162
terminoloji vahid kimi başqa dillərdən alınan və istərsə də
dilin özündə yaranan sözlərin ədəbi dilin lüğət tərkibinə
daxil olmasında müəyyən qanunauyğunluqlar gözlənilir.
1960-1980-ci illərdə alınma sözlərin əvəzlənməsi olmasa
da, bəzi terminoloji vahidlərin, xüsusən də 1940-60-cı
illərdə yaranmış və istehsalat həyatı ilə bağlı olan dil
vahidlərinin işləklikdən qaldığı müşahidə olunur. Bu illərdə
meydana gəlmiş və ədəbi dildə geniş işlədilmə imkanı
qazanmış terminoloji söz və ifadələrin nəzərə çarpan
başlıca məna xüsusiyyətləri aşağıdakılardan ibarətdir:
Təsərrüfat-iqtisadi həyatla bağlı olanlar. 1960-1980-
ci illərdə Azərbaycan ədəbi dilində cəmiyyətin texniki
tərəqqisini və iqtisadi inkişafını əks etdirən qoşqusuz
kultivator, çiyidsəpən maşın, pambıqyığan maşın, əməyin
mexanikləşdirilməsi, gencərgəli üsul, qırmızı bayraqlı
beşillik, kommunist əməyi zərbəçiləri, əməyin
normallaşdırılması, plantasiya şumu, ictimai bostançılıq,
briqada-qovşaq üsulu, İpatov metodu, Zlobin metodu,
briqada podratı, kompleksli traktor-tarlaçılıq briqadası,
cərgəvi üsul və s. kimi terminoloji birləşmələr dövr üçün
xarakterikdir.
Qeyd etməliyik ki, 1960-cı ilə qədərki dövrdə
işlədilən dar cərgələr (dar cərgəli üsul), habelə kvadrat
yuva üsulu kimi birləşmələr artıq 1960-80-ci illərdə, demək
olar ki, öz fəallığını itirir. Təsərrüfatın inkişafı ilə əlaqədar
həmin üsulların iqtisadi əhəmiyyətinin və səmərəliliyinin
azalması təsərrüfat həyatının artan tələbləri ilə uyuşmaması
müvafiq olaraq onların ifadə vasitələrinin də öz işləkliyini
getdikcə azaltmasına səbəb olur. Elmi-publisist üslubda
işlədilən belə birləşmələrin mənasının aydınlığı üçün bəzən
sadə şəkildə izahı verilir. Məsələn: Venoz damarlarda
t r o m b l a r ı n – t ı x a c l a r ı n əmələ gəlməsinə və
163
damarın həmin hissəsinin iltihaba uğramasına tromboflebit
deyilir (K-11.01.1967); Təcrübə göstərir ki, bir çox
xəstəliklərin profilaktikası – baş verməsinin qarşısının
alınması müalicədən daha asandır (K-11.01.1967) və s.
Yuxarıda qeyd etdiyimiz kimi, bu cür faktlar ədəbi
dilin lüğət tərkibində analitik proseslərlə bağlıdır, yəni bir
tərəfdən, diferensiallıq mövcuddur – elmi üslub faktı ilə
sıravi nitq faktı qarşılaşdırılır, digər tərəfdən, bunlar eyni
bir anlayışı ifadə etmək üçün birləşir – bu isə inteqrasiya
əlamətidir, beləliklə, leksik proseslər hər iki cəhəti – həm
diferensiasiya, həm də inteqrasiya gedişini ehtiva edir.
Mədəni-tərbiyəvi sahə ilə bağlı olanlar. 60-cı illərdə
mədəniyyət və tərbiyə məsələlərinin inkişafı ilə bağlı
olaraq, Azərbaycan ədəbi dilində xalq evi, mədəniyyət
ocaqları, fəallar yığıncağı, Lenin cümə günü, siyasi gün və
s. söz birləşmələri işlədilməyə başlamışdır. Ədəbi dildə
özünəməxsus yer tutan bu ifadələr tədriclə daha geniş
işlənmə arealı qazanmış və ümumxalq malına çevrilə
bilmişdir. Müasir ədəbi dilimizdə belə birləşmələrin
işlənmə imkanlarının artması onların ifadə etdiyi məfhum
və anlayışların zəruriliyi, vacibliyi və digər tərəfdən, həmin
ifadələrin diləyatımlı, dilin leksik-qrammatik təbiətinə
uyğun olması ilə əlaqədardır.
Elmi-texniki tərəqqi və kosmik fəzanın tədqiqi ilə
əlaqədar olanlar. 50-ci illərin sonu, 60-cı illərin əvvəlləri
ölkəmizdə elmin, texnikanın vüsətli inkişafı ilə səciyyə-
lənir. Bu dövrdə texnika sahəsində həqiqi inqilab, kosmo-
sun fəthi yeni məfhum və anlayışların yaranmasını şərtlən-
dirdiyi kimi, onların dildə ifadəsi üçün də yeni vahidlərin
əmələ gəlməsi zərurətini meydana atdı. Bu sahədə yeni dil
vahidləri rus dilindən alınsa da, dilin öz daxili imkanları
yaddan çıxarılmır, imkan olduqca bu sahədə müvəf-
164
fəqiyyətli söz və ifadələr yaradılır. 60-cı illərin əvvəl-
lərindən Azərbaycan ədəbi dilində işlədilməsi müşahidə
edilən və öz yeniliyi ilə səciyyələnən belə dil faktlarından
bir neçəsini qeyd edək: teleqraf siqnalları, kosmik qidalar,
telemetrik aparat, uçuş aparatları, kosmik uçuşlar,
çoxpilləli kosmik raket, manevrli kosmik aparat, manevrli
kosmik gəmi, kosmik fəza, orbital stansiya, planetlərarası
stansiya, qlobal raket, planetlərarası kosmik fəza,
planetlərarası fəza, kosmik beşillik, kosmik əmək növbəsi,
avtomatik yempaylayan və s.
Kosmik terminologiya üçün az-çox kütləvilik xarak-
terikdir ki, bu da hər şeydən əvvəl, həmin sahənin «özünün
publisistik aktivliyi ilə əlaqədardır
1
. Lakin publisistik aktiv-
lik kosmik terminologiyanı professionallıqdan çıxarmır.
Əkinçilik sahəsində işlədilənlər:
Təsərrüfatın coşqun inkişafı ilə əlaqədar mətbuat
dilində sahə terminlərinə geniş yer verilir.
Müxtəlif xəstəlik adları bildirənlər:
Üzüm bağlarında başqa bir qorxulu xəstəlik olan
o n d i u m u n yaranması müşahidə edilir (K-3.04.1976);
Finallarla yoluxmuş heyvanların əti xəstəliyin mikroblarını
saxlayır (K-10.06.1963); Laktasiya dövründə onun
məhsuldarlığı aşağı düşür (SK-3.04.1970);
Üzüm
bağlarında m i l d i y u xəstəliyinə qarşı istifadə edilir (K-
18.04.1966) və s.
Dərman preparatlarının adlarını bildirənlər:
Davamlı s u s p e n z i y a almağa kömək edən yardımçı
maddə vardır (K-18.04.1966);
Alınan preparatlar
içərisində p o l i d o f e n vardır (AG-3.04.1970);
M e t i l m e r k a p t o f o n işlədilən yerdə feldşer olmalıdır
1
З.Ш.Мамедов. Терминологи
я
по космонавтике о азерба
й
джанском
я
зыке, Баку, АКД, 1987, стр. 8.
Dostları ilə paylaş: |