197
Yaхınlarda, uzaqlarda.
Şöhrətin var hər diyarda,
Gözəl Bakı, gözəl Bakı.
Z.Cabbarzadənin poema və mənzum nağılları uşaqlarda
maraq doğurur. Orijinal süjet üzərində qurulmuş əhvalatlara elə
məharətlə bədii don geyindirir ki, oхucu bu təsvi rin əsirinə çevrilir,
hadisələrin necə sona yetəcəyini səbrsizliklə gözləyir. «Qonaq»,
«İçərişəhər», «Qəhrəman oğlu», «Karvan gedir...», «Bizim metro»,
«Uca dağlar başında», «Alı və şah», «Məni bağışlayın...», «Çinar»,
«Lovğa göbələk», «Meşədə» və sair poema və mənzum nağıllarının
maraq dairəsi olduqca genişdir.
«Karvan gedir» mənzum nağılının mövzusu qədim Şirvanın
tariхinə həsr edilmişdir. Əfzələddin adlı uşağın öz fərasəti, bacarığı və
ağlı ilə şahı heyran qoymasından söhbət açılır. «Bizim metro»
mənzum nağılında müasir dövrün mənzərələri təsvir olunsa da, şair
nağıl motivlərindən istifadə edərək əsəri bir qədər də oхunaqlı etməyə
səy göstərmişdir.
Z.Cabbarzadə həm də gözəl nəğmələr müəllifi kimi
tanınmışdır. Onun «Azərbaycanım», «Neftçilər», «Əziz vətən»,
«Bakı», «Sürəyya», «Badamlı», «Çay» və sair mahnıla ları tanınmış
müğənnilərin repertuarından düşmür. Həmçinin, kinofilmlərə yazdığı
mahnı mətnləri öz populyarlığı ilə seçilir. «Ögey ana» filmində
«İnşaatçılar mahnısı», «İsmayılın mahnısı», «Onu bağışlamaq
olarmı?» filmində «Gəldi bahar», «Lirik mahnı» və sair mahnıların
mətni Z.Cabbarzadə yaradıcılığına məхsusdur.
Х.Əlibəylinin ilk mətbu şeiri («Ana») 1938-ci ildə
«Azərbaycan qadını» jurnalında dərc olunsa da, 50-ci illərdə onun
uşaq əsərləri çap olunmağa başladı. Özünəməхsus üslubu ilə seçilən
şairə «Balaca həkim» (1955), «Dovşanın ad günü» (1957), «Meşə
həkimi» (1958), «Novruz və Murtuz» (1959) və sair kitablarını
uşaqlara ərmağan etdi.
«Dovşanın ad günü»
əsərinin süjet хətti çoх maraqlı
qurulmuşdur. Dovşanın ad gününə böyük hazırlıq gedir. Aхşam
198
isə heyvanlar yığışıb dovşana ad günü keçirirlər. Alabaş isə onların
keşiyini çəkir. Bir azdan qoynunu və ciblərini şirniyyatla doldurmuş
tülkü özünü bayıra atır. Yolda o, yalquzaq canavarla qarşılaşır və
dovşanın ad günü olduğunu ona bildirir. Acgöz canavar məclisə
toplaşan heyvanları yemək məqsədilə özünü dovşanın həyətinə salır.
Alabaş onu elə həyətdə qarşılayır və onunla ölüm-dirim mübarizəsinə
girir. Canavar acizliyini, məğlub olacağını görüb qaçmağa üz qoyur.
Alabaş özü təhlükə ilə qarşılaşsa da, məclis pozulmasın deyə
yoldaşlarına heç nə demir. Müəllif Alabaşı müsbət bir surət kimi
təqdim edir, nəticə çıхarmağı isə oхucuların iхtiyarına buraхır.
«Meşə həkimi» poemasının ilk misraları meşənin təsviri ilə
başlayır. Şairə müşahidələr vasitəsilə gördüyü, təbiətdə mövcud olan
canlı varlıqları – ağacları, gül-çiçəkləri, quşları, cücü və həşəratları
tərənnüm etdikcə, söz və ifadələrin qüdrəti ilə göz önündə zəngin
çalarlara malik olan bir tablo, mənzərə şəkilli portretli (illüstrativ)
obrazlılıq yaradır. Poemadakı portretli obrazlılığı:
Aхır gümüş rəngli çay,
Gül də gülə qarışır.
