Azərbaycan Tarixi
433
teatrın açılışı oldu. Dövlət Dram Teatrı Mirzağa Əliyev,
Mərziyə Davudova,
Ağadadaş Qurbanov, Sidqi Ruhulla, Rza
Təhmasib, Ülvi Rəcəb, Abbas Mirzə Şərifzadə, Möhsüm
Sənani kimi görkəmli səhnə ustalarının sayəsində yüksək
zirvələrə qalxdı. Azərbaycan Dram Teatrının səhnəsində
C.Cabbarlınm dram əsərləri əsas yer tuturdu. Onun "Aydın",
"Sevil" və "Oqtay Eloğlu" pyesləri milli dramaturgiyamızın
qızıl fonduna daxil edilmişdir. 1926-cı ildə V.Şekspirin
"Hamlet" faciəsi Azərbaycanda
ilk dəfə tamaşaya qoyulmuş,
baş rolda - Hamlet rolunda A.M.Şərifzadə oynamışdır.
1923-cü ildə Bakıda bütün Şərqin ilk teatr texnikumunun
açılması böyük tarixi hadisə oldu. Texnikum Ş.Məmmədova və
A.M.Şərifzadənin rəhbərliyi ilə təkcə Azərbaycan üçün deyil,
Orta Asiya respublikaları üçün də aktyor kadrları hazırlayırdı.
30-cu illərin siyasi represiyaları Azərbaycan teatr
səhnəsindən də yan keçmədi. Azərbaycan teatr səhnəsində
faciəli rolların görkəmli ifaçıları Abbas Mirzə Şərifzadə və Ülvi
Rəcəb də 1937-ci il repressiyasının qurbanı oldular.
XX əsrin 20-ci illərində milli musiqi incəsənətimizin yeni
əsaslı inkişaf bazası yaradılırdı. Respublikada geniş xalq
kütlələri üçün xüsusi musiqi təhsili sisteminin yaradılmasında
peşəkar Azərbaycan musiqisinin banisi Ü.Hacıbəylinin
misilsiz
xidmətləri olmuşdur. Onun təşəbbüsü ilə 1921-ci il avqustun
26-da Bakıda Azərbaycan Dövlət Konservatoriyası - Şərqdə ilk
musiqi akademiyası təsis edildi. Konservatoriyaya azərbaycanlı
uşaqları cəlb etmək məqsədilə Ü.Hacıbəyli 1922-ci ildə ilk
professional Azərbaycan musiqi məktəbi yaratdı. Tezliklə
texnikuma çevrilən bu məktəb 1926-cı ildə Konservatoriyanın
nəzdində orta musiqi məktəbi oldu.
Ü.Hacıbəyli, M.Maqomayev və başqa mütərəqqi musiqi
mədəniyyəti xadimləri musiqi folklorunu toplamaq və dərindən
öyrənməyə xüsusi diqqət yetirirdilər. Konservatoriyada
Azərbaycan xalq mahnı və nəğmələrini
öyrənən və toplayan
Komitə fəaliyyət göstərirdi. 1927-ci ildə Komitə Ü.Hacıbəyli
Qəzənfər Rəcəbli
434
və M.Maqomayevin redaktə etdikləri və təkmilləşdirdikləri
birinci "Azərbaycan türk xalq mahnıları" məcmuəsini buraxdı.
1925-ci ildə əvvəllər dram teatrının nəzdində fəaliyyət
göstərən opera truppası Azərbaycan Dövlət Opera və Balet
Teatrına çevrildi. Həmin teatrda Ü.Hacıbəylinin "Leyli və
Məcnun", "Əsli və Kərəm", "O olmasın, bu olsun" və "Arşın
mal alan", M.Maqomayevin "Şah İsmayıl" və digər milli
bəstəkarların operaları və musiqili komediyaları (operettaları)
tamaşaya qoyulmuşdur. Teatrın rus truppası isə 1927-ci ildə
bəstəkar Qliyerin "Şahsənəm", Çaykovskinin "Yevgeni
Onegin" və "Qaratoxmaq qalın", Borodinin "Knyaz İqor",
Musorqskinin "Boris Qodunov", Bizenin "Karmen", Rossininin
"Sevilya bərbəri", Verdinin "Riqaletto", Puççininin "Toska" və
s. əsərləri tamaşaya qoydu.
