ƏLLİ ÜÇÜNCÜ Kİtab ————— sentyabr 2012 oktyabr 2012
ABŞ DÖVLƏT KATİBİNİN AVROPA VƏ
Yüklə 3,06 Mb. Pdf görüntüsü
|
252
ABŞ DÖVLƏT KATİBİNİN AVROPA VƏ AVRASİYA MƏSƏLƏLƏRİ ÜZRƏ MÜŞAVİRİ ERİK RUBİNİN BAŞÇILIQ ETDİYİ NÜMAYƏNDƏ HEYƏTİ İLƏ GÖRÜŞ
13 oktyabr 2012-ci il Azərbaycan Respublikasının Prezidenti İlham Əliyev oktyabrın 13-də ABŞ Dövlət katibinin Avropa və Avrasiya məsələləri üzrə müşaviri Erik Rubinin başçılıq etdiyi nüma- yəndə heyətini qəbul etmişdir. Görüşdə Azərbaycan Respublikası ilə Amerika Birləşmiş Ştatları arasında ikitərəfli münasibətlərin müxtəlif sahələrdə inkişafından məmnunluq ifadə edildi, iqtisadi sahədə əlaqə- lərimizin daha da genişləndirilməsi üçün böyük imkanların olduğu vurğulandı. Görüşdə, həmçinin ölkələrimiz arasında enerji sahəsində yüksək səviyyəli əməkdaşlığın önəmi qeyd olundu, Ermənistan– Azərbaycan, Dağlıq Qarabağ münaqişəsinin nizama salınması ilə bağlı danışıqların hazırkı vəziyyəti və digər məsələlər ətrafında fikir mübadiləsi aparıldı.
253
UEFA-nın PREZİDENTİ MİŞEL PLATİNİ İLƏ GÖRÜŞ
13 oktyabr 2012-ci il
oktyabrın 13-də UEFA-nın prezidenti Mişel Platinini qəbul etmişdir. Görüşdə FİFA U-17 qadınlararası futbol üzrə dünya çem- pionatının Azərbaycanda yüksək səviyyədə təşkil olunmasından məmnunluq ifadə edildi, yarışların ölkəmizdə böyük maraqla izlənildiyi bildirildi. Görüşdə, həmçinin Azərbaycanda idmanın bütün növlərinin, o cümlədən futbolun inkişaf etdirilməsi istiqamətində həyata keçirilən məqsədyönlü tədbirlərin önəmi vurğulandı.
254
FUTBOL ÜZRƏ «FIFA U-17 QADINLARARASI DÜNYA ÇEMPİONATI AZƏRBAYCAN–2012»nin FİNAL OYUNUNDA İŞTİRAK
13 oktyabr 2012-ci il
Bakıda Tofiq Bəhramov adına Respublika stadionunda futbol üzrə «FIFA U-17 qadınlararası dünya çempionatı Azərbaycan– 2012»nin final oyununa baxmışdır. Finalda Fransanın və Koreya Xalq Demokratik Respublikasının komandaları qarşı- laşmışdı. Avropa Futbol Federasiyaları Assosiasiyasının prezidenti Mişel Platini, FIFA İcraiyyə Komitəsinin üzvü Lydia Nsekera, beynəlxalq və milli futbol qurumlarının rəhbərləri də final oyununu izləmişlər. Mundialda Fransa komandası qalib gəldi. Həlledici oyunun əsas hissəsi komandaların bərabərliyi (1:1) ilə başa çatdı. Oyundan sonrakı penalti zərbələrini daha dəqiq yerinə yetirən (7:6) Fransa futbolçuları «FIFA U-17 qadınlararası dünya çempionatı Azərbaycan–2012»nin kubo- kuna sahib oldu. Sonra təntənəli mükafatlandırma mərasimi keçirildi. Əvvəlcə final oyununun hakimləri mükafatlandırıldılar. «Fair play» – ədalətli oyun mükafatına Yaponiya komandası layiq görüldü. Daha sonra çempionatın ən məhsuldar futbolçusu, ən yaxşı qapıçısı və ən yaxşı oyunçusu mükafatlandırıldı. Çempionatı üçüncü yerdə başa vuran Qana millisinə bürünc medallar təqdim olundu. 255
Final oyununda məğlub olan Koreya Xalq Demokratik Respublikasının komandası gümüş medallarla mükafatlan- dırıldı. Mundialın qalibi Fransa yığmasına qızıl medallar və dünya çempionatının kuboku təqdim olundu. Mükafatları Azərbaycan prezidenti İlham Əliyev, UEFA-nın prezidenti Mişel Platini, FIFA İcraiyyə Komitəsinin üzvü Lydia Nsekera və başqaları təqdim etdilər. Mükafatlandırma mərasimindən sonra yaşıl meydançadakı səhnəyə çıxan dünya şöhrətli müğənni Şakiranı 27 min azarkeş hərarətlə qarşıladı. Bununla da Azərbaycanın ev sahibliyi etdiyi daha bir dünya çempionatı başa çatdı. Beynəlxalq yarışları keçirməkdə böyük təcrübəsi olan ölkəmizin tarixində ilk dəfə 17 yaşadək qadınlar arasında dünya çempionatı yüksək səviyyədə keçirildi. Bu, Azərbaycanda keçirilən ilk böyük FIFA tədbiri və Avrasiyada baş tutan ilk U-17 qadınlararası dünya çempionatı idi. Çem- pionatda Yaponiya, Koreya Xalq Demokratik Respublikası, Çin, Nigeriya, Qana, Qambiya, ABŞ, Kanada, Meksika, Braziliya, Uruqvay, Kolumbiya, Yeni Zelandiya, Fransa, Almaniya və ev sahibi Azərbaycanın milli komandaları birincilik uğrunda mübarizə aparmışlar. Dünya çempionatının oyunları paytaxt Bakı ilə yanaşı, Lənkəran şəhərində də keçirilmişdir. Çempionat üçün 5-i Bakıda, 1-i isə Lənkəranda olmaqla, 6 stadion ayrılmışdı. Bu stadionlardan 3-ü mundiala hazırlıq işləri çərçivəsində inşa olunmuşdur. Dünya çempionatının açılışı mərasimində iştirak edən FIFA- nın prezidenti Yozef Blatter və digər rəsmi qonaqlar mundialın yüksək səviyyədə təşkil olunduğunu dəfələrlə xüsusi vurğu- ladılar.
Yüklə 3,06 Mb. Dostları ilə paylaş:
|