Azərbaycan Tarixi
437
mədəniyyət xadimlərinin surətlərini yaratmışdılar. F.Əbdürrəh-
manovun Firdovsinin "Şahnamə"sinin motivləri əsasında yarat-
dığı "Nizə atan" heykəli onun ilk yaradıcılıq nailiyyəti idi.
Nizami Gəncəvinin 800 illik yubileyinə hazırlıq
görülməsi təsviri və tətbiqi sənətin
çiçəklənməsi üçün mühüm
amil oldu. 1940-cı ildə Nizami Gəncəvinin portret surətini
yaratmaq üzrə müsabiqədə H.Xalıqovun çəkdiyi məşhur portret
birinci mükafata layiq görüldü. 1940-cı ildə Nizaminin abidə-
sini yaratmaq üçün elan olunmuş Ümumittifaq müsabiqəsində
isə F.Əbdürrəhmanovun yaratdığı heykəl birinci mükafata layiq
görüldü. Nizami muzeyinin fasadını bəzəyən altı heykəlin və
50-ci illərin sonunda qoyulmuş Füzulinin abidəsinin də müəllifı
F.Əbdürrəhmanovdur. Nizami muzeyinin fasadında qoyulmuş
Vaqifin heykəlinin müəllifi isə C.Qaryağdıdır.
XX əsrin 20-30-cu illərində Azərbaycanda memarlıq sə-
nətinin də müəyyən uğurları olmuşdur. Sovet Azərbaycanında
milli memarlıq ənənələri əsasında tikilmiş ilk monumental me-
marlıq nümunəsi Bakıda "Sabunçu vağzalının binası" (1926)
hesab edilir. Bakının memarlıq abidələri arasında Azərbaycan
Mətbuat Sarayı, Azərbaycan Sənaye İnstitutunun binası (indiki
Neft Akademiyası), Dövlət bankı, köhnə "İnturist" mehman-
xanası seçilirdilər.
Bu illərdə Bakıda indiki 28 May və Bülbül küçələrinin
yenidən qurulması şəhərsalma memarlığının
gözəl nümunəsi
idi. Bu küçələrin kəsişdiyi yerdə tikilmiş "Nizami"
kinoteatrının və Yeyinti Sənayesi Nazirliyinin binaları şəhərə
xüsusi gözəllik verirdi. Həmin binaların memarları S.Dadaşov
və M.Useynov idilər. Onlar Bülbül küçəsini bəzəyən incəsənət
işçilərinin yaşayış evinin də layihəsinin müəllifləri idilər.
Bakının tədricən yaşıllaşdırılması üçün yeni bağlar,
parklar və bulvar salınmasına başlandı. Şəhərin mərkəzinin
görkəmini ümumi memarlıq baxımından yaxşılaşdırmaq
məqsədilə köhnə bulvarın təbii davamı olan yeni bulvar
salınması tədbirləri həyata keçirildi.
Qəzənfər Rəcəbli
438
Azərbaycan incəsənət xadimləri İkinci Dünya müharibəsi
illərində də böyük işlər görmüşlər. Azərbaycan bəstəkarları
müharibə illərində 400 mahnı, marş, simfoniya, opera və s.
musiqi əsəri bəstələmişdilər. Ü.Hacıbəylinin "Şəfqət bacısı" və
"Qələbə himni", S.Rüstəmovun "Cəbhəyə", S.Ələskərovun
"Gözlə məni" mahnıları dillər əzbəri olmuşdur.
Müharibədən sonrakı illərdə Azərbaycan
musiqisi və
ifaçılıq sənəti sahələrində mühüm nailiyyətlər əldə edilmişdi.
