Ağarəhim Əsərlər
39
Məsələn, “Ç‖ hərfinin yazılması mövzusunun tədrisi zamanı
müəllim deyir:
— Uşaqlar, siz keçən dərsdə K hərfini yazmağı öyrənmisiniz. K
hərfinin başqa hərflərlə necə birləşməsinə də fıkir vermisiniz.
Sonra müəllim Ç hərfini göstərərək:
— Uşaqlar, bu böyük Ç-dır, — deyir. — Cümlənin əvvəlində
insan adlarının yazılışında həmişə böyük Ç-dan istifadə olunmalı-
dır. Mən Ç hərfini yazı taxtasında yazıram. Siz əlimin hərəkətinə
və hərfın yazılmasına fikir verin: Ç, Ç, ç, ç.
Müəllim yazı taxtasında iki, üç nümunə verdikdən sonra ən
qüvvəli uşaqlardan bir neçəsini sinfin qarşısına çağırıb yazı lövhə-
sində məşq etdirir. Qalan şagirdlər də müəllimin nəzarəti altında
dəftərdə Ç yazırlar. Bundan sonra kiçik ç hərfi üzərində əməliyyat
gedir.
Hərflər yazıldıqdan sonra müəllim uşaqları əyani şəkildə başa
salır ki, böyük Ç hərfı yazılarkən qələmin ucu yuxarıdakı sətrin
orta hissəsindən qoyulur, kiçik ilgək yaradılaraq, hərfın yazıldığı
sətrin birinci xəttinə qədər qələm gətirilir, sonra qələm dəftərdən
ayrılmadan hərfin sağ tərəfınə kiçik xətlə qaytarılır. Beləliklə, bö-
yük Ç hərfinin yazılışı forması alınır.
Uşaqlar nümunə əsasında dörd-beş dəfə böyük Ç hərfini yazır-
lar. Sonra müəllim kiçik ç hərfinin sətr içərisində yazılışı və onun
birləşdirilməsi formasını çi, çu, çə, iç, ço və s. hecaların tərkibində
yazırlar. Onlar müəyyən bacarığa yiyələndikdən sonra “İş dəftə-
ri‖ndə ç hərfini nümunəyə əsasən qeyd edirlər.
Şagirdlərin bilik və bacarıqlarından asılı olaraq, müəllim bu işə
bir qədər yaradıcı xarakter verir. O, yazı taxtasına müəyyən söz,
yaxud hecalar yazır, yeni öyrənilmiş hərfin əvəzində isə iki nöqtə
qoyur: ..ti, qa.., ..ay.
Uşaqlar bu hecalara diqqət yetirir, onları dodaqaltı bir neçə dəfə
təkrarlayır, nöqtələrin yerinə yalnız buraxılmış hərf (ç) artırırlar. Bu
zaman onlar bir tərəfdən müəyyən mənalı söz yaranmasını görür,
digər tərəfdən hərfın yazılışı formasını və başqaları ilə birləşdirmə-
yi öyrənirlər.
Ağarəhim Əsərlər
40
Müəllim bu işin digər variantından da istifadə edir. O, ç səsi və
hərfi işlənmiş çiçək, çinar, keçi və s. kimi əşya şəkillərini yazı tax-
tasından asır, həmin şəkillərin altından adlarını yazarkən ç hərfinin
əvəzində boş damalar çəkir. Sonra şəkillərin adlarında buraxılmış
hərfləri damaların əvəzində yazmağı şagirdlərə tapşırır. Proses
uşaqları xeyli düşündürür, maraqlandırır və şüurlu fəaliyyətə yönəl-
dir. Nəticədə bütöv sinif tapşırığı yerinə yetirir.
Yaxud, başqa bir misal. Tutaq ki, dərsdə “Ö, ö‖ hərfinin yazılı-
şının möhkəmləndirilməsi üzrə iş aparılmalıdır. Bu məqsədlə şa-
girdlərə Ö, ö hərflərinin birləşdirilməsi, ayrı-ayrı heca və söz daxi-
lində işlədilməsi üzrə iş gedir. Müəyyən vərdişə yiyələndikdən son-
ra “İş dəftəri‖ndə Ö, ö hərflərinə aid bir neçə nümunə yazmaq tələb
olunur.
Nəhayət, müəllim ər, sö, çö, kö, dö hecalarını diqtə edir. Uşaq-
lar diqtəyə əsasən ö hərfinin işləndiyi hecaları yazırlar. Sonra sinif-
də yaranmış şəraitdən, şagirdin səviyyəsindən asılı olaraq, tez-tez iş
forması dəyişir, daha optimal variantlardan, priyomlardan istifadə
edilir. Əvvəlcə yazı taxtasına kök, çöl, öküz, ördək sözləri yazılır.
Sonra birinci sözün üstü açılır.
Ağarəhim Əsərlər
41
IV FƏSİL
OXU TƏLİMİ
1. Oxu təliminin məqsəd və vəzifələri
Oxu informasiya mənbəyi olmaqla yaradıcı fəaliyyət prosesidir.
Bu isə məktəbdə müəllim və şagirdin birgə fəaliyyətinin nəticəsi
kimi meydana çıxır. Bu prosesdə kiçik yaşlı məktəblilərə düzgün
sürətli, ifadəli və şüurlu oxumaq, savadlı yazmaq, dəqiq hesabla-
maq, ümumiyyətlə, müxtəlif fənlərdən zəruri biliklər qazanmaq, bu
bilikləri praktikaya düzgün tətbiq etmək, səlis nitqə yiyələnmək və
s. üzrə bacarıq və vərdişlər formalaşdırılır.
Oxu elə bir prosesdir ki, şagirdin idrak fəaliyyətini bütövlükdə
özündə əks etdirir, məzmunun dərindən başa düşülməsi, dərk olun-
ması işini tamamlayır. İbtidai siniflərdə bu işin səmərəli təşkili şa-
girdlərin emosional və intellektual inkişafına, oxu materialının şü-
urlu mənimsənilməsinə güclü təsir göstərir.
I-IV siniflərdə oxu materialının məzmununun real həyatla, şa-
girdlərin müşahidələri və şəxsi təcrübələri ilə əlaqələndirilməsi
üzrə işlərin səmərəliliyinin artırılması mühüm problemdir.
Oxu materialları üzrə təlimin ümumi məqsədi şagirdləri ifadəli
və şüurlu oxu vərdişlərinə yiyələndirmək, təbiət və ictimai həyat
haqqında onlara lazımi biliklər vermək, onlarda xalq, dövlət mül-
kiyyətinə qayğıkeş münasibət bəsləmək, onların təfəkkürünü bədii
obrazlarla zənginləşdirmək, nitqini, fantaziyasını inkişaf etdirmək,
vətənə, xalqa, ana dilinə, elm və s. məhəbbət hissləri tərbiyə etmək,
humanist duyğular aşılamaqdır. Məqsədə müvafiq olaraq ibtidai si-
niflərdə oxu təliminin qarşısında müəyyən vəzifələr durur:
— şagirdlərin düzgün, sürətli, ifadəli və şüurlu oxu vərdişləri-
nin inkişaf etdirilməsi;
— oxu materiallarındakı məlumatların həyatı reallıq baxımın-
dan şərh edilməsi;
— vətənimiz, onun qüdrəti, xalqımızın qəhrəman keçmişi, bu
Dostları ilə paylaş: |