200
V e t e r a n: Keçən il mayın 6-da Sizin buraya gəlişiniz
bizim üçün çox uğurlu, gözəl gün oldu. İnanın, biz Sizi görəndə
elə bilirik ki, bütün dünyanı bizə bəxş edirsiniz. Sizin 155
dövlət tərəfindən dəstək almağınız, cənab Prezident, Sizin
şəxsinizdə bütün Azərbaycan xalqına verilən qiymətdir. Keçən
il öz əllərinizlə mənə verdiyiniz «Tərəqqi» medalına görə Sizə
minnətdarlıq edirəm.
Mən əzizimiz Mehriban xanıma, Leyla xanıma da Allahdan
cansağlığı arzulayıram. Çünki onlar da Azərbaycanın bütün
dünyada tanıdılmasında böyük işlər görürlər.
201
MEKSİKA BİRLƏŞMİŞ ŞTATLARI KONQRESİ
DEPUTATLAR PALATASININ BEYNƏLXALQ
ƏLAQƏLƏR KOMİTƏSİNİN SƏDRİ PORFİRİO
MUNYOZ LEDO İLƏ GÖRÜŞ
Prezident sarayı
8 oktyabr 2012-ci il
Azərbaycan Respublikasının Prezidenti İlham Əliyev
oktyabrın 8-də Meksika Birləşmiş Ştatları Konqresi Deputatlar
Palatasının beynəlxalq əlaqələr komitəsinin sədri Porfirio
Munyoz Ledonu qəbul etmişdir.
Dövlətimizin başçısı Azərbaycan ilə Meksika arasında
ikitərəfli əlaqələrin yüksək səviyyədə olmasından məmnunlu-
ğunu ifadə etdi. Son illərdə əməkdaşlığımızın sürətlə inkişaf
etdiyini qeyd edən prezident İlham Əliyev ölkələrimizin beynəl-
xalq təşkilatlar çərçivəsində fəal əməkdaşlıq etdiyini bildirdi.
Dövlətimizin başçısı Azərbaycan ilə Meksika arasında iqtisadi
və mədəni əlaqələrin daha da genişləndirilməsi üçün yaxşı
imkanların olduğunu dedi. Porfirio Munyoz Ledonun
Azərbaycana səfərinin əhəmiyyətini qeyd edən prezident İlham
Əliyev ikitərəfli münasibətlərimizin inkişafında parlamentlər-
arası əlaqələrin önəmini vurğuladı.
Prezident İlham Əliyev ilə hələ Avropa Şurası Parlament
Assambleyasında tanış olduğunu xatırladan Meksika Birləşmiş
Ştatları Konqresi Deputatlar Palatasının beynəlxalq əlaqələr
komitəsinin sədri Porfirio Munyoz Ledo Azərbaycana
səfərindən məmnunluğunu ifadə etdi. O, ölkəmizdə gedən
yüksək inkişaf proseslərinin onda böyük təəssürat yaratdığını
dedi.
202
VENESUELA BOLİVAR RESPUBLİKASININ
PREZİDENTİ ZATİ-ALİLƏRİ
CƏNAB UQO RAFAEL ÇAVES FRİASA
Hörmətli cənab Prezident!
Venesuela Bolivar Respublikasının Prezidenti vəzifəsinə
yenidən seçilməyiniz münasibətilə Sizi təbrik edirəm.
Ümidvaram ki, Azərbaycan ilə Venesuela arasındakı
münasibətlər xalqlarımızın mənafelərinə uyğun olaraq dostluq
və əməkdaşlıq məcrasında inkişaf edəcəkdir.
Sizə möhkəm cansağlığı, xoşbəxtlik, dost Venesuela xal-
qının rifahı naminə fəaliyyətinizdə uğurlar diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 9 oktyabr 2012-ci il
203
DÜNYA BANKININ CƏNUBİ QAFQAZ ÜZRƏ
REGİONAL DİREKTORU HENRİ KERALİ
İLƏ GÖRÜŞ
Prezident sarayı
9 oktyabr 2012-ci il
Azərbaycan Respublikasının Prezidenti İlham Əliyev
oktyabrın 9-da Dünya Bankının Cənubi Qafqaz üzrə regional
direktoru Henri Keralini qəbul etmişdir.
Görüşdə Azərbaycan ilə Dünya Bankı arasında 20 illik
əlaqələrin inkişafından məmnunluq ifadə edildi, ölkəmizlə
əməkdaşlığın böyük potensiala malik olduğu və Dünya Bankının
bu əməkdaşlığı daha da dərinləşdirilməkdə maraqlı olduğu
vurğulandı, Azərbaycanın əldə etdiyi yüksək iqtisadi uğurların
önəmi qeyd edildi.
Görüşdə, həmçinin infrastruktur, bərpa olunan enerji, içməli
su təminatı, su ehtiyatları və suvarma sistemləri, Xəzər
dənizindən suvarma məqsədi ilə istifadə, müasir texnologiyaya
əsaslanan kənd təsərrüfatı müəssisələrinin yaradılması, yerlər-
də sahibkarlığın inkişafına dəstək, iqtisadiyyatın şaxələndiril-
məsi, bir sıra sahələrdə islahatların davam etdirilməsi və
Azərbaycanın prioritet hesab etdiyi digər istiqamətlərdə əmək-
daşlığın daha da genişləndirilməsi ilə bağlı məsələlər ətrafında
fikir mübadiləsi aparıldı.