292
idi. Janr (fransızca – növ, üsul) anlayışı da milli variantyaratmada kano-
nik eyniyyət prinsipinin gözlənilməsindən doğur. Epik və lirik formalar
xalqdan – xalqa, ədəbiyyatdan-ədəbiyyata keçir, lakin ilkin əlamətlərini
saxlayır. Janrda süjetə, hadisəyə, qəhrəman və konfliktlərə aid olan bir sıra
xüsusiyyətlər vəhdət halında özünü büruzə verir. Ona görə bir sıra
müəlliflərin növlərə də janr deməsi elmi dəqiqlik baxımından doğru deyil-
dir. Lakin janr termininin bir çox mənalarda işlədilməsi də məlum həqi-
qətdir. Hətta şeir formalarına da janr deyilir: qəzəl janrı, mərsiyə janrı və
s. Əslində lirik şeir, süjetli şeir janrından danışmaq olar. Lirik şeirin
formalarını, məsələn, qoşmanı janr adlandırmaq dəqiq deyil. Amma səhv
də hesab edilə bilməz. Əslində “qoşma janrı” ifadəsi “lirik şeir janrının
qoşma forması” ifadəsinin qısa variantı kimi rahatlıq üçün işlədilir.
Digər tərəfdən qəzəl kimi lirik formalara janr deyilməsi sərti olaraq
qəbul edilə bilər, çünki yazılı dildə belə şərtiliklər istənilən qədərdir.
Qəzəl əsrlər boyu müsəlman sufi ədəbiyyatının əsas forması olub və bu
mənada onun bioqrafiyası roman, poema, komediya kimi janrlardan yox-
sul deyil. Ümumiyyətlə, janr terminini ehkama çevirmək lazım deyildir:
qısaca deyilsə, janr ədəbi formaların tarixiliyidir: hekayə ya roman yazan
yazıçıların müxtəlif epoxalara və mədəniyyətlərə, cərəyanlara məxsusluğu
onların əsərlərinin bir çox formal əlamətlərində özünü göstərir. Janr
termini də bu əlamətləri göstərmək, onlar barədə danışmaq üçündür.
Müvafiq olaraq bu formaların tarixi təkamülü haqqında tədqiqatlar
aparılır. Belə tədqiqatlar əsasən tarixi poetika məcrasında hesab edilir.
Tarixi poetikada janr termini ədəbi formaların tarixiliyi və tarixi
yaddaşı mənasında işlənir. Zənnimizcə, bu, janrın ən doğru səciyyəsidir.
Roman, dram, hekayə kimi ədəbi formaların universal formulu yoxdur.
Onların hamısının milli variantları və özünəməxsusluğu var. Üstəlik janr
formaları milli spesifikadan əlavə ədəbi epoxaların və üslubların, cərəyan-
ların təsirini də özlərində əks etdirirlər. Müəllifin fərdi üslubunun da
janrda özünü göstərməsini qəbul etsək janr haqqında bir necə səviyyədə
danışmaq olar:
1. Janrın regional əlamətləri. Məsələn dramatik növə məxsus fa-
ciə, komediya və s. janrlar daha çox Qərbi Avropa ədəbi ənənəsinə məx-
sus olmuş və orada zəngin tarixi təkamül keçmişdir. Dramın çin və yapon
ədəbiyyatlarında da regional variantları var. Lakin bu variantlar Avropa
dram və teatr ənənəsindən uzaqdır. Azərbaycanda yayılmış şiə şəbih mə-
rasimləri də dramatik janra aid edilə bilər. Lakin bu mərasimdə yazılı
mətndən adətən istifadə olunmur və əsas mətn kimi şəbih aparıcısının öz
yaddaşı iş görür.
293
2. Janrın milli özünəməxsusluğu. Məsələn, klassik Azərbaycan
ədəbiyyatı tarixindəki qəzəlin tarixi təkamülü ancaq Azərbaycan ədəbiy-
yatı tarixinə aid məsələdir. Bu qəzəlin bütün mətnləri də Azərbaycan di-
lindədir.
3. Janrın ədəbi epoxa və cərəyandakı variantı. Məsələn, qəzəl
janrı sufi poeziyada insan – Allah münasibətlərini simvolik şəkildə ifadə
edən formadır. Lakin qəzəlin didaktik və aşiqanə formaları da vardır. On-
ların dil və obraz sırası sufi qəzəlindən fərqlənir. Başqa bir misal çəkək:
romanın antik, intibah, maarifçilik dövrünə məxsus formaları mədəniyyət
tipləri ilə bağlı spesifik xüsusiyyətlərə malikdir. Freydist roman, futurist
roman deyəndə isə romanın müxtəlif fikir cərəyanlarına aid janrları nə-
zərdə tutulur.
4. Janrın konkret yazıçı yaradıcılığındakı fərdiliyi. Məsələn, da-
ram janrının C.Cabbarlı yaradıcılığında bir sıra spesifik xüsusiyyətləri var-
dır. Bu xüsusiyyətlər Şekspirdə və M.F.Axundovda gördüyümüz dramdan
tamam fərqlidir. Realizmin xüsusiyyətlərinə görə də C.Cabbarlının
dramları təsnif edilə bilər və yalnız C.Cabbarlıya məxsus janr əlamətlərini
ifadə edir.
