Ağarəhim Əsərlər
30
məsi;
— şagirdlərin psixoloji xüsusiyyətlərini, ümumi inkişaf fərqləri-
ni, onların fərdi fərqlərini nəzərə almaması;
— savad təliminə lazım səviyyədə hazır olmaması;
— fonetik eşitmə bacarığının məktəblilərə aşılanması sahəsində
kifayət dərəcədə müntəzəm və sistemli şəkildə iş aparmaması;
— şagirdlərin yol verdikləri səhvləri hesaba almaması, nöqsan-
ların aradan qaldırılması ilə bağlı müntəzəm mübarizə aparmaması;
— savad təlimi dövründə səs təhli1-tərkib üsulundan lazımi sə-
viyyədə istifadə etməməsi;
— səslənməsinə və yazılışına görə bir-birinə yaxın və oxşar
olan səslərin (z-s, p-b, t-d, ç-c, q-ğ, v-f, k-g və s.), hərflərin (p-t, g-
k, ç-c, r-p, o-ö və s.), hecaların (an-na, ma-na, ay-ya, oy-yo, un-nu)
və sözlərin (ot-od, ayı-arı, ayna-oyna, aş-daş və s.) müqayisəli şə-
kildə tutuşdurmalarla öyrədilməsinə, bir səs və hərfı dəyişməklə nə
kimi assosiasiya baş verməsinə uşaqların diqqətini cəlb etməməsi;
— savad təlimi dövründə rəngarəng vasitələrdən (şəkilli kartoç-
kalardan, kəsmə əlifbadan, heca cədvəlindən, düzüm lövhəsindən
və s.) istifadə etməməsi;
— oxu dərslərində mətn və cümlələrdəki, ayrı-ayrı sütunlardakı
çətin sözlərin mənasının açmasına və onların təhlilinə kifayət qədər
diqqət yetirməməsi və s.
3. Şagirdlərin fəaliyyəti ilə əlaqədar nöqsanlar:
— oxu zamanı məktəblilərin 95-96 faizinin yerli şivə və dialek-
tik qüsurlara yol vermələri;
— səslənməsinə görə oxşar ç-c, k-g, t-d, f-v, p-b və s. samitləri
qarışdırmaları;
— bəzi oxşar səslər arasındakı fərqi görmədiklərindən oxuduq-
ları sözlərin mənasını təhrif etmələri;
— sözlərdə müəyyən hərfləri buraxaraq, onları səslənməsinə
görə oxşar sözlərlə (maşın əvəzinə maşınını, gözləmək əvəzinə
gözdəmək və s.) əvəz etmələri; sözlərdə bir səsi digəri ilə (kələm
əvəzinə kəlləm və s.) əvəz etmələri;
— çoxhecalı sözlərdə hərfburaxma (sözlərin sonunda: kitab(ı),
Ağarəhim Əsərlər
31
dəftər(i) və s., sözlərin ortasında: yaz(ı)da, əs(ir)r, fəs(i)l və s.;
— çoxhecalı sözlərdə hecaburaxma (sözlərin sonunda: ma-
şın(ın), gəldi(lər) və s., sözlərin ortasında: adam(lar)ın, ata(sı)nın
və s.);
— hərfartırma (sözlərin əvvəlində: (i)rəng, (i)stol və s.); sözlə-
rin ortasında: yazı(ı)da, pal(i)to və s.; sözlərin sonunda: nəğmə-
lər(i), tarlada(n) və s.;
— sözdə hecaartırma (sözlərin ortasında: diş(lər)ini, qaç(ırıl)-
dı, sonunda: yaxşı(sı); ovçu(nu) və s.;
— səslənməsinə görə oxşar sözləri (dələ-tələ, dirrik-dirək və
s.) qarışdırmaları;
— tələskənliklə əlaqədar sözləri (alma-amma, sürü-sünbül və
s.) yanlış tələffüz etmələri;
— çoxhecalı sözlərin (portağal-portfel, səliqəli-səməni və s.)
oxunmasında əvvəlki hecanı başqaları ilə əvəz etmələri;
— sözləri (müəllim, şair, kolbasa və s.) yazılış qaydalarına
əsasən oxumaları və s.
