152
AZƏRBAYCANIN PRAVOSLAV
XRİSTİANLARINA
Hörmətli həmvətənlər!
Sizi xristianların müqəddəs Pasxa bayramı münasibətilə ürəkdən təbrik edir, hamınıza cansağlığı,
xoşbəxtlik və bayram əhval-ruhiyyəsi arzulayıram.
Yüksək bəşəri-mənəvi dəyərlərdən faydalanmaq imkanı verən Pasxa bayramı xristian aləmi tərəfindən
həmişə böyük sevinclə qarşılanmışdır. Bütün dini bayramlar kimi, bu bayram da sülhə, əmin-amanlığa çağıran
və mərhəmət duyğusu oyadan ruhu ilə əsrlər boyu insanlar arasında səmimiyyət və mehribanlığı artırmış,
dostluq, qardaşlıq və həmrəyliyin rəmzinə çevrilmişdir.
Səmavi dinlərin dinc və birgəyaşayış məkanı olmuş Azərbaycanda tarixən müxtəlif dini icmalar arasında
həmişə mehriban dostluq münasibətləri hakim olmuş, dini zəmində heç bir problem mövcud olmamışdır.
Azərbaycanın dövlət müstəqilliyinin bərpasından sonra Pasxa bayramının da pravoslav vətəndaşlarımız
tərəfindən geniş şəkildə qeyd edilməsi ölkəmizdə dilindən, dinindən və etnik mənsubiyyətindən asılı olmayaraq,
uzun əsrlər boyu bir yerdə yaşayan xalqlar arasındakı dini dözümlülüyün parlaq təzahürüdür.
Azərbaycanda yaşayan bütün xalqların dini-mənəvi dəyərlərinə qarşılıqlı ehtiramla yanaşılması nəticəsində
burada hökm sürən tolerantlıq və konfessiyaların azad fəaliyyəti üçün yaradılmış imkanlar
təməli ümummilli
lilerimiz Heydər Əliyev tərəfindən qoyulmuş və bu gün də uğurla həyata keçirilən dövlət-din münasibətləri
konsepsiyasının doğruluğu və həyatiliyini göstərir.
İnanıram ki, müstəqil Azərbaycanın daha güclü olması naminə ölkəmiz qarşısında dayanan başlıca
vəzifələrin həllində, cəmiyyətimizdə vətəndaş həmrəyliyinin tam bərqərar olması işində siz – xristian
həmvətənlərimiz bundan sonra da öz qüvvələrinizi səfərbər edəcəksiniz. Bu yaz günlərində bütün saf
niyyətlərinizin yerinə yetməsini arzu edir, hər birinizin ailəsinə firavanlıq, dinc həyat və mənəvi rahatlıq
diləyirəm.
Bayramınız mübarək olsun!
İLHAM ƏLİYEV
Azərbaycan Respublikasının Prezidenti
Bakı şəhəri,
10 aprel 2004-cü il
153
SURİYA ƏRƏB RESPUBLİKASININ
PREZİDENTİ ZATİ-ALİLƏRİ
CƏNAB BƏŞŞAR ƏL-ƏSƏDƏ
Hörmətli cənab Prezident!
Suriya Ərəb Respublikasının milli bayramı – Müstəqillik günü münasibətilə Sizi və bütün xalqınızı
şəxsən öz adımdan və Azərbaycan xalqı adından səmimi-qəlbdən təbrik edirəm.
Əminəm ki, Azərbaycan ilə Suriya arasında dostluq və əməkdaşlıq münasibətlərinin inkişafı üçün səylərimizi
bundan sonra da davam etdirəcəyik.
Sizə möhkəm cansağlığı,
işlərinizdə uğurlar, dost Suriya xalqına sülh və tərəqqi arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı şəhəri,
10 aprel 2004-cü il
155
AZƏRBAYCANDA ATATÜRK MƏRKƏZİNİN
AÇILIŞI MƏRASİMİNDƏ
*
NİTQ
10 aprel 2004-cü il
Hörmətli cənab nazir!
Hörmətli qonaqlar!
Hörmətli xanımlar və cənablar!
Bu gün Azərbaycanın müasir tarixində çox əlamətdar bir gündür. Bu gün Azərbaycanda Atatürkün evi –
Atatürk Mərkəzi açılır. Mən bu münasibətlə sizin hamınızı ürəkdən təbrik edirəm.
Burada qeyd olundu ki, bu mərkəzin açılması barədə qərar Azərbaycanın ümummilli
lideri Heydər Əliyev
tərəfindən verilmişdir. Həmin sərəncam veriləndən sonra bir müddət mərkəz üçün münasib bir bina axtarılıb və
nəhayət, bu, müəyyən olunubdur. Bu gün gözəl tarixi binada Atatürk Mərkəzi öz fəaliyyətinə başlayır.
