165
aşır. Yaranmış imkandan istifadə edib yeni üsulla hazırladığımız dərsləri təkcə tələbələrin
öyrənməsi üçün deyil, həm də bəzi müəllimlərin tanış olmadıqları interaktiv üsulların və YTT-nın
tədrisdə əhəmiyyəti, istifadə qaydalarını öyrənmələrinə imkan yaratdıq. Müəllimlər arasında univer-
sitetdaxili sorğu keçirib interaktiv üsullara münasibətlərini müəyyənləşdirməyə çalışdıq. Nəticə
gözlənilən idi - bu sahədə hələ bir çox problemlər qalmaqdadır. Təbliğat işlərinin aparılması, açıq
dərslərin geniş müzakirəsini keçirməyə ehtiyac vardır. Qloballaşan dünyada istənilən şəxs yaşadığı
ölkədən asılı olmayaraq onlayn təhsil ala bilir. Elektron təhsil ölkənin təhsil səviyyəsinin əsas gös-
təricisidir. Bu səbəbdən də Boloniya prosesinin əsas atributlarından biri elektron Boloniyadır. Yəni
müasir universitetlərdə elektron
təhsilin, virtual təhsilin inkişafı mühüm şərt kimi irəli sürülür.
Bəzi rus pedaqoqlarının «Müasirləşmə və innovasiyalı inkişaf XXI əsrdə Rusiyanın rəqabətə
davamlı cəmiyyət olmağa imkan yaradır və bu da vətəndaşlara layiqli həyat təmin edir» (2, 6) - fikri
birbaşa mənası ilə tam bir absurddur. Dolayısı ilə bunu cəmiyyətdə yüksək inkişafa çatmaq
şanslarından biri kimi dəyərləndirə bilərdilər. Əslində müasir texnologiyalar, innovasiyalar gələcək
kadrların yetişməsi üçün tramplin rolu oynayır. Bu resurslar peşəkar, yenilikçi pedaqoq əlində bilik-
lərə çatmaq
üçün açar, digərləri üçün dərs
prosesini xaosa döndərmək, tənbəllik üçün vasitədir.
Ənənəvi kagız kitablarla elektron kitabları müqaisə etsək: «1. Elektron kitabda mətndə
axtarış, böyük istinadlara keçid, qeyd və seçmə təsvir edilə bilər; 2. Bir qurğuda 1000-dən artıq
kitab saxlanıla bilər; 3. Kiçik həcm və ölçüyə malik olduğu üçün daşımaq asandır; 4.Şriftin forması-
nı və ölçüsünü dəyişmək mümkündür; 5. Animasiyalı şəkillərə, multimediyalı kliplərə baxmağa
imkan verir; 6. Elektron kitabın kağız kitabdan baha olmasına baxmayaraq, elektron mətn kağız
mətndən xeyli ucuzdur; 7. Daxili proqramlar, nitq sintezatorları, mətni səsləndirməyə imkan verir
(3). Elektron kitabların digər özəlliyi isə oxucunu dinləyiciyə cevirmək xüsusiyyətidir ki, bu da
müxtəlif varianlarda öyrənənin işini yüngülləşdirməyə hesablanmışdır. Bu vasitə ilə XXI əsr insanı-
nı elmi və bədii ədəbiyyatların oxunmasına istiqamətləndirmək də mümkündür. Həqiqətən də
internetdən, elektron resurslardan istifadə edən hər kəs üçün elektron kitablar hazırlamaq
məqsədəmüvafiqdir.
