daşıyırsan. Qanun qarşısında cavab verməyə hazırsanmı? Gəl sən nə
bizi yor, nə də özünü. Açıq aşkar nə olubsa danış!
Görünür Səbinə xanım polkovnik Muradlının sözlərindən təsirləndi. Söz
verdi ki, bildiyi hər şeyi danışacaq. Bircə onu yalan ifadəyə görə həbs
etməməyimiz üçün yalvarmağa başladı. Məmmədzadə də razı oldu. Səbinə də
sözə başladı:
-
Mən orta məktəbdə oxuyandan anamız bizimlə danışmağa fürsət
tapmışdı. Cavad o vaxtdan ona kin saxlayırdı. Düşünürdü ki, bizi mal-
mülk əlindən getməsin deyə atıb. Lakin mən hər zaman onu həsrətlə
gözləyirdim. Sahibə pis insan deyil. Amma yenə də öz anam sağ ikən
yad birisinə necə ana deyərdim?! Sağ olsun Simuzər xala. O anamdan
mənə, məndən də anama xəbər çatdırardı. Nəhayət bir il əvvəl
görüşüb danışdıq. İşləmək istədiyimi demişdim. Tezliklə mənə bu işi
tapdı. Dedi ki, müdirlə danışıb həll eləmişəm. İş saatların qısadır. Odur
ki, atamgil gəlməzdən əvvəl evdə olaram. İki ay əvvəl də Cavadla
danışmaq istədi. Lakin Cavad onun haqqında eşitmək belə istəmirdi.
Qardaşımı çox sevirdim. Əgər yaşasaydı anamızla barışdığımı və onun
necə yaxşı qadın olduğunu deyərdim. Əminəm ki, ilk görüşdən sonra
anamızı bağışlayardı.
-
Yaxşı səhər saat 7:30 da işə gedirsinizsə niyə cinayət baş verən gün
yatdığınızı deyirsiz? Bizim əlimizdə sübut var ki, həmin vaxt siz nəinki
oyaq olmusuz, hətta cinayətin necə törədildiyinin şahidi olmusuz!
Səbinə əllərini üzünə tutub hönkür-hönkür ağlamağa başladı. Sanki hər
şeyi yenidən görürdü. Üzünü polkovnik Muradlıya tutub dedi:
-
Hər zaman olduğu kimi həmin gün də işə gedəcəkdim. Bağçada
yoxlama olacağından saat 7-də işdə olmalıydım. Cavadla atam çıxar
çıxmaz mən də hazırlaşdım. Cəmi 4-5 dəqiqə gözləyib evdən çıxdım.
Blokun qapısına yaxınlaşanda atamla Cavadın bir kişi ilə mübahisə
etdiyini gördüm. Azacıq dayanıb gözlədim ki, bəlkə mübahisə bitər və
mən işə gedərəm. Lakin Cavadın onu itələdiyini gördüm: - Səbinə
titrək səsi ilə sözünə davam etdi: - o kişi cibindən bıçaq çıxardıb əvvəl
Cavada vurdu. Atam onu qolları arasında tutanda atamın da
ürəyindən bıçaqladı. Cavad ayağa qalmaq istədiyi an qatil ona yenidən
bir neçə dəfə bıçaq sancdı. Qorxumdan qışqırdım. Düşündüm ki, hər
ikisi də öldü. Amma o bloka yaxınlaşdı. Mən evə doğru qaçdım. O da
arxamca qaçırdı. Evin qapısına az qalmış məni tutdu. Bıçağı boğazıma
dirədi. Dedi əgər kiməsə nə isə desəm məni, anamı və yaxınlarımı da
öldürəcək. Mən də razılaşmalı oldum :- Səbinə sözlərini yarım qoyub
boynundakı yaylığını açıb boğazındakı bıçaq izini göstərdi: - Sonra
əlimi boğazıma sıxıb içəri keçdim. Ağlamaqdan az qalırdı ürəyim
partlaya. Boynumdakı qanı Sahibə görmədi. Çünki, içəri keçən kimi
otağa girib, arxadan bağladım.
-
Qatil Sahibdir?- Muradlı qəfildən sual verdi.
-
Mən qorxuram. Desəm anamı da öldürər, yaralı atamı da, məni də.
Məmmədzadə:
-
Siz qatili nə vaxta kimi gizlətmək fikrindəsiniz? Narahat olmayın, biz
sizi qoruyarıq. Amma gizlətməyə təkid etsəniz sizi cinayətkara yardım
etdiyiniz üçün həbs edəcəyik.
Polkovnik Muradlı:
-
Qızım insafa gəl, de görüm, qatil Sahibdir? Dünən sizin evə sənə
növbəti dəfə xəbərdarlıq etmək üçün gəlmişdi? Danış, qorxma!
Unutma ki, heç bir qatil şahidi sağ buraxmaz.
Mən:
-
Səni də bir zaman öldürəcək. Axı atan hələ sağdır. Ona yazığın gəlsin.
