330
istehsal edə bilən Bakı Bərk Məişət Tullantılarının Yandırılması Zavodu inşa edilmişdir [11, s.14].
Dördüncü nəsil texnologiyaların tətbiqi ilə Avropa Birliyinin ətraf mühitinin mühafizəsi sahəsində ən
sərt normativlərinə cavab verəcək şəkildə inşa olunmuş zavod istehsalat gücünə görə Şərqi Avropa və
MDB məkanında ən iri bu tipli zavoddur. Həmçinin bu enerji növündən istifadə zamanı atmosferə
vurulan zərərlər və bu zərərlərin aradan qaldırılması yolları da öyrənilir. Ölkəmiz bu sahədə inkişaf
etmiş Avropa ölkələri ilə sıx əməkdaşlıq edir və onların qabaqcıl təcrübələrindən yararlanır [16].
Alternativ və bərpa olunan enerji mənbələrinin bir növü də hidroenerjidir. Hidroenerji çayların
enerji potensialından istifadə olunması ilə əldə edilir. Bu da ekoloji cəhətdən daha təmiz və davamlı
elektrik enerjisi istehsalı deməkdir. Azərbaycan Respublikası zəngin su ehtiyatlarına malikdir. Belə
ki, aparılmış elmi-tədqiqat işlərinin nəticəsində ölkə ərazisində çayların hidrоenerji pоtensialının 40
mlrd. kVt.s, teхniki cəhətdən əlverişli pоtensialın isə 16 mlrd. kVt.s оlduğu muəyyən edilmişdir ki,
bunun da 5 mlrd kVt.s-ı kiçik hidrоenergetikanın payına düşür [11, s.148].
Azərbaycan Milli Elmlər Akademiyası tərəfindən ölkənin müxtəlif regionlarında kiçik su
elektrik stansiyalarının inşası məqsədilə çayların su sərfinin və ərazinin relyefinin, geoloji-coğrafi
xüsusiyyətlərinin öyrənilməsi üzrə elmi-tədqiqatlar aparılmış, nəticədə respublikamızın dağ və
dağətəyi çayları, eləcə də digər kiçik suaxarların üzərində 280-dən çox Kiçik Su Elektrik
Stansiyalarının tikilməsinin mümkünlüyü təyin olunmuş, onların ilkin tədqiqat hesabatları
aparılaraq yerləri
seçilmiş, güc və illik enerji istehsalı müəyyənləşdirilmişdir [5].
Beləliklə ölkəmizin təbii coğrafi iqlim şəraiti bizə imkan verir ki, enerji ehtiyatlarına olan
tələbatın ildən-ilə artdığı müasir dövrdə mövcud alternativ və bərpa olunan enerji mənbələrindən
səmərəli istifadə etməklə elektrik və istilik enerjisinin istehsalının artımına nail olaq və beləliklə
milli enerji müstəqilliyimizi və təhlükəsizliyimizi təmin edək.
2015-ci ildə ölkəmizdə 24 688,4 milyon kVt.s elektrik enerjisi istehsal edilmişdir ki, bunun da
1828,5 milyon kVt.s-ı (əvvəlki illə müqayisədə 350,1 milyon kVt.s və ya 19,1 % çox) alternativ və
bərpa olunan enerji mənbələrinin payına düşür. Bu isə istehsal edilmiş ümumi elektrik enerjisinin
7,4 %-ni təşkil edir. Bu da orta hesabla 464,7 milyon m
3
(əvvəlki illə müqayisədə 35.5 milyon m
3
və ya 7,6 % çox) təbii qaza qənaət olunmasını və müvafiq olaraq 827,2 min ton karbon dioksidin
(CO
2
) atmosferə atılmasının qarşısının alınmasını şərtləndirmişdir [16, 2, 3].
Cədvəl №1
Alternativ və bərpa olunan enerji mənbələrinin hesabına istehsal olunmuş elektrik enerjisinin həcmi
(milyon kVt.s)
Mənbə: Azərbaycan Respublikasının Dövlət Statistika Komitəsi [16].
Qeyri-dövlət sektoru tərəfindən alternativ və bərpa olunan enerji mənbəri hesabına 39,1 milyon
kVt.s elektrik enerjisi istehsal olunmuşdur. İstehsalın 21 mln kVt.s-ı (53,7 %) külək elektrik
stansiyalarının, 18,1 mln kVt.s-ı (46,3 %) isə kiçik su elektrik stansiyalarının (“Muğan” KSES,
“Şəki-1” KSES) payına düşür [4 s.86-87].
