150
- Əhalini
təşviş salmağa, kənddən çıxıb qaçmağa qoymayın. Qaldı o
bolşevik, göz-qulaq olun, bacarsanız, tutun. Müsavat qoşununun hücumu hələlik
mənə onu axtarmağa imkan vermir. Kənddəki silah anbarını möhkəm saxlayın…
…Karo ilə Aşot atlarını minib birbaş Gorusa çapdılar.
Müsavat qoşun hissələri qəflətən Dığ, Xınzirək və Daşkənd tərəfdən hücuma
keçmişdi. Daşnak sərhədçiləri qabaqda duruş gətirə bilmədiklərindən, müsavat
əsgərləri elə o günü bir neçə kəndi almışdılar. İlk qələbədən ruhlanan zabitlər
əsgərləri daha da irəli qovurdular.
Daşnak qoşun hissələri hər yerdə onlarla üzbəüz dayanmışdı. Atışma
getdikcə şiddətlənirdi.
Davanın üçüncü günü böyük qan bahasına müsavat əsgərləri Keçəl dağı
əllərinə keçirə bildilər. Topları orda qurub, Gorusu və ətraf kəndləri atəşə tutdular.
Müsavat zabitinin səngərdən çığıra-çığıra dediyi sözləri erməni əsgərləri
aydın eşidirdilər:
- Ə,
ermənilər, tüfəngi qoyun yerə, təslim olun! Siz nəsiniz ki, bizim
qabağımızda dayanasınız! Zəngəzurun müsəlman kəndlərini dağıtdığınızdan
dişinizdə şirə qalmasın. Biz Azərbaycan qoşunuyuq. Dalımızda türklər, ingilislər
durub. Qüvvəmiz çoxdur, tüfəngimiz, patronumuz çoxdur. Hər erməniyə yüz güllə
vuracayıq. İki gündən sonra bütün Zəngəzur bizim əlimizdə olacaq. Qoşunumuz
Naxçıvan tərəfdən də hücuma keçib. Sizin xəbəriniz yoxdur: Məzrə, Şələk, Bələk,
Əngələvid kəndləri alınıb.
Təslim olun, yoxsa külünüzü göyə sovurarıq!..
Təmiz hava, sərin külək qarşıdakı səngərdən daşnak zabitinin cavabını
müsavat zabitinə çatdırdı:
- Ərə, a dəli musurman, lovğalanma, yava-yava danışma! Siz Zəngəzuru
necə ala bilərsiniz? Bizim əlimizi pişik yeyib?! Bilmirsən ki, sizə kömək eləyən
ingilis bizə də eləyir? Hələ amerikanlar və general Denikin də bizim dalımızda
durub! Yəqin bilin ki, sizi Əsgərana kimi qovacayıq. Hələ Qarabağı da, Naxçıvanı
da əlinizdən alacayıq!
Bir tərəfdən atışma, bir tərəfdən də bir-birinə hədə-qorxu
gələn səngər
danışıqları xeyli davam elədi. Hər iki tərəfdən ölənlər, yaralananlar vardı.
Gün batmamış, Gorusa girmək məqsədi ilə müsavat zabiti əsgərləri hücuma
qaldırdı.
Yalan vədlərlə aldadılıb, davaya gətirilmiş əsgərlər səngərlərdən çıxdılar.
«Ya Əli!» deyə hay-küylə irəli atıldılar. Lakin səngərdən qalxmayanlar, güllə
atmayanlar da vardı.
Erməni səngərlərindən atılan güllələr dolu kimi yağırdı.
Özünü hamıdan çox qabağa verən uzundraz bir müsavat əsgəri ayaq üstə
durub, saymazyana güllə atarkən, vurulub yerə sərildi. Yekə bığlı zabit «irəli!»
deyə komanda verdi. Onu da arxadan vurdular. Başqa bir zabit də, bığlı zabiti
öldürən əsgəri yerə sərdi.
Erməni əsgərləri səngərlərdən çıxıb, «ura» deyə əks-hücuma keçdilər. Bunu
görən müsavat əsgərləri geri çönüb qaçmağa üz qoydular.
