14
Gəncəvinin Azərbaycan poetik fikrindəki bənzərsiz yerindən,
ədəbiyyatımızın
inkişafındakı
xidmətlərindən,
zəngin
yaradıcılıq axtarışlarından söhbət açarkən onun nə qədər
istedadlı şəxsiyyət olduğunu görürük.
Yaxın Şərqdə bir-birindən az zaman fərqi ilə iki böyük rübai
ustası yetişdi: İran şairi Ömər Xəyyam və azərbaycanlı Məhsəti
Gəncəvi.
Məhsəti nəinki Xəyyamdan rübai estafetini qəbul edib
ləyaqətlə davam etdirmişdir, həm də onu məna və məzmun
baxımından zənginləşdirmiş, ona türk ruhu və intonasiyası
gətirmiş, yeni lirik obrazlar, poetik təsvirlər, ürəkaçan
deyimlərlə zənginləşdirmişdir. Elə buna görə də, o, Xəyyam ilə
yanaşı, öz rübai məktəbini yaratmış, dünya lirik şeir dəftərinə öz
imzasını qoymuşdur.
Təsadüfi deyildir ki, doqquz yüz ilə yaxın bir müddət ərzində
Məhsətinin əsərləri müxtəlif qaynaqlarda qoruna-qoruna bizə
gəlib çatmışdır. Yüksək sənətkarlıq örnəyi olan bu poetik
dördlüklər ilk dəfə Almaniyada ədəbiyyatşünasların diqqətini
cəlb etmişdir. Görkəmli şərqşünas Helmut Ritterin ardınca Frits
Meyer Məhsəti irsini toplayaraq alman dilinə tərcüməsi ilə birgə
çap etdirmişdir. Lakin keçən əsrin 60-cı illərindən sonra
Azərbaycanda Məhsəti irsinin çağdaş elmi səviyyədə
öyrənilməsi, tərcüməsi və nəşri böyük vüsət almışdır.
Məhsətinin birbaşa varisi, Gəncə ədəbi mühitinin yetirməsi, xalq
şairi Nigar Rəfibəylinin tərcümələri ilə Məhsəti rübailəri
Azərbaycanda daha da populyarlaşmış, bu böyük sənətkar
haqqında bir sıra elmi və bədii əsərlər yazılmışdır. Məhsəti
Gəncəvinin 900 illik yubileyinin YUNESKO xətti ilə
beynəlxalq səviyyədə qeyd edilməsi Azərbaycanda ədəbi –
mədəni irsimizə nə qədər yüksək qayğı və diqqət göstərilməsinin
birbaşa sübutudur. Məhsəti Gəncəvi XII əsr Azərbaycan şeirinin
tarixində şərəfli bir yer tutmuşdur. Məhsəti Azərbaycan və Şərq
ədəbiyyatının intibah dövründə yaşayıb. Həmin dövrdə Şərqin
15
ədəbi səmasında Nizami Gəncəvi, Əfzələddin Xaqani kimi dahi
sənətkarlar şəfəq saçıb, Əbülüla Gəncəvi, Fələki Şirvani və
Mucirəddin Beyləqani kimi görkəmli şairlər yaşayıb – yaradıb.
Bu bir həqiqətdir ki, orta əsrlərdə qadın hüquqlarının
məhdudlaşdığı bir dövrdə Məhsəti Gəncəvi kimi istedadlı
şairənin yetişməsi özlüyündə əhəmiyyətli hadisə idi.
Parlaq şəxsiyyətləri ulduzlara bənzədənlər çox haqlıdırlar.
Sönmüş ulduzların işığı yüzillər, minillər boyu insanlara
çatmaqda davam edir. Məhsəti kimi ulduzların da işığının
bizlərə gələn yolu alışdığımız təqvimlərlə, saatlarla deyil, işıq
illəri ilə ölçülə bilər.
Məhsəti Gəncəvinin bizə gəlib çatan şeirləri göstərir ki, o,
ərəb, fars dillərini, Şərq poetikasının incəliklərini gözəl bilib.
Şərq poetikasının incəliklərini mükəmməl mənimsəyib.
Əsərlərində işlətdiyi bədii vasitələr göstərir ki, o, yüksək
istedada, incə zövqə və dərin mütaliəyə, geniş dünyagörüşünə
sahib olub .
