110
Yumurtalar adətən ağacın qabığının qırış hissəsinə və tək ipəksa-
rıyanın topa halında yumurtasının ətrafına qoyulur. Hava şəraitindən asılı
olaraq, yumurtanın inkişafı 4-12 gün çəkir. İyunun axırı, iyulun əvvəli
yumurtalardan çıxan sürfələr tək ipəksarıyanın təzəcə qoyduğu yumurtalarla
qidalanmağa başlayırlar. Sahibin bir topa halında olan yumurtaları üzərində
8-10 lardarius sürfəsinə rast gəlinir. Sürfələr bir topa yumurtanı yedikdən
sonra digər topa yumurtaya keçirlər və beləliklə, sentyabr ayının ortalarına
kimi 30-35 gün qidalanırlar. Sürfələr 6-7 dəfə qabıq dəyişərək inkişaflarını
başa çatdırıb, ya ipəksarıyanın boş yumurta topasının daxilində, ya da ağac
qabığının altında pup mərhələsinə keçirlər. Kütləvi puplaşma avqust ayının
ikinci yarısında və sentyabr ayının əvvəlində baş verir. Bir nəslin inkişafı
50-60 gün çəkir [28].
Dermestes lardarius
6.2.13. Chrysoperla carnea (Stephens, 1836)
Adi qızılgözün 5 sinonimi var: Anisochrysa carnea (Stephens,
1836); Chrysopa canariensis Tjeder, 1940; Chrysopa carnea Stephens,
1836; Chrysopa carnea adaptata Navás, 1934; Chrysopa ferganica Navás,
1933 [199].
Adi qızılgöz Naxçıvan
Muxtar Respublikasının
rayonlarında aran və
dağətəyi, qismən də dağlıq hissələrdə yayılmışdır. Zərərvericilərin təbii
şəraitdə say dinamikasını tənzimləyən ən faydalı və effektli yırtıcıdır.
Meyvə bağlarında ağacların aşağı yaruslarında daha çox nəzərə çarpır [33].
111
Axşamlar elektrik işığına çox həvəslə cəlb olunurlar. Babək rayonunun
Zeynəddin, Sirab və Şıxmahmud, Ordubad rayonunun Aza, Dəstə və Unus,
Şahbuz rayonununun Keçil, Kükü, Şərur rayonunun Dəmirçi və Siyaqut
kəndlərində stasionar təcrübələr vasitəsi ilə bu yırtıcı qızılgözün bioekoloji
xüsusiyyətlərinə və təsərrüfat əhəmiyyətinə dair çoxlu müşahidələr
aparılmış və aşağıdakı məsələlər öyrənilmişdir. Adi qızılgözün yaşlı fərdləri
(imaqo) ağımtıl-yaşıl rəngdə olub, meyvə bağlarında may ayından
başlanmış oktyabr ayına kimi çoxalaraq zərərvericiləri məhv edir. Bu
faydalı yırtıcının yumurta və sürfələrinə ən çox ərik, alça, gavalı və şaftalı
ağaclarının yarpaqlarında rast gəlmək olur. Ən çox mənənələrlə qidalanırlar.
İmaqo mərhələsi axşamlar elektrik işığından toplanılmışdır. Belə ki, iyun
ayının 2-də axşam saat 23
00
dan 24
00-
dək (bir saat müddətində) 16 ədəd,
03.06.2006-cı il tarixdə isə 22
00
-dan 24
00
-dək 20 ədəd adi qızılgözün yaşlı
fərdləri tutulmuşdur. 2006-cı ilin iyun ayının 6-da Zeynəddin kəndində
həyətyani sahədə olan ərik ağacından tutulmuş bir ədəd dişi qızılgöz elə
həmin gün 25 ədəd yumurta, ikinci gün 20 ədəd, üçüncü gün isə 8 ədəd
yumurta qoymuşdur. İyunun 18-də tutulmuş qızılgöz isə 65 ədəd yumurta
qoymuşdur. Ordubad rayonunun Əndəmic kəndində şaftalı ağacından
28.07.2006-cı il tarixdə tutulmuş imaqo qızılgöz 30.07.2006-cı il tarixədək,
üç gün müddətində 105 yumurta qoymuşdur. Alça ağacından tutulmuş
imaqo isə həmin vaxtda 115 yumurta qoymuşdur. Qızılgözlər yumurtalarını
ən çox mənənə topaları olan sahəyə qoyurlar ki, burada yumurtalardan çıxan
sürfələr bol qida ilə təmin olunurlar. 31.07.2006-cı il tarixdə ərik ağacı
yarpağı üzərində hesablama apararkən aydın olmuşdur ki, 5 qızılgöz
yumurtasından təzəcə çıxmış sürfələr 3 saat müddətində 100 mənənədən 26
mənənə ilə qidalanmışlar.
