25
Deyirlər ki,
Ucaboylu Burla xatun,
Qorqud babam
Sənə
Bu gün mənə deyiləsi
Söz tapşırıb.
Nəsil-nəslə
Min illərlə qurtarmayan
Dağ tapşırıb, duz tapşırıb.
Bəzən
məramını,
məqsədini
ayrı-ayrı
düşüncələrdə ifadə edən şair, bəzən də birbaşa
hədəf götürür. Bayatı formalı şeirdə siyasi
düşüncəni, milli birlik ideyası, çağırışı aşılayır:
Qızılda ətim dayanmır,
Sümükdə itim dayanmır
Bölünənlər bir oldular
Niyə millətim oyanmır?!
P.Qəlbinur poeziyasında da Araz ayrılmaların
obrazı olaraq mənalandırılır. “Xəyalımda yallı
getdi dağlarımız” şeirində Arazın poetik fikir
baxımından ifadəsi orijinaldır:
Dağlar – əzəmət, qürur – millət qüruru
Araz – gözümün işıq çəkən damarında itən...çay...
İşıq aydınlıq, sərhəddir – Arazı itirəndir. İdeya
belədir:
Bax, indicə
Xəyalımda yallı getdi dağlarımız,
Araz boyu,
Tikan-tikan məftilləri
26
Xıncım-xıncım elədi
Yallı getdi dağlarımız
Araz boyu...
Ciyərimin cadar-cadar təşnəsindən
Axıb-axıb getdin, Araz
Gözlərimin işıq çəkən
Damarında itdin, Araz...
Sənətkarın “Üç alma” şeirində Araz – sərhəd
ayrılığı şairin lirik qəhrəmanını səbrsiz edir, nəfəsi
çatmır ki, ayrılığa dözsün:
Üç alma düşəydi göydən, üç alma,
Biri bu tayına düşüb bitəydi,
Biri o tayına düşüb itəydi.
Alma daşınaydı Xüdafərindən
Almalar Araza düşüb itəydi
Almalar Araza batıb çıxaydı.
İldırım çaxaydı, şimşək çaxaydı
Göylərin bağrından Araz axaydı.
Üç alma düşəydi, göydən üç alma
Mənim Araz arzum,
Araz muradım
Gözümdə qalma sən, gözümdə qalma.
P.Qəlbinur Vətən obrazında İnsan görür,
İnsanda
Məhəbbət,
Məhəbbətdə
Gözəllik,
gözəllikdə Azadlıq görür. Fikrət Sadıq yaxşı
yazır: “İnsan – insan olandan insan olmaq
bəşəriyyətin ən ülvi arzusu olub bu! Yalnız
İnsanlıq olan yerdə həyat var. Həyat olan yerdə
Məhəbbət var. Bu üçü bir olan yerdə də Gözəllik
27
var. Bu dördü birləşəndə Azadlıq da gərəkdir ki,
bir ömür yaşana!”
1
. “Azadlıq deyirəm” şeirində
Azadlığın nisbi həqiqət meyarları, psixoloji
dəyərləri ifadə olunur. Azadlıq – həsrət ideyası
Durna simvolu ilə mənalandırılır. Şeir başdan-
başa
assosiasiyalar
üzərində
qurulmuşdur.
Psixoloji ağrı, əzab şeiri təhkiyə boyu bürüyür –
şair
əzab
çəkir.
Təkrarsız
təşbehlərdən,
eyhamlardan, əyaniliyin epik nüvəsindən çıxış
edən şair mücərrəd, fərdi Azadlıq İnsanını
psixoloji, hissi-emosional olaraq əyaniləşdirir.
Şair Vətənin maddi nemətlərinin onun özü üçün
həm də bir bəla olduğunu, varından həm də əzab
çəkdiyini anlamaq dərdi ilə ifadə edir. Fərdi
əzabları ilə üz-üzə, göz-gözə qalan, etiraflarında
didilib-parçalanan lirik “Mən” bəzən sustalır,
qovrula-qovrula qalır, yalnız “sətiraltı, sözaltı
eyhamlarla, sinekdoxalarla, metonimiyalarla –
azadlıq əleyhdarlarını qarğımaqla təsəlli tapır.
İnsan özünün fiziki gücü ilə deyil, daxili ahları-
amanlarıyla soyumaq istəyir:
Azadlıq! – deyirəm,
Hər ayıma yüz ... verib
Minə!!!
Əyin satan dilbazlar.
Əsəbimdə yallı gedən
Kəndirbazlar,
Saqqallılar, dazlar...
1
Fi kr ət Sadı q / Alt ay M əmm ədov. Q əlbi nur poezi yası XXI əs r i n
ast anası nda. Bakı: “G əncli k ”, 1999, s. 210
28
Sizə mənim gücüm çatmır,
Ahım çatar!..
Təəssüf ki, bəzən Paşa tam ciddi, özü də əzabı
ilə olanı mətləbi elə sonluqla qurtarır ki, buna
təəssüflənirsən, acığın da tutur ki, niyə belə poetik
şeiri zəif sonluqla qurtarır? Bilmirəm.
Eheyy!!!
“Göydən gələn beş durnalar”,
Alın mənim bu naləmi.
Alın mənim bu naməmi –
Ötürün göylər tərəfə,
Ötürün göylər tərəfə.
Qayıdıb çatar hədəfə
Ya “nehrədə”,
Ya “nimçədə”...
Paşa Qəlbinur “Hörümçək torunda can verən
cücü”, “Sən buda”, “Qeybdən səslər” şeirlərini
azadlıq mövzusunda yazmışdır. “Sən buda”
şeirində
azadlıq
düşmənləri
“nəmənələr”
adlandırılır. Allaha xitab P.Qəlbinurda bir forma-
məzmun yetərliyidir. Lirik “Mən”in Allaha etiqadı
həmişə onun natamam olmasından boy verir,
“bəlkə bizi sən budasan göyərə bilək, ilahi” –
deyir. Lirik “Mən” hər dəfə Allahı ilə olanda
tamlaşır.
Azadlığın
doğurduğu
assosiasiya
P.Qəlbinurda belədir:
“Azadlıq” – deyəndə
Yeddi yerdən
29
30
dodağımız çatladı...
Azadlığa çatanda
Yerinə duz səpdilər...
Yetmiş il yağı yığdılar
ağı qaldı.
Müşfiqlərdən, Cavidlərdən
Göz dağı qaldı...
Şair Azadlıq obrazını “Hörümçək torunda can
verən cücü” şeirində də orijinal ifadə edir:
Hörümçək torunda can verən cücü,
Sənin azadlığın mənim əlimdə
Bir su içimi...
Hörümçək başının üstünü alıb,
Mənim taleyimsə bir özgəsinin
Bircə imzasından asılı qalıb...
Həmişə konkret, predmetli təsvir yolu götürən
sənətkar “Gecə gözlərimdə böyüyüb mənim”
şeirində
poetik-publisistik
biçimlə
azadlığın
ümumi bədii obrazını canlandırır:
“Azadlıq qovulub, xəstəlik qalıb”,
Müstəmləkə sözü – cövhəri ləkə.
Ləkə poladlaşıb, lövbərin salıb
Oğullar gərəkdi süngünü çəkə,
Çəkə bu süngünü, bağrımdan çəkə,
Babamız qızılı duza dəyişib,
Siz mənim qan axan yaralarıma
Duz səpin Azadlıq göyərdi bəlkə?!