Oxu təlimi prosesində qarşıya çıxan bu çətinliklər və səhvlər
mütləq nəzərə alınmalı, nöqsanların aradan qaldırılması ilə əlaqədar
ilk gündən müntəzəm və sistemli şəkildə iş aparılmalıdır. Bunsuz
şagirdlərdə düzgün, sürətli, ifadəli və şüurlu oxu vərdişləri forma-
laşdırmaq qeyri-mümkündür.
5. Yazı təlimi
Yazının ictimai mahiyyəti. Yazı qrafik işarələr sistemidir. O
ən mühüm ünsiyyət vasitələrindəndir. Yazının əmələ gəlməsilə in-
sanlar öz fikirlərini başqalarına çatdırmaqda ondan geniş istifadə
etmişlər. Bu baxımdan yazı ən mühüm ictimai alətdir. Yazı bəşə-
riyyət tarixinin hər bir pilləsində böyük xidmət və rola malikdir:
a) insanın maddi aləmlə bağlı bilik və təcrübəsini başqalarına
olduğu kimi çatdırmasının ən mühüm vasitəsi tarixən yazı olmuş-
dur və indi də olmaqdadır. Yazının imkanları ünsiyyətin digər vasi-
tələrinə (şifahi nitqin ifadə vasitələrinə) nisbətən daha genişdir.
Ağarəhim Əsərlər
32
b) elm və texnikanın, mədəniyyətin və s. inkişafında yazı mi-
silsiz xidmətlərə malikdir. O, dünyada olan bütün nəsillər və eləcə
də millətlər arasında körpü rolunu oynamış, onların qarşılıqlı ya-
xınlaşmasına, mədəniyyətinin inkişafına güclü təkan vermişdir.
c) xalqın savadlı olması, elm və mədəniyyəti yazı ilə bağlıdır.
Yazısız və yazının ümumiləşmədiyi bir xalqda fikirin inkişafı son
dərəcə zəif olur. Onun tarixi, soy kökü, inkişafı haqqında düşün-
mək artıqdır.
ç) yazı insanların dünyaya və cəmiyyətə olan baxışlarını forma-
laşdırır, kainatı dərk etmələrinə kömək göstərir, maddi və mənəvi
dəyərlərin, mədəni irsinin qorunub saxlanılmasını, mühafizə olun-
masını təmin edir. O, ―insan mədəniyyətini cəmiyyətdən cəmiyyətə
yetirən, cəmiyyətlərin inkişaf tarixini özündə əks etdirən qırılmaz
bir bağdır‖
1
.
d) yazı ictimailəşdirici xarakter daşıyır. O, insanların, eləcə də
millətlərin elmi və mədəni əlaqələrini sıxlaşdıran, ortaqlaşdıran va-
sitədir. Bu vasitə ilə hər bir yeni kəşf, ixtira az bir zamanda bütün
insanların ortaq malına çevrilir. Beynəlmiləl xarakter daşıyan yazı
bütün millətləri və xalqları bir-biri ilə əlaqələndirir.
e) yazı keçmişlə, bu günlə qapanıb qalmır, o eyni zamanda top-
lanmış maddi və mənəvi sərvətləri gələcək nəsillərə ötürməyə im-
kan verir.
Müasir şəraitdə savadlı yazıya, gözəl xəttə yiyələnmək böyük
didaktik əhəmiyyət kəsb edir. Bu işin əsası ibtidai siniflərdə qoyu-
lur. I sinifdə hər gün dərsin 12-15 dəqiqəsi yeni hərfin düzgün yazı
qaydasının öyrədilməsinə ayrılır.
Yazı hərəki prosesdir. Onda müxtəlif əməliyyatın bütöv bir
kompleksi birləşir. Səslə hərf, yazının qrafık obrazı ilə onun yazılı-
şı üçün əl hərəkəti arasında müəyyən əlaqələr yaranır (L.M.Şvarts).
Şagirdlər həm zehni, həm də oxudan fərqli fəaliyyət göstərirlər.
Onlar ilk dəfə yazacağı səsi əvvəl eşidir, onu bir neçə dəfə dodaq-
altı təkrarlayır, onun qrafık obrazı ilə yazılı forması arasındakı fərqi
1
Dəmirçizadə Ə.M. Müasir Azərbaycan dili. I hissə. Bakı, ―Maarif‖, 1984,
səh.256.
Dostları ilə paylaş: |