193
5.
Hipovolemiyanı (dövr edən qanın həcmini artırmaq) korreksiya etmək üçün, duz və kolloid
məhlullardan ( 500-1000 ml izotonik
natrium xlorid məhlulu, 400 ml dekstran) yeridilir.
6.
Effekt alınmazsa – plazmafarez, oksigenterapiyası.
7.
Ürəyin fəaliyyəti pozularsa və tənəffüs dayanarsa, xəstəyə müvafiq reanimasiya tədbirləri
görülməlidir.
Bronxial astma tutmaları
Bronxial astma tutması təngənəfəsliklə, boğulma ilə, öskürəklə, taxikardiya ilə başlayır.
Bronxial astma tutmaları anafilaktik şokdan fərqlənir. Bronxial astma tutmalarında arterial təzyiqin
aşağı düşməsi, dəridə allergik əlamətlər, selikli qişaların ödemi baş vermir. Bronxial astma
tutmasına səbəb kəskin bronxoobstruksiya – bronxospazm və yapışqanlı sekretin toplanmasıdır.
Uşaqlarda bronxların selikli qişalarında ödem tədricən əmələ gəldiyindən, bronxial astma tutmaları
da tədricən baş verir.
1.
Xəstəyə göstərilən stomatoloji müdaxilə dayandırılır, ağız boşluğundakı yad predmetlər
xaric edilir, xəstə oturaq vəziyyətə gətirilir, təmiz hava ilə təmin edilir, tutmaya səbəb olan
faktorlardan təcrid edilir.
2.
Bronxların spazmını aradan qaldırmaq, tənəffüs yollarının keçiriciliyini yaxşılaşdırmaq
üçün təcili olaraq qısamüddətli təsirə malik, selektiv β
2
- adrenostimulyatorlardan (fenoterol,
salbutamol) inhalyasiya formasında (1-2 dəfə nəfəs almaqla) tətbiq edilir.
Əgər ilkin inhalyasiya effekt verməzsə, inhalyasiya təkrarlanır (hər 20 dəqiqədən bir 1-2
nəfəs alma ilə). Preparatın qəbulu xəstənin vəziyyəti yaxşılaşana qədər, 1saat ərzində 3 dəfədən
artıq olmamaq şərti ilə təkrarlana bilər. Preparatın rezorbtiv təsir göstərməməsi üçün,
inhalyasiyadan sonra ağız boşluğu
qar-qara edilərək təmizlənir;
3.
β
2
-adrenomimetiklərin qəbulu mümkün olmadıqda, m-xolinoblokatorlar qəbul edilir.
Örnəyin, ipratrop bromid aerozol formasında, 1-2 nəfəs almaqla qəbul edilir. Aktivliyinə görə β
2
-
adrenomimetiklərdən geri qalır. M-xolino - blokatorların təsiri tədricən başlayır. Ehtiyac olarsa
inhalyasiya 30 dəqiqədən sonra təkrarlanır;
4.
Aerozol formasında dərman maddələri olmadıqda və ya xəstə bu dərmanı qəbul edə
bilmirsə, o zaman 2,4%-li aminofillin məhlulundan istifadə edilir. 10 ml 2,4% aminofillin vena
daxilinə yeridilir;
5.
Astmatik statusda mütləq vena daxilinə damcı üsulu ilə qlükokortikoidlər (prednizolon 90-
120 mqr vəya 200ml izotonik natrium xlorhid məhlulunda 200 mqr hidrokortizon) yeridilir;
6.
Bronxolitiklər olmadıqda dəri altına 0,3ml 0,–% adrenalin məhlulu və ya 0,3ml 5% efedrin
məhlulu yeridilir;
Xəstə stomatoloqun yanına gəlmədən öncə mütləq bronxolitik preparat qəbul etməlidir
(gündəlik qəbul etdiyi dozada).
Hematoma
Hematoma
– toxuma daxilinə qanın sızmasıdır və həyat üçün təhlükə törədə bilər. Xüsusən,
ağız-udlaq sahəsində baş verən hematoma stenotik asfiksiya törədə bilər. Damarların zədələnməsi,
inyeksiya sahəsində baş verən fəsadlar, qanın durulaşma qabiliyyətinin aşağı düşməsi hematomanın
əmələ gəlməsinə səbəb olur. Hematomada istənilən üsullardan istifadə edərək, qan
dayandırılmalıdır. Hematomanın həcmindən asılı olaraq, punksiya, traxeotomiya, soyuq islatma
üsulundan da istifadə etmək olar.
Dişlərin ekstraksiyasından (çəkilməsindən) sonra baş verən qan axmalar
Dişi çəkdikdən sonra 20-25 dəqiqə müddətində qanaxma baş verərsə ilkin postekstraksion
qanaxma, bir neçə saat və ya bir gündən sonra qanaxma başlayarsa, gecikmiş və ya ikincili
postekstraksion qanaxma adlanır. Postekstraksion qanaxma ümumi və yerli ola bilər. Ümumi
qanaxmaya qan xəstəliklərindən hemofiliya, trombositopeniya və trombositopatiya, avitaminozlar,
QSİƏM-in qəbulu (aspirin vəs.) səbəb ola bilər.
Yerli postekstraksion qanaxmaya səbəb olan faktorlar:
–
dişin ekstraksiyası zamanı zədələnmə, yemək zamanı alveolda qan pıxtasının zədələnməsi,
isti mayelərin qəbulu və ya ağız boşluğunu həddən artıq güclü qar-qara etmək;
–
adrenalini
anestetiklə yeritdikdən sonra, baş verən damar parezi;
194
–
tənzif tamponun uzun müddət diş yuvasında qalması (10-20 dəqiqiə);
–
dişi çəkdikdən bir müddət sonra,
fiziki yükləmə;
–
isti vannaların qəbulu.
