194
Film iki bölümdən ibarətdir. Birinci bölümdə Edvard Səidin bir
tarixçi kimi və ikinci bölümdə isə bir politik optimist, hətta fəal
siyasətçi kimi fəaliyyətindən bəhs olunur. Çünki o, Amerikada
mühacir kimi yaşadı, Nyu Yorkda həmişə çox aktiv rol oynadı.
Onun fəaliyyəti yalnız prestij, ad-san, şan-şöhrət üçün deyildi.
Onunla danışanda deyirdi ki, özüm uzaqlarda olsam da, mənim
canım, ruhum sizinlədir.
İcazə verin, əvvəl bu filmi sizə təqdim edim və sonra
orientalizmin haradan gəldiyindən və orientalizmin özünü
oriental tarixşünaslıqda nə cür göstərməsindən danışarıq.
(Sonra 45 dəqiqəlik film məclis iştirakçılarının diqqətinə
çatdırıldı.)
Professor Turac Atabaki:
– Mən 1989-cu ildə Daşkənddə və Azərbaycanda təd-
qidat aparırdım.
Burada işi qurtarandan sonra Hollandiyaya
getdim. Orada bir neçə həftə qaldım. Oradan da Kubaya get-
dim. Daha sonra Amerikada Stanford Universitetində çalışdım.
Orada arxivdə işləyirdim. Bir gün qəhvə içmək üçün yuxarı çı-
xanda gördüm ki, orada amerikalı bir xanım da əyləşib. Mənə:
“Salam Aleyküm,” – dedi. Mən də onun salamını aldım. İran-
dan olduğumu soruşdu. Mən təsdiq etdim və onun kim olduğu
ilə maraqlandım. Dedi ki, o, universitetdə Sovet şöbəsinin mü-
diridir. Dedim ki, mən Sovet İttifaqından gəlirəm. Sonra ona
Bakıda, Alma-Atıda, Daşkənddə gördüklərimdən danışdım.
Ondan Sovetlərin gələcəyi haqqında nə düşündüyünü soruşan-
da dedi ki, SSRİ dağılmayacaq. Mən isə Sovetlərin dağılacağı-
nı dedim. Sonra o, Sovetləri əvvəlcədən düşündüyü kimi təq-
dim etməyə başladı. Məncə, bu uydurulmuş bir təqdimat idi və
o adam belə bir düşüncə ilə yaşıyırdı. Mən ona yarım saat ər-
zində Moskvada, Bakıda olan vəziyyət haqqında, gördük-
lərimdən danışdım. O isə ya başa düşmədi, ya da başa düşmək
istəmədi.
Mən 1996-cı ildə, yəni təqribən 8 ildən sonra Stanford
195
Universitetində çıxış etməyə getmişdim. Yadıma düşdü ki, bu
xanım orada işləyirdi. Dedim, gedim o xanımla salamlaşım,
görüm nə var-nə yox. Getdim, gördüm elə oradadır. Dedim:
“Salam Aleyküm, siz məni tanıyırsız, mən burada olmuşam”.
Dedi: “Hə!” Amma demədim ki, Sovet dağıldı, onu məhcub
eləmək istəmirdim. İndi, yəni Sovetlər dağılandan sonra hansı
şöbənin rəisi olduğunu soruşdum. Dedi: “İslam şöbəsinin mü-
diridir”. Başladı İslam haqqında mənə bir təsəvvür verməyə.
Bu hadisə səbəb oldu ki, mən Edvard Səidi yaxından araşdırım,
bu təsəvvür ki, Qərbdə var, Qərb bu təsəvvürlə yaşıyır: Yəni
özgə bir adamı ortaya qoymaq. Edvard Səid XIX əsr kolonia-
lizminin və orientalizmin yavaş-yavaş meydana çıxmasını izah
edir: Ortada bir özgə var. O özgəyə görə mən özümü təriflədi-
rəm. Mən kim olduğumu demirəm. Mən deyirəm ki, mən o
adam deyiləm.
