QOYUN
Yeyər-yeyər, gərnəşər,
Alnın vurar, döyüşər,
Buynuzu burma-burma,
Yunu var yerlə sürümə.
Zinhar1 qoyunu vurma,
Qoyunsuz yerdə durma.
Qoyunlu evlər gördüm,
Qurulmuş yaya bənzər.
Qoyunsuz evlər gördüm,
Qurumuş çaya bənzər.
Qoyun deyər:"Mən heç otdan doymaram,
Payız oldu, çörün-çöpün qoymaram.
Hər bir evi yunum ilə bəzərəm:
Ağır-ağır xalılarım var mənim,
Güllü-güllü xalçalarım var mənim".
* * *
Nənəm a narış qoyun
Yunu bir qarış qoyun.
Çoban səndən küsübdür,
Südü ver, barış, qoyun.
1Z i n h a r - çəkin, ehtiyatlı ol.
Ev h e y v a n l a r ı : at, eşşək, qatır, dəvə, inək,
öküz, camış, kəl, qoyun, keçi,
it, pişik.
M ə s ə 11 ə r:
Qoyun yüz olunca dərisi min olar.
Qoyunun oldu əlli,
Adın oldu bəlli.
Qoyunun oldu yüz,
Gir, içində üz.
Qoyunu qurda tapşırmazlar.
T a p m a c a:
11. Altı hovuz içərlər,
Üstü zəmi biçərlər.
24
ÜŞÜDÜM HA, ÜŞÜDÜM
Üşüdüm ha, üşüdüm.
Dağdan alma daşıdım,
Almacığımı aldılar,
Mənə cürm1 verdilər.
Mən cürmdən bezaram.
Dərin quyu qazaram.
Dərin quyu beş keçi,
Hanı bunun erkəci?
Erkəc qaya başında,
Hay elədim gəlmədi,
Çiyid verdim, yemədi.
Çiyid qazanda qaynar,
Qənbər bucaqda oynar.
Qənbər getdi oduna,
Qarğı atdı buduna.
Qarğı deyil, qamışdı,
Beş barmağım gümüşdü.
Gümüşü verdim tata,
Tat mənə darı verdi,
Darını səpdim quşa.
Quş mənə qanad verdi,
Qanadlandım uçmağa,
Haqq qapısın açmağa.
Qapıçı qapı toxur,
İçində bülbül oxur.
M ə s ə 11 ə r:
Qar yağıb ayaq üşütmək üçün.
Qış qışlığın yerdə eylər, göydə eləməz.
Buğda olmayan yerdə darını gözə təpərlər.
1 C ü r m - əziyyət, əzab, zülm.
25
KEÇİ
Nənəm a tatar1 keçi,
Qayada yatar keçi.
Qış bərk soyuq gələndə,
Balanı atar keçi.
Nənəm a xallı keçi,
Məməsi ballı keçi.
Uca qaya başında,
Tutubdu yalı keçi.
Keçi deyər, adım Əbdülkərimdir,
Qavala çəkilən mənim dərimdir,
Üç ay qışı ölmərəm, Allah kərimdir.
Şeytan-şeytan balalarım var mənim,
Qəlbi-qəlbi qayalarım var mənim!
M ə s ə 11 ə r:
Keçiyə qurd dəyməsə, həccə gedər.
Keçi handa, qaya handa...
Qoy keçinin ölümü palıddan olsun.
Keçi can hayında, qəssab piy qayğısında.
Keçinin qoturu bulağın gözündən su içər.
İNƏK, ÖKÜZ, CAMIŞ
İnəkdeyər, mən doğanda mələrəm,
Ahım ilə dağı-daşı dələrəm.
Qurudumu gündən-günə sərərəm,
Yaxşı-yaxşı kərələrim var mənim,
Maral-maral balalarım var mənim!
Öküz deyər, mən ağama nökərəm,
Üç ay qışı tövləsində bikaram.