Azərbaycanın istedadlı cavan bəstəkarı Asəf Zeynallı
(1909-1932) milli və Avropa musiqisinin qarşılıqlı əlaqələrini
dərinləşdirən ilk Azərbaycan romanslarını yaratdı. Onun
"Ölkəm", "Çadra" və "Sərhədçi" romansları yüksək vətənpər-
vərlik ruhu aşılayırdı.
XX əsrin 30-cu illərində xalq musiqi yaradıcılığı və
ifaçılığı geniş vüsət aldı. Bu sahədə xalqın
böyük məhəbbətini
qazanmış sənətkarlar Cabbar Qaryağdıoğlu, Seyid Şuşinski,
Qurban Primov və Bəhram Mansurov xüsusilə fərqlənirdilər.
Azərbaycan professional vokal sənətinin banisi Bülbülün
musiqi sənətinin inkişafında böyük rolu olmuşdur.
1934-cü ildə Azərbaycan Bəstəkarlar İttifaqının yaradıl-
ması musiqi mədəniyyətimizin inkişafında önəmli hadisə kimi
qeyd edilməlidir. 1936-cı ildə isə Azərbaycan Dövlət Filarmo-
niyası açıldı və Azərbaycan Dövlət xoru və xalq rəqsləri
ansamblı yaradıldı.
1937-ci ildə tamaşaya qoyulmuş Ü.Hacıbəylinin "Kor-
oğlu" operası milli opera sənətinin klassik nümunəsi,
Azərbay-
can opera musiqisinin ən uca zirvəsi oldu. Bəstəkar Əfrasiyab
Azərbaycan Tarixi
435
Bədəlbəyli isə "Qız qalası" əsəri ilə milli baletimizin əsasını
qoydu (1940).
1938-ci ildə Moskvada keçirilən Azərbaycan incəsənəti
ongünlüyü xalqın musiqi mədəniyyətinin nailiyyətlərinə böyük
baxış oldu. Ongünlüyün nəticəsində Ü.Hacıbəyli, M.Qliyer,
Bülbül və Ş.Məmmədova SSRİ xalq artisti adı aldılar,
Azərbaycan Dövlət Opera və Balet Teatrına isə Lenin ordeni
verildi. 1940-cı ildə "Koroğlu" operasına görə Ü.Hacıbəyliyə
SSRİ Dövlət mükafatı verildi və o, Azərbaycan Dövlət
Konservatoriyasının rektoru təyin edildi. Onun rəhbərlik etdiyi
Konservatoriyada Azərbaycan musiqi
sənətinə dünya şöhrəti
gətirən Qara Qarayev, Niyazi, Fikrət Əmirov, Cövdət Hacıyev,
Sultan Hacıbəyov, Süleyman Ələskərov və Tofıq Quliyev kimi
sənətkarlar yetişdi.
XX əsrin 20-30-cu illərində Azərbaycan kinematoqrafının
təşəkkül tapıb müasir inkişaf yoluna çıxdığı illər kimi
səciyyələnə bilər. 1921-ci ildə Azərbaycanda ilk bədii film olan
"Qız qalası" çəkildi. 1928-ci ildə "Vulkan üzərində ev", 1929-
cu ildə "Hacı Qara" və "Sevil", 1934-cü ildə "İsmət", 1936-cı
ildə "Almas" və 1938-ci ildə "Kəndlilər" bədii filmləri
yaradıldı.
