Fərhad Məmmədov "Əsl həqiqət "niyə"," necə" sualları ilə məhdudlanmır"
Yüklə 354,29 Kb. Pdf görüntüsü
|
səngimək bilmirdi...Vızovlara gedəndə də bir o qədər baş ağrısı olurdu. Xəstəyə iynə yeridən zaman və ya hazırlıq işləri görəndə elə naz-qəmzəli hərəkətlər edirdi ki, evdəki kişilərə xəstənin halını unutdururdu. Belə vızovların birində xəstənin oğlu ilə (arvadı yanında ola-ola) göz qaş hərəkətləri eləməyə başlamış, bundan xəbər tutan arvadı isə əsl dağlı olduğunu ( həmin xanım Kubinkadan idi) tumanı başında çəkərək şüvən qoparmış, xəstə yaddan çıxaraq Günayla saçyolduya başlamışdı... Bütün bunlarla belə o hələ bu yaxınlarda nişanlanmışdı belə... Rəsul Günayı necə deyərlər “scum of society” yəni cəmiyyətin tullantısı hesab edirdi, və belələrin sayının artmasına çox heyfslənirdi...Artıq belə davranışlarda tapınmaq, cəmiyyət tərəfindən o qədər də tənqidlə üzləşmirdi...Bəli cəmiyyətin də deqredasiya prosesində olduğu açıq aydın idi. Rəsulla Günay arasındakı münasibətlərə gəldikdə, hər ikisinin arasında soyuqluq və məsafə var idi. Amma maraqlısı ondadır ki, Günay bütün həkimlərə “sataşsada” Rəsula heç zaman cəhd belə etməmişdi...Elə bil nəsə ondan ehtiyat etməyə məcbur etdi...Rəsula kişi kimi heç simpatiyası yox idi belə...Bəli Rəsul onunla bir vızova gəldiyinə heyfslənirdi...Xarakteri bir yana, heç olmasa iş təcrübəsi və səriştəsi olsa idi, birtəhər keçinmək olardı. Amma nə etmək olardı ki,bunlardan heç biri Günayda yox idi. Bir şeyi də qeyd etmək lazımdır ki, Rəsul Günaydan xasiyyətinə görə zəhləsi gedirdi...belə isə onun çox gözəl qadın olduğunu dərk edirdi və şüur altı ona qarşı simpatiya bəsləyirdi. Adi halda isə yenə də ona nifrət edirdi. Kim bilir, bəlkə də bu nifrət bir maska idi. Dəhlizdə həkimi və tibb bacısını Orxan qarşıladı. Onun simasında keçəndəfəki görüşlərindən tam fərqli sözlər yazılmışdı. “Onsuzda halım yoxdur.Mənə toxunma”. Orxanın məyusluğunun səbəbi aydın idi. Hələ də anasına vəsiyyət yazdıra bilməmişdi. Rəsul salamlaşıb, Günayla birgə Pikə xanımın uzandığı otağa baş götürdü. Bu dəfə maraqlı idi ki, içəri türkün sözü, halabalık idi. Qızları da ərləri ilə gəlmişdilər. Görünür onlarda vəsiyyətə görə təşrif buyurmuşdular. Ümid edirdilər ki, Pikə xanımdan nəsə onlara qaldı...Bunu üzlərindən oxumaq heç də çətin deyildi...Hamsı leşyeyən quş - kərkəs təsiri bağışlayırdı. Rəsulun ağlına belə gəlmirdi ki, bu təşriflər vəsiyyətə görə deyil, mistik qızıl əhvalatına görə idi...Rəsulun bu nəslin qızıl macəralarından xəbəri yox idi. Hətta Orxan ondan anasının qızıl barədə nəsə söylədiyini soruşanda belə bu sözlərə əhəmiyyət verməmişdi. Rəsul otaqdakılara qısa nəzər saldıqdan sonra xəstənin çarpayısına yaxınlaşdı və ilk öncə Pikə xanımın üzünə yarımdəqiqəlik diqqət çəkdi. Heç bir eybəcərlik əlaməti yox idi. Sadəcə qadının sifəti solmuşdu və elə bil başı ona ağırlıq edirmiş kimi qeyri adi pozalar alırdı. Üstəlik qadın paravoz kimi ağır-ağır nəfəs alırdı. Bədəni ilə çox hərəkət etməsə belə, tənəffüs sistemindəki pozuntulara görə, digər əzələləri də (o cümlədən boyun əzələləri) köməkçi qismində işə düşmüşdü. Qadın tez-tez gözünü açıb-bağlayırdı, və heç bir şeyə əhəmiyyət verməyirmiş kimi yalnız