211
Elə o saat da istədiyimə çatdım, bircə gündə hər şey dəyişdi.
İndi qraf Nainski bilmir ki, məni harada oturtsun! Bunu da
mən elədim, təkcə mən, öz xüsusi kələyimlə, atam da buna
lap məəttəl qaldı!
– Alyoşa, bura bax, – Nataşa dedi, – yaxşı olar ki, sən
əsl məsələdən danışasan! Mən elə bilirdim ki, sən bizim
işimizdən bir şey danışacaqsan, amma sən ancaq qraf
Nainskinin yanında necə fərqləndiyindən danışmaq
istəyirsən. Sənin o qrafın mənim axı nəyimə lazımdır!
– Nəyimə lazımdır! İvan Petroviç, eşidirsiniz də,
nəyimə lazımdır? Elə əsl məsələ də bundadır. Özün
görəcəksən, axırda hamısı aydın olacaq. Ancaq qoyun
danışım!.. Bir də ki, (niyə axı açıq deməyim!) Nataşa,
bilirsən nə var, siz də, İvan Petroviç, bilirsiniz nə var, bəlkə
də mən, doğrudan da, bəzən heç ağıllı danışmıram, hətta elə
tutaq ki, (axı bəzən bu da olur) lap axmaq-axmaq danışıram.
Amma orada sizi inandırıram ki, mən çox hiyləgərlik
göstərə bildim... Hətta lap ağıl da göstərdim, belə ki, mən
elə güman edirdim ki, siz özünüz də sevinəcəksiniz ki, mən
həmişə ağılsız olmuram...
downloaded from KitabYurdu.org
212
– Ah, Alyoşa, bu nə sözdür sən danışırsan? Mənim
əzizim!..
Alyoşaya ağılsız deyiləndə Nataşa buna qətiyyən dözə
bilmirdi. Bəzən mən Alyoşanın çox da nazı ilə
oynamayaraq, onun axmaq bir iş tutduğunu sübut edəndə,
Nataşanın acığı tuturdu, ancaq bunu açıq demirdi, bu onun
qəlbinə toxunan bir məsələ idi. Alyoşanın alçaldılmasına o
dözə bilmirdi, xüsusilə, ona görə dözə bilmirdi ki, özü də
onun dardüşüncəli bir adam olduğunu dərk edirdi. Lakin öz
fikrini ona söyləmirdi, qorxurdu ki, bununla onun
heysiyyətinə toxunmuş olar. Alyoşa belə hallarda çox həssas
olurdu, həmişə də Nataşanın gizlin hisslərini duyurdu.
Nataşa bunu görüb çox kədərlənirdi, elə o saat da onun
qılığına girir, ona nəvaziş göstərməyə başlayırdı. Buna görə
də Alyoşanın sözü onun qəlbində belə əzabverici bir əks-
səda ilə səslənmişdi...
– Alyoşa, bu nə sözdür sən danışırsan, sənin ancaq
məcazın yüngüldür, sən heç də elə deyilsən... Niyə axı
özünü aldadırsan?
downloaded from KitabYurdu.org
213
– Lap yaxşı! Onda qoyun mən sözümü deyib qurtarım.
Qrafın qəbulundan sonra atamın hətta mənə acığı tutdu.