Azərbaycan bəstəkarlarının yaradıcılığında 60-cı illərdə önəmli
yeri simfoniya janrı tuturdu. Niyazinin "Rast", Fikrət Əmirovun
"Şur" və "Kürdovşarı" və S. Ələskərovun "Bayatı Şiraz" sim-
fonik muğamlarında ilk mənbə kimi Azərbaycan muğamlarının
orijinal motivlərindən istifadə edilmişdi. 60-cı illərdə Qara
Qarayevin skripka və fortepiano üçün "Sonata" və "Don Kixot"
qravürləri, Cövdət Hacıyevin "Sülh uğrunda" və "Kvartet-
poema" simfonik poemaları yazılmışdır. Arif Məlikovun
"Nağıl" simfonik poeması və Birinci simfoniyası, Xəyyam
Mirzəzadənin Birinci simfoniyası və Vasif Adıgözəlovun
Birinci simfoniyası da 50-60-cı illərdə bəstələnmişdir. Opera və
balet əsərlərinin yaradılmasında da bir sıra uğurlar əldə
edilmişdi. 1953-cü ildə F.Əmirovun "Sevil" operası,
C.Cahangirovun "Azad" operası, 1972-ci ildə Ş.Axundovanın
"Gəlin qayası" operası, Q.Qarayevin 1952-ci ildə "Yeddi gözəl"
və 1958-ci ildə "İldırımlı yollarla" baletləri, 1957-ci ildə
S.Hacıbəyovun "Gülşən" baleti, 70-ci illərdə F.Əmirovun
"1001 gecə" və Aqşin Əlizadənin "Babək" baletləri Bakı və
Leninqrad Opera və Balet teatrlarında müvəffəqiyyətlə
tamaşaya qoyulmuşdur. Musiqili komediya janrı da böyük
uğurlar əldə etmişdir. Müasır mövzulara həsr edilmiş
Azərbaycan operettaları - Səid Rüstəmovun "Durna",
Süleyman
Ələsgərovun "Ulduz", Fikrət Əmirovun "Yaxşı yol", Tofiq
Quliyevin "Qızılaxtaranlar", Rauf Hacıyevin "Romeo mənim
qonşumdur" və Emin Sabitoğlunun "Hicran" musiqili komediya
janrının gözəl nümunələri kimi tamaşaçıların rəğbətini
Azərbaycan Tarixi
439
qazanmışdılar. Mahnı bəstələmək sahəsində T.Quliyev,
S.Ələsgərov, S.Rüstəmov, Q.Hüseynli, C.Cahangirov,
A.Rzayeva, R.Hacıyev, V.Adıgözəlov, O.Rəcəbov,
P.Bülbüloğlu, E.Sabitoğlu, E.İbrahimova, Ə.Tağıyev və
C.Quliyev xüsusilə fərqlənirdilər. Akademik Opera və Balet
Teatrında tamaşalara Niyazi, Ə.Bədəlbəyli kimi püxtələşmiş
sənətkarlar dirijorluq edirdilər. Ü.Hacıbəyli adına simfonik
orkestra Niyazi, xalq çalğı alətləri orkestrinə S.Rüstəmov
rəhbərlik edirdilər. Qəmər Almaszadə,
Rəfiqə Axundova, Leyla
Vəkilova, Məqsud Məmmədov, K.Bataşov, Çimnaz Babayeva
və Tamilla Şirəliyeva milli baletin, Əminə Dilbazi və Əlibaba
Abdullayev xalq rəqslərinin mahir ifaçıları və təbliğatçıları
olmuşlar. Xalq musiqiçiləri Qurban Pirimov, Ə.Bakıxanov,
B.Mansurov, S.Şuşinski, X.Şuşinski, H.Rzayeva,
Ş.Ələkbərova, S.Qədimova, R.Behbudov, F.Əhmədova,
M.Maqomayev, Z.Xanlarova, P.Bülbüloğlu, R.Atakişiyev,
L.İmanov, F. və X.Qasımovalar, R.Muradova, F.Bədəlbəyli,
V.Mustafazadə, H.Əliyev, Hacı Məmmədov, Q.Əskərov və b.
ifaçılıq məharəti zəngin kaloriti və təkrarolunmazlığına görə
xalq tərəfindən yüksək qiymətləndirilirdi.
XX əsrin 50-ci illərdə Azərbaycan teatrı müasir
həyatımızın müxtəlif sahələrinə həsr edilmiş yeni tamaşalarla
yanaşı klassik dramaturgiyanın ən yaxşı nümunələrini də
səhnəyə qoyurdu. Müasir mövzulu tamaşalar içərisində
İ.Səfərlinin "Göz həkimi", S.Rəhmamn "Nişanlı qız",
İ.Əfəndiyevin "Atayevlər ailəsində" və Ə.Məmmədxanlının
"Şirvan gözəli" pyesləri böyük uğurlar qazanmışdı.