İkinci dəfə bu mövzuya müraciət edəndə, mən bu işi daha
yaxşı başa düşdüm. Belə bir kitab oxudum – “Vaunqli”. Yəqin
eşitmisiniz ki, Vaunqli Osmanlı ətrafından gedir Orta Asiyada.
Bütün bu Orta Asiyanın kövrəkliyini mən Vaunqlidən oxudum.
“Vaunqli”ni oxuyan adamda Orta Asiya, Buxara haqqında tə-
səvvür yaranır. Mən Buxarada o yer qalmadı ki, baş çəkməyim.
Vaunqlinin getdiyi yerlərə mən də bircə-bircə getdim. Gördüm
ki, Vaunqlinin verdiyi təsvirlər düzgün deyil. Yəni ortada geri
qalmış, köhnə, bisavad bir Buxara var. Gedib Buxaranın tarixi-
ni görəndə çox mütəəssir oldum. Əbu-Dövlət Əhmədi Daniş və
Toğrul Əxvabi adlı iki şəxs var. Hər cümə günü gedirlər Məf-
tuninin evində oturur və danışırdılar. Yaxşı, yüksək səviyyədə
intellektual bir mübahisə gedirdi buxaralı, azərbaycanlı, iranlı-
lar arasında. Yəni orientalizmi özgələrin düzəltdiyi bir şey kimi
ortaya qoyur, bu düzəlmiş birindən sonra biri tərif edir. Edvard
Səid bu işi başladı. Beləcə, post-kolonial nəzəriyyə yavaş-ya-
vaş ortaya çıxdı. Post-kolonial nəzəriyyəyə hamımız yaxşı de-
yirik. Biz post-kolonial deyəndə nəyi nəzərdə tuturuq? Yəni
kolonial getdi və biz post-koloniala keçdik. Sizə bir nümunə
196
verim: Hindistan 1947-ci ildə müstəqil oldu. Amma Hindistan
tarixinə tarixşünaslıq nöqteyi-nəzərindən baxanda 1947-ci il-
dən sonra – 50-ci, 60-cı, 70-ci illərdə hələ Hindistanın tarixşü-
naslığı kolonial bir tarixşünaslıq idi. O kolonial tarixşünaslığı
kolonial adam yazmır. Kolonialara malik İngiltərə tarixini
(British History) ingilis tarixçiləri yazmırlar. Hindistanlılar ya-
zırlar. Amma Hindistanda mənə deyirlər ki, Orientalizm Uni-
versity nədir? Bu, orientaldan dönmüş orientaldır, yəni düşüncə
həmin düşüncədir, fikir həmin fikirdir. Həmin elementləri tu-
turlar, yazırlar, sadəcə hakimiyyətlərin yeri dəyişir. Kolonial
adam gedir, onun yerinə milli adam gəlir. Amma həmin tarixi
şərait və forma qalır. Mən sözümü hələlik burada qutarıram.
Sizi çox yormaq istəmirəm. Ortaya 3 sual qoyuram:
Birincisi, bizim tariximizi kim yazıb və ya yazan kimdir?
Yəni, məsələn, indiki tarixi ki, biz yazırıq, 10 il qabaq yazılmış
tarixlə çox fərq var. Mən hər dəfə buraya gələndə, gedirəm ki-
tabxanaya, ya da mağazalardan kitab alıram. Mən bu kitablara
baxanda görürəm ki, 1996-97-ci illərdəkindən bugünki çoxdur.
Amma o zamankı ilə baxışlarımız fərqlidir. Bir zaman baxış
var idi, məsələn, M.Ə.Rəsulzadə əsaslı, o baxış artıq yoxdur.
Yəni birinci sual budur ki, tarixi kim yazıb? Mənim bir kitabım
Dostları ilə paylaş: |