107
4.
Amillərdən birinin təklifinin artması istehsalın həcminə və gəlirlərə necə təsir
göstərəcək?
Bu suallara beynəlxalq ticarətin ən yeni nəzəriyyələrinə aid edilən Stolper-
Samuelsonun əmtəələrin qiymətinin dəyişməsinin istehsal amillərinin qiymətinə təsiri
nəzəriyyəsi və Rıbçinskinin amillərin artımının istehsalın artımına təsiri nəzəriyyəsi cavab
vermişdir. Nəzəriyyələrin məntiqi izahı cədvəl 2.2-də verilmişdir.
Cədvəl 2.2.
Ticarət nəticəsində əldə edilən gəlirlərin bölgüsünü izah edən nəzəriyyələr
10
Beynəlxalq ticarətin
izahı
Gəlirlərin bölgüsünün izahı
Mütləq və müqayisəli
üs-tünlüklər
nəzəriyyələri
Gəlirlərin bölgüsü məsələsinə baxılmır
İstehsal
amillərinin
nisbəti nəzəriyyəsi
Hekşer-Olin: nisbətən daha bol istehsal amillərinə sahib olanlar
udur, daha qıt istehsal amillərinə sahib olanlar isə uduzurlar
Hekşer-Olin-Samuelson: ticarət nəticəsində əmtəələrin nisbi
qiymətlərinin
istehsal
amillərinin
nisbi
qiymətlərinin
bərabərləşməsinə gətirib çıxarması son nəticədə istehsal
amillərinin sahiblərinin gəlirlərini bərabərləşdirir
Spesifik
istehsal
amilləri nəzəriyyəsi
Samuelson-Cons: ixrac sahələri üçün spesifik olan istehsal amili
sahiblərinin gəlirləri artır, idxalla rəqabətdə olan sahələr üçün
spesifik olan istehsal amilləri sahiblərinin gəlirləri isə azalır
Stolper-Samuelson: beynəlxalq ticarət qiyməti artan əmtəənin
istehsalında intensiv şəkildə istifadə edilən istehsal amilinin
sahibinin gəlirlərinin artmasına və qiyməti azalan əmtəənin
istehsalında intensiv şəkildə istifadə edilən istehsal amilinin
sahibinin gəlirlərinin azalmasına gətirib çıxarır
Rıbçinski: istehsal amillərindən birinin təklifinin artması həmin
amilin daha intensiv şəkildə istifadə edildiyi sahələrdə istehsalın
çoxalmasına və gəlirlərin artmasına və digər sahələrdə istehsalın
və gəlirlərin azalmasına gətirib çıxarır
Nisbətən bol amillər əmtəələrin istehsalında nisbətən daha çox intensiv və nisbətən
daha az intensiv şəkildə istifadə edilə bilərlər. Müvafiq olaraq, nisbətən qıt amillər də
əmtəələrin istehsalında nisbətən daha çox intensiv və nisbətən daha az intensiv şəkildə
istifadə edilə bilərlər. Əgər, məsələn, kapital ölkədə nisbətən bol amildirsə və o,
kapitaltutumlu əmtəəyə sərf edilirsə, onda onun nisbətən daha çox intensiv edildiyini
söyləmək olar. Lakin, o hardasa müəyyən qədər əməktutumlu əmtəəyə sərf edilirsə, bu
haldan ondan daha az intensiv şəkildə istifadə edilir.
İstehsal amillərinin nisbəti nəzəriyyəsini inkişaf etdirən Samuelson-Consun spesifik
istehsal amilləri nəzəriyyəsi göstərdi ki, ticarət nəticəsində bol istehsal amillərinin bütün
sahiblərinin gəlirləri deyil, ölkənin ixrac sahələri üçün spesifik olan amillərin sahiblərinin
gəlirləri artır. Əksinə, qıt amillərin bütün sahiblərinin gəlirləri deyil, idxalla rəqabətdə olan
sahələr üçün spesifik olan amillərin sahiblərinin gəlirləri azalır. Praktiki nəticə aydındır:
10
А.Киреев. Международная экономика. Москва, «Международные отношения», I cild, səh. 170
108
nisbətən bol istehsal amillərinin heç də bütün sahibləri azad ticarətin tərəfdarı olmayacaqlar,
onlardan yalnız ixrac üçün spesifik olan amillərə sahib olanlar azad ticarət ideyasını
dəstəkləyəcəklər. Analoji olaraq, heç də bütün nisbətən qıt amil sahibləri azad ticarət
fikrinin əleyhinə çıxmayacaqlar, onlardan bu ideyanın əleyhinə çıxanlar idxalla rəqabətdə
olan sahələr üçün spesifik olan amiləərin sahibləri olacaqlar. Bu zaman, beynəlxalq ticarət
mobil amillərin sahiblərinin gəlirlərinə birmənalı təsir göstərmir: onların gəlirləri ya arta, ya
da azala bilər.
