F. KÖÇƏRLİ adina məDƏNİYYƏt və turizm naziRLİYİ respublika uşaq kitabxanasi
Aprel – Xalq artisti, aktyor Həsənağa Turabovun 80 illiyi, (1938-2003)
Yüklə 3,54 Mb. Pdf görüntüsü
|
- Bu səhifədəki naviqasiya:
- Azərbaycan Respublikası Prezidentinin 4 aprel 1995-ci il tarixli 307 saylı fərmanı ilə leytenant Xasıyev Samir Zirəddin oğluna ölümündən sonra
- May Əlamətdar tarixi günlər və bayramlar
- Bu tarixi unutmayaq
- Yubilyar yazıçı və şairlər
142
24 Aprel – Xalq artisti, aktyor Həsənağa Turabovun 80 illiyi, (1938-2003) Həsənağa Səttar oğlu Turabov 1938-ci il aprelin 24-də Bakı şəhərində anadan olub. 31 saylı orta məktəbdə təhsil alıb. Orta məktəbi bitirdikdən sonra Azərbaycan İncəsənət İnstitutuna daxil olub və 1960-cı ildə aktyorluq ixtisası üzrə ali təhsilini başa vurub. Elə həmin ildən Azərbaycan Dram Teatrında aktyor kimi fəaliyyətə başlayıb və ömrünün sonuna qədər bu teatrda çalışıb. 1987-2001-ci illərdə teatrın direktoru və bədii rəhbəri vəzifələrində işləyib. Onun rəhbərliyi dövründə teatr əsaslı təmir edilmiş, neçə-neçə klassik və müasir əsərlər səhnəyə qoyulmuşdur. Səhnə fəaliyyətinə başladığı ilk illərdən lirik-psixoloji üslubu ilə seçilib, Azərbaycan və dünya dramaturqlarının əsərlərində baş rolları ifa edib. Ağasadıq Gəraybəyli, İsmayıl Dağıstanlı, İsmayıl Osmanlı, Mehdi Məmmədov, Adil İsgəndərov və neçə-neçə başqa sənətkarlarla tərəf-müqabil olub. Səhnədə yaratdığı rollar arasında Vahid ("Kəndçi qızı"), Azər ("Yaxşı adam"), Hamlet ("Hamlet"), Lionel ("Orman qızı"), İsgəndər ("Ölülər") Xəyyam ("Xəyyam") xüsusilə seçilir. Həsənağa Turabov bir sıra bədii filmlərdə, o cümlədən, televiziya filmlərində maraqlı və yaddaqalan surətlər yaradıb. "Yeddi oğul istərəm" filmindəki Gəray bəy obrazı onun ən yaddaqalan rollarındandır. Onun digər bir yaddaqalan rolu "Babək" filmində yaratdığı Afşin roludur. Həsənağa Turabovun "Axırıncı aşırım", "Çarvadarların izi ilə", "Ürək... Ürək...", "Sevinc buxtası", "Dantenin yubileyi", "Qəm pəncərəsi", "Bəyin oğurlanması" və başqa filmlərdəki rolları da öz ifa tərzilə seçilir. "Qanlı zəmi" filminin isə rejissoru olmuşdur. H.Turabovun son çəkildiyi filmlər isə Rüstəm İbrahimbəyovla Ramiz Həsənoğlunun "Ailə" və Eldar Quliyevin "Nə gözəldir bu dünya..." filmləri olmuşdu. Həsən Turabovun Azərbaycan Dövlət Mədəniyyət və İncəsənət Universitetinin professoru kimi pedaqoji fəaliyyəti də səmərəli olub. O, zəngin təcrübəsinə əsaslanaraq, gənclərin bu nəcib, eyni zamanda mürəkkəb sənətin incəliklərinə yiyələnməsi və Azərbaycan teatrının ənənələrini davam etdirə biləcək sənətkarların yetişdirilməsi işində əlindən gələni edib. Həsən Turabov 2003-cü ildə vəfat etmişdir. Filmoqrafiya: Yeddi oğul istərəm... (film, 1970), Babək (film, 1979), Mən mahnı qoşuram (film, 1979), Qızıl uçurum (film, 1980), Anlamaq istəyirəm (film, 1980), Gözlə məni (film, 1980) , Xeyir və Şər (film, 1980).
