145
İncəsənət
Xalq artisti, aktyor Kamal Xudaverdiyevin 80 illiyi, (03.05.1938-23.04.2008)
Teatrşünas, tənqidçi Mehdi Məmmədovun 100 illiyi, (22.05.1918-28.01.1985)
Xalq aristi, aktyor Fuad Poladovun 70 illiyi, (24.05.1948)
Milli Qəhrəmanlar Zirvəsi
Azərbaycanın Milli Qəhrəmanı Mirzəyev Yusif Vəli oğlunun 60 illiyi,
(23.05.1958-19.02.1993)
146
Əlamətdar tarixi günlər və bayramlar
3 May – Beynəlxalq Söz və Mətbuat Azadlığı Günü, (1993)
1991-ci il mayın 3-də Namibiyanın
paytaxtı Vindhukda regional seminara
toplaşmış jurnalistlər azad və müstəqil
informasiya vasitələrinə yardımçı olmaq
məqsədilə bütün dünya hökumətlərinə
mətbuat azadlığının və demokratikliyinin
təminatına yardımçı olmağa çağıran
Vindhuk Bəyannaməsini qəbul ediblər.
Buna görə, BMT Baş Məclisi 1993-cü ildə
mayın 3-nü Beynəlxalq Söz və Mətbuat
Azadlığı Günü elan edib. Söz və mətbuat azadlığı demokratiyanın meyarı olaraq
tanınır. Söz azadlığının olmadığı ölkələrdə insan hüquqlarının pozulması hallarına
daha çox rast gəlinir. Bu gün bir çox beynəlxalq qurumlar ölkələrdə söz və mətbuat
azadlığını diqqət mərkəzində saxlayırlar.
İnternetdə:
www.books.google.com
3 May – Türk Dünyasının Həmrəyliyi Günü, (1944)
Türk millətinin bayrağı onun müqəddəslik simvoludur.
Bu tarixi gün ilk dəfə 1944-ci ilin 3
mayında Topxana hərbi həbsxanasında 10
nəfər məhkum tərəfindən qeyd olunub.
Azərbaycanda Türkçülük Günü 1992-ci ilin
may ayının 3-dən etibarən qeyd edilir.
Türkçülük Günü Türkiyədə daha geniş
qeyd olunur. Azərbaycanda isə bu günü
əsasən milliyyətçilər qeyd edirlər. Hər bir
xalq öz keçmişini, tarixini bilməli, özünü
tanımalı və mirası yaşatmalıdır. 3 May tarixinin Türkçülük Günü kimi tarixə
yazılmasında, türkçülük uğrunda mübarizə aparan insanlar uzun illər təqiblərə məruz
qalmışlar. Türkçülük Günü əslində Türkiyədən qaynaqlanır. Türk dünyası bütün
dünyaya ədalət, hürriyyət gətirdi. Sonradan türkü məhv etmək üçün müəyyən
qüvvələr hərəkətə gəldi. Türk dövlətləri sıradan çıxarıldı, 1918-ci ildə Birinci Dünya
müharibəsi bitənə kimi Osmanlı imperiyasını da çökdürdülər. Bundan sonra
meydana Atatürk gəldi və türk millətini, türk milliyyətçilərini qalibiyyətə apardı.
Atatürkdən sonra baş verən proseslər yenidən Qərb dünyasının istəyi ilə getməyə
başladı. Bu dövrdə milliyətçilər təqiblərə məruz qaldılar və bunun kuliminasiya
nöqtəsi isə 3 may 1944-cü ildə baş verdi.
