167
balasından
izolə
edilməsi
ilə
təsdiq
olundu.
А/серебристая
чайка/Баку/843/79/H1N1/ qripi virusu –А/Бразилия/11/78/H1N1/ qripinə yaxın
qohum olan A/H1N1/ epidemik ştammının analoqudur (4.2.2. fəsil).
Beləliklə, A qripi viruslarının eyni antigen variantlarına qarşı bir tərəfdən ev
heyvanlarının (inəklərin, toyuqların, donuzların, quzuların) və Qızılağac
qoruğundan olan vəhşi quşların qan zərdabında, digər tərəfdən isə heyvan və
insanların zərdabında antitellərin olması müəyyən edilmişdir.
Bu, təbii biosenozlarda A qripi viruslarının sirkulyasiyasının mümkün
dairəsi olduğunu hesab etməyə əsas verir.
Kənd təsərrüfatı heyvanları arasında geniş virusoloji tədqiqatların nəticələri və
alınan nəticələrin insan populyasiyasında qriplə xəstələnmənin hərəkət
dinamikasının müqayisəsi epidemik və epizootik proseslər arasında qarşılıqlı əlaqə
faktını üzə çıxardı.
H5N1
4.3.3. 2006-2007-ci illərdə Azərbaycan Respublikası ərazisində qripin
monitorinqinin vəziyyəti və problemləri.
Virusların biologiyasının yaxşı məlum olan xüsusiyyətləri, virusla sahibin
qarşılıqlı əlaqəsinin bir ekoloji tipdən digərinə keçməsinin mümkünlüyünü (virus
genomunun və hüceyrə genomunun dönər inteqrasiyası daxil olmaqla), eləcə də bu
antigenlərin təbiətdə biosenotik əlaqələrinin müxtəlif variasiyaları-bütün bunlar
virusların müstəsna dərəcədə yüksək uyğunlaşma potensialını və onların
təkamülünün zəngin ehtiyatlara malik olduğunu göstərir.
168
Virusların
ibtidai
prokariot
orqanizmlərdə
(bakteriyalarda,
mikroplazmalarda) üzə çıxması ibtidai (yosunların virusları, göbələklərin virusları,
ibtidailərin virusları) və ali eukariot hüceyrələrdə bitki və heyvan orqanizmlərində
üzə çıxması ilə eynidir.
Artıq təsnif olunmuş viruslardan insan viruslarının bir qismi onurğasız
orqanizmlərdə çoxalma qabiliyyətinə malikdir, bəzi növləri isə bitkilərdə
çoxalırlar.
Ancaq qeyd olunanlarla yanaşı vurğulamaq lazımdır ki, növ spesifikliyi ilə
yanaşı, onu dövri olaraq aradan qaldırmaq hadisələri mövcuddur.
Yuxarıda qeyd edilən hadisəni biz /H5N1/ quş qripi virusu ilə dünyanın
müxtəlif yerlərində, o cümlədən Azərbaycanda müşahidə etmişik(Cədvəl 21).
Azərbaycanda A/H5N1/ quş qripi virusu ilə bir sıra qonşu ölkələrdə
insanların xəstələnmə halının qeydə alınmasını nəzərə alaraq, Səhiyyə Nazirliyi
tərəfindən kompleks profilaktik və epidemiya əleyhinə tədbirlərin görülməsinə
başlanmışdır.
Azərbaycan Prezidentinin 16 fevral 2006-cı il tarixli qərarı ilə Azərbaycan
Respublikası ərazisində quş qripi ilə xəstələnmənin qarşısının alınması və bu
istiqamətdə aparılan bütün işlərin koordinasiyası üzrə Dövlət Komisiyası yaradıldı.
Dövlət Komissiyasının elə ilk iclasında “Azərbaycan Respublikası
ərazisində quş qripinin profilaktikası üzrə Fövqəladə Tədbirlər planı” təsdiq edildi.
Respublikanın bütün şəhər və rayonlarında quş qripi ilə mübarizə üzrə qərargahlar
yaradıldı. Onların işinə bütün müvafiq orqanlar cəlb edildi.
169
Bu aspektdə işlə əlaqədar biz KRX-li insanlardan 200 burun-udlaq yaxması
toplanmış və həmin materialla 9-10 günlük toyuq embrionlarını yoluxdurmuşuq.
