Azərbaycan Tarixi
421
kənd təsərrüfatı fakültəsi əsasında
Gəncədə Kənd Təsərrüfat
İnstitutu yaradıldı, irriqasiya və su nəqliyyatı şöbələri bazasında
Cənubi Qafqaz (Zaqafqaziya) Pambıqçılıq İnstitutu yaradıldı,
Politexnik İnstitut özü isə Neft İnstitutuna çevrildi.
Bakı Universiteti də əsaslı dəyişikliyə uğradı. Onun tibb
fakültəsi müstəqil Azərbaycan Tibb İnstitutuna, pedaqoji
fakültəsi Azərbaycan Pedaqoji İnstitutuna, hüquq fakültəsi
Sovet Quruculuğu və Hüquq İnstitutuna, iqtisad fakültəsi isə
Kooperativ Ticarət İnstitutuna çevrildi. Nəticədə 1930-cu ildə
Bakı Universiteti öz fəaliyyətini müvəqqəti dayandırdı.
1930/31-ci tədris ilində Azərbaycanda Diş Müalicəsi
İnstitutu, Avtomobil Nəqliyyatı İnstitutu, Qırmızı Professorlar
İnstitutu, Zaqafqaziya Bədən Tərbiyəsi İnstitutunun Bakı filialı
kimi ali məktəblər yaradıldı. Beləliklə, XX əsrin 30-cu
illərində
Azərbaycanda 15 ali məktəb var idi. Onlarda on min tələbə
təhsil alırdı. 1940/41-ci tədris ilində isə Azərbaycan Dövlət
Universiteti bərpa olundu və ali məktəblərin sayı 16-ya,
tələbələrin sayı 14600 nəfərə çatdırıldı.
Müharibədən sonrakı illərdə Azərbaycanda ali təhsil daha
da inkişaf etdi. 1945-ci ildə Teatr İnstitutu yaradıldı, 1968-ci
ildə isə İncəsənət İnstitutu adlandınldı. 1947-ci ildə Pedaqoji
İnstitutun xarici dillər fakültəsi bazasında Xarici Dillər
İnstitutu, 1950-ci ildə Politexnik İnstitutu yaradıldı. 1951-ci
ildə, fəaliyyətini 1941-ci ildə dayandırmış, Xalq Təsərrüfatı
İnstitutu bərpa olundu. 1952-ci ildə Rus dili və Ədəbiyyatı
İnstitutu təşkil edildi. 1959-cu ildə Xarici Dillər İnstitutu ilə
Rus dili və Ədəbiyyatı İnstitutu birləşdirilib Pedaqoji Dillər
İnstitutu adlandırıldı. 1973-cü ildə Pedaqoji Dillər İnstitutunun
bazasında Pedaqoji Rus dili və Ədəbiyyatı İnstitutu (indiki Bakı
Slavyan Universiteti) və Pedaqoji Xarici Dillər İnstitutu (indiki
Azərbaycan Dillər Universiteti) təşkil edildi.
Azərbaycan
Dövlət Pedaqoji İnstitutunun fılialları bazasında 1972-ci ildə
Naxçıvan, 1973-cü ildə Stepanakert (indiki Xankəndi) Pedaqoji
Qəzənfər Rəcəbli
422
İnstitutları, 1976-cı ildə İnşaat Mühəndislər İnstitutu, 1981-ci
ildə Gəncə Texnoloji İnstitutu təşkil edildi.
XX əsrin 80-ci illərinin sonunda respublikada 17 ali
məktəb vardı. 1945/46-cı tədris ilində Azərbaycan ali
məktəblərində 19,6 min nəfər, 1950/51-ci tədris ilində 28,6 min
nəfər, 80-ci illərin sonunda isə 100 min nəfərdən çox tələbə
təhsil alırdı, hər il 17-18 min gənc ali təhsilli mütəxəssis
diplomu alırdı. Bunlardan əlavə keçmiş SSRİ-nin mərkəzi
şəhərlərindəki qabaqcıl ali məktəblərdə də Azərbaycan
üçün ali
təhsilli kadrlar hazırlanırdı. Əgər 70-ci illərə qədər hər il 40-50
nəfər gənc SSRİ-nin mərkəzi şəhərlərindəki ali məktəblərdə
təhsil alırdılarsa, respublikaya ulu öndər Heydər Əliyevin
rəhbərlik etdiyi 70-80-ci illərdə keçmiş SSRİ-nin 50-dən çox
şəhərində 135 mülki, 105 hərbi ali məktəbdə Azərbaycan üçün
17 min nəfərdən çox mütəxəssis hazırlanmışdı.
