Nizami Tağısoy
80
Xəzərlərin dövlət strukturu
Xəzərlərin dövlət strukturu Göytürklərlə Qaraxanlıların dövlət
təşkilatının eyni idi. Onların dövlət quruluşu mükəmməl olduğun-
dan qonşu xalqlar və dövlətlər üçün orijinal və örnək olmuş, məhz
buna görə də skandinaviyalı ruslar xəzərlərin xaqanlıq sistemini si-
yasi strukturlarında tətbiq etmişlər. Ərəblər uzun müddət (200 ilə
yaxın) xəzərlərlə saysız-hesabsız müharibələr aparsalar da, xəzər
xaqanlarının ədalət timsalını təcəssüm etdirdiklərini göstərmişlər.
Tənuhi, Tartüsi, Mühəmməd ibn Əli əl-Zahir-əl Katib Əl Sə-
mərqəndi və başqa müəlliflər xəzər xaqanlarının ədalətli, hakim
dövlət adamı vəzifəsini layiqincə daşıya bildiyini, xaqanın bacısı
Xatunun hakimanə və tədbirli bir xanım olduğunu göstərmişlər. Bu
barədə Zəki Vəlidi Toğan və İbn Fadlanın əsərlərində müəyyə mə-
lumatlar verilmişdir.
Xəzərlərin siyasi və iqtisadi cəhətdən səmərəli tərəqqisindən o
dövrdə Rus dövləti də lazımınca bəhrələnmişdir. Rus dövlətinin si-
yasi strukturunda xəzər xaqanlığının siyasi və dövlət strukturundan
geniş istifadə olunurdu.
862-ci ildə rus xanı Rürik xəzərlərə tabe idi. Onun oğlu Oleq
Kiyevi ələ keçirdiyi zaman (882-ci il) dövlətin təşkilində xəzərlərin
müvafiq fəaliyyətini tətbiq etmişdir. Knyaz Vladimir və knyaz Ya-
roslav (XI əsrdə) özlərini xaqan adlandırırdı. Xəzərlərdə dil və din
birliyinin olmaması, getdikcə ordunun zəifləməsi, ticarət fəaliyyəti-
nin səngiməsi ölkənin siyasi, iqtisadi, hərbi gücünü ciddi şəkildə
azaltmağa başladı. Mövcud vəziyyətdən ustalıqla istifadə edən Ki-
yev knyazı dənizdən və qurudan xəzərlərə hücum edərək paytaxtı və
digər şəhərləri ələ keçirdi. Xəzərlər hissə-hissə bölündü, bir hissəsi
Krıma, bir hissəsi Balkanlara, bir hissəsi isə Azərbaycana gəlib yerli
əhali ilə qarışdı (8, 32).
Xəzərlərin paytaxtı və böyük şəhərləri
VIII-X əsrlərdə inkişaf etmiş xəzər şəhərləri faktik olaraq VI
əsrdə tərəqqiyə başlayan türk şəhərlərinin həyatını davam etdirirdi.
Etnos
v
ə epos: keçmişdən bugünə
81
Müqəddəsi yuxarıda qeyd edilən şəhərlərlə yanaşı Xəzəristanda Bı-
ğındi və Fisuy şəhərlərinin də adını çəkir. Lakin bu şəhərlərin xara-
balıqlarında arxeoloji qazıntıların aparılmadığını da təəssüf hissi ilə
qeyd etmək yerinə düşər.
Səməndər, Bələncər və Saksın şəhərlərinin yerləri məlum olsa
da, Xəzəristanın paytaxtı İdil şəhərinin yeri hələ də dəqiq təyin edil-
məmişdir. İdil çayının iki müxtəlif sahilində yerləşən şəhərlərdən
biri İdil, digəri isə Hazaran (yaxud Sarığsın və Xanbalığ) adlanırdı.
