51
nin effektivliyinə - siyasətdə kortəbii, idarə olunmayan proseslərin və müvəffə-
qiyyətsizliyin güclənməsinə səbəb olan bürokratizm, avtoritar idarəetmə üslu-
bu, volyuntarizm, favoritizm, təmtəraqlılıq, qeyri-mütəşəkkillik, boşboğazlıq,
təkəbbür, özbaşınalıq və avanturizm kimi amillər
neqativ təsir göstərir.
Mədəniyyətin yaradıcıları
Mədəniyyətin formalaşdırılması və inkişafı prosesində xüsusi rol onun
yaradıcılarına – yüksək şüur, istedad, humanizm daşıyıcıları, həyat fəaliyyə-
ti, ənənələr və ictimai münasibətlər mədəniyyətinin yeni sahələrinin təşəb-
büsçüləri və qanunvericilərinə, alimlərə, müəllimlərə, mütəxəssislərə, incə-
sənət xadimlərinə, ruhi və maddi istehsal təşkilatçılarına, siyasi, hüquqi, dini
təlimlərin yaradıcılarına, şəhər və dövlətlərin əsasını qoyanlara, idarəetmə
sistemləri və modellərinin, daxili siyasət və beynəlxalq münasibətlərin mü-
tərəqqi sistemlərinin “memarları” və “inşaatçılarına” məxsusdur.
Mədəni yaradıcılığın subyektləri kimi həm ziyalıların ayrı-ayrı nümayən-
dələri və ya onların kollektivləri, həm də bütövlükdə xalq kütlələri çıxış
edirlər. Cəmiyyətin ruhi mədəniyyətinin yaradılması mexanizmi iki “təbəqə-
nin” qarşılıqlı təsiri nəticəsində yaranır – xalqın adi şüuru (“aşağı təbəqə”)
və ziyalılar tərəfindən (“yuxarı təbəqə”) həyata keçirilən peşəkar “ruhi isteh-
sal”. Xalqın
adi şüuru dilləri, həmçinin onun maraqlarını və tələbatlarını, də-
yərli oriyentasiyalarını, əxlaq normalarını, baxışlarını və ideallarını ifadə
edən, elmi nəzəriyyələri, bədii surətləri və ideoloji doktrinaları qidalandıran
zəmin yaradır. Yaradıcı proses olan
mədəniyyətin inkişafının başlıca hərə-
kətverici qüvvəsi - intellektual, texnoloji, idarə, hüquqi, etik və bədii mədə-
niyyətin daşıyıcıları - ziyalılardır.
Elitar mədəniyyət
Hər bir ölkənin mədəniyyəti şərti olaraq, kütləvi və elitar mədəniyyətə bölü-
nür.
Elitar mədəniyyət – ruhi aristokratlıqla xarakterizə edilən ziyalı və digər
imtiyazlı qrupların seçilmiş nümayəndələrinin mədəniyyətidir.
Mədəni elita:
Ruhi dəyərlər və yüksək etik, estetik, intellektual və dini mədəniyyət
normaları ilə birləşən ziyalı nümayəndələri;
Ruhi mədəniyyətin seçilmiş, imtiyazlı yaradıcıları və ekspertləri, so-
sial-mədəni tərəqqinin başlıca hərəkətverici qüvvəsi missiyasını yerinə yeti-
rən, xüsusi elmi biliklərə sahib olanlar;
52
Mədəniyyətin böhran vəziyyətinin aradan qaldırılmasına daxilən mo-
tıvasiya edilmiş və ictimai tərəqqiyə səbəb olan,
öz dövrünü qabaqlayan mo-
dernistlər;
Çox zaman cəmiyyətin sosial və siyasi tələbləri çərçivəsindən çıxan,
xüsusi özünütənzimləmə mexanizmlərini və həyat fəaliyyətinin dəyər-məna
meyarlarını yaradan, yeni ənənələrin təşəbbüsçüləri və “böyük üslub” para-
diqmalarının yaradıcılarıdır.
Elitar mədəniyyətin mənbəyi və institutları: elmi müəssisələr, ali mək-
təblər, dini idarələr, mason lojaları, fəlsəfi yığıncaqlar, mədəni cəmiyyətlər
və assosiasiyalar, ədəbi-bədii strukturlar, yaradıcı ittifaqlar və fondlar, elmi
məktəblər, parlament yığıncaqları, ictimai-siyasi birliklər və s.-dir.
Kütləvi mədəniyyət
Kütləvi mədəniyyət – KİV-nin köməyi ilə yayılan, başlıca olaraq əylən-
cə, istehlak və kommersiya xarakteri daşıyan, kütləvi istehlakçıya istiqamət-
lənən mədəniyyət növüdür. Kütləvi mədəniyyət istehlakçının adi təfəkkürü-
nə və sadə zövqünə hesablanan ruhi və maddi dəyərlərin yayılmasına təsir
göstərir. Kütləvi mədəniyyətin mahiyyəti şəxsləşdirilmiş inkulturasiyadan,
yəni, dünyagörüşü və davranış normalarının öyrədənin şəxsi təcrübəsinin
öyrənənə ötürmə yolu ilə translyasiyası, - insanların kütləvi akkulturasiyası,
yəni elitar mədəniyyət nailiyyətlərinin adi mədəniyyət dilinə çevrilməsi və
cəmiyyətdə onların kütləvi tirajlanması ilə şərtlənir.
Sosial mədəniyyət tipi olan kütləvi mədəniyyət - Yeni dövrdə urbanizasiya
və sənayeləşdirmə, silki cəmiyyətlərin milli cəmiyyətlərə transformasiyası, əha-
linin ümumi savadlılığının təşəkkülü, sənayeyə qədərki adi ənənəvi mədəniyyət
tipinin bir çox formalarının tənəzzülü, texniki tirajlanma vasitələrinin inkişafı
və informasiyanın ötürülməsi prosesində tamamilə formalaşmışdır. Kütləvi mə-
dəniyyətin müasir inkişaf mərhələsi informasiya texnologiyalarının intensiv in-
kişafı və onun, informasiya “istehsalçısı” maraqlarında kütləvi istehlakçının şü-
urunun effektiv manipulyasiya alətinə çevrilməsi ilə bağlıdır. XX əsrin ikinci
yarısında sosial-mədəni modernləşmə və sənaye cəmiyyətindən postsənaye (in-
formasiya) cəmiyyətinə keçid şəraitində, kütləvi mədəniyyət müasir xalqların
həyatında xüsusi yer tutmuşdur.
L.A. Uaytın mədəniyyət konsepsiyası
Müstəqil elm kimi kulturologiyanın
formalaşması XX əsrin ortalarından
başlamışdır. Ondan əvvəl - insanı və insan dünyasını tədqiq edən
antropolo-