207
xoşa gəlməyən rəqəmlər səsləndiririk. Hər rübdən-rübə, ildən-ilə,
xüsusilə son bir neçə il ərzində Azərbaycanda ümumi sənaye
istehsalı azalır. Bu vaxta qədər biz bunu, sadəcə olaraq, statistik
göstərici kimi ifadə edirdik. Daha bunun izahatı ilə biz, demək olar
ki, məşğul olmurduq. Hesab edirdik ki, bu, müvəqqəti prosesdir,
müvəqqəti məsələdir və bu məsələ öz həllini tapacaqdır, sənaye
istehsalı nəinki azalacaq, əksinə, artacaqdır. 9 ayın göstəriciləri isə
onu göstərir ki, Azərbaycanda ümumi sənaye istehsalı 3,5 faiz
azalmışdır. Ancaq qeyri-neft sənayemiz 7,7 faiz artmışdır. Bir
tərəfdən, bu yenə də bizim iqtisadi və sənaye sahələrində
apardığımız islahatların məntiqi nəticəsidir. Çünki ölkəmizdə geniş
sənayeləşmə prosesi gedir. Bir neçə il bundan əvvəl mənim
tərəfimdən bu məsələ ilə bağlı konkret tapşırıqlar verilmişdir və biz
bu tapşırıqların gözəl nəticələrini görürük. 7,7 faiz artan qeyri-neft
sənayemiz böyük nailiyyətdir. Ancaq neft sənayesinin xeyli
dərəcədə aşağı düşməsi bizi, əlbəttə ki, narahat edir. Bu proses –
yəni azalma, bu sahədə yaşanan tənəzzül bilavasitə neftin hasilatı
ilə bağlıdır. Burada biz məsələni 2 yerə bölməliyik. Çünki Azər-
baycanda neftin hasilatı ilə Azərbaycan Dövlət Neft Şirkəti
məşğuldur və 1994-cü ildə «Azəri», «Çıraq» yataqları üzrə
bağlanmış kontrakt əsasında beynəlxalq konsorsium – Azərbaycan
Beynəlxalq Əməliyyat Şirkəti yaradılmışdır, operator məhz Azər-
baycan Beynəlxalq Əməliyyat Şirkəti idi. Ondan sonrakı
mərhələlərdə o konsorsiuma daxil olan şirkətlər arasında birləşmə
prosesi getdiyi üçün operator funksiyaları bp şirkətinə həvalə edil-
mişdir.
O vaxtdan bu günə qədər neft strategiyamızın icrası
sahəsində çox böyük uğurlar əldə edilmişdir.
Biz haqlı olaraq neft strategiyamızla fəxr edirik. Çünki
Azərbaycanın uğurlu iqtisadi inkişafı, siyasi çəkisinin artması
və dünya proseslərində fəal iştirakı ölkəmizin iqtisadi imkanları
ilə bilavasitə bağlı məsələdir. İqtisadi imkanları bizə neft
strategiyamız yaratmışdır. O da həqiqətdir ki, biz bu
imkanlardan bəzi başqa ölkələrdən fərqli olaraq səmərəli
şəkildə istifadə etdik – neft kapitalını qeyri-neft sektorunun
208
inkişafına yönəltdik. Beləliklə, infrastruktur layihələrinin icrası
və digər iqtisadi islahatlar əslində imkan verdi ki, biz bugünkü
reallıqlar haqqında xalqa qürur hissi ilə danışa bilək. Ancaq
konsorsium tərəfindən buraxılan kobud səhvlər ucbatından son
illər ərzində «Azəri», «Çıraq» yataqlarında neft hasilatı kəskin
şəkildə aşağı düşməyə başlamışdır. Bu, birinci il deyil ki, neft
hasilatı aşağı düşür. Neft sənayesində çalışanlar, neft
mütəxəssisləri bilirlər ki, hər bir neft yatağının bir ömrü vardır.
