395
metodlardan istifadə zamanı makroİqtisadi səviyyədə dövlətin həyata keçirdiyi
İqtisadi siyasətin konseptual əsasları da mühüm əhəmiyyət kəsb edir. Bazar
İqtisadiyyatına keçidin indiki mərhələsində güzəştli kreditlərin və güzəştli vergi
sisteminin, çirklənməyə görə cərimələrin sistemli şəklə salınaraq tətbiq edil-
məsi, şübhəsiz ki, ilk növbədə təbiəti mühafizə orqanlarının borcudur.
Respublikamızın bazar İqtisadiyyatına qədəm qoyması ekoloji tarazlığın
qorunması sahəsində də bir sırı tədbirlərin həyata keçirilməsinə imkan verir.
Beynəlxalq təcrübə göstərir ki, sözügedən sahədə İqtisadi maraqlandırma
tədbirlərinin həyata keçirilməsi müsbət nəticələrə gətirib çıxarır. Bazar
İqtisadiyyatlı ölkələrin əksəriyyətində bu sahə daim diqqət mərkəzində
saxlanılır. Bura əsasən çirklənmədən dəyən sosial-İqtisadi zərərin
qiymtləndirilməsi və istehsalın təşkilində ekoloji məsələlərə fikir verilməsi
daxildir.
Ekoloji tarazlığın pozulduğu əksər ölkələrdə ətraf mühitin mühafizəsinə
xidmət edən dövlət sistemi fəaliyyət göstərir. Həmin sistemə aşağıdakılar
aiddir:
- ətraf mühitin mühafizəsinə dair dövlət tədbirlərinin həyata keçirilməsi;
- ətraf mühitin mühafizəsi sahəsində özəl sektorun fəaliyyətinin dövlət
tərəfindən stimullaşdırılması (birbaşa və ya dolayı maliyyə yardımları, güzəştli
vergi, kredit və s.);
- normativ tənzimləmə və cərimə sanksiyalarının tətbiqi (ekoloji eksperti-
za, ekoloji normativ və məhdudiyyətlər, çirklənməyə görə ödənişlər və s.);
- ekoloji layihə və ideyaların maliyyələşdirilməsi.
Inkişaf etmiş bazar İqtisadiyyatlı ölkələrdə ekoloji tarazlığın qorunma-
sının aşağıdakı prinsipləri əsas götürülür: ekoloji təhlükəsizliyin üstünlüyü
prinsipi; ekoloji təhlükəsizliyin təmin olunmasında əhalinin kütləvi iştirakının
vacibliyi;istehsal texnologiyalarının və avadanlıqlarının ekoloji cəhətdən əlve-
rişli səviyyədə olması; ekoloji baxımdan əlverişsiz vəziyyətin yarana bilməsi
ehtimalının qabaqcadan dərk edilməsi; ekoloji təhsilin formalaşması və inkişafı;
istehsal və ekoloji təhlükəsizliyin vəhdəti prinsipi.
İqtisadi ədəbiyyatda davamlı ekoloji tarazlığın təmin edilməsində istifadə
edilən İqtisadi metodları müxtəlif cür təsnifləşdirirlər. Bəzən bu İqtisadi metod-
ları ümumi və xüsusi metodlara ayırmaqla aşağıdakı kimi qruplaşdırırlar:
- makroİqtisadi səviyyəli metodlar, yəni bütün təsərrüfat sahələrini əhatə
edən İqtisadi metodlar;
- xüsusi metodlar-bilavasitə ətraf mühitin mühafizəsi ilə bağlı olan
İqtisadi metodlar.
Dünya ölkələrinin təcrübəsi göstərir ki, təbii ehtiyatlardan ödənişli
istifadə ekoloji tarazlığın qorunması üzrə fəaliyyətin iqtisadi stimullaşdırma
sistemini müəyyən edir. Bu sistem tarixən bazar iqtisadiyyatlı ölkələrdə
istehsal və istehlakçıların balanslaşdırılmış hərəkətinin formalaşmasına imkan
vermişdir. Ayrı-ayrı ölkələrdə tətbiq olunan iqtisadi stimullaşdırma tədbirləri
onların davamlı ekoloji inkişafında çox mühüm roil oynamışdır.
