"Dörd xalqın hakim padşahları ona hörmət və ehtiram bəsləyirdi",^'^
çünki o, Arranı iranlıların, bizanslıların, xəzərlərin və ərəblərin
qarətindən qoruyub saxlaya bilmişdi.
Gördüyümüz kimi, xəlifə Müaviyə də Cavanşirin nüfuzu ilə
hesablaşıb. Xilafətin şimal sərhədlərində Arranın strateji mövqeyini
və həmin sərhədləri Bizans və xəzərlərin hücumlarından müdafiə
etmək üçün onun silahlı qüvvələrindən istifadə etmək imkanını
nəzərə alaraq, Arranın daxili müstəqilliyinə toxunmamış, onun
əvvəlki qanun-qaydalarını saxlamışdı.
Xilafətdən vassal asılılığında olan Arran ona yalnız bac verir,
amma knyaz hakimiyyətini isə toxunulmaz şəkildə saxlaya bilmişdir.
İstilaların İlk dövründə ərəb ordularının hücumları müxtəlif
dəlil-bəhanələrlə pərdələnirdi, guya allah müsəlmanları Sasanilər
İranı və digər bütpərəst ölkələrin qanuni varisi etmişdir: ELİlah
"istədiyi adama hakimiyyət verir və istədiyi adamdan (onu) geri
alır"^®; İslam dinini bütün yer üzündə yaymalı və nəhayət, hər hansı
bir ölkəni işğal edərkən, ərəblər tabe etdikləri ölkə camaatının can və
malını hər cür düşməndən qorumaq təəhhüdünü öz öhdələrinə
götürməlidirlər. Ərəb sərkərdələrinin tutduqları ölkə və şəhərlərin
əhalisi ilə bağladıqları müqavilələr, yuxarıda göstərilən təəhhüdlərin
rəsmən yazıldığı məhz belə sənədlərdir.
Hələ xəlifə Əbu Bəkr (632—634) ərəb istilalarının ilk dövründə
işğal edilən ölkə sakinləri ərəblərə qarşı düşmənçilik bəsləməsin deyə
və onların gəlişini özləri üçün əvvəlki ağalan tərəfindən alınan ağır
vergidən və edilən zülmdən qurtuluş kimi qəbul etmələri üçün ərəb
qoşunlarına belə əmr vermişdi: "Düşmənləri şikəst etməyin, nə kiçik
uşaqları, nə çox qoca adamları, nə də qadınları öldürməyin; xurma
ağaclarını qırıb yandırmayın; meyvə ağaclarını tələf etməyin, yemək
üçün lazım olandan artıq nə qoyun, nə inək, nə də dəvə kəsməyin.
Siz, hücrələrdə dini ayinlə məşğul olan adamların yanından
keçəcəksiniz: onları rahat buraxın, özlərini həsr etdikləri işi
görməkdə onlara mane olmayın".^® Sonra da deyir: "Sizi qəbul edən
hər bir şəhər və xalq ilə müqavilə bağlayın, onlara verdiyiniz və’dlərə
sadiq olun, qoy onlar bizdən qabaq onlarda olan qayda və qanunlarla
yaşasınlar. Onlarla Özünüz aranızda bir hədd olaraq bac qoyun ki,
onlar öz dİn və torpaqlarında qalsınlar. Sizi qəbul etməyənlərlə isə
müharibə edin"
İranın Rey və Qəzvin şəhərlərini işğal etdikdən sonra, ərəb
qoşunları
Azərbaycana soxulurlar,
lakin burada Azərbaycan
72
qoşunlarının şiddətli müqavimətinə rast gəlirlər. Azərbaycan
qoşunlarına mərzban isfəndiyar ibn Fərruxzad komandanlıq edirdi.
O, Bacrəvan, Mayməd, Neriz, Şiz, Məyanic və digər yerlərin
əhalisindən Ərdəbildə böyük qoşun toplayıb ərəblərlə vuruşa girir;
vuruşma bir neçə gün davam edir.'*^ Lakin qələbə ərəblərə nəsib
olur. İsfəndiyar əsir alınır, amma öldürülmür. O, ərəblərə bildirir ki,
Azərbaycan əhalisini tabe etmək çətin olacaq, çünki əhali çoxlu
qalası olan dağlara çəkilib gizlənəcək və oradan ərəblərə hücum
edəcəkdir.'*^ Çox keçmədən ərəblər İsfəndiyarın qardaşı Bəhramın
komandanlığı altında olan Azərbaycan qoşunlarının günlərlə davam
edən hücumlarına tab gətirməli olurlar.^^ Ərəblər yenə də qələbə
çalırlar; odur ki, əsirlikdə olan İsfəndiyar ərəblərlə aşağıdakı
məzmunda sülh müqaviləsi bağlamağa məcbur olur:
"Bismillahi-r-rəmani-r-rəhim (Mərhəmətli və rəhmdil allahın
adı ilə).
Bu [sənəd] o barədədir ki, Utbə ibn Farkad, əmirülmöminin
Ömər ibn əl-Xəttabın canişini [amili], Azərbaycan əhalisinə, onun
dərələrdə və dağlarda, ucqarlarda və sərhədlərdə olan bütün
xalqlarına əmin-amanlıq (aman) bəxş edir [əta əhlə Əzər- bəycənə],
həm onların
özlərinə, həm də onların əmlakına,
din və ayinlərinə; bu
şərtlə ki, onlar öz varma görə cizyə verəcəklər; amma ki, uşaqlar,
qadınlar, xroniki xəstələr, habelə heç bir vəsaiti olmayan [şəxslər] və
heç bir gəliri olmayan zahidlər isə can vergisindən azad olunurlar.
[Bu əmin-amanlıq] onlara, həm də onlarla birlikdə yaşayanlara
verilir; onların da borcudur — müsəlman qoşunundan olan müslimi
(ərəbi—
Z.B.) bir gün saxlayıb yedirmək və ona yol göstərmək.
Orduya götürülən təqdirdə adamdan həmin ilin vergisi alınmır,
amma kim [ölkədə] qalarsa, ona da ölkəni tərk etməyən adamlara
verilən eyni hüquqlar verUir. ölkəni tərk etmək istəyənlər olarsa,
onların özlərini təhlükəsiz yerə çatdıranacan əmniyyəti təmin olunur.
Yazmışdır Cunədib, şahidlər isə Bukeyr ibn Abdullah əl-Leysi
və Simak ibn Xəraşə əl-Ənsari olmuşlar. 18-ci Hicri ili (b.e. 639-cu
ili)".^‘*
Bəlazuri isə yazır ki, Azərbaycan "Hicri 18-ci ildə Hüzeyfə ibn
əl-Yəmən tərəfindən dinc yolla istila olunub. Hüzeyfə ölkə əhalisi
adından hərəkət edən Azərbaycan mərzbanı ile müqavilə
bağlamışdır. Bu müqaviləyə görə mərzban "800 min dirhəm verməyi
öhdəsinə götürdü", ərəblər isə öz növbəsində heç kəsi
öldürməyəcəklərinə və əsir götürməyəcəklərinə, atəşgədələri
dağıtmayacaqlarına və Balsacan,
Savalan və Satrudan kürdlə
73