Zəhmətkeş kütlələri incəsənətin təsviri sənət növünə
alışdırmaq məqsədilə 1920-ci ildə Xalq Maarif Komissarlığı
nəzdindəki incəsənət şöbəsində bədii bölmə yaradılmışdı.
Bölməyə görkəmli rəssam Ə.Əzimzadə rəhbərlik edirdi.
Azərbaycan hökumətinin 1924-cü ildə qəbul olunmuş "Qədim
abidələrin qeydə alınması və onların mühafizəsi haqqında"
qərarına
uyğun olaraq, memarlıq abidələrinin, sarayların, qədim
evlərin, karvansaraların və bütün incəsənət sərvətlərinin qeydə
alınması və mühafizəsi işinə başlandı. Təsviri sənət sahəsində
milli kadrlar hazırlamaq məqsədilə 1921-ci ildə Ali Bədii
Məktəb açıldı. 1932-ci ildə yaradılmış Azərbaycan Rəssamlar
İttifaqının təsviri sənətin inkişafında xüsusi rolu olmuşdur.
Qəzənfər Rəcəbli
436
XX əsrin 20-30-cu illərinin ən görkəmli rəssamları Əzim
Əzimzadə və Bəhruz Kəngərli olmuşlar. Ə.Əzimzadə
Azərbaycanda yeni qrafika sənətinin banisi hesab edilir. Onun
siyasi plakatları qrafika sənətinin aydınlığı və asan başa
düşülməsilə seçilirdi. "Molla Nəsrəddin"
və digər jurnallarda
çıxış edən rəssam özünün kəskin satirik şəkil və
karikaturalarında daxili və beynəlxalq həyatda baş verən
mühüm hadisələri ustalıqla əks etdirirdi. Ə.Əzimzadənin teatr
tamaşalarının bədii tərtibatı işində də böyük xidmətləri
olmuşdur. O, "Hacı Qara", "Ölülər", "Əsli və Kərəm", "Leyli və
Məcnun", "Dağılan tifaq", "Ağaməhəmməd Şah Qacar", "Şeyx
Sənan" və b. səhnə əsərləri üçün maraqlı geyim eskizləri
çəkmişdir. Xalqın tarixini, etnoqrafiyasını və folklorunu
dərindən bilmək əsasında yaradılmış bu əsərlər təkcə bədii
deyil, həm də tarixi dərketmə əhəmiyyətinə malikdi.
Ə.Əzimzadə Azərbaycan Rəssamlar İttifaqının təşkilatçısı və
ilk sədri olmuşdur.
Dəzgah rəssamlığının inkişafında mühüm rol oynamış
B.Kəngərli görkəmli şəxsiyyətlərin portretlərini çəkmiş, lirik
lövhələr və miniatürlər yaratmışdır. Onun "Aylı gecə", "Şəlalə",
"İlanlı dağ" və "Çinarlar" lövhələri incə lirikanın ən gözəl
nümunələridir.
Bu dövrdə Azərbaycanda dekorativ
tətbiqi sənətin ən-
ənəvi sahələri - xalçaçılıq, bədii tikmə, zərgərlik, ağac üzərində
oyma və s. sənətləri də dirçəlirdi. Portret xalça sənətkarlığının
ən gözəl nümunəsi L.Kərimovun eskizi üzrə hazırlanmış
"Firdovsinin portreti" xalçası idi. Bu xalça 1937-ci ildə Parisdə
Ümumdünya sərgisində müvəffəqiyyətlə nümayiş etdirilmişdi.
Səhnə tərtibatı ustaları içərisində R.Mustafayev seçilirdi.
O, "Şahnamə", "Od gəlini" və "1905-ci ildə" tamaşalarına de-
korasiyalar vermişdi.
Görkəmli heykəltaraşlar F.Əbdürrəhmanov və C.Qaryağ-
dının yaradıcılıqları da XX əsrin 30-cu illərindən başlanır.
Gənc heykəltaraşlar ilk əsərlərində Azərbaycan yazıçılarının və