Respublikanın ali məktəblərində 1950-ci ildə 2 min nəfər,
1970-ci ildə 5 min nəfər, 80-ci illərin axırlarında isə 8,5 min
nəfər professor-müəllim heyəti çalışırdı. 1970-ci ildə respub-
likada tələbələrin təlim-tərbiyəsi ilə 500-dən
çox professor,
1140-dan çox dosent məşğul olurdusa, 80-ci illərin axırlarında
onların sayı müvafıq olaraq 612 nəfərə və 3021 nəfərə çatmışdı.
XX əsrin 20-ci illərində Azərbaycanda təbiət - texnika
elmləri sahəsində elmi-tədqiqat müəssisələri yox idi. Lakin
Bakı Universitetinin, Azərbaycan Politexnik İnstitutunun,
sonralar Neft Akademiyasının və b. ali məktəblərin kafed-
ralarında geniş elmi-tədqiqat işləri aparılırdı. Mərkəz SSRİ-nin
əsas neft bazası olan Bakıda neft-qazma texnikası, neft kimyası,
geologiya və energetika sahələrinin elmi idarəçiliyinə xüsusi
fikir verirdi. Bu məqsədlə Bakıya görkəmli alimlər - akad.
İ.Qubkin, akad. İ.Kurçatov, prof. A.Qurvin, prof. D.Qolub-
yatnikov, prof. M.Abramoviç və b. göndərilmişdi. Onlarla
çiyin-çiyinə istedadlı azərbaycanlı alimlər F.Rüstəmbəyov,
E.Tağıyev, X.Məlikaslanov və başqaları çalışır, neft
Azərbaycan Tarixi
423
mədənlərinin istismarının təkmilləşdirilməsinə texniki rəhbərlik
edirdilər.
İctimai elmlərin inkişafı sahəsində də ilk addımlar Bakı
Universitetində atılmışdır. Bu sahədə də sinfı keçmişinə görə
Rusiyanın mərkəzi şəhərlərində sıxışdırılan və Azərbaycanda
sığınacaq tapmış akad. V.Bartold, akad. N.Marr, akad.
İ.Meşşaninov, prof. A.Makovelski, prof. Y.Bertels, prof.
A.Batmanov və b. görkəmli alimlərin xidmətləri olmuşdur.
Azərbaycanda ictimai elmlərin inkişafında 1923-cü il noyabrın
2-də yaradılmış "Azərbaycanı Tədqiq
və Tətəbbö Cəmiy-
yəti"nin müstəsna rolu olmuşdur; Cəmiyyətin sədri görkəmli
yazıçı və mədəniyyət xadimi Ə.Haqverdiyev idi. N.Nərimanov
və S.Ağamalıoğlu Cəmiyyətin fəxri üzvləri idilər. ATTC-nin
üzvləri arasmda akad. V.Bartold, akad. N.Marr, akad. İ.Meşşa-
ninov, akad. S.Oldenburq, M.H.Baharlı. A.Divanbəyoğlu,
B.Çobanzadə, H.Cəbiyev, A.Sübhanverdixanov, Ü.Hacıbəyli,
Y.V.Çəmənzəminli, Ə.Ələkbərov və b. görkəmli şəxslər var
idi. Cəmiyyətin Naxçıvan, Lənkəran, Gəncə, Şəki, Şamaxı,
Zaqatala və Dağlıq Qarabağ şöbələri vardı. 1925-ci ildə
Moskva və Leninqradda da Cəmiyyətin şöbələri açıldı.