Hasilat artır, pik zirvəsinə çatır, sonra müəyyən illər ərzində
sabit qalır, ondan sonra tənəzzül başlayır. Bu proses hər bir neft
mütəxəssisi üçün çox tanış olan məsələdir. Söhbət ondan getmir
ki, biz pik səviyyəsinə çatdıq və ondan sonra, necə deyərlər,
tənəzzül prosesləri yaşanır. Söhbət ondan gedir ki, verilən
proqnozlar yerinə yetirilmir. Onu da deyə bilərəm ki, «Azəri»,
«Çıraq» neft yataqları üzrə kontrakt pay bölgüsü əsasında
imzalanmışdır. İlkin mərhələlərdə payların bölgüsü bir qədər
fərqli idi. Çünki böyük investisiyalar qoyulurdu, xarici
investorların payı daha da böyük idi – təxminən 75–25 faiz
xaricilərin xeyrinə, əgər belə demək mümkünsə. Onlar öz
investisiyalarını qaytardıqdan sonra pay bölgüsü dəyişməyə
başlamışdır – 50-nin-50-yə səviyyəsində bölünürdü. 2008-ci ilin
ortalarında artıq «Azəri», «Çıraq» neft yataqlarının səmə-
rəliliyini və kontrakt şərtlərini nəzərə alaraq bu pay bölgüsü
Azərbaycanın xeyrinə dəyişmiş və hazırda – 2008-ci ilin
ortalarından bu günə qədər 75–25 faiz təşkil edir. Hasil edilən
mənfəət neftinin 75 faizi Azərbaycanın payına düşür. Bir daha
demək istəyirəm ki, kontrakt şərtləri əsasında bu pay
bölgüsündə dəyişiklik baş verdikdən sonra «Azəri», «Çıraq»
neft yataqlarında neftin hasilatı nədənsə azalmağa başlamışdır.
Sözlərimə konkret rəqəmlər əlavə etmək istəyirəm. Belə ki,
2009-cu ildə «Azəri», «Çıraq» yataqlarında bizə verilən hasilat
proqnozu 46,8 milyon ton idi. Faktiki isə 40,3 milyon ton
səviyyəsində neft hasil edilmişdir. 2010-cu ildə proqnoz 42,1
milyon ton idi, fakt 40,6 milyon ton olmuşdur. 2011-ci ildə
proqnoz 40,2 milyon idi, real hasilat isə 36 milyon. 2012-ci ildə
209
verilmiş proqnoz 35,6 milyon tondur. İndiki hasilatı nəzərə
alaraq belə təxmin etmək olar ki, ilin sonuna qədər bp «Azəri»,
«Çıraq» yataqlarından 33 milyon tondan artıq neft hasil edə
bilməyəcəkdir.
Bu rəqəmləri toplayaraq və neftin qiymətini 100 dollar
səviyyəsində götürərək – halbuki bu illər ərzində daha yüksək
idi – hesablasaq görərik ki, Azərbaycanın bilavasitə əldə
edilməmiş gəliri 8,1 milyard dollardır. Bu reallıqdır. Kiçik bir
statistik rəqəmin arxasında bu reallıq dayanır. Ona görə ildən-
ilə, aydan-aya, rübdən-rübə neft sənayesində istehsalın düşməsi
bu vəziyyətin məntiqi nəticəsidir.
Onu da deyə bilərəm və mən artıq bu barədə qeyd etdim ki,
«Azəri», «Çıraq» neft yataqlarına böyük investisiyalar
qoyulmuşdur. Biz buna görə bütün investorlara minnətdarıq və
yenə də deyirəm, bu investisiyalar bizə imkan verdi ki, bu gün
Azərbaycan dünya miqyasında ən sürətlə inkişaf edən
ölkələrdən biridir. Ancaq istəyirəm ictimaiyyət onu da bilsin ki,
bu investisiyalar xeyriyyəçilik funksiyalarını daşımırdı. Bu, sırf
biznes layihədir. Yenə də bir neçə rəqəmi səsləndirmək
istəyirəm. «Azəri», «Çıraq» neft yataqlarına əvvəldən bu günə
qədər bp-nin rəhbərlik etdiyi konsorsium tərəfindən 28,7
milyard dollar investisiya qoyulmuşdur. Bu günə qədər
konsorsium 73 milyard gəlir götürmüşdür. Böyük mənfəət əldə
edilmişdir. Bu mənfəət kontraktın şərtləri əsasında mümkün
olmuşdur. Azərbaycan tərəfi də böyük mənfəət götürmüşdür.
Bu gün bizim 45 milyard səviyyəsində olan valyuta
ehtiyatlarımızın böyük hissəsi Neft Fondunun vəsaitidir. Nə
qədər vəsait də son 12 il ərzində xərclənmişdir. Dövlət Neft
Fondu 1999-cu ilin sonunda – dekabr ayında yaradılmışdır. O
vaxtdan bu günə qədər ölkə iqtisadiyyatına qoyulan vəsaitin,
infrastruktur layihələrinə, məktəblərin, yolların tikintisinə,
abadlıq işlərinə qoyulan investisiyaların əsas mənbəyi bizim
neft sənayemizdir. Ona görə bu, sırf kommersiya layihəsidir.
Hesab edirəm ki, bütün vədlər, verilən proqnozlar yerinə
yetirilməlidir. Qeyd etməliyəm ki, gözlənilməyən bu tənəzzül
Dostları ilə paylaş: |