Müasirlik
hissi, hadisələrə müasir baxış klassik əsərlərin tamaşalarında da
öz əksini tapmışdı. Bu baxımdan V.Şekspirin "Otello" və "Qış
nağılı", C.Cabbarlının "Od gəlini" və "Aydın", H.Cavidin
"Şeyx Sənan", M.F.Axundzadənin "Lənkəran xanının vəziri",
N.Vəzirovun "Hacı Qənbər", S.Vurğunun "Vaqif" və
A.Şirvanzadənin "Namus" əsərlərinin tamaşaları çox qiymətli
idi. Bu dövrdə Azərbaycan dram teatrında Adil İskəndərov,
Qəzənfər Rəcəbli
440
Tofıq Kazımov, Əliheydər Ələkbərov, Ələkbər Şərifov, Mehdi
Məmmədov və Rza Təhmasib kimi istedadlı rejissorlar
yetişmişdi. Azərbaycan rejissorlarının yeni nəslinin
yetişməsində A.İskəndərov və F.Kazımov rejissorluq
məktəblərinin xüsusi rolu olmuşdur. 50-80-ci illərdə
Azərbaycan teatrının Sidqi Ruhulla, Mirzağa Əliyev, Mərziyə
Davudova, Ələskər Ələkbərov, Adil İskəndərov, Hökumə
Qurbanova,
Ağadadaş Qurbanov, Ağasadıx Gəraybəyli, Leyla
Bədəlbəyli, Əli Zeynalov, İsmayıl Dağıstanlı, Barat
Şəkinskaya, Mustafa Mərdanov, İsmayıl Osmanlı, Münəvvər
Kələntərli, Sofıya Bəsirzadə, Həsənağa Salayev, Möhsün
Sənani, Nəcibə Məlikova,
Lütvəli Abdullayev, Bəşir Səfəroğlu,
Nəsibə Zeynalova, Məlik Dadaşov, Mehdi Məmmədov,
Amalya Pənahova, Məmmədrza Şeyxzamanov, Həsən Turabov,
Yaşar Nuri, Rafael Dadaşov, Afaq Bəşirqızı, Əlağa Ağayev,
Hacıbaba Bağırov,
Fuad Poladov, Səməndər Rzayev və b. kimi
istedadlı aktyorları yetişmişdi.
Lakin müharibədən sonrakı ilk illərdə Azərbaycanda
dövlət dram teatrlarının sayı çox az idi. 1937-ci ildə
respublikanın ayrı-ayrı şəhərlərində yaradılmış dövlət teatrları
"səmərəsiz" hesab edilib bağlanmışdı. Yalnız Bakı, Gəncə,
Quba, Naxçıvan və Xankəndində olan teatrlar öz fəaliyyətlərini
davam etdirirdilər. 50-ci illərdə Azərbaycanın bir çox
şəhərlərində xalq teatrları yarandı. 60-cı illərdə Sumqayıt və
Mingəçevirdə dövlət teatrları açıldı, Lənkəran, Şəki, Şuşa və
Ağdamda dövlət teatrları bərpa edildi. 80-ci illərin sonunda
Qazax dövlət teatrı və Qusar dövlət ləzgi dram teatrı yaradıldı.
XX əsrin II yarısında Azərbaycan kinosunun inkişafı da
çox uğurlu olmuşdur. Hələ 1945-ci ildə çəkilmiş "Arşın mal
alan" filmi nəinki Sovet İttifaqında, hətta bütün dünyada çox
böyük müvəffəqiyyətlə nümayiş etdirilirdi. Bu filmin
yaradıcıları və ifaçılarının bir qrupu SSRİ Dövlət mükafatına
layiq görüldülər. 50-80-ci illər ölkənin kino həvəskarları
tərəfindən hərarətlə qarşılanan ən yaxşı filmlər - "Görüş",