i.e.n. Aqil ŞİRİNOV
120
ortaya çıxmanı müşahidə və hisslərin köməyi ilə bilirik.
Bundan başqa,
sükun daha öncə cismdə mövcud deyildi və daha sonra yəni hərəkət
meydana gəldikdən sonra yox oldu. Bu durum bizə onun hadis olduğunu və
qədim olmasının əsla mümkün olmadığını göstərir. Çünki qədimin yoxluq
xüsusiyyətini qəbul etməsi imkansız bir şeydir. Bu bütün ərəzlərin hadis
olduğunun dəlilidir.
21
Sünni kəlamçılara görə hadis olan ərəzlər varlıqlarını
iki anda davam etdirə bilməzlər və mütəmadi olaraq yaradılıb yox edilirlər.
Bir anda var olan ərəzlər yox olur və ikinci anda onların bənzərləri yaradılır.
Onların davam etməsi yalnızca Allahın yenidən yaratmasından asılıdır.
22
Bu,
kəlami terminologiyada “təcəddudu-l-əmsal (bənzərlərin yenilənməsi)”
prinsipi kimi tanınır. Eyni zamanda bu anlayışa görə ərəz nə özü ilə, nə də
başqa ərəzlərlə qaim ola bilməzlər; onlar yalnızca cövhərlə qaim olarlar.
23
Sünni kəlamçılardan fərqli olaraq mötəzilə kəlamçıları ərəzlərin öz
varlıqlarını davam etdirmələrinin mümkün olduğunu irəli sürüblər.
Ərəzlərin hadis olduqlarının dəlilləndirilməsindən sonrakı mərhələ
cövhərlərin onlardan xali olmasının mümkünsüz olduğunun və beləcə
onların da hadis olduğunun dəlilləndirilməsidir. Buna görə cövhər hərəkət və
sükun ərəzlərindan xali deyildir. Hadislərdən xali olmayan özü də hadisdir.
Demək ki, cövhər də hadisdir.
24
Cövhər və ərəzlər hadis olduğu üçün
onlardan ibarət olan aləm də hadisdir. Aləmin hüdusu ilə əlaqəli irəli sürülən
bütün dəlillər kəlamçılar tərəfindən nəticədə Allahın varlığının isbatında bir
müqəddimə kimi istifadə edilmişdir. Hüdus dəlili adı ilə məşhur olan bu
dəlilləndirmə şəkli qısaca belədir: aləm ərəz və cövhərləri ilə birlikdə
hadisdir. Hər hadisin bir muhdisi (yaradıcısı) vardır. Elə isə aləmin də bir
muhdisi vardır; bu da Allahdır.
25
Kəlamçılar hadis və qədim məfhumları ilə nəyi nəzərdə tuturlar? Müxtəlif
görüşlər olsa da qədim əsasən “varlığının başlanğıcı olmayandır” şəklində tərif
olunmuşdur.
26
Hadis isə “başlanğıcı olan”
27
və “əvvəli yoxluq olan” şəklində
21
Nəsəfi, Təbsiratu-l-ədillə, I, səh. 82-83
22
M.Şemseddin, a.k.m., səh. 96
23
Bax. Cüveyni, əş-Şamil, səh.72-77
24
Siyalkuti, Haşiyətun ‘alə Şərhi-l-Məvqif, thq. Mahmûd Ömər əd-Dəmyati, Beyrut,
1998/1419, III, 183
25
Hüdus dəlili ətrafındakı müzakirələr haqqında bax. Bekir Topaloğlu, İslâm Kelamcılarına
ve Filozoflarına Göre Allah’ın Varlığı (İsbât-ı Vâcib), Ankara, 2001, səh. 69-73, 80-93
26
Bax. Nəsəfi, Təbsiratu-l-ədillə, I, 77
Kəlama görə aləmin yaradılışı
121
tərif olunan “zaman baxımından hadis” və “əvvəli başqası olan” şəklində tərif
olunan “zat baxımından hadis” olmaqla ikiyə ayrılmışdır. Kəlamçılar aləmin
həm zat həm də zaman baxımından hadis olduğunu iddia edərək onu zat
baxımından hadis olaraq qəbul edən məşşai (peripatetik) filosoflara qarşı
çıxmışlar. Xüsusən mütəqaddimun dövrü kəlam kitablarında “əbhasu-l-hadis
(hadis bəhsləri)” və “əbhasu-l-qadim (qədim bəhsləri)” sərlövhəli bölümlərdə
məşşai filosofların aləmi zaman baxımından qədim olaraq qəbul etmələri
tənqid olunmuş və onların bu mövzudakı dəlilləri çürüdülməyə çalışılmışdır.
Görəsən Allahın sifətlərini qədim olaraq qəbul edən və bunun qədim
varlıqların çoxluğuna (təəddudu-l-qudəma) yol açmayacağını irəli sürən sünni
kəlamçıların aləmin zaman baxımından hüdusundakı israrlarının əsas səbəbi
nədir? Bizə görə Fəxrəddin ər-Razi (ö. 606/1210) və Seyyid Şərif Cürcani (ö.
816/1413) kimi kəlamçıların də qeyd etdikləri kimi kəlamçıların aləmin
hüdusunu, filosofların isə qədimliyini (qidəm) müdafiə etmələrinin əsas səbəbi
hər ikisinin Tanrı anlayışından qaynaqlanmışdır. Belə ki, kəlamçılar Allahın
“Fail-i muxtar” yəni öz hərəkətlərinədə seçmə azadlığına sahib olduğunu və
onun fellərinin “var etmə məqsədindən” sonra gəldiyini və bu məqsədin
yoxluğa bərabər olduğunu qəbul edirlər. Onlara görə Fail-i muxtarın bütün
hərəkətləri məqsəd, ixtiyar və iradə kimi şeylərdən sonra gəlir. Başqa bir
varlıqdan sonra gələnin isə hadis olması zəruridir. Əgər məqsəd və iradə
hərəkətin varlığa çıxması halında olarsa onda bu var olan bir şeyi yenidən var
etmək mənasına gəldiyi üçün taftalogiya (təhsilu-l-hasil-لصاحلا ليصحت) səbəb
olar. Halbuki İslam filosoflarına görə, Allah zatı baxımından zəruri edicidir
(mucib bi-z-zat-تاذلاب بجوم) və feilin ondan çıxması zəruri olub heç bir
məqsəddən sonra deyildir. Qısacası, kəlamçılarla məşşai filosoflar arasındakı
əsas anlaşılmazlıq birincilərin iradə və qüdrət sahibi olan Allahın “muxtar”
olduğunu və Onun “mucib” olmasının mümkün olmadığını, ikincilərin isə
bunun mümkün olduğunu qəbul etmələrindən qaynaqlanır.
28
Kəlamçılar
aləmin qədimliyinin qəbul edilməsinin Allahın iradə və qüdrət sifətlərinə xələl
gətirəcəyi təlaşını daşımışlar. Belə ki, “mucib bi-z-zat” olan bir tanrı bir şeyi
yaradıb yaratmama azadlığına malik ola bilməz; Onun yaratması zəruridir. O,
27
Cüveyni, əş-Şamil, səh. 113
28
Râzî, Muhassal, səh. 78; Cürcânî, Şərhu-l-Məvaqif, III, 181-183; İzmirli İsmail Hakkı, Yeni
İlm-i Kelâm, haz.
Sabri Hizmetli, Ankara, 1981, səh. 180-181