Ərəblar zimmi birləşmələrindən vuruşmaların ən ağır
sahələrində istifadə edirdilər; bu sahələrdə zimmilər, şəraitdən asılı
olaraq, ya ərəb qoşunlarını himayə edib qoruyur, ya da düşmənin
əsas zərbəsini öz üzərinə götürürdülər. Zimmi qoşunlarının istifadəsi
barədə məlumatları həm yerli, həm də ərəb müəlliflərinin əsərlərində
tapa bilərik. M.Kaqankatvatsi göstərir ki, 713/4-cü ildə Məsləmə ibn
Əbd ül-Malik xəzərlərin güclü həmləsi altında Dərbənddən geri
çəkilərkən, "öz ordugahını bütün əmlakı ilə qarışıq atıb qoyaraq,
hətta hərəmxanasını belə tərk edərək çıxıb gedir. Arxadan onu
[Ağvan] patrisit- rindən Yeranşahik—Vaçaqan himayə edib
qoruyurdu".®*
Sonralar xəlifə olan Mərvan ibn Məhəmməd də Arran canişini
olarkən (xəlifə Hişamın hökmranlığının son illəri — 724—743 və
xəlifə Validin xəlifəliyinin bir ili — 743/4-cü il) eynilə hərəkət
etmişdir. "O, Şirvan hakiminə əmr etmişdi ki, müsəlman ordusu
xəzərlərə qarşı qəzavama da [hərbi səfərə] gedəndə qabaqda,
qayıdanda isə arxada olsun; Filanşaha da əmr etmişdi ki, yalnız
müsəlmanların hücumlarında iştirak etsin; Tabarsaran şaha isə əmr
etmişdi ki, onlar [müsəlmanlar] hücum edəndə ordunun arxasında,
geri çəkiləndə isə qabaqda olsun".
Jr Zimmilərin yerli birləşmələri ərəblərə silahlı kömək göstərəndə,
ərəblər onları vergi ödəməkdən azad edirdilər, çünki hərbi xidmət
vergini əvəz edirdi, lakin əhali Azərbaycan əhalisinin etdiyi kimi
ərəb qoşunlarında xidmət etməkdən və onlara yardım göstərməkdən
boyun qaçırdıqda, azad olmaq üçün böyük ödənc verməli olurdu.®^
İbn əl-Əsir bunu təsdiq edərək yazır: "Evdə qalıb, düşmənlə
müharibə etməyən kəslərdən cizyə alınmalıdır".®'*
Bəzən zimmi birləşmələrinin başçıları — yerli hakimlər
ərəblərin hərbi səfərləri zamanı onlara nəinki kömək, hətta
.xəbərçilik də edirdilər; məsələn, 722/3-cü ildə əl-Cərrah Arranı tərk
edərkən, əldə etdiyi bütün sərvət və qəniməti Bələncər hakiminə —
onun ərəblərin xeyrinə gizli xəbərçilik xidmətlərinə görə, başqa
sözlə, elə öz müttəfiqlərinin niyyətlərini ərəblərə çatdırdığına görə
verir.®®
Ərəblər bu kimi xidmətlərdən istifadə edərək ayrı-ayrı feodallar
arasına çox məharətlə ixtilaflar salaraq qızışdırırdılar; bunun
nəticəsində onların ixtiyarında həmişə kifayət qədər zimmi qoşunu
olurdu. Lakin Xilafətin hərbi sistemini nəzərdən keçirmək bizim
vəzifəmiz deyil, çünki bu məsələyə dair maraqlı əsərlər vardır:
bunlarda həm Əməvilərin, həm də Ab
77
basilərin hərbi qüvvələrinin quruluşu barədə çox qiymətli
məlumatlar tapmaq olar.®®
Ərəblər Azərbaycanı, Arranı və digər vilayətləri işğal edəndən
sonra, onlardan əhali ilə bağlanmış müqavilələrə əsasən uzun müddət
vergi alırdılar. Bu cür müqavilələri onlar hətta ayrı-ayrı şəhərləri
(məsələn, Naxçıvan, Beyləqan, Bərdə, Bəcərvan) aldıqda da
bağlamışdılar.
Hər hansı vilayəti dinc yolla (sulhan) fəth edərkən ərəblər
torpağı torpaq vergisi vermək şərti ilə öz əvvəlki sahibinin
ixtiyarında saxlayırdılar. Amma vilayəti silah gücünə (ənvətən) işğal
edəndə isə, ərəblər torpaqları ya qoşunlar arasında bölüşdürür, ya da
yerli əhalinin ixtiyarında saxlayırdılar. Təxtəvi- nin fikrincə, belə
hallarda, ərəblər fəth edilmiş ölkə əhalisinin əlində daşınan əmlakdan
əkinçilik üçün lazım olan hər şeyi saxlayaraq, onların üzərinə cizyə
və torpağa görə xərac qoyurdular; belə ki, torpaqlar ərəb qoşunlarının
vəqfi olaraq, ayrı- ayrı döyüşçülər arasında bölüşdürülmürdü (va
təkunu əl-ardu vaqfən alə-l-muqatilin fə-lə tükəsəm beynəhum).®''
Lakin belə hallar da olurdu ki, ərəblər əvvəlki torpaq sahiblərini öz
torpaqlarından köçürərək, onların yerinə başqalarını gətirir və
bunlardan islamı qəbul etmədikləri halda cizyə və xərac, müsəlman
olduqda isə üşr alırdılar.