Lakin respublikamızda enerji istehsalı zamanı alternativ və bərpa olunan enerji mənbərinin
digər növləri ilə müqayisədə Su Elektrik Stansiyaları (SES) xüsusi çəkiyə malikdir. Belə ki, 2015-ci
ildə bu göstərici 1637,5 milyon kVt.s (əvvəlki illə müqayisədə 337,8 milyon kVt.s və ya 26 % çox)
olmuşdur ki, bu da istehsal edilmiş ümumi elektrik enerjisinin 6,6%-ni, alternativ və bərpa olunan
enerji mənbələri üzrə ümumi payın isə 89,6 %-ni təşkil etmişdir.
Elektrik enerjisinin istehsalı
2011
2012
2013
2014
2015
Nisbət
2014/2015 %
Elektrik enerjisi - cəmi
20 293,8 22 988,1 23 354,4 24 727,7 24 688,4
-0,2
o cümlədən:
SES-in elektrik enerjisi
2 675,8
1 821,0
1 489,1
1 299,7
1 637,5
26,0
Külək enerjisi
-
-
0,8
2,3
4,6
100,0
Günəş fotoelektrik enerjisi
-
-
0,8
2,9
4,6
58,6
Tullantıların yandırılmasından
alınan elektrik enerjisi
-
-
134,1
173,5
181,8
4,8
331
Qrafik №1
2015-ci ildə alternativ və bərpa olunan enerji mənbələrinin hesabına istehsal olunmuş elektrik
enerjinin mənbələr üzrə xüsusi çəkisi (%)
Mənbə: Azərbaycan Respublikasının Dövlət Statistika Komitəsi [16],
Qrafik №2
Bərpa olunan enerji mənbələrindən alınan elektrik enerjisinin ümumi elektrik enerjisi istehsalında
xüsusi çəkisi (%)
Mənbə: Azərbaycan Respublikasının Dövlət Statistika Komitəsi [16],
Bərpa olunan enerjinin inkişafı
və görülən tədbirlər
Respublikamızda alternativ və bərpa olunan enerji mənbələrindən səmərəli və geniş istifadə
olunması və mövcud ənənəvi enerji mənbələrindən asılılığın aradan qaldırılması məqsədilə bir sıra
tədbirlər görülmüşdür. Məqsəd Azərbaycanda alternativ və bərpa olunan enerjinin inkişafı üçün
istiqamət və təcrübə formalaşdırmaq, eləcə də bu sahənin inkişafına təkan verməkdir. Bura
Azərbaycan Respublikasında Alternativ və Bərpa edilə bilən Enerji Mənbələrindən istifadə
olunması üzrə Dövlət Proqramının qəbul olunmasını [1], Azərbaycanda Sənaye və Energetika
Nazirliyinin nəzdində Alternativ və Bərpa olunan Enerji Mənbələri üzrə Dövlət Agentliyinin
yaradılmasını [7] misal göstərmək olar.
Eyni zamanda "Azərbaycan Respublikası regionlarının 2014-2018-ci illərdə sosial-iqtisadi
inkişafı Dövlət Proqramı"nda da Alternativ və bərpa olunan enerji mənbələrinin yaradılması
məqsədilə müvafiq tədbirlərin həyata keçirilməsi sahəsində işlərin davam etdirilməsi, dövlət
siyasətinin əsas istiqamətlərindən biri kimi icraçısı olduğu Alternativ və Bərpa Olunan Enerji
Mənbələri üzrə Dövlət Agentliyinə tapşırılmışdır [6].
Bununla yanaşı hökumətimiz “İqlim Dəyişmələri haqqında” Çərçivə Konvensiyasını [12] və
Kioto protokolunu [13] ratifikasiya etmiş, təmiz inkişaf mexanizminə dair müvafiq sənədlərə
qoşulmuşdur. Eyni zamanda, ölkəmiz Beynəlxalq Bərpa Olunan Enerji Agentliyinə (IRENA) üzv
qəbul edilmiş, beynəlxalq qurumlarla işgüzar əlaqələr qurmuşdur. Həmçinin bir mənbədən enerji
asılılığının azaldılması, enerji təhlükəsizliyi və enerji səmərililiyi məsələlərinin həlli, həmçinin
89,6 %
9,9 %
0,3 %
0,3 %
Hidro enerji
Biokütlə və tullantılar
Külək enerjisi
Günəş enerjisi
13,2
7,9
7
6
7,4
0
2
4
6
8
10
12
14
2011
2012
2013
2014
2015