ƏLLİ ÜÇÜNCÜ Kİtab ————— sentyabr 2012 oktyabr 2012
Yüklə 3,06 Mb. Pdf görüntüsü
|
249
xalqlarımızın dünya xəritəsində rolu və yeri barədə söhbət açmışıq. Məhz bizim milli ənənələrimizin qorunması, möhkəmləndirilməsi, bu ənənələrin gənc nəslə çatdırılması və xalqlarımızın mənəvi dəyərlərinin qorunması məsələsini tam qarşılıqlı anlaşma ruhunda müzakirə etmişik.
Hörmətli İlham Heydər oğlu! Hörmətli azərbaycanlı dostlarımız! Mən nümayəndə heyəti adından, burada iştirak edənlərin adından Sizə dediyiniz xoş sözlərə görə, ilk növbədə, bizim, hansı ki 1 il deyil, 1 əsr deyil, uzun müddət davam edən əməkdaşlığımıza, səmimi dostluğumuza verdiyiniz qiymətə görə ürəkdən təşəkkür etmək istəyirəm. 2008-ci ildə ölkəmizə səfərini məmnunluqla xatırladan prezident İslam Kərimov respublikamıza indiki səfəri zamanı Azərbaycanda daha böyük inkişafın şahidi olduğunu dedi. Özbəkistan dövlətinin başçısı respublikamızın paytaxtında sürətli inkişafın getdiyini, nəhəng tikinti, yenidənqurma və abadlıq işlərinin aparıldığını, Bakının daha da gözəlləşdiyini vurğuladı. Mən Sizi, Azərbaycanın liderini, bütün Azərbaycan rəhbərliyini və hamınızı, əziz dostlar – Siz bu cür müraciəti qəbul edirsinizsə, Sizə başqa cür müraciət edə bilmirəm – məncə, hələ Heydər Əliyev dövründə başlayan quruculuq prosesinin nəinki davam etməsi, artıq həm də yeni mərhələyə qədəm qoymuş inkişaf dinamikası münasibətilə təbrik etmək istəyirəm. Mən ötən əsrin 30-cu illərini xatırlatmaq istəyirəm. Həmin dövrdə kütləvi repressiyalar, terror, ədalətsizlik vaxtı 10 minlərlə azərbaycanlı Özbəkistanda sığınacaq tapdı. Qo- naqpərvər və dost özbək xalqı deportasiya olunanları özlərinin doğmaları kimi qəbul etdi, bir tikə çörəklərini onlarla bölüşdü. Bu gün onların övladları olan 40 mindən çox azərbaycanlı 250
ölkəmizin bir çox xalqları və millətləri ilə dinc yanaşı yaşayır, suveren Özbəkistanın inkişafına layiqli töhfələrini verirlər. Bu gün təkcə son illər ölkəmizin 27 azərbaycanlı nümayəndəsinin – alimlərin, müəllimlərin, inşaatçıların, hərbi xidmətçilərin, ümumxalq məhəbbəti qazanmış mədəniyyət və incəsənət xadimlərinin yüksək dövlət mükafatlarına və adlarına layiq görülməsi onların bizim cəmiyyətdə layiqli rol oynadıqlarına əyani sübutdur. Özbəkistan dövlətinin başçısı Azərbaycanın müasir tarixində ulu öndər Heydər Əliyevin müstəsna xidmətlərini xüsusi vurğuladı. Bu gün ildən-ilə yeni görkəm alan gözəl, bənzərsiz Bakını gəzərkən mən Azərbaycan xalqının görkəmli oğlu Heydər Əliyevə onun sadəcə, insani keyfiyyətlərinə, müdrikliyinə, uzaqgörənliyinə və güclü siyasi iradəsinə görə dərin ehtiramımı bildirmək istəyirəm. O, böyük həyat yolu keçmiş insan idi. Prezident İslam Kərimov Azərbaycan ilə Özbəkistan ara- sında iqtisadi və ticari əlaqələrin genişləndirilməsi üçün hər iki ölkənin böyük potensial imkanlara malik olduğunu dedi. Özbəkistan dövlətinin başçısı ölkələrimiz arasında ikitərəfli münasibətlərin inkişafı üçün yaxşı perspektivin olduğunu bildirdi və bundan sonra da əlaqələrimizin daha da möhkəm- lənəcəyinə əminliyini ifadə etdi.
251
DÖVLƏT BAYRAĞI MEYDANINI VƏ HEYDƏR ƏLİYEV MƏRKƏZİNİ ZİYARƏT
Azərbaycan Respublikasının Prezidenti İlham Əliyev və ölkəmizdə rəsmi səfərdə olan Özbəkistan Respublikasının Prezidenti İslam Kərimov oktyabrın 12-də Dövlət Bayrağı Meydanında olmuşlar. Sonra dövlət başçıları Heydər Əliyev Mərkəzinə gəldilər. Prezident İlham Əliyev dünya memarlığının nadir incilərindən sayılan Heydər Əliyev Mərkəzi barədə Özbəkistan dövlətinin başçısına məlumat verdi. Qeyd edildi ki, 2007-ci ildə bünövrəsi qoyulan Mərkəz bu il mayın 10-da – ulu öndər Heydər Əliyevin doğum günündə açılmışdır. Mərkəz 16 hektar ərazidə yerləşir. Burada əsaslı abadlıq və yaşıllaşdırma işləri aparılmışdır. Bu mədəniyyət ocağı dünya şöhrətli memar Zaha Hadidin layihəsi əsasında tikilib. Beynəlxalq səviyyədə nadir memarlıq nümunələrindən biri olan, müasirliyi özündə dolğun ehtiva edən və çoxfunksiyalılığı ilə seçilən bu Mərkəz artıq dünya memarlığı siyahısına daxil edilmişdir. Özbəkistan prezidenti İslam Kərimovun diqqətinə çatdırıldı ki, ulu öndərin tükənməz irsinin təbliği baxımından mühüm əhəmiyyət kəsb edən Heydər Əliyev Mərkəzində rəsmi qəbullar, müxtəlif beynəlxalq səviyyəli konfranslar, iclaslar, mədəniyyət və digər tədbirlərin keçirilməsi üçün hər cür şərait yaradılmışdır. Qeyd edildi ki, Mərkəzin açılışından sonra burada bir neçə yüksək səviyyəli, o cümlədən beynəlxalq tədbir keçirilmişdir. Ali qonaq Heydər Əliyev Mərkəzindən zəngin təəssüratla ayrıldı.
Yüklə 3,06 Mb. Dostları ilə paylaş:
|