İnformasiya texnologiyalarının təkcə şəhər məktəblərinə deyil, rayon, kənd məktəblərinə də
inteqrasiyası artıq kənd müəllimlərinin də bu prosesə qoşulmasının, yeni layihələri
qiymətləndirməsinin şahidi oluruq. Bir çox region müəllimlərinin internetdə problemlə bağlı
məqalələri diqqətimizi cəlb edir. Ali məktəb müəllimləri içərisində də maraqlı ideyalar, təhlillər
çoxluq təşkil edir. Ən maraqlı ideya tərəfdarları ilə əlaqə yaradıb təcrübə mübadiləsinə nail olmaq
təşəbbüsünü irəli sürməklə qarşıdakı illərdə respublikanın bütün ali və orta məktəb müəllimlərini
problemin həlli, inkişafı istiqamətində fikir mübadiləsinə dəvət edirik. Əgər təşəbbüsümüzə qoşulan
müəllimlərin sayı yetərincə olarsa, konfrans təşkil etmək işin xeyrinə olardı. Konfransda müzakirə
ediləcək məsələləri aşağıdakı kimi müəyyənləşdirmək istərdik: Onlayn təhsil, distant təhsil,
multimedia proqramları, biologiyanın tədrisində istifadə edilməsi səmərəli hesab edilən müxtəlif
proqramlar. Qoşulmaq istəyən həmkarlarımız da müzakirə etmək istədikləri problemi təklif edə bi-
lərlər. Bəzən ali və orta məktəb müəllimlərindən bəziləri sual edirlər: əvvəllər İKT, internet, multi-
media yoxdu, elm öyrədilmirdimi? Bir sözlə, elektron təhsil resursları zəruridirmi? (4). Elektron
Təhsil Resursları - tədris məzmunlu elektron formadır və onları səsləndirmək üçün müxtəlif elek-
tron mexanizm və maşınlardan istifadə edilir. ETR adi dərslikdən fərqlənir və interaktivliyi isə şa-
girdin müstəqil işləməsini təmin edir. ETR - mətn, tekstoqrafik və multimediaya ayrılır. Bu da
imkan verir ki, keçiləcək material həm mətn variantını, həm eyni zamanda mətn və diaqram, şəkil,
cədvəl şəklində, həm də multimedialı təqdimat kimi, illüstrasiyalar, səsli, tərkibində video,
animasiya, audio, məzmun və interaktiv üsullardan istifadə ilə çatdırılsın. Elektron dərslik (e-
dərslik) portalı da öyrənənlərin elektron dərsliklərdən rahat istifadə etməsi məqsədilə hazırlanmış-
dır. Elektron dərslikləri şagirdlər həm onlayn olaraq portal daxilində onlayn rejimdə, həm də öz
fərdi kompüterlərinə yükləyərək oflayn rejimdə, istədikləri vaxt və məkanda istifadə edə bilərlər.
Bundan əlavə, yaradılmış elektron dərslikləri planşetlər vasitəsilə də rahat istifadə etmək mümkün-
dür.
166
Son illər “BAKINƏŞR”, “BAKIMEDİA” və Müasir Texnologiyalar Mərkəzi Azərbaycan Res-
publikası Təhsil Nazirliyi ilə birgə hazırlanmış müxtəlif elektron vasitələrin iş prinsipini
öyrənməklə istənilən fənnə dair elektron resursların yaradılması xüsusilə biologiyanın tədrisində
müsbət irəliləyiş olacaqdır. Ali və orta məktəb dərsliklərinin hazırlanması prosesinə alim,
metodistlərlə yanaşı fənn müəllimlərinin cəlb olunması da tədrisin təşkilində mühüm rol oynaya
bilər. Elektron resursların hazırlanmasında interaktiv rejimin yaradılmasına da diqqət artırılmalı,
təkcə illüstrasiyalar deyil,
video materiallardan, məntiqi suallardan istifadə olunmalıdır:
Bu hansı canlıdır?
Tip: Gözləri:
Sinif:
Qidalanması:
Uzunluğu: Çəkisi:
Həyat tərzi: Mənbə:
Yaxşı olardı ki, elektron vəsaitlərin hazırlanması zamanı, illüstrasiyaların izahı əvəzinə həm də
videofraqment yerləşdirilsin və daha aydın anlaşılma, yaddaqalmanın davamlılığı üçün şərait
yaradılsın. Məsələn, şəkillərə slayd, yaxud plakatda baxmaqdan əlavə ayrı-ayrı orqanlar sistemini
əks etdirən videoyazı yerləşdirilsin. Əgər videomaterialın izahı səsləndirilmirsə, müəllim əlavə
izahatla verilmiş biliklərin dərinləşdirilməsinə kömək edə bilər.