256
İRAN İSLAM RESPUBLİKASININ PREZİDENTİ
MAHMUD ƏHMƏDİNEJAD İLƏ GÖRÜŞ
Prezident sarayı
15 oktyabr 2012-ci il
Azərbaycan Respublikasının Prezidenti İlham Əliyev
oktyabrın 15-də İran İslam Respublikasının Prezidenti Mahmud
Əhmədinejad ilə görüşmüşdür.
Azərbaycan Respublikasının Prezidenti İlham Əliyev İran
İslam Respublikasının Prezidenti Mahmud Əhmədinejadı qar-
şıladı.
Görüşdə İqtisadi Əməkdaşlıq Təşkilatının XII zirvə top-
lantısının önəmi vurğulandı, bu tədbirin region ölkələri ara-
sında əməkdaşlığın bundan sonra da genişləndirilməsi işinə öz
töhfəsini verəcəyinə əminlik ifadə olundu. Dövlət başçıları
Azərbaycan Respublikası ilə İran İslam Respublikası arasında
ikitərəfli münasibətlərin siyasi, iqtisadi, mədəni sahələrdə
inkişafından məmnunluqlarını ifadə etdilər, əlaqələrin iqtisadi,
ticarət, o cümlədən, enerji, nəqliyyat və digər sahələrdə geniş-
ləndirilməsi üçün yaxşı potensialın olduğunu vurğuladılar.
Xalqlarımız arasında mədəni, tarixi yaxınlığın əlaqələrimizin
daha da inkişaf etdirilməsi işinə yaxşı zəmin yaratdığı bildirildi,
ölkələrimiz arasında münasibətlərin inkişafının regional
əməkdaşlığa töhfəsini verəcəyi qeyd olundu.
Əlaqələrimizin inkişafında yüksək səviyyəli qarşılıqlı səfər-
lərin önəmini vurğulayan prezidentlər ölkələrimiz arasında
ikitərəfli münasibətlərin bundan sonra da inkişaf edəcəyinə
əmin olduqlarını bildirdilər.
Görüşdə qarşılıqlı maraq doğuran bir sıra məsələlər ət-
rafında fikir mübadiləsi aparıldı.
257
İQTİSADİ ƏMƏKDAŞLIQ TƏŞKİLATININ
XII ZİRVƏ TOPLANTISINDA İŞTİRAK
Heydər Əliyev Mərkəzi
16 oktyabr 2012-ci il
Azərbaycan Respublikasının Prezidenti İlham Əliyev
oktyabrın 16-da Bakıda Heydər Əliyev Mərkəzində keçirilən
İqtisadi Əməkdaşlıq Təşkilatının (İƏT) XII zirvə toplantısında
iştirak etmişdir.
Zirvə toplantısında İƏT-in üzvü olan ölkələrin dövlət baş-
çıları, bir sıra ölkələr isə hökumət rəhbərləri və parlament
sədrləri ilə təmsil olunmuşlar. Nüfuzlu beynəlxalq tədbirlərə ev
sahibliyi etməkdə kifayət qədər təcrübəsi olan Azərbaycanın
paytaxtı Bakı İƏT-in XII zirvə toplantısına hərtərəfli hazır-
laşmışdır.
Azərbaycan Respublikasının Prezidenti İlham Əliyev Türkiyə
Respublikasının Baş naziri Rəcəb Tayyib Ərdoğanı, İran İslam
Respublikasının Prezidenti Mahmud Əhmədinejadı, Tacikistan
Respublikasının Prezidenti Emoməli Rəhmonu, Əfqanıstan
İslam Respublikasının Prezidenti Həmid Kərzaini, Pakistan
İslam Respublikasının Prezidenti Asif Əli Zərdarini qarşıladı.
Azərbaycanın Dövlət himni səsləndi.
İƏT-in XII zirvə toplantısını Türkiyə Respublikasının Baş
naziri Rəcəb Tayyib Ərdoğan açdı:
– Hörmətli dövlət və hökumət başçıları!
Azərbaycan prezidenti, əziz qardaşım, hörmətli İlham
Əliyev!
Hörmətli iştirakçılar!
İqtisadi Əməkdaşlıq Təşkilatının XII zirvə toplantısı
münasibətilə dost və qardaş Azərbaycanın paytaxtı Bakıda
olmaqdan böyük məmnunluq duyuruq. Həqiqətən, belə
258
möhtəşəm konfrans mərkəzində bu toplantıda sizlərlə bir arada
olmaq, belə yüksək ev sahibliyini görmək bizlər üçün də ayrı
bir iftixar mənbəyidir.
Bu zirvə toplantısında 2 il əvvəl təhvil aldığımız sədrliyi bu
gün Azərbaycana təhvil verəcəyik. Bildiyiniz kimi, bizlər qlobal
iqtisadi və maliyyə böhranının bütün dünyanı olduğu kimi,
bölgəmizi də mənfi yöndən təsirinə aldığı bir dövrdə sədrliyi
təhvil aldıq. Sədrliyimiz müddətində ECO-nun baxışlarını
genişləndirmək, əməkdaşlıq sahələrində konkret irəliləyişləri
təmin etmək və qurumun yenidən təşkilatlanmasını
sürətləndirmək üçün böyük səylə çalışdıq.
«2015-ci il ECO-ya Baxış Sənədi»ndə nəzərdə tutulan
hədəflərə çatmaq məqsədilə görülə biləcək tədbirlərlə bağlı töv-
siyələr vermək üçün İstanbul zirvə toplantısı zamanı Ağsaq-
qallar Qrupunu təsis etdik. Ağsaqqallar Qrupu fədakarlıqla
çalışaraq bizlər üçün yol bələdçisi olacağına inandığım bir
hesabat hazırladı. Qarşıdakı dövrdə təşkilatımızın bu tövsiyələr
əsasında sadəcə, regional miqyasda deyil, qlobal səviyyədə də
adını duyuracaq önəmli bir əməkdaşlıq platformasına
çevriləcəyinə inanıram.
Türkiyə hökumətinin başçısı ölkəmizin sədrliyi dövründə
təşkilatın fəaliyyətinin daha da genişlənəcəyinə və üzv ölkələr
arasında iqtisadi əməkdaşlığın inkişafına yeni töhfələrin ve-
riləcəyinə əminliyini vurğuladı.
Azərbaycanın ECO-ya baxışın daha geniş bir əməkdaşlıq
zəmininə oturdacaq fəal sədrlik edəcəyinə və təşkilatı daha da
irəliyə aparacağına inamım qətidir. Türkiyə Respublikasının bu
önəmli missiyanın həyata keçirilməsi zamanı həmişə olduğu
kimi, dost və qardaş Azərbaycan ilə bilgi və təcrübəsini
bölüşməyə hazır olduğunu xüsusilə vurğulamaq istəyirəm. Bu
düşüncələrlə Bakı zirvə toplantısının bütün üzvlər və bölgə
üçün xeyirli olmasını diləyir, hörmətli dövlət və hökumət
başçılarını, dəyərli iştirakçıları sevgi və sayğı ilə salamlayıram.
Sonra Rəcəb Tayyib Ərdoğan sədrliyin Türkiyədən Azər-
baycana keçdiyini elan etdi.