Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org - Həmişə «Şirvan» çəkirdi. - İslam müəllimin əvəzinə Tofiq dilləndi. Onun gözləri ağlamaqdan qızanb şişmişdi. Mayor Seyidov onu indi görmüş kimi diqqətlə üzünə baxıb: - Rəhmətliyin qardaşısan? - deyə soruşdu. - Bəli. - Danış görüm, nə bilirsən? - Mən hər gün səhər tezdən öz maşınımla şəhərə adam daşıyıram. Çörək pulumu qazanmaq üçün. Dünən günorta Mikayıl demişdi ki, səhər gəl məni də götür, şəhərə gedəcəm. Mən də səhər təxminən saat 7-də bura gəldim. Darvazanı itələdim. Gördüm ki, bağlı deyil. Həyətə keçib Mikayılı səslədim. Sonra isə cavab verilmədiyini görüb evin qapısını döydüm. Evin qapısı, sadəcə, örtülmüşdü, ancaq bağlanmamışdı. Açıb içəri girdim. Gördüm ki... - Tofiq daha sözünün dalını gətirə bilmədi. Qəhərləndiyini gizlətmək üçün başını aşağı saldı. - Qardaşınız şəhərə nə üçün getmək istəyirdi? - müstəntiq Təhməzov sual verdi. - Ev üçün qənddən-çaydan almağa. Biz həmişə ərzağı rayon mərkəzindən alırıq. Kənddə mağaza yoxdur axı... - Başqa işi yox idi ki, şəhərdə? - Xeyr! Olsaydı, mənə deyərdi. Mayor Seyidov yemək stolunun qarşısında dayanıb süfrəyə tamaşa edirdi. Müşahidəsini qurtarıb bizə tərəf çevrildi: - Qatil kimdirsə, çox hiyləgər adamdır. Fikir verirsizmi, o burada oturub. Onun çəngəli və araq stəkanı yoxdur. Yəqin bu əşyaları özü ilə götürüb ki, əl izlərini aşkar edə bilməyək. Bundan belə çıxır ki, başqa yerlərdə də onun əl izlərini axtarmağa dəyməz. O çox güman ki, heç yerdə əl izi qoymayıb. Yad qonaq kimdirsə, yeməyini də yanmçıq yeyib. Düşünülmüş şəkildə cinayət törətməyə gəldiyi üçün həyəcanlı olub, boğazından yemək keçməyib. Araqdan isə təxminən 300 qram içilib. Aqşin, yoxlayarsan görək mərhum özü nə qədər içib? - Cinayət Axtarış Bölməsinin rəhbəri bir qədər ara verib yenə danışmağa başladı: - Mənim maşında dediyim fikir təsdiq olunur. downloaded from KitabYurdu.org downloaded from KitabYurdu.org 17 Qatil puldan ötrü gəlibmiş. Bunlar burada yemək yeyəndə qadın yataq otağında yeyirmiş. Qatil birinci Mikayılı vurub. Özü də onda Mikayıl stulda oturubmuş. Bu onun yıxılma vəziyyətindən də başa düşülür. Sonra qatil keçib yataq otağında qadını qorxuzub və onu o biri otağa apanb. Yəqin ki, pullar paltar şkafında həmin qabağa çəkilmiş, sənədlər saxlanılan siyirmədə imiş. Onun Fəzayənin saçlarından yapışdığı hiss olunur. Görürsüz də, saçlar necə dağınıqdır. O otağa getməklərindən bilinir ki, qadın pulu verməyə razılaşıb və verib də! Daha başqa qızıl əşyalanndan-zaddan nə verib, onu deyə bilmərəm, yoxlamaq lazımdır. Sonra isə o alçaq, şahid olmasın deyə, pulları alan kimi Fəzayəni də o otaqda öldürüb... - Seyidov üzünü icra nümayəndəsinə çevirib sözünü yekunlaşdırdı. - Bütün faktlar onu göstərir ki, qatil kənardan gəlmə adam deyil, bu kənddəndir. İslam müəllim çiyinlərini çəkdi: - Nə deyim? Adam heç ağlına