F. M. Dostoyevski alçaldilmiş VƏ TƏHQİr ediLMİŞ İnsanlar
Yüklə 4,19 Mb. Pdf görüntüsü
|
689
VI FƏSİL
Görüşdən bir saat əvvəl Alyoşa Nataşanın yanına xəbərə gəlmişdi. Lakin mən, Katyanın faytonu darvaza qabağında dayananda gəldim. Fransız qarı da Katyanın yanında idi; ondan çox-çox xahiş edildikdən və o xeyli tərəddüd etdikdən sonra, nəhayət, Katya ilə bərabər gəlməyə, hətta onu, ancaq Alyoşa ilə, Nataşanın yanına buraxmağa razılıq vermişdi; özü isə faytonda oturub gözləyirdi. Katya məni çağırdı, faytondan çıxmamış xahiş etdi ki, Alyoşanı onun yanına çağırım. İçəri girəndə Nataşanı gözüyaşlı gördüm: Alyoşa da, o da ağlayırdı. Nataşa Katyanın gəldiyini eşidəndə stuldan qalxıb gözünün yaşını sildi, həyəcan içində qapı ağzında dayandı. O başdan- başa ağ paltar geyinmişdi. Tünd-sarı saçı hamarca daranmışdı, daldan iri bir düyün şəklində yığılıb bağlanmışdı. Onun belə saç daramasından mənim çox xoşum gəlirdi. Nataşa mənim otaqda qaldığımı görüb, xahiş etdi ki, mən də qonağın qabağına gedim. Katya pilləkənlə qalxa-qalxa mənə deyirdi: downloaded from KitabYurdu.org 690
– Mən bu vaxta qədər imkan tapıb Nataşanın yanına gələ bilməmişəm. Məni yamanca izləyirdilər. Madam Albertə düz iki həftə yalvardım, axırda güclə razı oldu. Amma siz, siz, İvan Petroviç, bircə dəfə də yanıma gəlmədiniz! Sizə məktub da yaza bilmirdim, yazmağa da həvəsim yox idi, ona görə ki, məktubla heç bir şey izah etmək olmaz. Amma mən sizi elə görmək istəyirdim… İlahi, mənim ürəyim necə döyünür!.. – Pilləkən çox dikdir, – dedim. – Elədi... Pilləkən də dikdir... Siz necə güman edirsiniz: Nataşanın mənə acığı tutmayacaq ki? – Yox, niyə axı acığı tutsun? – Elədir... Əlbəttə, niyə acığı tutsun, indi özüm görəcəyəm; soruşmaq nə lazım?! Mən onun qoluna girdim. Onun hətta rəngi ağardı, deyəsən, çox qorxurdu. Nəfəsini dərmək üçün pilləkənin axırıncı döngəsində dayandı, lakin mənə baxıb qətiyyətlə yuxarı qalxdı. Qapının qabağında da dayanıb pıçıldayaraq mənə dedi: “Mən eləcə içəri girib ona deyəcəyəm ki, sizə elə inanırdım downloaded from KitabYurdu.org
691
ki, heç qorxmayıb gəldim… Mən axı, bunu niyə deyirəm: mən əminəm ki, Nataşa çox nəcib bir insandır. Elə deyilmi?” Katya, günahkar adam kimi, qorxa-qorxa içəri girib diqqətlə Nataşaya baxdı, Nataşa ona baxıb gülümsədi. Katya onun üzündəki təbəssümü görüb tez ona yaxınlaşdı, əllərindən tutub, öz yumşaq, dolğun dodaqlarını onun dodaqlarına yapışdırdı. Sonra da, Nataşaya heç bir söz söyləmədən, ciddi, hətta sərt bir halda Alyoşaya tərəf döndü, ondan xahiş etdi ki, yarım saatlığa bizi tək burax. Sonra əlavə etdi: – Alyoşa, sənin acığın tutmasın, bunu mən ona görə deyirəm ki, Nataşa ilə çox mühüm, çox ciddi bir məsələ haqqında danışmalıyam, amma bunu sən gərək eşitməyəsən. Ağıllı ol, get bayıra. İvan Petroviç, siz getməyin. Siz gərək bizim bütün söhbətimizi eşidəsiniz. Alyoşa gedəndən sonra Katya Nataşaya dedi: – Oturaq; mən sizin qabağınızda oturacağam. Mən istəyirəm əvvəl sizə baxam. downloaded from KitabYurdu.org 692
Katya onun qabağında oturub bir az ona diqqətlə baxdı. Nataşa qeyri-ixtiyari olaraq gülümsəyirdi. Katya: – Mən sizin şəklinizi görmüşəm, – dedi. – Alyoşa mənə göstərib. – Mən şəkildəkinə oxşayıram? Katya qəti və ciddi bir ifadə ilə cavab verdi: – Şəkildəkindən yaxşısınız. Mən elə belə də zənn edirdim; siz şəkildəkindən yaxşısınız. – Doğrudanmı? Amma mən sizdən gözümü ayıra bilmirəm; siz nə qəşəngsiniz! – Siz nə deyirsiniz! Mən hardan qəşəngəm!.. Mənim əzizim! – deyərək, titrək əli ilə Nataşanın əlindən tutub əlavə etdi; yenə də bir-birinə baxaraq hər ikisi susdu. Katya sözə başlayaraq dedi: – Mənim mələyim, bilirsiniz nə var, biz ancaq yarımca saat bir yerdə ola biləcəyik; madam Albert buna da güclə razı olmuşdur, amma bizim danışılası sözümüz çoxdur. Mən istəyirəm… mən gərək… qoy sizdən elə beləcə soruşum: siz Alyoşanı çox sevirsiniz? downloaded from KitabYurdu.org
693
– Bəli, çox sevirəm. – Əgər belə isə… Əgər siz Alyoşanı çox sevirsinizsə… – çəkinə-çəkinə, pıçıldayaraq, əlavə etdi: – onda… Siz gərək onun xoşbəxtliyini də sevəsiniz… – Bəli, mən istəyirəm ki, o xoşbəxt olsun… – Bu belə… ancaq bir məsələ var: mən onu xoşbəxt edə bilərəmmi? Bunu deməyə mənim haqqım varmı, ona görə ki, mən onu sizin əlinizdən alıram. Əgər sizə elə gəlirsə ki, o sizinlə xoşbəxt olacaq, – biz bunu indi həll edərik, – onda… onda…
Nataşa yavaşca: – Əzizim, Katya, bu həll olunmuşdur, siz özünüz görürsünüz ki, bu həll olunub qurtarmışdır, – deyərək başını aşağı dikdi. Görünür, bu söhbət ona çox əzab verirdi. Alyoşanı kim daha yaxşı xoşbəxt edə bilər, onu kim kimə tərk etməlidir, – Katya bu mövzu ətrafında uzun-uzadı söhbət açmaq fikrində idi. Lakin Nataşanın cavabından sonra dərhal başa düşdü ki, hər şey çoxdan həll olunmuşdur, daha danışılası bir şey yoxdur. O öz qəşəng dodaqlarını azca downloaded from KitabYurdu.org Yüklə 4,19 Mb. Dostları ilə paylaş:
|