XII əsr Azərbaycan şeirinin tarixində Məhsəti Gəncəvi şərəfli
bir yer tutur. Məhsətinin rübailəri içərisində ayrı-ayrı peşə
sahiblərinin tərənnümünə həsr olunmuş bir sıra şeirlər vardır.
Qeyd etmək lazımdır ki, bu şeirlər Yaxın Şərq ədəbiyyatında
Məhsətidən əvvəl də məlum idi. Ayrı-ayrı sənət və peşə
sahiblərinin ədəbiyyata gətirilməsi, onların əməyinin hər hansı
şəkildə
olursa-olsun,
tərənnüm
olunması,
şübhəsiz,
humanizmin, eləcə də intibahın təzahür formalarından biri
sayılmalıdır. Düzdür Məhsəti rübailərində, məsələn, Nizami
əsərlərində olduğu kimi sadə zəhmət adamlarının əməyi öz geniş
əksini tapa bilmir. Məhsəti əmək adamlarının yadda qalan
ümumiləşdirilmiş obrazlarını yaratmır. O, rübai kimi son dərəcə
kiçik həcmli şeirlərdə belə bir vəzifənin öhdəsindən gələ
bilməzdi. Lakin bununla belə Məhsətinin rübailərindən
bəzilərində əmək adamlarından danışılması, onlara məhəbbət
izhar olunması heç də təsadüfi deyildir. Məhsəti rübailəri ilə və
16
eləcə də bütünlükdə öz poeziyası ilə göstərilir ki, o, hər hansı
konkret bir papaqçıya, torpaqələyənə və s. deyil, ümumiyyətlə,
sadə zəhmət adamlarına aşiqdir, onlara məhəbbət bəsləyir.
Ey sarvan, səfərə vermisən qərar,
Məni qoyub getmə, üzgün canım var
Sənin dəvələrin adi yük çəkir,
Qəm yükü çəkirəm, məni də apar.
Şairənin bir qisim rübailərində aşiqin vüsal dəmlərində
keçirdiyi sevinc hissiləri əks olunur. Şeirlərində insan
gözəlliyinin geniş təsviri onun həyata bağlılığını və
humanizmini göstərən cəhətlər hesab olunur. Səmimi
duyğuların ifadəsi olan bu rübailərdə incə həyat məqamları
gülümsəyir. Şərq intibahının bir çox nümayəndəsi kimi Məhsəti
də öz əsərlərində insanı, onun duyğularını müdafiə edib. Təmiz
insani münasibətləri quru ehkamlara, tərki-dünyalığa və
riyakarlığa qarşı qoyub. Əsrarəngiz məhəbbət nəğmələri
yaradıb. Məlumdur ki, insanın nəcib istək və arzularının
qarşısına hasar çəkmək mümkün deyil. O, gec-tez hər cür
sədləri aşaraq qurtulacaq.
Məhsəti Gəncəvinin sözü XII yüzildəki kimi bu gün də
təravətlidir. XXI əsrin yüksəkliyindən görünən böyük həqiqət
odur ki, bu gün dünyaya meydan oxuyan heç bir xalqın o əsrdə
Məhsəti böyüklükdə şairəsi olmayıb. Doqquz əsrdir Məhsətinin
hər biri çiçək kimi sevimli, həyat şövqü ilə dolu rübailəri
nəsil-nəsil insanlarımızın zövqünü oxşayır, ruhunu təzələyir.
Onun o çağkı yolu Gəncədən İrana, Orta Asiyaya qədər
uzanırdı. Yazdığı, danışdığı dillər də türkcəydi, farscaydı,
ərəbcəydi. Bu gün Məhsətinin izi dünyanın hər qitəsindədir,
rübailəri ingiliscə, almanca, fransızca, italyanca ... danışır və
hələ çox dillərdə də danışacaq. Bəli, Məhsəti real tarixi
şəxsiyyət olub, yüksək poetik istedad sahibi olmuşdur. Məhsəti
Gəncəvi sənət qüdrətinin böyüklüyü ilə Avropanın yaradıcı
qadınlarından çox-çox yuxarıda dayanır. Onun qadın azadlığı
Dostları ilə paylaş: |