F. KÖÇƏRLİ adina məDƏNİYYƏt və turizm naziRLİYİ respublika uşaq kitabxanasi
İyun – Şair, yazıçı Əminə Tuncayın 75 illiyi, (1943)
Yüklə 3,54 Mb. Pdf görüntüsü
|
- Bu səhifədəki naviqasiya:
- 14 İyun – Şair, yazıçı Əminə Tuncayın 75 illiyi, (1943)
- Ədəbiyyat: Əhmədov T. Azərbaycan yazıçıları (XX-XXI yüzillikdə) : Ensiklopedik məlumat kitabı. – Bakı : Nurlar Nəşriyyat-Poliqrafiya Mərkəzi, 2011.
- Kitabları
- 23 İyun – Şair, ədəbiyyatşünas Qasım Qasımzadənin 95 illiyi (1923-1993)
202
Abbasova Əminə Abbas qızı 1943-cü il iyunun 14-də Azərbaycanda Bakı şəhəri yaxınlığındakı Nardaran kəndində anadan olmuşdur. Bakı şəhərində 134 saylı orta məktəbi bitirdikdən sonra M.Əliyev adına Azərbaycan Dövlət İncəsənət İnstitutunda təhsil almışdır (1963-1969). “Azərbaycanda incəsənətin inkişafı” mövzusunda elmi araşdırmalar aparmış, dissertasiya müdafiə etmişdir. Fəlsəfə elmləri namizədidir (1993). Hazırda
Azərbaycan Respublikası hərbi komissarlığının əməkdaşıdır (1994-cu ildən). XX əsrin 70-ci illərindən bədii yaradıcılıqla ardıcıl məşğul olmuşdur. İlk mətbu hekayəsi “Peşmana nə deyim”, “Azərbaycan qadını” jurnalının 1973-cü il 9-cu sayında dərc olunmuşdur. “Ədəbiyyat və incəsənət”, “Bakı”, “Şərq qapısı”, “Azərbaycan müəllimi”, “Azərbaycan gəncləri” qəzetlərində, “Azərbaycan”, “Ulduz”, “Kirpi” jurnallarında hekayə, mənsur şeir, oçerk, lirik şeirləri çap edilmişdir. “Günəş və dəniz” (1980) və “Yolunu gözləyirəm” (1984), “Közərən məhəbbət” (2003), “Xatirələr” (2004), “Azərbaycanın görkəmli şəxsiyyətləri” (2004) kitabları nəşr olunmuşdur. Əminə Tuncayın Üzeyir bəyə həsr etdiyi “Musiqi töhfələri” adlı əsəri öz bədii dəyəri ilə musiqi, incəsənət aləmi üçün çox böyük bir mənəvi töhfədir. Ədəbiyyat tariximizin dəyərli bilicilərindən olan Əminə Tuncayın bir söz adamı kimi ədəbiyyatda özünəməxsus layiqli bir yer tutması da təqdirəlayiqdir. Əminə Tuncay təqdim etdiyi bu yeni əsəri ilə ədəbi-mənəvi irsimizi bir daha zənginləşdirən dəyərli ziyalı, alim-yazar kimi öz sözünü deyib. Qələminə, istedadına hörmətlə yanaşdığımız M.Füzuli yaradıcılığının şah əsəri olan “Leyli və Məcnun” poemasına sənət həyatı verən Üzeyir bəyin “Leyli və Məcnun” operasının mənəvi-psixoloji, ədəbi-estetik dəyərlərini ustalıqla verən Əminə Tuncay böyük Füzulinin, Üzeyir bəyin layiqli tədqiqatçısı, dəyərli davamçısı – xələfi olduğunu bu əsərilə təsdiqləyir. Əminə Tuncayın “Musiqi töhfələri” kitabı elmi mənbələr toplusudur.
görkəmli şəxsiyyətləri” (2004), “Xatirələr” (2004), və s. Ədəbiyyat: Əhmədov T. Azərbaycan yazıçıları (XX-XXI yüzillikdə) : Ensiklopedik məlumat kitabı. – Bakı : Nurlar Nəşriyyat-Poliqrafiya Mərkəzi, 2011.