Gecikmiş və ya ikincili postekstraksion qanaxmaya səbəb olan faktorlar:
–
çıxarılmış dişin yerində infeksiyanın, irinin, yad cismin olması;
–
diş yuvasında qırılmış diş qalığının olması;
–
diş yuvasının divarının zədələnməsi.
Postekstraksion qanaxmalarda göstərilən tibbi yardım yerli və ümumi aparılır. Yerli tibbi
yardım:
1.
Furasilinlə ağız boşluğu qar-qara edilir, anesteziya altında diş yuvasına baxılır,
qanaxmanın növü təyin edilir – damar zədələnməsi, sümüyün zədələnməsi, kapilyarın zədələnməsi,
yumşaq toxumanın zədələnməsi, aşağı çənə sümüyün kanalının zədələnməsi və s;
2.
Diş yuvasına hemostatik qubkadan və ya fibrinli plyonkadan tampon, yodoformlu tampon,
10% kalsium xloridlə isladılmış
tənzifdən tampon tətbiq edilir;
3.
Kökarası çəpərdən və ya diş yuvasından gələn qanaxmalarda onlara növbəti tampon və ya
tikiş tətbiq edənə qədər sıxacla sıxılır. Diş yuvasını desnalı selik-sümüküstü yamaqla bağlamaq
olar;
4.
Qanaxmanın qarşısını diatermokoaqulyasiya və ya kriocərrahiyyə alətləri vasitəsi ilə
dayandırmaq olar. Aşağı çənə kanalı qanaxmasında diş yuvası dibi perforasiyası və həmin diş
yuvasına tampon tətbiq edilir. Qanaxan sahələrə soyuq isladıcılar tətbiq edilir;
5.
Sümükdaxili hemangioma qanaxmasında şişləri təcili olaraq, çənədə kəsik aparmaqla,
xaric edirlər.
Ümumi tibbi yardım:
1.
Əzələ daxilinə 12,5% 0,5- 1,0 etamzilat natrium yeridilir;
2.
5% epsilon-aminokapron turşusunu 1 xörək qaşığı gün ərzində 2 dəfə təyin edilir. 1saatdan
az olmayaraq nəzarət edilir. Uzun müddətli qanaxma olarsa təkrar diş yuvasına tampon tətbiq edilir.
Əgər göstərilən yardımlar effekt verməzsə, xəstə təcili xəstəxananın müvafiq şöbəsinə yerləşdirilir.
3.
Əgər qanaxma dayanarsa, xəstəyə 3 saat müddətində qida qəbulu, 2 gün ərzində isə isti
yeməklər, içkilər, ağız boşluğunun enerjili qar-qarası qadağan edilir. Xəstəyə ağır fiziki iş qadağan
edilir, ev şəraitində və ya yataq vəziyyəti məsləhət görülür.
4.
Etamzilat natrium gün ərzində 2 dəfə, hər dəfə 1 tabletka, askorutin – 1 draje gün ərzində 3
dəfə təyin edilir. Diş yuvasına yerləşdirilən tampon 3 gündən tez olmayaraq yenisi ilə əvəz olunur.
Qanaxmanın qarşısını almaq üçün profilaktik tədbirlər aparılmalıdır
1.
Pasientin anamnezi dəqiq və tam incələnməli – öncələri qanaxmaların,
xroniki xəstəliklərin
olub-olmaması, hansı dərman maddələrinə qarşı həssaslığın yüksək olması və s;
2.
Dişin ekstraksiya texnikasına düzgün əməl edilməsi;
3.
Alveolitin inkişafının qarşısını almaq üçün, aseptika və antiseptikaya düzgün əməl
edilməsi;
4.
Xəstəyə tövsiyə etmək – tamponu diş yuvasında 20 dəqiqədən artıq saxlamamalı, 2 saat
müddətində qidalar qəbul etməməli, ağız boşluğunu 6 saatdan tez qar-qara və isti mayelər qəbul
etməməli, isti qidalar qəbul etməməli, diş yuvasına dil ilə toxunmamalı, isti günəş və su vannaları
qəbul etməməli, əgər
qanaxma olarsa, təcili həkimə müraciət etməli;
5.
Dişi ekstraksiya etmədən öncə, qanın pıxtalaşma və qanaxma müddətini təyin etmək;
6.
Kəskin iltihab fonunda diş çıxarılarsa, bədən temperaturu yüksələrsə, mütləq antibakterial
dərman
təyin edilir;
7.
Ağır, atipik ekstraksiyadan sonra, diş yuvası dəqiq incələnir, selikli qişanı zədələyə bilən
kiçik diş qırıntıları təmizlənir, ehtiyac olarsa diş yuvasına tikiş atılır;
8.
Qan xəstəliyi olan adamlarda dişlərin ektraksiyası stasionar şəraitdə və hematoloqun
nəzarəti altında aparılır;
9.
Hemofliya A xəstəliyi olan xəstələrdə dişlərin postekstraksiyasından sonra qanaxmanın
qarşısını almaq üçün 10-15vahid/ kqr faktor VІІІ konsentratı gün ərzində 3 dəfə, 2-4 həftə
müddətində təyin emək kifayətdir. Çeynəyici dişlərin çəkilməsindən sonra baş verən qanaxmanı