Azərbaycan Tarixi
441
"Qızmar günəş altında", "Bir məhəllədən iki oğlan", "Uzaq
sahillərdə", "O olmasın, bu olsun", "Ögey ana", "Mahnı belə
yaranır", "Şərikli çörək", "Yeddi oğul istərəm", "Ulduzlar
sönmür", "Səhər", "Nəsimi", "Babək", "Tütək səsi", "Axırıncı
aşırım", "Dədə Qorqud", "Telefonçu qız", "Bəxtiyar", "Mən ki,
gözəl deyildim", "Uşaqlığın son gecəsi" və b.
filmlərin
yaradılması ilə əlamətdar olmuşdur.
XX əsrin ikinci yarısında Azərbaycanda bədii təsviri
sənət, heykəltəraşlıq və memarlıq sahəsində nailiyyətlər
incəsənət tarixində önəmli yer tutur. Görkəmli fırça ustası
Mikayıl Abdullayevin romantik sənaye mənzərəsinə həsr
edilmiş "Mingəçevir işıqları", Azərbaycan qadınının mənəvi
saflığını və gözəlliyini əks etdirən "Axşam", fəlsəfi baxışı ilə
nəzəri cəlb edən "Xoşbəxtlik yaradanlar" rəsmləri boyakarlıq
sənətinin gözəl inciləri hesab edilə bilər.
Azərbaycan
rəssamlarından Səttar Bəhlulzadə, Toğrul Nərimanbəyov,
Elbəy
Rzaquliyev, Vəsilə Səmədova, Maral Bəhmanzadə,
Nəcəfqulu Nəcəfov, Lətif Kərimov, Salam Salamzadə, Tahir
Salahov və başqalarının yaratdıqları boyakarlıq sənət
nümunələri dünya sərgilərini bəzəyirdi. S.Bəhlulzadənin
"Azərbaycan nağılları", "Suraxanı atəşgahı", "Əfsanəvi torpaq",
"Naxçıvan axşamçağı", "Ordubad bağlarında" və "Abşeron
tacı", M.Rəhmanzadənin "Xınalıq", "Bizim qızlar", "Azər-
baycan", "Doğma vətənim" və "Mənim bacım", S.Salamza-
dənin "Çay plantasiyası" tablolarında Azərbaycanın təbiətinə,
doğma torpağa, kənd həyatına, insanlara böyük məhəbbət
motivləri sənətkarlıqla əks olunmuşdur. M.Abdullayevin
"İmadəddin Nəsimi" və "Pianoçu Fərhad Bədəlbəyli",
T.Salahovun "R.Rza" və "D.Şastakoviç"
portretləri Azərbaycan
boyakarlıq sənətinin ən parlaq nümunələridir.
XX əsrin II yarısında Azərbaycan heykəltəraşlarının
yaratdıqları heykəllər dünya incəsənətinin ən nadir abidələri
kimi qiymətləndirilirlər. Heykəltəraşlıq sənətinin zirvələrinə
yüksəlmiş tişə ustası Fuad Əbdürrəhmanov bu dövrün ən
Qəzənfər Rəcəbli
442
nəhəng simalarından olmuşdur. Onun "Çoban" abidəsi (1951)
Moskvada Tretyakov Qalereyasının ekspoziyasına daxil
edilmişdir. Onun Ulan-Batorda qoyulmuş "Suxe Bator"(1954)
və "Marşal Çaybolsan" (1954) büst-heykəlləri, Bakıda
ucaldılmış "Azad qadın" abidəsi (1960), Bakıda ucaldılmış
"Səməd Vurğun" heykəli (1961), Düşənbədə ucaldılmış
"Rudəki" heykəli (1964), Bakıda əfsanəvi qəhrəman Mehdi
Hüseynzadəyə qoyulmuş abidə (1973) və Buxarada ucaldılmış
"İbn Səna" heykəli (1975) dünya heykəltəraşlığının
inciləri
sırasına daxil olmuşlar. Bu dövrün tişə sənətinin digər nəhəngi
Cəlal Qaryağdı olmuşdur. Bakıda ucaldılmış "M.Ə.Sabir" və