İzolə edilmiş hemaqqlütinasiya edən agent və nativ material Azərbaycan
Respublikası Səhiyyə Nazirliyi NAMRU-3-dən olan Sem İnqetin köməyi ilə
SDS-ə (Atlanta) çatdırlmışdır.
РZR metodu ilə materialın tədqiqi H3 və H1 üzə çıxardı. H5- tapılmamışdır.
Xəzər dənizi sahilində köçəri quşlardan yığılmış bir sıra sınaq
materiallarında aparılan monitorinqin gedişində A/H5N1/ qripi virusunun olduğu
müəyyən edilmişdir (Respublika Baytarlıq Xidmətinin məlumatları).
Virusoloji diaqnostika Londonda (Veybric) PZR metodu ilə aparılmışdır.
2006-cı ilin 9 fevralında, həmin məlumat alınan kimi Kütləvi İnformasiya
Vasitələri xəbərdar edildi. Azərbaycanın Səhiyyə və Kənd təsərrüfatı Nazirlikləri
Respublika əhalisinə müraciətlə çıxış etdilər. Azərbaycan Respublikası Səhiyyə
Nazirliyi tərəfindən quş qripinə şübhəli bilinən xəstələrin hospitallaşdırılması üçün
iki ixtisaslaşdırılmış tibb müəssisəsi (ET ağ ciyər xəstəlikəri institutunun
pulmonologiya şöbəsi və Bakı şəhər 7 saylı infeksion xəstəxana) ayrıldı.
Salyan rayonunda quşlar arasında epizootiya 2006-cı ilin yanvarında başladı.
Qrip infeksiyasına şübhəli ilk xəstə Salyan rayonu Sarvan kənd sakini 1989-
cu il təvəllüdlü A.X. Bakı ş. 1 saylı şəhər klinik xəstəxanasına kəskin abdominal
ağrılar və təngnəfəsliklə yerləşdirildi. Ancaq, intensiv terapiya aparılmasına
baxmayaraq 2006-cı ilin 23 fevralında kəskin ağ ciyər çatışmazlığı əlaməti ilə
xəstə vəfat etdi. Sonra Salyan rayonu Sarvan və Daş kəndlərindən olan daha 10
xəstə Bakı şəh. ET ağ ciyər xəstəlikləri institutuna yerləşdirildi. Müalicə
170
aparılmasına baxmayaraq onlardan 3-ü vəfat etdi, 7 pasiyent isə sağaldıqları üçün
evə yazılmışlar. Qeyd olunan 7 halda xəstəlik pnevmoniya kimi (ancaq yüngül
formada keçən) diaqnozlaşdırlmışdır. Beləliklə, Salyan rayonundan olan 11
xəstədən 4-ü letal nəticə verdi.
Xəstələnmiş insanlar yaxın qohumlar arasında və sıx birlikdə yaşamaqlarına
baxmayaraq infeksiyanın insandan insana ötürülməsi faktı müəyyən edilməmişdir.
Epidemioloji təhqiqat nəticəsində məlum oldu ki, yoluxmuş insanlar xəstə
ölmüş quşlarla –vəhşi qu quşları ilə kontaktda olmuşlar (quşların lələklərini
yoluşdurarkən quano ilə kontaktdan yoluxma).
РZR metodunu istifadə etməklə virusoloji tədqiqatlar A/H5N1/qripi
virusunun qanda (3 halda ) və udlaq yaxmasında (1 halda) üzə çıxardı.
7 haldan 3-ündə РZR metodu ilə udlaq yaxmasında A /H5N1/ qripi virusu
təyin olunmuşdur.
Klinik müşahidələr bütün letal hallarda xəstəliyin 7 gün ərzində təcili
proqressiv inkişafının üzə çıxardı. Bu zaman yüksək temperatur, abdominal ağrılar,
baş ağrısı, intoksikasiya halları, sidiyə çıxmanın ləngiməsi, ümumi zəiflik və
boğazda iltihab prosesi baş verir. Qalan 7 nəfər KRX əlamətləri ilə xəstəxanaya
yerləşdirilmişdir. Onlarda peribronxit, ümumi zəiflik, temperaturun yüksəlməsi
qeydə alınmışdır. Sağaldıqdan sonra evə buraxılmışlar.
Rentgenoqramda sağ ağ ciyərdə homogen iltihab (plevra boşluğunda
ekssudat) üzə çıxmışdır.
Klinik rentgenoloji diaqnoz belə idi: “Sağ tərəfli ekssudativ plevrit”.
Dostları ilə paylaş: |