5. Janrın funksional mənsubiyyəti. Funksional mənsubiyyətə görə
biz artıq qəzəlin sufi, didaktik və aşiqanə növlərini göstərdik. Bunların hər
biri fərqli bir müəllif niyyətinin reallaşdırılmasından yaranır. Digər misal
kimi kino-ssenari, telessenari, radio-ssenari janrlarını misal göstərə bilə-
rik. Bunların hər birinin spesifik xüsusiyyətləri vardır.
Sovet ədəbiyyatşünaslığında Hegelin janr nəzəriyyəsi çoxlu tərəf-
darlara malik idi. Bu böyük nəzəriyyəçi ədəbi növlərin yaranmasında insa-
nın rolunu və onun problemlərinin tarixi təkamülünü əsas sayırdı. Ümumi-
likdə Hegel janr formalarına tarixi şəkildə yanaşan bir nəzəriyyəçi idi və
tarixi poetika elminin yaranmasında onun estetikasının mühüm təsiri ol-
muşdur. Yuxarıda şərh olunan janr anlayışı da ümumilikdə Hegelin janr
nəzəriyyəsinə uyqundur.
5.5.7. Epik təhkiyənin tarixi. Yazılı və şifahi ədəbi
mətnlərin müstəqil təkamül yolu
Biz yuxarıda müəllif sözünün üç tipini səciyyələndirdik:
1. Lirik təhkiyə
2. Nəsr təhkiyəsi
3. Dialoq
294
Lirikanın mahiyyəti və mənşəyi ilə bağlı bəhsdə biz artıq lirik
təhkiyə və onun Azərbaycan şeirindəki formaları haqqında danışdıq. İndi
isə nəsr təhkiyəsinin qısa tarixinə nəzər salaq.
Mənşəcə ən qədim mətnlər hökmdarlar və hərbi qəhrəmanlar haq-
qında olub. Mənəvi dini hakimiyyət formaları ortaya çıxana qədər haki-
miyyəti və hərbi gücü təmsil edən adamlar eyni idilər. Ona görə büt-
pərəstlik erasından qalma yazıların hamısında hökmdar-qəhrəmanlar
haqqında söhbət gedir, onlar tərənnüm olunur, öyülürlər. İlk hökmdar
qəhrəmanlar şübhəsiz iri tayfaların başçıları idi, başçılıq isə onlara cinsi
seçmədən keçirdi. Bu seçmə döyüşü prosesində onların tayfada ən güclü
şəxs olduğu hamıya aydın olurdu. Onların hakimiyyətinin ilk elementi
heyvan sürülərində olduğundan fərqli deyildi: onlar bütün ibtidai insan
sürüsünü mayalandırmaq hüququnun daşıyıcısı idilər və bu da onların
totemliyini təyin edirdi. Tayfalar böyüdükcə onların bu hüququ digər
məsələlərin, hərbi işlərin və qidanın bölünməsində də əsas oldu.
İlk hökmdar-qəhrəmanlar haqqında mifik hekayətlər bütün xalqlar-
da şifahi epik təhkiyənin birinci şəklidir. Belə dastanlarda tayfaların
mənşə və özünüidentifikasiya problemi mifyaratma şəkilində həll edilir-
di. Mifik qəhrəman-hökmdar tayfanın qoruyucusu idi, onun haqda təsəv-
vür ətyemə ilə müşayiət olunan müharibə və təhlükəsizlik məsələsinin
mistik həlli idi. Bu mistiklikdə 1/ müharibələri udan, 2/ xilaskar Allah mi-
finin rüşeymi ortaya çıxırdı. Ən qədim və orijinal dastanlar qədim dillərdə
meydana çıxıb: bunlar şumer, akkad, sami, yunan və İran dilləridir. Mifo-
loji xarakter daşımayan dastanlar isə tarix səhnəsinə daha gec daxil olmuş
xalqların kalka yolu ilə alınmış yaradıcılıq məhsulu hesab edilə bilər.
Hökmdar qəhrəmanlar haqqında ilk bütpərəst yazılar hələ mətn
mədəniyyətini yarada bilmədi, çünki onlar kanonik mətn deyildi və onla-
rın bir neçə tayfa üçün mistik statusu yox idi. Bu mistik statusu hökmdar-
qəhrəman mifinin parçalanması yaratdı: bu parçalanmadan əslində mistik
mahiyyətli olan müharibədə qələbə verən allah (büt) mifi yaranmış
oldu. Bu mifi müharibədə qələbə yaradırdı: həm qalib, həm də məğlub
tərəf (tayfa) eyni bütə sitayiş edirdi. Qalib tərəf qələbəni onlara verdiyi
üçün, məğlub tərəf isə bir daha məğlub olmamaq üçün daha güclü olan
allaha tapınmağa başlayırdı. Hər tərəfdən üç, on və ya əlli tayfa vuruşanda
qələbə allahı böyük mistik mahiyyət və hakimiyyət qazandı. Məhz hərb
allahlarının mistikliyi və görünməzliyi vahid allah mifinin yaranmasında
həlledici rol oynadı. Çünki döyüşçü mifindən ayrılan müharibədə qələbə
allahı mifi birləşdirici bir allah oldu. Diri döyüşçü hökmdarlar isə hər
yerdə ayırıcı rol oynayırdı, ona görə monoteizm əslində tayfa allahların-
dan imtina və qlobal qələbə verən vahid allaha inamla ortaya gəldi. Səna-
Dostları ilə paylaş: |