203
İsgəndərov Bayram Məmməd oğlu 1943-cü ildə iyun ayının 17-də Naxçıvan şəhərində doğulub. Burada 1 saylı şəhər orta məktəbi bitirdikdən sonra Azərbaycan Dövlət Universitetinin filologiya fakültəsində təhsilini davam etdirmişdir (1962- 1967). Uzun illər jurnalist peşəsi ilə məşğul olmuşdur. Ədəbi yaradıcılığa erkən yaşlardan başlamışdır. İndiyə qədər – “Bir payız günü”, “Günəş həmişə olacaq”, “Balaca nağılçı”, “Yeddi ilin ayrılığı”, “Vaxtla üz-üzə”, “Sevgi məktubları”, “Qorxaq ayı balası Toxmaq” və “Çil xoruzun aqibəti” kitabları işıq üzü görüb. Uşaqlar üçün bir sıra pyeslər yazıb. Onlardan “Cırtdanın yeni sərgüzəşti” və “Xeyirxah kirpi” pyesləri Naxçıvan Dövlət Kukla Teatrında, “Meşə əhvalatı” və “Sıçanların hiyləsi” pyesləri isə Naxçıvan Dövlət Uşaq Teatrında tamaşaya qoyulub. Hekayələri müntəzəm olaraq “Azərbaycan”, “Ulduz”, “Göyərçin” jurnallarında, “Ədəbiyyat qəzeti”, “Kaspi “, “525-ci qəzet” və digər qəzetlərdə çap olunur.
Kitabları: “Günəş həmişə olacaq” (1984), “Balaca nağılçı” (1987), “Yeddi ilin ayrılığı” (1990) və s. Ədəbiyyat: Əhmədov T. Azərbaycan yazıçıları (XX-XXI yüzillikdə) : Ensiklopedik məlumat kitabı. – Bakı : Nurlar Nəşriyyat-Poliqrafiya Mərkəzi, 2011.
204
Qasım Xansuvar oğlu Qasımzadə 1923-cü il iyunun 23-də Qubadlı rayonunun Xocamusaxlı kəndində anadan olmuşdur. Şəki pedaqoji texnikumunu bitirdikdən sonra Kəlbəcərdə orta məktəb müəllimi, Yevlax rayon xalq maarifi şöbəsində metodist işləmişdir. ADU-nun filologiya fakültəsində təhsilini davam etdirmişdir (1945-1950). Eyni zamanda "Azərbaycan gəncləri" qəzeti redaksiyasında ədəbiyyat və incəsənət şöbəsinin müdiri (1947-1949) olmuşdur. Ədəbi fəaliyyətə 1944-cü ildə "Kommunist" qəzetində çap etdirdiyi "Vəfasız olmaz" adlı ilk şeiri ilə başlamışdır. Dövri mətbuatda şeirləri, ədəbi-tənqidi və publisist məqalələri ilə ardıcıl çıxış etmişdir. "Ədəbiyyat və İncəsənət" qəzeti redaksiyasında tənqid şöbəsinin müdiri, Azərbaycan EA Nizami adına Ədəbiyyat İnstitutunun aspirantı (1950-1953), baş elmi işçi əvəzi (1953-1954), baş elmi işçi (1954-1959), "Ədəbiyyat və incəsənət" qəzetinin redaktoru (1957-1963) olmuşdur. Yenidən Azərbaycan EA Nizami adına Ədəbiyyat İnstitutuna qayıtmış, burada baş elmi işçi (1963-1973), sovet ədəbiyyatı tarixi şöbəsinin müdiri vəzifəsində işləmişdir (1973- cü ildən). Bakıda rayon xalq Sovetinə deputat seçilmişdir (1950). Azərbaycan Ali Soveti Rəyasət Heyətinin Fəxri Fərmanına (1982) və bir medala layiq görülmüşdür. 1993-cü il iyulun 28-də vəfat etmişdir. Kitabları: “Bizim kənd” (1951), “Bizim şəhər” (1953), “Bizim dağlar” (1955), “Son görüş” (1960), “Kiçik dayə” (1962), “İsmət” (1966), “Aşıq gördüyünü çağırır” (1969), “Daşdan keçən söz” (1981), “Səndən ayrılalı” (1985), “Ədəbiyyatımız və mənəviyyatımız” (1988), “Seçilmiş əsərləri” (2005) və s. Ədəbiyyat: Əhmədov T. Azərbaycan yazıçıları (XX-XXI yüzillikdə) : Ensiklopedik məlumat kitabı. – Bakı : Nurlar Nəşriyyat-Poliqrafiya Mərkəzi, 2011.
Yüklə 3,54 Mb. Dostları ilə paylaş:
|