Tədqiqat xarakteri daşıyan bu əsərlərdə ilk mənbələrin məlumatları
əsasında xürrərnilər tarixinin bir sıra konkret məsələləri
dəqiqləşdirilmiş, bu hadisənin Azərbaycan xalqının tarixi itə üzvi
bağlılığı elmdə ilk dəfə olaraq göstərilmişdir. Z.İ.Yampolskinin
kitabçası^^'* və Z.İ.İbrahimovun dissertasiyasının^^^ əhəmiyyəti də
məhz bundadır.
1954-cü ildə İran alimi Səid Nəfisinin kitabı çapdan çıxır. Babək
haqqında onun ilk əsərləri hələ 30-cu illərin əvvəllərində
yazılıb.Həmin kitaba müəllifin əvvəllər yazdığı məqalələri daxildir.
Bu kitab orta əsr mənbələrində xürrərnilər və Babək haqqında olan
məlumatların məcmusundan ibarətdir. Müəllif özü də etiraf edir ki,
kitabı tərtib etməkdə məqsədi "Babəkin həyatına dair bizə gəlib
çatmış təfsilatları bir yerə toplamaq" (səh.7), olmuşdur. S.Nəfisinin
əsəri böyük maraq doğurur, ona görə ki, burada çoxlu faktiki material
toplanmış, həm də müxtəlif ilk mənbələrdən
götürülən bu materiallar
çox diqqətlə bir-biri ilə tutuşdurulmuşdur.
Özündən əvvəlki bir sıra tədqiqatçılardan fərqli olaraq S.Nəfisi
xürrəmilərin mübarizəsini dini bir hərəkat kimi deyil, xalqın azadlıq
və istiqlaliyyət uğrunda mübarizəsi kimi qiymətləndirir. Lakin belə
bir faktı da qeyd etməyə bilmərik ki, İranın digər müasir alimləri
kimi, S.Nəfisi də paniranizmi təqdir edir. O, Babəki "İran torpağının
ən böyük adamlarından biri" (səh. 3), "İranı ölməz edən milli
qəhrəmanlarından biri" (səh. 7) adlandırır. S.Nəfisi belə hesab edir ki,
Azərbaycanın babəki-xürrəmilər hərəkatı milli Azərbaycan
xüsusiyyətlərindən xali olub, yalnız milli tran ruhu üçün xarakterikdir
(səh. 24—25).^^^
Mənbələrdə xürrərnilər hərəkatının vətəni olaraq bilavasitə
Azərbaycan göstərildiyi halda, S.Nəfisi oxucuya belə bir fikir təlqin
etməyə çalışır ki, xürrərnilər üsyanı İranda, İsfahanda meydana
gəlmiş və guya bundan yalnız 30 il sonra Azərbaycan xürrəmiləri
mübarizəyə qalxmışlar. Müəllifin qərəzkarlığı Azərbaycan tarixində
baş vermiş böyük bir hərəkatı onun açıq-aşkar iranlılaşdırmaq
cəhdində özünü göstərir (səh. 28, 38-39).
Bütövlükdə S.Nəfisinin əsəri, onda bir sıra nöqsan və yanlış
cəhətlərin olmasına, nəzəri ümumiləşdirmələrin isə yoxluğuna
baxmayaraq, oxuculara Azərbaycan xalqının qəhrəman oğlu Babək
haqqında, onun 20 ildən artıq rəhbərlik etdiyi xür- rəmilər hərəkatı
haqqında orta əsr mənbələrindən götürülüb bir yerə toplanmış
mühüm məlumat verir.
38