2005-ci ildə Ordubad rayonu bağlarında çəyirdəkli meyvə ağacları
üzərində müşahidələr aparılmış və adi qızılgözün bioekologiyasına dair
aşağıdakılar müəyyən edilmişdir. Beləki, laboratoriya şəraitində 24-26
0
C
temperaturda adi qızılgözün yumurta mərhələsinin inkişafı 2-3 gün, sürfənin
inkişafı 7-10 gün, pup mərhələsinin inkişafı 8-14 gün, bir nəslin tam inkişafı
isə 17-27 gün çəkmişdir. Çöl şəraitində isə tənzif torbaya salınmış budaq
üzərindəki müşahidələrə əsasən, yumurtanın inkişafı 3 gün, sürfənin inkişafı
21 gün, pupun inkişafı 9 gün, bir nəslin tam inkişafı isə 33 gün çəkmişdir.
Ədəbiyyat məlumatlarına əsasən, İsrail şəraitində Capnodis
tenebrionis sürfələri daxilində adi qızılgözün yumurta mərhələsi 3-22 gün,
sürfəsi 8-51 gün, pupu isə 6-18 günə inkişaf edir [139]. Bir dişi qızılgöz
ömrü boyu 500-700 yumurta qoya bilir. Naxçıvan MR şəraitində ildə 7 nəsil
verir. Azərbaycanda və coğrafi mövqeyinə görə yaxın ölkələrdə bu ento-
mofaq ildə 5-6 nəsil verir.
112
Adi qızılgöz yumurtalarını ağac yarpaqlarının alt və üst hissəsinə,
çiçək yanlığına, gövdə və ya budaqların üzərinə qoyur. Yumurtaların hər
birinin 3-4 mm uzunluğunda saplağı olur və bu saplaq substrata yapışdırılır.
Yumurtalar əksərən mənənə topalarına yaxın qoyulur ki, onlardan çıxan
sürfələr mənənələrlə qidalana bilsinlər. Müşahidələr göstərmişdir ki, kiçik
yaşlı sürfələr ən çox zərərvericilərin yumurtası və kiçik yaşlı mənənələrlə,
iri yaşlı sürfələr isə müxtəlif böyüklükdə olan kiçik yaşlı tırtıllar və iri
mənənələrlə qidalanırlar. Sürfələr 3-4 həftə qidalandıqdan sonra axırıncı
yaşda pup halına keçirlər. Puplara, ağ ipək kürə şəklində, ağacların qabığı
altında rast gəlmək olur. Yaşlı fərdlər pupdan çıxdıqdan sonra mayalanırlar
və bir neçə gün (2-3 gün) sonra isə yumurta qoymağa başlayırlar. Onların
əsasən yaşlı formaları, ağacların qabığı altında tək-tək və ya topa halında,
hər topada 2-3-dən 50-60-dək qışlayırlar. Yazda aprelin axırı və may ayının
əvvəllərində qışlama yerlərindən çıxan yaşlı fərdlər, çiçəklərin şirə və
tozcuqları, mənənələrin ifraz etdiyi şirin maye ilə qidalanırlar. Adi qızılgöz
350-650 ədəd yumurta qoymaq qabiliyyətinə malikdir. Meyvə bitkiləri
üzərində aparılan hesablamalara əsasən qızılgözün bir ədəd sürfəsi bir gün
ərzində 25-30 ədəd, bütün həyatı ərzində isə 400-850 ədəd mənənə ilə
qidalanır. Onun iri yaşlı sürfəsi bir gün ərzində yarpaq güvəsinin 10-12
yumurtasını, 5-8 meyvə güvəsi və 2-3 yarpaq güvəsinin kiçik yaşlı tırtılını
məhv edir. Xüsusilə ərik, şaftalı və gavalı mənənəsinin üzərində daha çox
yırtıcılıq fəaliyyəti göstərirlər. Onlar 2 dəfə qabıq dəyişirlər. Birinci qabıq-
dəyişmə 3 gün, ikinci qabıqdəyişmə isə 7 gün çəkir.
Chrysoperla carnea
Dostları ilə paylaş: |