sığışdıra bilmir. Mən söhbətə qarışdım: - Qatil bu kənddəndir deyəndə ki, həmin adam kim olubsa tanış adamdır. Yəni Mikayıl da, Fəzayə də onu tanıyırmış. Ancaq qəti hökm etmək olmaz ki, o bu kənddəndir. - Yox... - Seyidov inamsız dilləndi. - Qatil bu kənddən olmalıdır. Müstəntiq Təhməzov stolun üstündəki külqabıya bir də nəzər yetirib dedi: - Mən sizin dediklərinizlə, ümumiyyətlə, razılaşıram, Təyyar müəllim. Ancaq onu da əlavə edim ki, naməlum qonaq siqaret çəkən deyilmiş. Baxın, burada cəmi bir siqaret çəkilib, onu da Mikayıl çəkib. Seyidov pəncərədən çirkli və köhnə bir kauçuk külqabı götürüb bizə göstərdi. - Qonaq çəkən deyilsə, bəs niyə Mikayıl süfrəyə təzə külqabı gətirir? Niyə o özünün işlətdiyi bu külqabıdan istifadə etməyib? - Hə, həmişə süfrədə bu köhnə külqabı olurdu. - Tofiq təsdiq etdi. Müstəntiq bir az fikrə gedib tez də dilləndi: downloaded from KitabYurdu.org downloaded from KitabYurdu.org - Qonaq çəkən olsa da, olmasa da, bu köhnə külqabı süfrəyə qoyulası şey deyil axı?.. Ancaq görünür ki, qonaq çəkən olmayıb. Yoxsa həyəcanlı adam siqareti-siqaretə calayardı. Mən yenə dözməyib söhbətə müdaxilə etdim: - Bax görürsüz, qonaq siqaret çəkən olmayıbsa, Mikayıl niyə onun üçün süfrəyə təzə külqabı gətirib? Deməli, Mikayıl qonağın siqaret çəkən olub-olmadığını dəqiq bilmirmiş. Yəni qonaq çox da elə yaxın adam deyilmiş. Burada mənim sözüm təsdiq olunur ki, qatil bu kənddən olmaya da bilər. Nadir müəllim laqeydliklə başını tərpətdi. Bilmədim ki, fikrimi təsdiq edir, yoxsa inkar. Meyitlərlə məşğul olan Aqşin Dadaşova baxdı: - Aqşin, meyitlər yəqin ki, şəhərə aparılacaq? - Apanlsa yaxşıdır. Hadisənin vaxtını da dəqiq müəyyənləşdirərəm. - qaşqabaqlı həkim cavab verdi. Seyidov birdən Tofiqə üz tütüb: - Bu küçədə kimlər yaşayır? - deyə soruşdu. Qaradumanlı kəndinə girən yol, demək olar ki, kəndi yarıya bölən uzun bir küçə idi ki, bura kəndin əsas küçəsi hesab oluna bilərdi. Kəndə daxil olan adam həmin küçə ilə yüz metr gəlib sola burulsa kiçik bir küçəyə düşər ki, bu küçənin solunda sıra ilə cəmi dörd ev, sağda isə bir ev və sonra kənd məktəbinin uzun hasarını görər. Bundan sonra küçə yanmçıq qurtarır. Ondan o tərəfə, qonşu Gülabad kəndinə getmək üçün dar meşə cığırı ilə düşmək lazımdır. Mikayılın evi məktəb küçəsi adlanan bu kiçik küçəyə dönəndə solda birinci ev idi. Kənddə həyətlər böyük olduğu üçün evlər bir-birindən aralı yerləşirdi. Tofiq izahat verməyə başladı: - Bu evdən sonra gələn Feyzi kişinin evidir. Təqaüdçüdür. Yetmiş yaşı olar. Həm də məktəbin gözətçiliyini edir. Arvadı ilə tək yaşayır. Ondan sonra gələn Rüstəmin evidir. İcra nümayəndəsinin müavinidir. Axırdakı evin sahibi Bakıya köçüb. İndi həmin evdə məntəqənin baş həkimi Vaqif tək kirayənişin qalır. Sağda isə birinci ev Paşanın evidir. downloaded from KitabYurdu.org Yüklə 5,01 Kb. Dostları ilə paylaş:
|