Microsoft Word heyd?R. doc 23 axirinci doc
Yüklə 2,69 Mb. Pdf görüntüsü
|
- Bu səhifədəki naviqasiya:
- Y e r d ə n
- 12 NOYABR - KONSTİTUSİYA GÜNÜ MÜNASİBƏTİLƏ AZƏRBAYCAN XALQINA TƏBRİK
- HEYDƏR ƏLİYEV Azərbaycan Respublikasının Prezidenti
- BAKI ŞƏHƏRİNİN YENİ GÜNƏŞLİ MASSİVİNDƏ YAŞAYAN KEÇMİŞ DÖYÜŞÇÜ, "AZƏRBAYCAN BAYRAĞI" ORDENLİ İBAD MÖVSÜM OĞLU HÜSEYNOVA
___________________________________________________107 Rəsul Quliyev, - hansı ki, indi üç ildən artıqdır oturub NyuYorkda, Azərbaycana qarşı cürbəcür təxriləat, çirkin, həddindən artıq ədəbsiz işlər görür. Həddindən artıq. Mən ədəbsiz insanlar görmüşəm, amma sizə deyim ki, bu qədər ədəbsiz insan tariximdə görməmişəm, - bunun imzalanmasına etiraz elədi. Dedim ki, sən necə etiraz edirsən, - birincisi, müqavilə hazırdır, ikincisi, sən neft şirkətini əlinin altında saxlayırsan. Bu günə kimi müqavilə hazırlanilə, sən də bunun şərtlərini bilirsən. Bilirsən ki, bu nədir. İndi bunun imzalanmasına bir həftə qalilə, sən bunu pozmaq istəyirsən. Nə cür ola bilər? Dedi yox, o yan, bu yan. Bunu bir dəfə danışmışam. Neft şirkətinin bütün rəhbərlərini, mütəxəssisləri, Rəsul Quliyevi, Nazirlər Kabinetinin rəhbərlərini - Fuad Quliyevi və birinci müavin Rasizadəni burada zala yığdım. Dedim ki, de sözlərini. Başdan-ayağa cəfəngiyat danışdı. Onun ən yaxın dostları - Natiq Əliyev, Xoşbəxt Yusifzadə, o biri müavinlər, Zeynalov var, gərək ki, Bəxtiyar müəllimin qohumudur, - hamısı durdu onun üzünə ki, sənin dediyin bu sözlər əsassızdır. Məqsədi nə idi? Məqsədi Azərbaycanı dağıtmaq idi. Bilirdi ki, artıq birinci müqavilə nə gətirəcəkdir. Bilirdi ki, bu müqavilələr belə getsə, bunlar Azərbaycana nə gətirəcəkdir. Amma o istəyirdi ki, Azərbaycan üçün pis olsun və beləliklə də istədiyinə nail olsun. Düzdür, mən o vaxt onu o qədər də anlaya bilmirdim ki, o, bu cür fikirli adamdır. Mən bunu anlaya bilmirdim. Amma sonra hər şey mənə aydın oldu. Biz müqaviləni imzalayanda geoloqlarımız proqnoz vermişdilər ki, həmin yataqda - "Şahdəniz" yatağında 400 milyard kubmetr qaz olacaq, amma indi deyirlər ki, 1 trilyondan artıq olacaqdır. Başqa bir yataq da var, deyirlər oranın ehtiyatı 3 trilyon olacaqdır. Ona görə də biz indi narahatıq -bu qədər qazı olan ölkə gərək bunu satsın. Nefti satmaq belədir ki, onu dəmir yolu ilə də, başqa yolla da aparıb
___________________________________________________108 satmaq olar. Amma qazı satmaq üçün mütləq boru kəməri lazımdır. Biz bu işlərlə məşğuluq. Azərbaycan üçün dörd il, beş il, altı, yeddi il vaxt lazımdır. Bəlkə o vaxta qədər mən olmayım, ancaq mən Azərbaycanın gələcəyini təmin edirəm. Xalqımızın gələcəyini təmin edirəm. Mənim, sənin, onun övladlarının, nəvələrinin gələcəyini təmin edirəm. Amma mənə o tərəfdən də mane olurlar, bu tərəfdən də. Bunu bilin, nə qədər cəhd eləsə də, heç kəs mənə mane ola bilməz. Mən öz işimi görürəm və görəcəyəm. Mənim işim də Azərbaycan xalqına sədaqətlə xidmət etməkdir.
vermişdiniz ki, Yazıçılar Birliyinə təqdimatına gələcəksiniz. Heydər Əliyev: Nə vaxt istəyirsinizsə, gəlim. A n a r: Biz həmişə istəyirik. Siz haçan desəniz. Heydər Əliyev: Gəl belə edək, bu ay biz sammitlə məşğuluq. Dekabr ayının əvvəllərində mənə xəbər ver, gəlib iştirak edim. Çox böyük məmnuniyyətlə.