143
20 aprel – Azərbaycanın Milli Qəhrəmanı Xasıyev Samir Zirəddin oğlunun 45 illiyi, (1973-1995) 20 aprel 1973-cü ildə Bakı şəhərində doğulmuşdur. 1980-ci ildə Bakının Nərimanov rayonundakı 82 saylı orta məktəbin birinci sinfınə getmişdir. 1988-ci ildə ailəsi Gəncə şəhərinə köçdüyü üçün, orta təhsilini 14 saylı beynəlmiləl orta məktəbdə tamamlamışdır. O, məktəbi bitirib Bakıya qayıdır. 1991-ci ildə Bakı Soyuducular Zavodunda işləməyə başlayır. Elə həmin il Bakı Dövlət Universitetinin tarix fakültəsinin axşam şöbəsinə daxil olur. Birinci kursda oxuyarkən hərbi xidmətə çağırılır. O, əvvəlcə Dərnəgüldəki tikinti batalyonunda xidmət edir. 1992-ci ildə isə Vətənin çağırışına səs verərək rəhbərlikdən döyüş bölgəsinə göndərilməsini xahiş edir. S.Xasıyev qısa təlim keçdikdən sonra ön cəbhəyə yola düşür. İlk döyüşü Ağdam rayonunun Mərzili kəndindən başlayır. 1993-cü ildə Füzuli, Ağdərə bölgələrində aparılan əməliyyatlarda fəal iştirak edir. Samir bir neçə dəfə yaralansa da, döyüş bölgəsini tərk etmir, yoldaşlarının yanında qalmağı üstün tutur. Samirin gərgin döyüşlərinin biri də Tərtər cəbhəsində oldu. Ölümün gözünə dik baxan cəsur döyüşçü bir neçə dəfə mühasirəni yararaq yoldaşlarını xilas etdi. Bacarığını, səriştəsini nəzərə alıb onu iki aylıq zabitlər kursuna göndərdilər. O, leytenant rütbəsi alandan sonra yaratdığı bölüyün komandiri oldu. Samir 1994-cü ildə Gəncə qiyamının yatırılmasında fəal iştirak etdi, "Hərbi xidmətlərə görə" medalı ilə təltif edildi. Subay idi. Bakı şəhərində 2-ci Şəhidlər Xiyabanında dəfn edilmişdir. Bakının Nərimanov rayonundakı keçmiş Montin adına Mədəniyyət və İstirahət parkına Samir Xasıyevin adı verilmiş və parkda büstü qoyulmuşdur.
İnternetdə: www.books.google.com
144
Əlamətdar tarixi günlər və bayramlar 3 May – Beynəlxalq Söz və Mətbuat Azadlığı Günü, (1993) 3 May – Türk Dünyasının Həmrəylik Günü, (1944) 3 May – Beynəlxalq Günəş Günü, (1994) 5 May – Əlillərin Hüquqlarının Müdafiəsi Günü, (1992) 8 May – Ümumdünya Qızıl Xaç və Qızıl Aypara Hərəkatı Günü, (1953) 9 May – Faşizm üzərində Qələbə Günü, (1945) 15 May – Beynəlxalq Ailə Günü, (1994) 15 May – Beynəlxalq İqlim Günü, (1992) 18 May – Beynəlxalq Muzeylər Günü, (1977) 20 May – Ümumdünya Meteorologiya Günü, (1875) 21 May – Ümumdünya Dialoq və İnkişaf Naminə Mədəni Müxtəliflik Günü, (2002) 22 May – Beynəlxalq Bioloji Müxtəliflik Günü, (2000) 23 May – Ümumdünya Tısbağa Günü, (2000) 28 May – Azərbaycan Xalq Cümhuriyyətinin 100 illik yubileyi, (1918) 31 May – Ümumdünya Tütünlə Mübarizə Günü,
(1988)
Bu tarixi unutmayaq 8 May – Şuşa şəhərinin işğalı günü, (1992) 17-18 May – Laçın rayonunun işğalı günü, (1992)
10 May – Ümummilli lider Heydər Əliyevin 95 illiyi, (10.05.1923 - 12.12.2003) Yubilyar yazıçı və şairlər Şair Eyvaz Borçalının 80 illiyi, (05.05.1938) Xalq yazıçısı, dramaturq, tənqidçi Elçin Əfəndiyevin 75 illiyi, (13.05.1943) Şair Əli Qurban Dastançının 90 illiyi, (14.05.1928-27.03.2004) Şair, ədəbiyyatşünas Bəkir Çobanzadənin 125 illiyi, (15.05.1893-1937) Şair Əhməd Mahmudun 90 illiyi, (17.05.1928) Ədəbiyyatşünas, tərcüməçi, biblioqraf Əmin Əfəndiyevin 85 illiyi, (18.05.1933) Dramaturq Rauf İsmayılovun 95 illiyi, (20.05.1923-1980) Yazıçı Rəşid bəy Əfəndiyevin 155 illiyi, (24.05.1863-1942) Ədəbiyyatşünas, tənqidçi Mustafa Quliyevin 125 illiyi, (24.05.1893-1938) Ədəbiyyatşünas, publisist Əli Mirzəyevin 85 illiyi, (24.05.1933) Ədəbiyyatşünas, tərcüməçi Elmira Axundovanın 65 illiyi, (26.05.1953)
Yüklə 3,54 Mb. Dostları ilə paylaş:
|