təzadların ağuşunda qövr edir,
deməli, onun bədii-fəlsəfi də daha çox təbii
olmalıdır. Bu baxımdan P.Qəlbinurun təzadları
obyektlə obyekt və ya obyektlə subyekt arasında
nisbətdə azlıq təşkil edir. Onun təzadları daha çox
subyektlə
subyektin
əksliyinə
əsaslanan
təzadlardır. Yəni sənətkar əsasən, özünü ifadə
etdiyindən lirik “Mən”lə lirik “öz”ü arasındakı
təzadları daha qabarıq əks etdirir. Bunlar psixoloji
– fikir və düşüncənin emosiya ağuşunda ifadəsi,
bərqi olan təzadlardır. “Mən ağ işığam” şeiri
başdan-başa təzad üzərində qurulmuş şeirdir.
115
Mövzu məhəbbətdir, obraz işıqdır, subyekt lirik
“Mən”dir! Şair təzadı hissin, emosiyanın təzadı
kimi yox, fikir və düşüncənin fəlsəfəsi kimi
qavrayır, onun fəlsəfi fikrin dərkində isə həmişə
bir ağrı, bir iztirab olur:
Mən indi hər yandan görünürəmsə,
Səni mən görürdüm,
İndi görmürəm.
sındırdın sən məni, bilmədin ancaq
mən ağ işığam.
P.Qəlbinurun bədii üslubunda bəzən bir sözün
və ya sintaqmın (söz birləşməsinin) altında belə
metafora – antonim, geniş bir məzmunu
gücləndirən emosiya, işıq, həyəcan, təəssürat,
xəyal işarır. Baxın: “Çiçəklər, çiçəklər içsin
səsimi”, “Sənin gözlərinin dərinliyi” kimi deyim
bənzərsizlikləri mətn boyu şeiri süsləyir, işığı,
boyanı artırır, emosiya, intonasiya rənglərini
çoxaldır, təravətli edir.
Bu yol taleyinin yol şəhərində
Tufan döyəcləyir, didir içimi.
Başıma yağışlar, yağışlar yağır,
Yağışa qarışıb qarğışlar yağır.
Ayaqlarım ağır, qollarım ağır,
Bu necə göldür ki, bal dadır.
Çiçəklər, çiçəklər içsin səsimi.
Sənin gözlərinin dərinliyində
Ölürəm...
(“Dünya ətir gölündə”)
116
P.Qəlbinurun təzadlarında bəzən şeirin adı çox
işıqlı (“Dünya ətir gölündə”) olur, mətn-məzmun
isə həsrət, kədər, onun şirin yaşamından hasil
olur:
Dənizdən boylanan mavi gözlərin,
Həsrəti gözümnən axır dənizə
Göydən ulduzumuz baxsa da bizə
Biz ki, baxammırıq...
Yerdə göz-gözə.
(“Mən səndən ayrıla bilsəm”)
Yaxud:
Üşüyürsə
ağ ayının balası,
Qışda gülə de
dərdini...
Belə nümunələrdəki təzadlar bədii paralellər,
bərabər sürətli misralar üzərində qurulub.
P.Qəlbinurun
şair
“Mən”i
psixoloji
sarsıntılarını, əzablarını içdən “oxuyur”; halının
tərcümanlığını hər an yeni obrazda – təsvir və
ifadə məcazlarında, o qədər sadə, səmimi verir ki,
heyrət etməyə bilmirsən. P.Qəlbinur poeziyasında
publisistika imkanlarının özü belə şeirlərin poetik
dərki üçün açılış verir:
Sənsiz qalsam,
qolları kəsilmiş fədai kimi
yuxularımdan qan sızar