Beləliklə, Samuelson-Consun teoremi göstərir ki, ticarət nəticəsində ixrac sahələri
üçün spesifik olan istehsal amili sahiblərinin gəlirləri artır, idxalla rəqabətdə olan sahələr
üçün spesifik olan istehsal amilləri sahiblərinin gəlirləri isə azalır.
Əmtəələrin qiymətlərinin artması və ya azalmasının bu əmtəələrin istehsalı zamanı
istifadə edilən istehsal amillərinin qiymətinə necə təsir edəcəyi sualının cavabını Pol
Samuelson özü ABŞ iqtisadçısı Volfqanq F. Stolperlə bir yerdə 1941-ci ildə vermişdir.
Burada qeyd edək ki, klassiklərə görə, azad ticarət ölkə əhalisinin rifahını yüksəldir.
Onlara görə, sərbəst ticarət ölkəyə bütünlüklə xeyir, müdafiə (proteksionizm) siyasəti isə
bütünlüklə ziyandır. Lakin Pol Samuelson və Volfqanq F.Stolper buna qarşı çıxdılar.
Müəlliflər öz modellərini aşağıdakı ilkin ehtimallardan (bu ehtimallardan bəziləri
istehsal amillərinin nisbətinin baza modelindən götürülüb, bəziləri isə yenidir) çıxış edərək
qurdular: ölkə iki istehsal amilindən istifadə edərək iki əmtəə istehsal edir; hər iki əmtəə və
istehsal amilləri bazarında azad rəqabət mövcuddur; istehsal amillərinin təklifi daimidir;
əmtəə 1 nisbətən əməktutumludur, əmtəə 2-nin istehsalında isə nisbətən daha çox torpaqdan
istifadə edilir; istehsal amilləri mütləq daxili mobilliyə malikdirlər, lakin xarici mobilliyə
malik deyillər; əmtəələrin qiyməti onların istehsal qiymətinə bərabərdir; ticarətin inkişafı
əmtəə 1-in nisbi qiymətinin artmasına gətirib çıxarır.
Stolper-Samuelson teoreminə görə, beynəlxalq ticarət nəticəsində qiyməti artan
əmtəənin istehsalında nisbətən daha intensiv istifadə olunan amillərin qiyməti artır və
əksinə, qiyməti azalan əmtənin istehsalında nisbətən daha intensiv istifadə olunan amillərin
qiyməti azalır. Başqa sözlə, müdafiə siyasətindən ölkə iqtisadiyyatı bir vahid olaraq ziyan
çəksə də, o, idxaləvəzedici sektor üçün bu siyasət mənfəətlidir.
Bu zaman, amillərin qiymətlərinin artması və ya azalması həmin amillərin köməyi ilə
istehsal edilən əmtəələrin qiymətlərinin artması və ya azalmasına nisbətən daha böyük
ölçüdə baş verir. Qəbul edək ki, ölkə əmək (l) və torpağın (t) köməyi ilə əmtəə 1 və əmtəə
2-ni istehsal edir və
P
1
– əmtəə 1-in qiymətidir;
P
2
– əmtəə 2-nin qiymətidir;
w – əmək vahidinə görə əmək haqqı dərəcəsidir (əməyin qiymətidir);
r – torpaq vahidinədn istifadəyə görə renta dərəcəsidir (torpağın qiymətidir);
AT
1
– əmtəə 1-in istehsalı üçün lazım olan torpağın kəmiyyətidir;
AL
1
– əmtəə 1-in istehsalı üçün lazım
olan əməyin kəmiyyətidir;
AT
2
– əmtəə 2-nin istehsalı üçün lazım olan torpağın kəmiyyətidir;
AL
2
– əmtəə 2-nin istehsalı üçün lazım olan əməyin kəmiyyətidir.
Bu halda hər bir əmtəənin qiymətinin formulası onların istehsalı üçün istifadə edilən
əmək və torpağın qiymətlərinin cəminə bərabərdir, yəni
P
1
= AL
1
×w + AT
1
×r (2.6)
P
2
= AL
2
×w + AT
2
×r (2.7)
Əmtəə 1-in nistehsalının əmtəə 2-nin istehsalına nisbətən daha çox əmək xərci tələb
etməsi o deməkdir ki,