"N.Nərimanov" heykəlləri, Lənkəranda ucaldılmış "General
Həzi Aslanov" heykəli, Ordubadda ucaldılmış "Akademik
Yusif Məmmədəliyev" heykəli və Qazaxda ucaldılmış "Səməd
Vurğun" heykəli Cəlal Qaryağdı yaradıcılığının
məhsullarıdırlar. Heykəltəraşlar Tokay Məmmədov və Ömər
Eldarovun Bakıda ucaltdıqları "Füzuli" heykəli, heykəltəraşlar
Tokay Məmmədov və İbrahim Zeynalovun Bakıda ucaltdıqları
"Nəsimi" heykəli, Ömər Eldarovun Bakıda qoyulmuş "Xurşud
banu Natəvan" abidəsi və Düşənbədə ucaldılmış "Sədrəddin
Ayni" heykəli, Mirələskər Mirqasımovun Bakıda ucaltdığı
"Cəfər Cabbarlı" heykəli və Naxçıvanda ucaltdığı "Cəlil
Məmmədquluzadə" heykəli və Elmira Hüseynovanın Zərdabda
qoyulmuş "Həsən bəy Zərdabi" abidəsi monumental hey-
kəltəraşlığın ən yaxşı nümunələridir.
XX əsrin II yarısında Azərbaycan memarlığının mühüm
obyekti Bakının mərkəzinin yenidən qurulması olmuşdur. 50-ci
illərdə Bakının ən iri memarlıq obyektlərinin
- Hökumət Evinin
və Respublika stadionunun inşası başa çatdırıldı. Bir qədər
sonra
Milli
Elmlər Akademiyasının yeni binası, Texniki
Universitetin binası, Akademik Dövlət Dram Teatrı, Mərkəzi
Univermaq, Daxili İşlər Nazirliyinin binası, indiki Muzeylər
Evi və Mərkəzi Dövlət Kitabxanasının binası tikildi. Sabir
bağından Gənclər meydanına qədər olan ərazidə köhnə binalar
Azərbaycan Tarixi
443
söküldü, İçərişəhər divarlarının qənşəri açıldı, qala divarları
Nizami Muzeyi, AMEA Rəyasət Heyətinin binası və böyük
Nizaminin heykəli olan bağ ilə uyğun şəkildə bərpa olunduqdan
sonra gözəl memarlıq mənzərəsi yarandı. Azərbaycan
memarlığı üçün Xəzər sahilində iri sənaye mərkəzi Sumqayıtın
yaradılması böyük hadisə oldu. Mingəçevir şəhərinin
layihələşdirilməsi və inşası da yeni böyük şəhərsalma
memarlığının nümunəsi hesab edilə bilər.
Azərbaycan memarlığı 70-80-ci illərdə daha çox inkişaf
etdi. Yaşayış binalarının kütləvi inşası ilə yanaşı, orijinal
layihələr üzrə şəhərləri bəzəyən ictimai binalar da tikilirdi.
Bakıda və respublikanın digər şəhərlərində milli memarlıq
ünsürlərini əks etdirən layihələr üzrə çoxlu bina inşa olundu.
Bakıda "Respublika" (indiki Heydər Əliyev) sarayı, "Gülüstan"
sarayı, mehmanxana binaları, metropolitenin "Nizami",
"Əcəmi" və b. stansiyalarının və digər ictimai binalar tikilib
şəhərin gözəlliyini artırdı.
Beləliklə, XX əsrin II yarısı Azərbaycan mədəniyyətinin
inkişafında mühüm dövr oldu. 70-80-ci
illərdə ulu öndər
Heydər Əliyevin milli oyanış siyasəti nəticəsində təhsil, elm,
ədəbiyyat və incəsənətin tərəqqisi üçün geniş imkanlar açıldı,
xalqın mədəni sərvətləri xeyli dərəcədə artdı.