otağın girəcəyinə baxırdı. Elə bil dünən dediyi kimi atasının gəlməyini gözləyirdi. Otaqdakı yekə divar saatının yerini dəyişib otağın girəcəyinin üstündən asmışdılar ki, Pikə xanım, (istədiyi kimi) saata rahat şəkildə baxa bilsin. Bəli, Rəsul ölümün qaçılmaz olduğunu yəqin etdi. Halbuki, öz vəzifə borcunu o, xəstənin ölüm-qalım ümidlərindən asılı olmayaraq, mütləq şəkildə yerinə yetirməli idi. Rəşad xoşu gəlmədiyi adamlara qeyri-yaxınlıq məsafəsini saxlamaq üçün “Siz” deyə müraciət edirdi. -
hazırlayım- Rəsul ani olaraq fikirləşmədən verdiyi qərarı düşünməli oldu. Axı belə bir şeyi bu axmağa tapşırmaq olmaz. Yadındadır ki, bir dəfə onun laqeydliyi nəticəsində az qala bir xəstə o dünyaya gedəcəkdi,...yaxşı ki, şpritsə vaxtında fikir verə bilmişdi, yoxsa havanı xəstənin venalarına buraxacaqdı. Birdən indi də felendeyskopda tonometrin şlanqlarının bir- birinə sürtünməsindən yaranan səslərin döyüntü olduğunu iddia edər, deyər ki, xəstənin təzyiqi yüz otuz yetmişədi. Nə bilmək olar...- Günay xanım, gəl sən indidən kafeini, mezatonu hazırla, təzyiqi özüm ölçərəm.- başı yenə ağramağa başlamışdı. -
Yaxşı Rəsul- deyə günay minnət sahibi tək cavab verdi. Rəsul Günayın ona adı ilə müraciət etməsinə hiddətləndi, lakin yenə də bunu bildirmədi. Rəsul təzyiqin yenidən normadan çox aşağı olduğunu görüb, keçən dəfəki iynə- dərmanı ən optimal variant hesab etdi. Lakin qadına nə qədər iynə vururdularsa vursunlar, təzyiq on-iyirmi millimetr artırdısa da, təxminən on dəqiqədən sonra yenidən həmin vəziyyətinə qayıdırdı. Nəhayət gözlənilən an gəldi. Növbəti dəfə gözünü açan zaman qapının ağzında nə isə görübmüş kimi, qadının gözünün baxdığı yerə nəzər saldılar, heç bir şey görməyib nəzərlərini yenidən Pikə xanıma qaytardılar. Pikə xanım artan lakin hələ də zəif səs tonu ilə “Gəldi, atam....gəldi.”- dedi və çətinliklə olsa belə bir qədər gülümsədi. Heç kimdən səs çıxmırdı. Ancaq o yan buyana və Pikə xanıma baxırdılar. Onların qorxmuş olduqları açıq-aşkar nəzərə çarpırdı. Günayın isə rəngi meyit rəngi almışdı. Key kimi durmuşdu. Çox güman ki, bu onun təcrübəsində ölüm qabağı paranormal hallarla üzləşdiyi ilk belə hal idi. Sonra Pikə xanım yenidən gözəgörünməz “ata” ilə dialoqa girdi. -
Pikə xanım gözünü bağladı. Təxminən iki dəqiqədən sonra yenidən gözlərini açıb atası gəlməzdən öncəki zəif halına qayıtmış şəkildə, ağır-ağır nəfəs almağa başladı. Üzünə Rəsula tərəf çevirdi -
Yaxın gəl – deyə müraciət etdi. Sonra aralarında iki-üç dəqiqəyə yaxın nə söhbət oldusa bir xəstə bilirdi bir də ki Rəsul. Əslində bu bir neçə saniyə içində də həll ola bilərdi...Səbəb ondan ibarət idi ki, xəstə ağır-ağır və intervallarla danışırdı. Rəsulun üzündə cizgilərin dəyişkənliyi açıq-aşkar hiss olunurdu. Orxan isə əsəbindən partlamaq dərəcəsinə çatmaq üzrə idi. O, hələ hey qızıl haqqında fikirləşirdi, və vəsiyyət bir yana, atasının qır-qızıl əmanəti barədə ölümayağında belə Orxana heç bir şey deməməsi, hansısa bir həkimə nəisə pıçıldaması onda müxtəlif şübhələr və fərziyyələr oyadırdı. O hətta ən ağılasığmaz fikirlərə də əl uzatmaqdan çəkinmirdi. Belə ki, onun fikrincə Rəsul Pikə xanımın başqa kişidən Yüklə 354,29 Kb. Dostları ilə paylaş:
|