Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org 13 sizi azad etmək üçün bu yolu seçdim. Fəzayə o saat inandı. - Nəyə görə məni buraxmaq istəyirdiz? O birilər insan deyil? - Əlbəttə insandırlar. Ancaq hamını buraxmağa imkanım yoxdu axı... - Bəs nəyə görə məhz məni azad etdiniz? Mikayıl yenə ürəyini birbaşa aça bilmədi: - Əsas odur ki, siz məni başa düşdünüz. Başa düşdünüz ki, ancaq gözdən pərdə asmaq üçün sizinlə kobud davrandım. Hər halda, buna görə üzr istəyirəm. - Mən də sizdən üzr istəyirəm. - Fəzayə başını qaldırıb Mikayıla baxdı və gülümsədi. - Siz nəyə görə? - Axı mən də sizə vəhşi dedim?.. - Mən sizin vəziyyətinizi başa düşürdüm. - Axı demədiniz, nəyə görə məni buraxdınız? - Sonra deyərəm... Mikayıl onda Fəzayəyə «Səni sevirəm» demək istədi. Ancaq bacarmadı. Sonralar isə bu sözü deməyə ehtiyac qalmadı. Onlar o gündən görüşməyə başladılar və bir-birlərinə elə dərin məhəbbətlə bağlandılar ki, «sevirəm» sözü bu məhəbbəti ancaq adiləşdirə bilərdi. Mikayıl beşinci kursu bitirib öz rayonlarına təyinat alanda hər ikisi başa düşdü ki, bir-birlərindən ayn yaşaya bilməyəcəklər. Odur ki, Mikayıl kəndə gələndən bir az sonra Fəzayəgilə elçi göndərdi. Fəzayənin atası tikintidə mühəndis işləyirdi. Çox tünd xasiyyətli adam idi. Qızını heç cür kəndə ərə vermək istəmirdi. «Gedib ucqar dağ kəndində necə yaşayacaq?» - deyirdi. Ancaq Fəzayə gizlində anasının dizlərini qucaqlayıb ürəyini ona açdı: - Məni bədbəxt eləməyin, ana! Mən Mikayılsız yaşaya bilmərəm! Anasının təkidi ilə atası da yumşaldı və onlar nişanlandılar. Fəzayə universiteti bitirən kimi Qaradumanlıya gəlin gətirdilər və Eybalı kişi onlar üçün dəbdəbəli bir toy elədi. Kənd məktəbində dərs deməyə başlayan Fəzayə də Mikayıl downloaded from KitabYurdu.org downloaded from KitabYurdu.org müəllim kimi tezliklə hamının hörmətini qazandı. Uşaqlar onlara pərəstişlə baxırdılar. Kənd sakinləri də bu xoşbəxt ailəyə qibtə edirdilər. Bircə dərdləri var idi ki, evlənmələrindən on ildən çox keçmələrinə baxmayaraq, uşaqlan olmurdu. Təranə çox istəyirdi ki, oğlanlarından birini həmişəlik qardaşına bağışlasın. Ancaq əri Oqtay buna qəti narazılığını bildirmişdi. Təranə də bu işdən əlini üzəndən sonra ümidini ancaq Allaha bağlamışdı: - Dünyada Allahdan dilədiyim təkcə odur ki, sizə də bir övlad payı versin. Ancaq... Dünyanın işlərini bilmək olmur. Heç bilmək olmur... Kəndə girən kimi maşını birbaş Mikayılın evinin qabağına sürdürdük. İri darvazanın ağzına xeyli adam yığılmışdı. Hamısının da gözlərindən qorxuqanşıq kədər oxunurdu. Bizi İcra nümayəndəsi İslam müəllim qarşılayıb evə apardı. Mikayılın qardaşı Tofiq də bizimlə evə çıxdı. Hadisədən sonra evdə heç nəyə toxunulmamışdı. Mikayılla Fəzayənin meyitləri yıxıldıqları vəziyyətdə döşəmədə sərilib qalmışdı. İslam müəllim izahat verdi: Səhər tezdən Tofiq bura gələrək vəziyyəti belə görüb və qonşuluqda yaşayan müavinim