2.
Azərbaycan əhalisinin müsəlmanlaşdmiması və
qriqoryanlaşdırılması
642-ci ildə ərəb orduları Sasani ordusunu darmadağın etdikdən
sonra nəinki Sasani şahlarının əfsanəvi sərvətləri, hətta Sasani
İranının bütün ərazisi də onların əlinə keçir. Belə bir zahirən qüdrətli
görünən dövlətin məhvi ərəblər üçün bir qədər təəccüblü və
gözlənilməz oldu, çünki ət-Təbərinin dediyinə görə, ərəblər heç də
Öz istilalarını davam etdirmək fikrində deyildilər®® və əsas
məqsədləri, məlum olduğu kimi, o zamanlar ərəblərin yaşadığı və
onların həyatı üçün son dərəcə zəruri olan Mesopotamiyanı (Beyn
ən-Nəhreyni) tutmaq idi. Xəlifə Ömər İbn əl-Xəttab (634—644) öz
qoşunlarını təhlükəyə salmaqdan çəkinərək və görünür, ərəblər üçün
naməlum olan Özgə ölkələrdə Xilafət ordularının başına gələ
bilənlərdən ehtiyat edərək qoşunlarının komandanı Sədə belə bir
sərəncam verir: "Öz yerində qal və onları (düşmənləri) təqib
etmə".®®
Lakin dağılıb pərən-pərən düşmüş Sasani orduları üzərində
çaldığı yüngül qələbələrdən və əldə etdiyi zəngin qənimətlər
78
dən həvəsə gələn ərəb qoşunları şimala doğru irəliləməkdə davam
edirdilər, xəlifələr isə öz sərkərdələrinin bu "özbaşınalığına" adətən
fikir vermirdilər, xüsusən də ona görə ki, qələbə ilə bitən hər bir
vuruşma xəlifə xəzinəsinə və qoşuna böyük gəlir gətirirdi.
Yeni vilayət və ölkələr ələ keçirərkən ərəblər ilk əvvəl həmin
yerləri ümumiyyətlə desək, öz idarəçilik anlayışları əsasında idarə
etməyə başlayırlar. Bu idarə üsulu isə həmin ölkələrdə ancaq
mümkün qədər çox vergi və natural mükəlləfiyyətlər əldə etməkdən,
habelə başqa dinə mənsub olub itaət altına salınanlar arasında islam
dinini yaymaqdan ibarət idi.
Ərəb istilasına kimi Azərbaycan və xüsusilə Arran əhalisi
Bizansla İran arasındakı daimi müharibələr, xəzərlərin və digər
köçəri xalqların basqınları nəticəsində çox ağır vəziyyətdə yaşayırdı.
Müharibələr təsərrüfatın dağılmasına səbəb olur, ölkələrin məhsuldar
qüvvələrini tükəndirirdi. Odur ki, ərəb istilaçılarının Azərbaycana
gəlməsini əhali illər boyu davam edən zülm və əzablardan nicat kimi
qarşılayır. Ərəblərin dövründə (hər halda Əməvilər hakimiyyəti
başlananadək) kəndlilər əvvəlkinə nisbətən, bir qədər yaxşı
yaşamağa başlayırlar, çünki ərəblər yalnız töycü və vergilər yığmaqla
məşğul olub, bu ölkələrin daxili həyatına qarışmır, onlara öz dini
əqidə və dini ayinlərini icra etməkdə sərbəstlik verirdilər. N.V.Piqu-
levskayanın
qeyd
etdiyinə
görə,
"Bunların
(müxtəlif
vilayətlərin— Z.B.) ərəblər tərəfindən işğalının ələlxüsus ilk
onilliklərində ağır vergi yükü, şübhəsiz, azaldılmış, dini təqiblər də
dayandırılmışdı".™
Əksəriyyəti köçərilərdən ibarət işğalçı ərəblərin hələ özləri yeni
dini (islamı) lazımınca mənimsəmədiklərinə görə, əvvəllər
Azərbaycan əhalisini islamı qəbul etməyə məcbur etmirdilər,^^
amma yeni dini qəbul etmək istəyənlərə də sözsüz mane olmurdular.
Bu, xüsusilə Arrana aid idi, çünki onun əhalisi xristian, "Kitab əhli"
("əhl əl-kitəb") idi.'^^
Ölkənin cənub hissəsinə gəldikdə isə, burada islam İranın dövlət
dinini — zərdüştiliyi sıxışdırıb aradan çıxarırdı. Təqibə ancaq "Kitab
əlili" olmayan atəşpərəstlər və məcuslar (çoxallahlılar) məruz
qalırlar.
Azərbaycanın dehqan-feodalları əvvəllər öz ata-baba dinini
qoruyub müdafiə etməyə səy göstərsələr də, hərçənd çox keçmədən
yəqin edirlər ki, öz əvvəlki imtiyazlarını saxlamaq üçün onlara ancaq
ölkədə hakimiyyəti ələ keçirmiş ərəblərlə əməkdaşlıq etmək qalır.
Buna görə də Azərbaycanın feodal
79
Dostları ilə paylaş: |