25.4. Azərbaycan SSR-də XX əsrin ortaları və ikinci
yarısında mədəni-maarif işi və kütləvi informasiya vasitə-
ləri. İnsanların biliyinin genişləndirilməsilə yanaşı mədəni
səviyyəsinin yüksəldilməsində mədəni-maarif müəssisələrinin
və kütləvi informasiya vasitələrinin (KİV) əhəmiyyətli yeri
vardır. Azərbaycanda müharibə illərində azalmış mədəni-
maarif müəssisələri şəbəkəsi XX əsrin ortaları və ikinci
yarısında bərpa olundu və genişləndi. Azərbaycanda kütləvi
kitabxanalarının sayı 1946-cı ildəki 815-dən 1970-ci ildə 2922-
yə, 1980-ci ildə isə 4605-ə, klubların sayı müvafiq olaraq 1711-
dən 2146-ya və 3680-ə çatdı.
Qəzənfər Rəcəbli
444
Mədəni-maarif işinin ən kütləvi vasitələrindən biri kino
idi. Respublikada kino qurğularının sayı 1946-cı ildəki 252-dən
1970-ci ildə 2004-ə, 1980-ci ildə 2167-yə çatdı. 80-ci
illərin
ortalarında Bakınm "Araz" kinoteatrında stereoiılmlər kinozalı
yaradıldı.
Mədəni-maarifin inkişafında 1947-ci ildə yaradılmış və
sonralar "Bilik" cəmiyyəti adlanan, Azərbaycan Siyasi və Elmi
Bilikləri Yayan Cəmiyyətin də müəyyən rolu olmuşdur.
Azərbaycanda ikl muzeylər hələ XX əsrin 20-32-ci
illərində yaradılmışdı. 1920-ci ildə Azərbaycan Dövlət muzeyi
təhkil edilmişdi. Sonralar bu muzey Azərbaycan tarixi
sahəsində ixtisaslaşdırıldı və Azərbaycan Tarix
Muzeyi
adlandırıldı. 1936-cı ildə isə Azərbaycan Dövlət Muzeyinin
incəsənət şöbəsinin əsasında Azərbaycan İncəsənət Muzeyi
yaradıldı. Hazırda bu muzeylər Milli Muzey statusu almışlır.
1938-ci ildə Azərbaycanda ilk memorial muzey - Şəki
şəhərində M.F.Axundzadənin Ev Muzeyi təşkil edildi.
XX əsrin II yarısında Azərbaycanda muzey işi də inkişaf
etmişdir. 1946-cı ildə Bakıda Nizami adına Ədəbiyyat Tarixi
Muzeyi, 1958-ci ildə Şəkidə yeni Tarix Diyarşünaslıq Muzeyi,
1959-cu ildə Xızıda C.Cabbarlının, Şuşada Ü.Hacıbəylinin Ev
muzeyləri, 1964-cü ildə Bakıda "Qız qalası" Muzeyi, 1972-ci
ildə Bakıda "Azərbaycan xalçası və tətbiqi sənət" muzeyi,
1975-ci ildə Bakıda Ü.Hacıbəylinin və S.Vurğunun Ev
muzeyləri, 1981-ci ildə Naxçıvanda H.Cavidin Ev Muzeyi,
1982-ci ildə Bakıda C.Cabbarlının və Bülbülün Ev muzeyləri,
respublikanın şəhərlərində 10-a yaxın Tarix-Diyarşünaslıq
muzeyləri açıldı. 1990-cı ildə Azərbaycanda 174 muzey fəaliy-
yət göstərirdi. Respublikada bədii
muzeylər və şəkil qalere-
yaları açılmışdı. Bakıda S.Bəhlulzadə adına və V.Səmədova
adına sərgi salonları, Bakıda və Lənkəranda uşaq şəkil qalere-
yaları, Gəncədə "Nizami təsviri sənət qalereyası" və "Nizami
dövrü yaradıcılığı muzeyi" açıldı.