İnternetdə:
www.books.google.com
147
3 May – Beynəlxalq Günəş Günü, (1994)
Bu gün YUNESKO-nun qərarı ilə təyin olunmuşdur. Yer kürəsinə ən yaxın
ulduz Günəşdir. Yaşayışın mənbəyi olan Günəşi nə qədər tanıyırıq? Beynəlxalq
Günəş Günü artıq on ildən çoxdur ki, may ayının 3-də qeyd edilir. Günəş Günü Milli
Uçuş və Kosmos İdarəsi tərəfindən qeyd edilir. Günəş bitki və heyvanlar aləminə
lazım olan istiliyi, işığı verir. Yer Kürəsinin atmosferini formalaşdırır. Azərbaycan
ədəbiyyatının görkəmli nümayəndəsi, böyük şairimiz Məmməd Araz hələ 1982-ci
ildə maraqlı bir şeir yazmışdır: “Günəş günü”. Bu şeir təbiəti, işığı, yerin və göyün
gözəlliklərini, eləcə də insanın ruhundakı nuru, xeyirxah əməlləri qorumaq üçün bir
çağırış idi:
Əkinçi, səpinçi gününə yaxın,
Dəmirçi, kömürçü gününə yaxın,
Bu günü qoparaq il budağından,
Elə adisinin, elə bozunun.
Süpürüb qarını, silib tozunu
Yuyub gözümüzdə, sözümüzdə biz
Sərib qurudub da sinəmizdə biz,
O günə ad verək, ad – Günəş günü,
Əkək ağlımıza, yaddaşımıza.
Bir gün salam verək, - İşığın aydın!
Töhfəmiz olmasın işıqdan ayrı...
Bu şeir yazılandan xeyli sonra – 1994-cü ildə beynəlxalq təqvimlərdə
əlamətdar günlər sırasına biri də əlavə olundu: Günəş Günü. Beynəlxalq Günəş
Enerjisi Cəmiyyətinin Avropa bölməsinin təşəbbüsü ilə insanların diqqətini bərpa
olunan enerji mənbələrinə cəlb etmək üçün hər il mayın 3-də dünyada Günəş Günü
qeyd olunur. Həmin gündə alimlər, ictimai təşkilatlar və şirkətlər günəş enerjisinin
imkanlarını nümayiş etdirmək üçün müxtəlif tədbirlər təşkil edirlər.
İnternetdə:
www.books.google.com
148
5 May – Əlillərin Hüquqlarının Müdafiəsi Günü, (1992)
1992-ci ildən BMT Baş Assambleyasının qərarı ilə hər il 5 may Əlillərin
Hüquqlarının Müdafiəsi Günü kimi qeyd olunur. Azərbaycanda bu qəbildən olan
insanların sayı 450 mindən çoxdur. Ölkəmizdə əlillərin sosial müdafiəsi ilə bağlı
dövlət proqramı mövcuddur. Həmin proqramda əlilliyin qarşısının alınması,
əlillərin reabilitasiyası və sosial müdafiəsi haqqında qanunun bütün müddəaları öz
əksini tapıb. Əlillərin sosial müdafiəsi isə ildən-ilə daha da gücləndirilir, bu
istiqamətdə genişmiqyaslı tədbirlər həyata keçirilir. Bu işlər onların cəmiyyətə
inteqrasiyasına xidmət edir. Dövlət hər ay əlillik qruplarına uyğun olaraq, onlara
pensiya və sosial müavinətlər verir. Onların sağlamlığının bərpası üçün paytaxtda
və bölgələrdə reabilitasiya mərkəzləri fəaliyyət göstərir. Bütün bunlar əlilliyin
qarşısının alınmasında, əlillərin reabilitasiyasında mühüm rol oynayır.
BMT-nin nüfuzlu strukturlarından biri olan Uşaq Fondunun (UNİCEF)
Azərbaycandakı nümayəndəliyi tərəfindən ölkəmizin Prezidentinə ünvanlanmış
2008-ci il 12 dekabr tarixli müraciətdə "Əlillərin hüquqları haqqında"
Konvensiyanın yerli və mərkəzi səviyyədə müxtəlif dövlət qurumları arasında
əlaqələndirməni təmin etmək məqsədilə hökumətdə əlaqələndirici şəxsin təyin
olunması və əlaqələndirmə mexanizminin yaradılması (maddə 33.1),
Konvensiyanın həyata keçirilməsinin təşviqi və monitorinqi (maddə 33.2)
məqsədilə Ombudsman Aparatında müvafiq bazanın yaradılması üçün adekvat
tədbirlərin görülməsi təklif edilmişdir. Bu UNİCEF-in həmin istiqamətdə
hökumətimizə dəstək vermək niyyətində olduğunun ifadəsidir.
İnternetdə:
www.books.google.com
Dostları ilə paylaş: |