Dedim yaxşı, indi başqa cür edərəm! Biz durub
knyaginyanın evinə getdik. Mən çoxdan eşitmişdim ki, o,
qocalıqdan lap ağlını itirmişdir, hələ üstəlik də kardır, sandıq
tulalarını da yaman sevir. Düz bir sürü belə tulası var, özü
də onlardan ötrü lap ölür. Bununla belə, kübar cəmiyyətində
çox böyük nüfuzu var, belə ki, hətta le superbe
1
qraf Nainski
ona antichambre
2
eləyir. Mən də yol gələ-gələ görəcəyim
işlərimin planını qurdum, özü də heç bilirsiniz nəyə
əsaslanırdım? Bütün itlərin məni sevməsinə, vallah, doğru
deyirəm! Mən bunu hiss edirdim. Ya məndə maqnitizm
deyilən bir şey var, ya da ona görə ki, mən bütün heyvanları
çox sevirəm, amma elələri var ki, ancaq itləri sevir, qurtardı
getdi! Hə, əcəb yadıma düşdü, maqnitizm haqqında. Nataşa,
mən hələ sənə danışmamışam, biz bu günlərdə ruhları
çağırmışdıq, mən bir nəfər ruh çağıranın yanına getmişdim,
1
Məşhur, əzəmətli(frans.)
2
An tichambre – burada, qulluğunda durur, ona baxır mənasında işlədilmişdir(frans.)
downloaded from KitabYurdu.org
214
İvan Petroviç, çox maraqlıdır, lap məni heyrətə saldı. Mən
Yuli Sezarı çağırdım.
Nataşa qəhqəhə ilə güldü:
– Ah, İlahi! Yuli Sezar sənin nəyinə gərəkdir? Bircə elə
bu çatışmırdı!
– Niyə axı... Elə bil ki, mən... Niyə axı mənim Yuli
Sezarı çağırmağa haqqım yoxdur?! Ona nə olar ki? Elə gülür
ha!
– Heç bir şey olmaz, əlbəttə, heç bir şey olmaz... Ah,
mənim əzizim! Yaxşı, Yuli Sezar sənə nə dedi?
– Heç bir şey demədi. Mən ancaq əlimdə karandaş
tutmuşdum, karandaş özü kağız üzərində hərəkət edirdi,
yazırdı. Deyirdilər ki, bunu Yuli Sezar yazır. Mən buna
inanmıram.
– O axı nə yazdı?
– “Obmokni”yə oxşar bir şey yazdı, Qoqolda olan
kimi. Bəsdir daha güldüyün!
– Di, knyaginyadan danış görək!
– Qoyursunuz ki danışım?! Elə sözümü kəsirsiniz! Biz
knyaginyanın yanına getdik, mən ondan başladım ki, Mimi
downloaded from KitabYurdu.org
215
ilə oynaqlaşmağa üz qoydum. Bu Mimi deyilən, qoca, pis,
çox iyrənc bir itdir, özü də tərsin biridir, adam qapandır.
Knyaginya onun dərdindən dəli-divanədir, özləri də
deyəsən, bir yaşdadır. Mən ondan başladım ki, Mimiyə
konfet yedirtməyə girişdim, onca dəqiqənin içində ona əl
verməyi öyrətdim, amma hələ bu vaxta qədər ona əl verməyi
öyrədə bilməmişdilər. Knyaginya bunu görüb bilmədi ki,
şadlığından nə eləsin, az qaldı ki, sevincindən ağlasın. Elə:
“Mimi! Mimi! Mimi əl verir!” – deyə-deyə durmuşdu. Bir
adam gəldi. Knyaginya dedi ki: “Mimi əl verir! Mənim xaç
oğlum öyrətdi!” Sonra qraf Nainski gəldi. Ona da dedi ki:
“Mimi əl verir!” Mənə də elə baxırdı ki, deyirdin, bu saat
gözləri yaşaracaq, ürəyi o qədər riqqətə gəlmişdi! Yamanca
qılıqlı qarıdır, hətta ona yazığım gəldi. Mən yenə də fürsəti
fövtə vermədim, yenə də onun xoşuna gələn bir şey elədim:
onun burunotu qabının üstündə öz şəkli var, altmış il bundan
qabaq – hələ lap nişanlı olanda vurdurub. Birdən burunotu
qabı onun əlindən düşdü, mən də o saat yerdən götürdüm,
şəklə baxdım, guya heç bilmirəm kimin şəklidir, dedim ki:
downloaded from KitabYurdu.org
Dostları ilə paylaş: |