Cəmiyyət Azərbaycan xalqının ədəbiyyatının, folklorunun,
arxeologiyasının, etnoqrafiyasının
və dilçilik məsələlərinin
öyrənilməsi sahəsində böyük işlər görmüşdür.
1929-cu ildə Azərbaycan MİK-nin nəzdində yaradılmış
Azərbaycan Dövlət Elmi- Tədqiqat İnstitutu Azərbaycan SSR-
in ali elmi idarəsi kimi respublikanın bütün elmi idarə və
təşkilatlarının fəaliyyətini birləşdirirdi. Onun 53 nəfərdən ibarət
həqiqi üzvləri arasında akademiklər V.Bartold, N.Marr,
İ.Qubkin, İ.Meşşaninov, İ.Pokrovski, Samoyloviç,
professorlar A.Makovelski, İ.Yesman, X.Məlikaslanov,
V.Xuluflu, B.Çobanzadə kimi tanınmış alimlər də vardı.
1932-ci ildə SSRİ EA Zaqafqaziya Filialının Azərbaycan
Şöbəsi yaradıldı. 1935-ci ilin oktyabrında isə SSRİ EA
Azərbaycan Filialı yaradıldı. Onun tərkibində geologiya, fizika,
Qəzənfər Rəcəbli
424
energetika, torpaqşünaslıq bölmələri, kimya, botanika,
zoologiya, tarix, etnoqrafiya və arxeologiya, dil və ədəbiyyat
institutları var idi. Azərbaycan EA AF-nin sədri akad. İ.Qubkin
idi. Azfılialm 66 nəfərdən ibarət Elmi Şurasının tərkibində
SSRİ Elmlər Akademiyasının həqiqi üzvləri V.Volgin,
V.Komarov, D.Pryanişnikov, A.Samoyloviç, Q.Qraftio,
N.Vavilov, N.Zelinski, müxbir üzvü Y.Bertels var idi. Bu
dövrdə Azərbaycanın gələcək görkəmli alimləri M.Qaşqay,
Ə.Əlizadə, S.Quliyev, K.Quluzadə, S.Vəzirov, İ.Baybakov,
S.Orucov, A.Yaqubov, A.Əliyev, Ş.Əzizbəyov, Q.Əfəndiyev
və başqaları elmi fəaliyyətə başlamışdılar.
XX əsrin 30-cu illərinin sonunda SSRİ EA AF-nin
rəhbərliyi altında 60-dək elmi idarə elm və texnikanın aktual
problemləri
ilə məşğul olur, respublikanın məhsuldar qüv-
vələrinin inkişafına qiymətli töhfələr vermişlər. Azərbaycanın
energetika alimləri Mingəçevir su qovşağının layihəsini hazırla-
maqla respublikanın enerji sisteminin möhkəmləndirilməsinə
öz töhfələrini vermişlər. Bu dövrdə ictimaiyyətçi alimlər və
ədəbiyyatçılar dahi Nizaminin 800 illik yubileyinə hazırlıq
məqsədilə onun əsərlərinin nəşri ilə bağlı böyük iş aparırdılar.
Ədəbiyyatşünasların M.Füzulinin, M.F.Axundzadənin və
M.P.Vaqifin əsərlərini nəşrə hazırlayıb çap etdirmələri
Azərbaycan xalqına ən yaxşı töhfələr sayıla bilər. İctimai
elmlərin bu dövrdə ən böyük nailiyyəti 1941-ci ildə
"Azərbaycan tarixinin qısa oçerkləri" kitabının nəşridir. Kitabın
İkinci Dünya müharibəsi dövründə vətənpərvərlik tərbiyəsi
üçün böyük əhəmiyyəti vardı.
Müharibə illərində Azərbaycan alimləri zirehli texnikaya
qarşı top mərmiləri,
özüidarə olunan bombalar, çoxpilləli
minalar, polad və çuqunu duru yanacaqla əritməyə imkan verən
texnologiya hazırlamaqla cəbhəyə öz borclarını verirdilər.
1941-ci ilin mayında akademik Yusif Məmmədəliyevin
başçılığı altında bir qrup alim 28 gün laboratoriyadan