___________________________________________________109 12 NOYABR - KONSTİTUSİYA GÜNÜ MÜNASİBƏTİLƏ AZƏRBAYCAN XALQINA TƏBRİK
Əziz Azərbaycan vətəndaşları! Sizi 12 noyabr - Konstitusiya günü münasibətilə səmimi-qəlbdən təbrik edir, hər birinizə xoş arzularımı yetirirəm. Müstəqil dövlətimiz və xalqımız üçün taleyüklü əhəmiyyət kəsb edən ilk Konstitusiyamızın qəbul edilməsindən dörd il keçir. Çoxəsrlik dövlətçilik ənənələrimizə, milli və ümumbəşəri dəyərlərə söykənərək yaradılan bu Konstitusiya Azərbaycan xalqının keçdiyi inkişaf yolunun məntiqi nəticəsidir. Vətəndaşlarımızın hüquq və azadlıqlarının təmin edilməsi, müstəqil dövlətimizin qorunub saxlanılması və inkişaf etdirilməsi, cəmiyyətdə demokratik dəyişikliklərin həyata keçirilməsi üçün hərtərəfli zəmin və şərait yaradan Konstitusiya həm hakimiyyət orqanlarının, həm də hər bir Azərbaycan vətəndaşının fəaliyyətinin əsasını təşkil edir. Keçən müddətdə respublika həyatının bütün sahələrinin yeni Konstitusiyaya uyğunlaşdırılması və ondan irəli gələn başlıca tələblərin həyata keçirilməsi üçün mühüm işlər görülmüşdür. Konstitusiyanı daha dərindən mənimsəmək, Azərbaycanda demokratik, hüquqi və dünyəvi dövlət quruculuğu prosesində dönmədən tətbiq etmək hər birimizdən xüsusi səy tələb edir.
___________________________________________________110 Əziz vətəndaşlar! Əmin olduğumu bildirirəm ki, müstəqil dövlətimizin möhkəmlənməsi və tərəqqisi yolunda hər bir vətəndaş böyük məsuliyyət hissi ilə Konstitusiyamızın əsas müddəalarının qorunması və həyata keçirilməsinə çalışacaqdır. Sizə bu yolda böyük uğurlar diləyirəm.
Azərbaycan Respublikasının Prezidenti
Bakı şəhəri, 11 noyabr 1999-cu il ___________________________________________________111 BAKI ŞƏHƏRİNİN YENİ GÜNƏŞLİ MASSİVİNDƏ YAŞAYAN KEÇMİŞ DÖYÜŞÇÜ, "AZƏRBAYCAN BAYRAĞI" ORDENLİ İBAD MÖVSÜM OĞLU HÜSEYNOVA
Hörmətli İbad Hüseynov! Məni toy mərasiminə dəvət etdiyinə görə sənə öz təşəkkürümü bildirirəm. Dəvət teleqramında sən 1994-cü ildə döyüş bölgəsində səngərdə mənimlə görüşüb şəkil çəkdirdiyini qeyd edirsən. Mən həmin il döyüş bölgələrində əsgər və zabitlərlə olan görüşlərimi yaxşı xatırlayıram. Azərbaycan torpaqlarının erməni işğalçılarından müdafiə edilməsində göstərdiyin igidlik və şücaətə görə mən öz fərmanımla səni "Azərbaycan Bayrağı" ordeni ilə təltif etmişəm. Sənin kimi şanlı yolu keçmiş bir gəncin ailə qurmasına, əlbəttə, sevinirəm. Lakin işim çox olduğuna görə sənin toyunda iştirak edə bilməyəcəyəm. Sevilə-seçdiyin gözəl azərbaycanlı qızı ilə birlikdə səni ürəkdən təbrik edir, sizə xoşbəxtlik, həyat, ailə səadəti arzulayıram. Bu şad gününüzdə hər ikinizin valideynlərinə, qohum-əqrəbalarına gözaydınlığı verir, onları səmimi- qəlbdən təbrik edirəm. Arzu edirəm ki, gənclərimizin belə xoş günləri çox, qəm-qüssələri az olsun.
Bakı şəhəri, 12 noyabr 1999-cu il Yüklə 2,69 Mb. Dostları ilə paylaş:
|