Mustafa Kamal Atatürk dünyanın ən görkəmli şəxsiyyətlərindən biridir. Böyük dövlət xadimi, siyasi
xadimdir. Onun Türkiyə qarşısında, bütün türk dünyası qarşısında misilsiz xidmətləri olmuşdur. Ən böyük
xidməti isə Türkiyə Cümhuriyyətini yaratmasıdır. Müasir Türkiyə Mustafa Kamal Atatürkün əsəridir. Necə ki,
müasir Azərbaycan Heydər Əliyevin əsəridir. Atatürkdən sonra 65 il yaşayan Türkiyənin bütün uğurlarının
təməli məhz 1923-cü ildən qoyulmuşdur. Bu düzgün, sağlam təməl üzərində qurulmuş müasir dövlət inkişaf
etmiş, güclənmişdir və bu gün Türkiyə dünyada böyük siyasi çəkiyə malik olan bir ölkədir. Türkiyənin Dünya
Birliyində çox önəmli yeri vardır. Bu bizim hamımızı – bütün türk dünyasını sevindirir.
Mustafa Kamal Paşanın ən böyük xidmətlərindən biri də odur ki, onun tərəfindən,
bilavasitə onun rəhbərliyi
və iştirakı ilə türk ordusu yaranmışdır. Bu ordu bu gün güclənmiş və deyə bilərəm ki, bölgədə, regionda sülhün,
təhlükəsizliyin keşiyində duran bir ordudur. Türkiyə Cümhuriyyətinin, bütün türk dünyasının rahat, təhlükəsiz
şəraitdə yaşamasında mühüm rol oynayan bir amildir. Biz, türk dünyası haqlı olaraq bundan qürur hissi
duyuruq.
Mustafa Kamal Atatürk təkcə Türkiyə haqqında deyil, bütün türk dünyası haqqında daim düşünmüşdür. O
cümlədən Azərbaycanda yaşanan olaylar da onu hər zaman narahat edirdi, düşündürürdü və azərbaycanlı
qardaşlarına olan məhəbbəti, hörməti, sevgisi bizim hamımıza bəllidir.
Təsadüfi
deyil ki, Azərbaycan müstəqilliyə qovuşandan sonra onu tanıyan ilk ölkə Türkiyə olmuşdur. Ondan
sonra Türkiyə–Azərbaycan əlaqələri, münasibətləri günü-gündən inkişaf edir, güclənir. Bu münasibətlərin
inkişafında Azərbaycanın ümummilli lideri Heydər Əliyevin xidmətləri müstəsnadır. Məhz onun fəaliyyəti
nəticəsində son on il ərzində Türkiyə–Azərbaycan münasibətləri güclənmiş, inkişaf etmişdir və bu gün
ölkələrarası münasibətlərə örnək, nümunə ola bilər. Biz bu siyasətə sadiqik. Biz, Azərbaycanın yeni rəhbərləri
bütün məsələlərdə Heydər Əliyevin yolu ilə gedirik. O cümlədən Türkiyə–Azərbaycan münasibətlərinin inkişafı
baxımından da biz bu siyasətə sadiqik.
Ölkələrimiz arasında bütün sahələrdə uğurlu əməkdaşlıq, işbirliyi mövcuddur. Siyasi,
iqtisadi, hərbi, mədəni –
bütün sahələrdə münasibətlərimiz inkişaf edir və bu bizi çox sevindirir.
Bu gün Türkiyədə və Azərbaycanda dünyanın ən böyük layihəsi – Bakı–Tbilisi–Ceyhan layihəsi həyata
keçirilir. Bu layihə bizi daha da sıx bağlayacaq, daha da sıx birləşdirəcəkdir. Regional əməkdaşlıq üçün gözəl
şərait yaradacaqdır. Ümumiyyətlə, regionda bundan sonra gedən proseslərə böyük təsir göstərəcəkdir.
Bizim gücümüz birliyimizdədir. Azərbaycan müstəqil ölkə kimi yaşamağa başlayandan sonra biz hər zaman
Türkiyənin dəstəyini hiss etmişik və ümummilli liderimiz Heydər Əliyevin həmişə kəlamını yadda saxlayırıq:
Biz bir millət, iki dövlətik.
Türkiyə harada, Azərbaycan orada, Azərbaycan harada, Türkiyə orada olmalıdır.
Əminəm ki, bundan sonra da belə olacaqdır.
Bilirsiniz ki, Heydər Əliyev, eyni zamanda, Atatürk beynəlxalq sülh mükafatı ilə təltif edilmişdir. Mən o
mərasimi çox yaxşı xatırlayıram. O orada böyük bir nitq söylədi və qeyd etdi ki, müxtəlif dövrlərdə çoxlu
ordenlər, medallar, mükafatlar almışdır.
Amma dedi ki, mənim üçün bu mükafat indiyə qədər aldığım bütün
mükafatlardan qiymətlidir, doğmadır və əzizdir. Bu da təbiidir. Çünki Heydər Əliyev Atatürkün mədəni, tarixi
irsinə həmişə sadiq olan bir şəxsiyyət idi və bugünkü Azərbaycan da məhz bu yol ilə gedir. Azərbaycan
güclənir, öz iqtisadi, siyasi potensialını işə salır və dünyada özünə layiq yerini artıq tutubdur. Mən əminəm ki,
ölkəmiz bundan sonra daha yüksək pilləyə qalxacaqdır.
*
Mərasimdə Azərbaycanda Atatürk Mərkəzinin müdiri Nizami Cəfərov, Türkiyə Cümhuriyyətinin
dövlət naziri Bəşir
Atalay, Atatürk Yüksək Qurumunun başqanı, professor Sadıq Tural çıxış etdilər.