396
Müasir davamlı ekoloji inkişafın təmin olunmasında istifadə edilən ən
mühüm İqtisadi metodlardan biri də vergilərdir. Dünya təcrübəsi sübut edir ki,
ekoloji vergilər aşağıdakı problemləri həll edir:
- məhsulun qiymətinin ona sərf olunan xərclərə, o cümlədən də təbii
ehtiyatlara, ətraf mühitə dəyən zərərə uyğun olması;
- çirkləndirənlər tərəfindən ekoloji zərərin kompensasiyasına şərait
yaratmaq.
Ekoloji vergilər, bir tərəfdən, ekoloji cəhətdən balanslaşdırılmış fəaliyyəti
stimullaşdırır, digər tərəfdən isə, resurstutumlu istehsalı sıxışdırır. Bu vergilərin
tətbiqi zamanı əvvəlcə, ətraf mühitin mühafizəsi orqanları tərəfindən ilkin
addım atılır, sonra isə qalan proseslər bazar mexanizmlərinin öhdəsinə buraxılır.
Beynəlxalq təcrübəyə görə, bütövlükdə istehsalçılar üçün vergi güzəştləri
ekoloji fəaliyyət növündən asılı olaraq müəyyən edilir. Ekoloji tarazlığın
pozulmasına qarşı aparılan mübarizənin səmərəliliyini yüksəltmək məqsədilə
güzəştli vergilər sisteminin tətbiqi təcrübəsi geniş yayılmışdır. Bəzən isə belə
hallarda istehsalçılar vergiyə cəlb olunmur. Inkişaf etmiş bazar İqtisadiyyatlı
ölkələrdə fəaliyyət göstərən ekoloji fondların, eləcə də tullantılardan istifadə
edən və onların emalı ilə məşğul olan müəssisələrin vergidən azad olması buna
əyani misaldır.
Beynəlxalq ekoloji vergilər sistemində dörd əsas tətbiq sahəsi fərqlən-
dirilir: sahəvi, texnoloci, regional və məhsula aid olan. Davamlı ekoloji inkişaf
tipinə keçidlə əlaqədar olaraq təbiət tutumlu sahələrdə yüksək vergilərin tətbiqi
bu sahələrin inkişafına mane olur. Odur ki, texnoloci proseslərin sonunda
vergilər yumşaldılmalıdır ki, bu sahələr daha yaxşı inkişaf etsin və ətraf mühitə
tullantıların atılması azalsın. Ekoloji vergilərin regional tətbiq sahəsinə rəğmən
isə bəzi İqtisadçılar ekoloji cəhətdən gərgin rayonlarda vergilərin nisbətən
yumşaq olmasını və bu yolla həmin ərazilərə investisiyaların cəlb edilməsinin
mümkünlüyünü əsaslandırmağa çalışır, digər qrup İqtisadçılar isə əksinə, bu
ərazilərdə vergilərin daha sərt olmasını, bununla da ətraf mühitə zərərli təsir
göstərən müəssisələrin ixtisarını və ərazinin tezliklə reabilitasiyasını təklif
edirlər.
Davamlı ekoloji inkişafa nail olmaq məqsədilə ABŞ-da ekoloji vergilər
daim diqqət mərkəzində saxlanılır. Bütövlükdə dünyada ozon qatının seyrəl-
məsinə səbəb olan freonun istehsalını ixtisar etmək məqsədilə 1989-cu ildə
federal hökumət tərəfindən onun satışına vergi qoyuldu. Freonu əvəz edən
maddələrlə istehsala keçmək üçün vaxt lazım olduğuna görə bu vergi mütərəqqi
əhəmiyyət kəsb edir.
Hazırda qolobal istiləşmə ilə əlaqədar olaraq bəzi ölkələrdə karbona görə
vergi tətbiq etmək haqqında düşünürlər. Onların fikrincə, kömür yanarkən təbii
qaza nisbətən daha çox karbon ayrıldığına görə o, daha yüksək vergiyə cəlb
olunmalıdır. Belə ki, gələcəkdə karbon vergisinin tətbiqi dünyada enerci
ehtiyatlarının istismarını azaltmağa və alternativ enerci mənbələrinin
istifadəsinə, meşələr salınmasına və s. stimul yaradacaqdır.