Mayor Səfərli:
-
Bəs Cavad?! Onun qanını yerdə qoyacaqsan?
Səbinə qətiyyətlə cavab verdi:
-
Bəli atamı da Cavadı da bıçaqlayan qonşumuz Sahib idi!!!
Bu vaxt qapı açıldı. Sahib qapıdan boylanıb:
-
Rəis, bəlkə sabah gələrəm? Hə? İşim gücüm var axı!
Polovnik-leytenant Məmmədzadə bizə əmr etdi:
-
Tutun onu! Ciblərini yoxlayın.
Səfərli və mən Sahibi cəld tutduq. Qollarına qandal vurub, ciblərini
gəzdik. Oradan cib dəsmalı, kağız parçası, və cib bıçağı tapdıq.
Dəhlizə çıxıb bıçağı polis zabitinə uzatdım. Təcili ekspertizaya aparıb qısa
zamanda cavab göndərmələrin istədik.
Sahib:
-
Mənim günahım yoxdur. O çörək bıçağımdır. Mağazada para çörək
satanda onunla kəsirəm. Hara aparırsız? Nə ekspertiza, siz nə
danışırsız? Mən qatil deyiləm!!!
Polkovnik Muradlı:
-
Demək günahın yoxdur?
-
Hə. Günahsızam.
-
Yaxşı nə deyirəm. Bəs hadisə baş verdiyi zaman nə edirdin?
-
Demişdim axı. İfadəmdə var. Çörək almağa düşmüşdüm. Qızımın ad
günü idi. Onda Cavadgillə rastlaşdım.
-
Aha... demək çörək alırdın?
-
Hə qəpiklərim də yerə tökülmüşdü. Onda görmüşdüm ki, yerə
sərildilər. Qatil isə əllərini sallaya-sallaya gedir.
-
Qəpiklərin?
-
Hə, qəpiklərim. 7 çörəklik qəpiyim vardı, əlimdən yerə dağılmışdı.
-
Nəyə görə siz çörək satdığınız halda evinizə çörəyi məhz pulla alırsız?-
Muradlı davam etdi- Bizi axmaq yerinə qoymayın Sahib bəy. Əlimizdə
Səbinənin etirafı var. Günahınızı boynunuza xoşluqla alın. İş ondadır ki,
polkovnik-leytenant Məmmədzadə, bu şəxs qara plaşlı alnı çapıqlı
qatili uydurub ki, sizi səhv yola salsın. Məhz onun verdiyi yanlış ifadə
sizin cinayəti açmanıza mane olub. Düyünün harada olduğunu
soruşurdunuz. Baxın düyünün özü elə qarşınızda əyləşib. Əks halda siz
bu cinayəti çoxdan açmışdız. Sahibin qatil olduğunu göstərmək üçün
Səbinənin ifadəsi bəs edərdi. –üzünü yenidən Sahibə tutub - Yaxında
Fərhad bəy də ifadə verə bilər. Onda çıxış yolunuz olmayacaq.
Sahib bir qədər başı aşağı oturdu. Nə isə qərarlaşdırdığını hiss etmişdim
ki, sözə başladı:
-
Bəli yoldaş müstəntiq daha gizlətməyin yeri yoxdur. Qatil mənəm! İş
ondadır ki, axmaq nəfsimin qurbanı olmuşam. Hər həftə ailəmdən
xəbərsiz qumar oynayardım. Düşünürdüm ki, bir zaman külli miqdarda
pul udaram və ailəmi kasıblıqdan xilas edərəm. Lakin alınmadı. Bir gün
oyunun ən qızğın yerində pulum bitdi. Tərslikdən dükanımın sənədləri
cibimdə idi. Əlimə keçər keçməz düşünmədən oyuna qoydum.
İnanırdım ki, udaram. Amma şansım yox imiş. Uduzdum. Beləliklə,
ailəmi necə deyərlər “çörək ağacından” məhrum etdim. Başqa iş də
əlimdən gəlmirdi. Bacardığım tək şey ticarət idi. O andan özümə bir
daha qumar oynamayacağıma söz verdim. Tövbə etdim. Dükanımı
uduzduğum şəxs insaflı oldu. Dedi sənədi 5 min manatın müqabilində
qaytaracaq. Amma cəmi 3 gün vaxt verdi. Üç günə 5 min manatı necə
tapardım. Elə bir tanışım, dostum da yox idi. Dükan da atamdan mənə
qalma idi. İşlədikcə ərazisini genişləndirmişdim. 100-200 manat deyil
ki, tanışlarımdan tapam. Mənim üçün 5 min manatı tapmaq özü də 3
günə qeyri-mümkün idi. Həmin gecəni yata bilmədim. Götür qoy edib
borc ala biləcəyim insan axtarırdım. Nəhayət Fərhad bəy və onun ilk
yoldaşı Zərifə xanımı xatırladım. Səhər açılan kimi blokun ağzında
Dostları ilə paylaş: |