Yerlərindən
tərpənməmək, geri qaçmamaq üçün zabit nə qədər əmr elədi, güllələməklə
151
qorxutdusa da, dayanmadılar. O zaman həm zabit özü, həm də erməni əsgərləri
qaçanları daldan atəşə tutdular.
«Ərə, qırın bu musurmanları!» deyə erməni zabiti qışqırdı və özünü irəli
atdı.
Erməni əsgərləri ürəklənib, «ura!» deyə-deyə müsavat əsgərlərini qovmağa
başladılar…
…Müsavat hökuməti ilə daşnak hökumətinin arasındakı dava
çox uzun
sürmədi. Müsavat qoşununun biabırcasına məğlubiyyəti ilə qurtardı.
Müsavatçıların torpaq almaq, hər iki xalq arasında milli ədavət toxumu
səpmək, onları bir-birinin canına salışdırmaq məqsədi ilə başladıqları bu dava çox
uzanmasa da, böyük zərər verdi. Hər iki tərəfdən ölənlər, yaralananlar oldu. Evlər
qarət olundu, lakin erməni kəndləri dağılmadı. Əhali öz yurdundan, evindən qaçqın
düşmədi.
Müsavat qoşununun məğlub olmasının səbəbləri o idi ki,
daşnak qoşununun
komandanlığı daha cəld hərəkət etmişdi. Şadlinskinin verdiyi məlumatı əsas
tutaraq, müsavat əsgərlərinin arxasına gözlənilməz yerdən əsgəri hissələr
çıxarmışdı; eyni gündə Zəngəzura hücum etməli olan Naxçıvan polku yubanmışdı,
daha doğrusu, Ərikli dağında qara-borana düşmüşdü. Əsgərlərdən donub öləni də
az olmamışdı. Çox əzab-əziyyətlə təbii maneələri dəf edən Naxçıvan polku
Zəngəzur torpağına girmişdi. Zəngəzurun Sisyan hissəsində daşnakların qoşunu
olmadığından, Naxçıvan polku asanlıqla bir neçə kəndə daxil ola bilmişdi. Lakin
qələbəni axıra kimi əldə saxlaya bilməmişdi. Mirzə, Şələk, Bələk, Əngələvid və
sairə kəndlərin adamları Baqratın başçılığı ilə dəstələr düzəldib qarşıya
çıxmışdılar. Bir neçə gün sürən davadan sonra, polk komandirini əsir alıb
öldürmüşdülər. Bunu bilən müsavat əsgərləri arasına pərakəndəlik düşmüş, ölən
ölmüş, sağ qalanlar qaçıb yenə Əriklini o tərəfə aşmışdılar.
Müsavat qoşununun məğlub olmasına əsas səbəblərdən biri də bolşeviklərin
əsgərlər arasında müharibəyə qarşı apardıqları təbliğatı idi.
Karo sözünə davam edib dedi:
-
Mən heç belə bilməzdim, atan çox qoçaq imiş, Samvel. – Milli Şuranın
üzvü olmaq ona halal olsun! Əgər o, dəstələr düzəldib, qabağa çıxmasaydı,
Naxçıvan polku Sisyan kəndlərini tutardı. İş onda çətinləşərdi. Çünki İravana dava
başlanan günü dalbadal vurduğum teleqramlara cavab aldım ki, indi əlavə qoşun
göndərmək mümkün deyil: Zəngəzurdakı hərbi qüvvənin və yerli əhalinin köməyi
ilə özünüzü müdafiə eləyin. Qərəz, belə! Ümumiyyətlə, müsavatçıların sınması, tez
geri çəkilməsi çox yaxşı oldu.
Karpovun yerinə təzə təyin olunmuş Samvel məğrur-məğrur gülərək dedi:
- Mənim atam,
sənin qaynatan, dar ayaqda kara gələn adamdır. Bəli, qoy bu
dava musurmanlara yaxşıca dərs olsun! Burunlarını bir də girə bilmədikləri kola
soxmasınlar.
- Elədir, elədir! Daşın yekəsindən yapışanın qarnı cırılar.
Karo gah özünü, gah daşnak əsgərlərinin igidliyini tərifləyə-tərifləyə xeyli
danışdı. Nəhayət, Şadlinskidən söz salıb onun haqqında Samvelə bəzi tapşırıqlar
verdi. Samvel getmək istəyəndə, qoymadı.