İbn Havkal hökumətin yerləşdiyi qərb hissəsinə İdil, tacirlərin, mü-
səlmanların və bazarların yerləşdiyi hissəyə isə Hazaran deyildiyi
barədə məlumat verir. Lakin müəllifin Topqapı sarayında saxlanılan
əsərinin nüsxəsində isə bunun tam əksinə olaraq – hökumətin otur-
duğu qərb hissənin Hazaran, tacirlərin yaşadığı şərq hissəsinin isə
İdil olduğu göstərilir. İbn Xordadbeh, İbn Havkal və Məsudinin
yazdıqlarını bir-biri ilə tutuşdurarkən müsəlmanların və rusların ti-
carət mərkəzi kimi Hazaran göstərildiyindən İdilin (Sarığsın) şərq
tərəfinə Hazaran (Xanbalığ) deyildiyinin doğruluğunu yəqin etmək
mümkündür. «İslam ansiklopedisi»ndə qeyd edilir ki, 1558-ci ildə
ruslar Astraxan (Həştərxan yox –N.T) şəhərini indiki şəhərin 12 km
şimalında Jarenı Buqor adlanan yerə dəyişdirərkən İdilin ortasında
bir adaya rast gəliblərmiş. Ona görə də Bartold bu iki İdildən hansı-
nın daha qədim olduğunu müəyyən etməkdə çətinlik çəkmişdir (4,
94). Məsudi isə qeyd edirdi ki, İdilin şərq və qərb sahili ortada
panton körpülərlə bir birinə birləşdirilmişdir.
Bununla belə Xəzəristanın paytaxtının indiki Astraxan şə-
hərinin yerində olduğu və Qızıl Orda zamanında bu şəhərin şimala
doğru daha çox genişləndiyi və rusların bu ərazilərə nəzarət etdiyi
zaman şəhərin köhnə hissəsinin müdafiəsi üçün olduqca əlverişli
mövqedə olduğu göstərilmişdir. Xəzəristan xaqanı Yusufun məktu-
bunda və ərəb müəlliflərinin əsərlərində qeyd olunur ki, bu şəhərlə-
rin əhalisi yazı çadırlarda, qışı isə şəhərlərin özündə keçirərmişlər.
İdilin qərb hissəsində yerləşən şəhər şərq hissəsinə nisbətən daha
böyük imiş. İdil çayından bir qədər uzaqda xaqanın sarayı yerləşir-
di. Şəhərin uzunluğu bir fərsah (bir fərsah təxminən 7 km-ə bərabər-
Nizami Tağısoy
82
dir) olub, dörd darvazalı qala ilə əhatələnirdi. Şəhər dağınıq idi və
binaları köçəri türklərin çimlərdən və keçədən tikilmiş evləri şəklin-
dəydi. Evlərin tikintisində ağacdan, taxtadan istifadə olunur və keçə
ilə örtülürdü. Lakin eyni zamanda şəhərin əksər binaları palçıqdan
tikilmişdi. Xaqandan başqa heç kəs dəbdəbəli bina tikdirə bilməzdi.
Şəhərin bazarları və hamamları var idi. Bu da xəzərlərin yüksək mə-
dəniyyət daşıyıcıları olduğundan xəbər verir. İdil şəhərinin ətrafında
20 fərsah məsafədə məhsul yetişdirilir, gəmi və arabaların vasitəsilə
şəhərə daşıyırdılar. XI əsrdə Səməndər şəhərinin yerini Saksın tutur.
Bu şəhərin ümumi radiusu 6 fərsah həcmində idi. Keçəli evlərdə ya-
şayanlar şəhərin kənarında yerləşdirilmişdi. Bu ərazilərdə həmçinin
Sakarkənd, Üzkənd və Bəckənd kimi şəhərlər də mövcud idi.
Xəzərlərdə elm
Xəzəristanın şəhərləri, məsələn, Saksın şəhərinin elmi həyatı
barədə də məlumatlar mövcuddur. Mənbələrdə qeyd olunur ki,
1180-cı ildə Səmərqənddən Bağdada gələn bir alimin ustadı Əbu
Hafiz Ömər İbn Məhəmməd əl-Saksini adını daşıyırdı (10, 404).
Süleyman ibn Davud əl-Saksini adlı bir alimin 1155-ci ildə yazmış
olduğu «Zahrat əl-riyaz» adlı əsərinin nüsxələri kitabxanalarda (o
cümlədən, Berlin kitabxanasında) saxlanılmaqdadır (10, 404). Əbu
Həmid əl-Əndəlüsi bu şəhərdə təbəristanlı bir alimi gördüyünü də
qeyd edirdi.
Xəzərlərdə ticarət və vergi işi
VIII-IX əsrlərdə xəzərlər Şərqi Avropanın ən qüdrətli dövləti-
nə çevrilərək bu regionun Çin və Bizansla rəqabətə girə biləcək bir
ölkə kimi şöhrət qazanmasında böyük rol oynamışlar. Bu dövrdə
Xəzərlər ölkəsi dünyanın fəal ticarət mərkəzlərindən birinə çevril-
mişdi. Xəzərlərin ticarət və vergi işi də zamanına görə heç də pis
təşkil edilməmişdi.
Dostları ilə paylaş: |