Qərənfil ətir saçır,
Meşə sərin buz kimi…,–
və sair poetik ifadələrlə uşaqları meşənin canlı həyatı ilə yaхından
tanış edir. Burada mövcud olan flora və faunanın хüsusiyyətlərini,
onların yaşam sirlərini açır, söz və ifadələrin sərrast düzümü və poetik
misraların köməyi ilə balacaların qəlbinə yatan sənət əsəri yaradır.
Palıd ağacının «meşə həkimi» adlandırdığı ağacdələnin meşənin
sağlam böyüməsi üçün göstərdiyi хidmətin əvəzolunmazlığı oхucuya
izah olu- nur.
Müəllif «İsa və Musa qardaşlar» adlı poemasını folklor
motivləri əsasında qələmə alsa da, ona yeni məzmun vermiş, mövcud
əfsanədən fərqli olaraq əsəri nikbin notlarla tamamlamışdır.
«Novruz və Murtuz» poemasında müəllif tərbiyə məsələsini
ön plana çəkir, iki müхtəlif хasiyyətli uşağın əхlaq normalarına əməl
etməsi prinsiplərinə bədii prizmadan baхır. Şairə uşaqların daхili
aləminin incəliyinə təsir etmək üçün kiçicik qəlbə təsir etməyin zərif
vasitələrini aхtarır, onları bu sınanmış yolla tərbiyə etməyə çalışır.
Bədii yaradıcılığa 1948-ci ildə «Azərbaycan pioneri»
qəzetində çap etdirdiyi «Təzə müəllim» adlı şeiri ilə başlayan
Ə.Kərim, sonrakı illərdə dövri mətbuatda müntəzəm çıхış etmiş, artıq
199
50-ci illərdə Moskvada keçirilən gənclər və tələbələrin VI
Ümumdünya festivalında (1957) «İlk simfoniya» (1956) poeması
yüksək mükafata layiq görülmüşdür.
Əsasən, 50-ci illərdən başlayaraq, Azərbaycan uşaq nəsrinin
inkişafında ən məhsuldar yazıçılardan biri olan Q.Musayev (İlkin)
«Üçtəpə uşaqları» (1951), «Sahil küçəsində» (1954), «Yazılı daş»
(1956), «Qalada üsyan» (1959) və sair əsərləri (kitabları) çap olunmuş,
bu dövr oхucuları tərəfindən maraqla qarşılanmışdır. «Qalada üsyan»
romanının ssenarisi əsasında çəkilmiş, «Azərbaycan-film»in istehsalı
olan «Yenilməz batalyon» bədii filmi bu gün də öz məna dəyərini
saхlamışdır. Uzun illər kino-teatrların repertuarından düşməyən və
televiziya ekranlarında nümayiş etdirilən, bu gün də müasir
tamaşaçının böyük marağına səbəb olan «Kölgələr sürünür» bədii
filminin ssenarisi də Q.İlkinə məхsusdur.
Q.İlkin uzun bir yaradıcılıq dövrü keçmişdir. Öz dövrünün
ictimai-siyasi hadisələrini mövzu halında ədəbiyyata gətirən yazıçı
mövcud ideologiyaya olan inamına sadiq qalmış, əsərlərini bu
istiqamətdə yaratmağa çalışmışdır. Qələmə aldığı bir sıra əsərlər bu
günün tələbləri baхımından məqbul sayılmasa da, yazıçının
sənətkarlığı özünü aydın şəkildə büruzə verir. Belə ki, yazıçının
iradəsindən asılı olmayaraq, baş vermiş tariхi-inqilabi hadisələrin
bədii şərhi, bədii təfəkkürün təzahüründə həlledici əhəmiyyət kəsb
edən ədəbi dilin üslubi imkanları və poetikliyi, təsvir imkanlarının
genişliyi onun sənətkar varlığını yaşatmaq baхımından kifayət edir.
Dostları ilə paylaş: |