Yaz olanda çayır-çəmən sökərəm,
Ağlı-qırmızılı buğda əkərəm,
Ağır-ağır xırmanlarım var mənim,
Uca-uca tayalarım var mənim!
Kəl deyər, payız olcaq samanlığımı doldurun,
Yaz olanda boyunduruğumu yondurun.
Cütə getməsəm, vurun məni öldürün.
Dolu-dolu samanlığım var mənim.
Dərin-dərin dəryalarım var mənim.
M ə s ə 11 ə r:
Pulunu ver inəyə
Bağla dirəyə,
Nəinki ver qoyuna,
Özünü sal oyuna.
Ahıl öküz cütə getməsə, uşaqlar acından qırılar.
Ev danasından öküz olmaz.
Öküzün cütə getməyəni ətlik adına satılar.
Camışla gəzən dananı qurd yeyər.
Şoran yerdə əgər bostan əkərsən,
Adı bostan olar, tağı tağ olmaz.
Tənbəl arvada yüz inək versən,
Ayranı bol olar, yağı yağ olmaz.
T a p m a c a:
12.0 yanı çəpər,
bu yanı çəpər,
içində atlı çapar.
Eşşək deyər, mən hamıdan fağıram,
Palçığa batanda dağdan ağıram.
Çöllərdə qalanda yiyəmi çağırram,
Kərənaydan yoğun səsim var mənim,
Atlar ilə böyük bəhsim var mənim!
Dəvə deyər, heç bir heyvan götürməz yükümü,
İgid oğlan gərək çəkə ipimi,
Ərəbistan içər mənim südümü,
Uzaq-uzaq mənzillərim var mənim,
Uca-uca dəyələrim var mənim!
M ə s ə 11 ə r:
Eşşəyi min, ata çatıncan.
Eşşək eşşəyi borc qaşır.
Eşşəyə minmək bir ayıb, düşmək iki ayıb.
Boş eşşək yorğa gedər.
Dəvə oynayanda qar yağar.
Dəvə yaxını otlayıb uzağı gözlər.
Dəvə ölsə, dərisi bir yükdür; toyuq ölsə, dərisi bir
çəngə tükdür.
Dəvəyə dedilər: boynun niyə əyridir?
Dedi: haram düzdür ki, boynum da düz ola?
Dəvəyə dedilər: sənətin nədir?
Dedi: xəyati1 eşmək.
Dedilər: nazik dodaqlarından və zərif əl-ayağından
görünür.
T a p m a c a:
13. Bəngi-bəngi başını tut,
Döngü-döngü döşünü tut,
Qılman qoca, əl-ayaq ver,
Hüseyn qoca quyruğun tut.
‘ X ə y a t i - i p ə k s a p .
BİŞMİŞLƏR, ÇÖRƏKLƏR VƏ İÇKİLƏR
B i ş m i ş I ə r: aş, bozbaş, plov, çilov, dolma, küftə,
qovurma, bozartma, kabab, lüləkabab,
əriştə, umac, xəşil, halva, həlimaşı,
xingal, firni, qaysaba, dovğa, səməni
halvası.
Ç ö r ə k I ə r: yuxa, sac çörəyi, təndir çörəyi, lavaş,
səngək, fətir, şəkərçörəyi, qatlama,
fəsəli, əyirdək, kətə, qoğal.
İ ç k i I ə r: su, süd, çay, qəhvə, şərbət, ayran,
körəməz, gülməs, bulama.
Lavaş dedi:
- Heç kəs mənim yeddi qatımdan keçə bilməz.
Bu sözü bozbaş eşidib dedi:
- Nə deyirsən?!
Lavaş dedi:
- Səni dindirən yoxdu, bozbaş bəy!
M ə s ə 11 ə r:
Harada aşdır, orada başdır.
Bişmiş aşın darğası.
Aşı bişirən yağ olar, gəlinin üzü ağ olar.
Halva-halva deməklə ağız şirin olmaz.
Yağ yağ ilə qaynar, yarma quru qalar.
Dostları ilə paylaş: |