Rüstəmə xəbər verib. Rüstəm elə Tofiqin özünü Gülabada mənim dalımca yollayıb. Mən də eşidən kimi rayona zəng vurub özümü buraya yetirdim. Heç kəsi evə buraxmamışıq. Hətta bacısını da. Anasının deyəsən hələ xəbəri yoxdu. Ancaq qızın valideynlərinə xəbər vermək üçün Bakıya adam göndərilib. - Kim eləyib bu işi? - Seyidov soruşdu. - Bilinməyir. Çox ağlabatmaz işdir. Qanlı hadisənin baş verdiyi bu ev ikimərtəbəli idi. İkinci mərtəbədəki otaqlar hazır deyildi. Heç qapı pəncərə də salınmamışdı. Birinci mərtəbədəki üç otaqdan birincisini dəhliz adlandırmaq olardı. Çünki o biri iki otağın qapılan bura açılırdı. Qapıları açıq qalmış həmin iki otağın biri qonaq otağı idi ki, iri paltar downloaded from KitabYurdu.org downloaded from KitabYurdu.org 15 şkafı da bu otağa qoyulmuşdu. O biri otaq isə yataq otağı kimi istifadə olunurdu. Dəhliz adlandırdığım birinci otaqda bir küncdə odun sobası qurulmuşdu. Dəhlizin o biri başında kiçik stol qoyulmuşdu ki, onun da üstündə ucuz bir televizor var idi. Ümumiyyətlə, otaqlar sadə və təmirsiz idilər. Dəhlizdə - yataq otağının qapısı ilə üzbəüz divara bitişik iri yemək stolu qoyulmuşdu. Yemək stolunun üstündəki iki boşqabda qayğanaq yeyilmişdi. Stolun baş tərəfinə qoyulmuş boşqabda xörəyin yarısı yeyilməmiş qalmışdı. İçindəki xörək tam yeyilmiş boşqabın yanında bir çəngəl, bir araq stəkanı, ortada yarımçıq araq şüşəsi və çörək qabı var idi. Bu saydıqlarımdan başqa stolun üstündə bir qutu «Şirvan» siqareti, kibrit qutusu və təzə büllur külqabı var idi ki, külqabıya da ancaq bir siqaret kötüyü atılmışdı. Mikayılın meyiti həmin bu yemək stolunun yanında düşüb qalmışdı. Ağzı üstə yıxıldığı üçün sifəti görünmürdü. Sol çiynindən bir qədər aşağı, ürək nahiyəsində bıçaq zərbəsinin yeri aydın bilinirdi. Meyitin ətrafında döşəmədə xeyli qan quruyub qalmışdı. Fəzayənin cansız cəsədi isə qonaq otağında -paltar şkafının yanında idi. O, kürəyi üstə yıxılmışdı. Geniş açılmış gözləri dəhşət ifadə edirdi. Burada da otağın döşəməsi qanla suvanmışdı. Paltar şkafının qapısı taybatay açıq qalmışdı. Şkafın sol hissəsində səliqə ilə müxtəlif paltarlar asılmış, siyirmələrdən ibarət sağ hissəsində də heç nə qarışdırılmamışdı. Yalnız yuxarıdakı siyirmələrdən biri çəkilmişdi. Həmin siyirmədə pasportlar, diplomlar və ailə üzvlərinin digər sənədləri var idi. Dinib-danışmadan yataq otağına keçdik. İkinəfərlik taxtın üstündəki qoşa yataq yeri səliqə ilə hamarlanıb, üstünə iri adyal salınmışdı. Otaqda bundan başqa qab-qacaq şkafı, kiçik stol və bir stul var idi ki, stolun üstündə bir boşqabda da qayğanaq yeyilmişdi. Yenə birinci otağa qayıtdıq. Aqşin Dadaşov meyitləri müayinə etməyə başladı. Seyidov isə külqabıdakı yeganə siqaret kötüyünə ehtiyatla baxaraq yerinə qoydu. - «Şirvan» siqaretidir. - dedi və icra nümayəndəsinə baxdı. - Mikayıl nə çəkirdi? downloaded from KitabYurdu.org Yüklə 5,01 Kb. Dostları ilə paylaş:
|