146
tərəfdən rus və Avropa elmindən, ədəbiyyatından, ictimai,
iqtisadi və siyasi fikir tarixindən bəhs edən əsərlər, kitablar
M.F.Axundovun nəzəri görüşlərinin formalaşma-sında mühüm
mənbələrdən biri kimi göstərilir və əsas-landırılır. Tədqiqatçı
bu cəhətdən Ç.Dikkens, A.Düma, J.Vern, N.V.Qoqol,
V.Q.Belinski, A.V.Markov-Vinoqra-dov, E.Munk və
başqalarının ədəbiyyat, tənqid və ədəbiy-yatşünaslığa dair
əsərlərini görkəmli yazıçının rus və Av-ropa ədəbi fikrindən
yaradıcı şəkildə bəhrələnməsi üçün əsas mənbələr hesab edirdi.
K.Talıbzadə düzgün olaraq burada M.F.Axundovun Belinski
və Dobrolyubov ilə ədəbi əlaqələrinə xüsusi olaraq diqqəti cəlb
etmişdir. Əsərdə Qərb yazıçı, filosof və tarixçiləri Volter,
Monteskio, Didro, Şekspir, Bayron, Hüqo, Russo, Renan, Yum
və başqaları da Axundovun yaradıcılıqlarını bəyəndiyi,
fikirlərini təqdir etdiyi böyük şəxsiyyətlər kimi təqdim
olunurlar.
Tədqiqatçı M.F.Axundovun ədəbi-tənqidi görüşlə-rində
sənətin ideyalılığı, ədəbiyyatın tərbiyəvi rolu, onun ictimai
həyatda mövqeyi kimi məsələlərin mühüm yer tut-duğunu
göstərir, bu cəhətdən yazıçının fikirlərinin mate-rialist rus və
Avropa filosofları, tənqidçilərinin görüşləri ilə səsləşdiyini
qeyd edirdi. Monoqrafiyada böyük mütəfək-kirin müasirləri –
X1X əsr Azərbaycan dramaturqu Mir-zağa və Melkum xanın
Axundov estetikasına münasibəti də işıqlandırılmışdır.
XIX əsrin sonu, XX əsrin əvvəllərində milli mətbuatın,
xüsusilə «Əkinçi», «Kəşkül», «Ziya», «Ziyayi-Qafqaziyyə»,
«Şərqi-Rus» qəzetlərinin ədəbi tənqidin inkişafında rolu,
burada dərc olunan tənqidi məqalələrdə maarifçilərin sxo-lastik
147
ədəbiyyata qarşı apardıqları mübarizə haqqında monoqrafiyada
yığcam elmi təhlil verilmişdir. K.Talıbzadə XX əsrin
əvvəllərində yeni siyasi-ictimai şəraitdən doğan zərurətlə ədəbi
tənqidin məqsəd və vəzifələrinin də müasir tələblər
səviyyəsinə qaldırılmasına ciddi ehtiyac duyul-duğunu qeyd
edir, monoqrafiyanın «XX əsrin əvvəllərində ədəbi tənqidin
mövqeyi» fəslində bu məsələləri işıqlan-dırırdı. Milli
mətbuatda ədəbi tənqidə olan ehtiyac və onun əhəmiyyəti
ətrafında gedən qızğın müzakirələrin təhlil olunduğu
məqamlarda tədqiqatçının ədəbi tənqidin vəzi-fələrini
müəyyənləşdirmək cəhdi daha qabarıq şəkildə nəzərə çarpırdı.
K. Talıbzadə bu dövrün qəzet və jurnal səhifələrində «tənqid»,
«tənqid və biblioqrafiya», «teatr və musiqi» və s. rubrikaların
açılmasını, müntəzəm olaraq tənqidi məqalələrin çap
edilməsini, Bakı, Gəncə, Şamaxı və Şuşa şəhərlərində ədəbi
tənqid ilə məşğul olan dərnək və cəmiyyətlərin təşkil
olunmasını tənqidçilik sənətinin ihkişaf etdirilməsində, onun
professional bir səviyyəyə yüksəlmə-sində başlıca təkanverici
amillərdən hesab edirdi. Müəllif N.Nərimanovun rəhbərliyi
altında Bakıda «Nicat» cəmiy-yətinin nəzdində təşkil olunmuş
«Tənqid gecələri»nin fəa-liyyətinin xüsusilə seçildiyini
vurğulayırdı. Tədqiqatçı həm-çinin «Ədəb yurdu», «Yaşıl
qələm» dərnəklərinin, «Ədə-biyyat və sənayeyi-nəfisə
cəmiyyəti», «Qızıl Qələm Cəmiy-yəti»nin fəaliyyətində ədəbi
tənqidin geniş yer tutduğunu qeyd edirdi.
1905-ci il inqilabından sonra Azərbaycanda milli azad-lıq
hərəkatının genişlənməsi, sinfi mübarizənin kəskinləşmə-si
ayrı-ayrı ədəbi cərəyanların siyasi istiqamətini müəyyən etmiş,
148
gərgin məfkurə mübarizəsi başlanmışdı. Bu dövrdə
güclənməkdə olan realizm cərəyanı da ayrı-ayrı qruplara
bölünürdü: kommunist yazıçılar (Seyid Musəvi); inqilabçı-
demokratik yazıçılar (C.Məmmədquluzadə, M.Ə.Sabir,
M.Möcüz); maarifçi-demokrat yazıçılar (A.Səhhət, M.Ha-di,
F.Köçərli, Y.V.Çəmənzəminli). Azərbaycan ədəbiyya-tında
əsas cərəyanlardan olan romantizmin təsnifində də bu
cərəyanın bir-birinə zidd iki cəbhəyə – mütərəqqi və mürtəce
romantizm kimi qollara ayrıldığını görürük. Bir-birinə zidd
mövqedə duran ədəbi cərəyanlar arasında gedən ciddi fikri
ixtilaf və məfkurə mübarizəsi tənqid sahəsində də yeni
cərəyanlar yaratmışdı: demokratik tənqid; burjua tənqidi;
marksist tənqid. Müəllif monoqrafiyanın «Azər-baycan ədəbi
tənqidinin əsas cərəyanları (1905-1917-ci illər)» adlanan
fəslində kəskin siyasi məfkurəvi müba-rizələrdən yaranmış bu
tənqidi cərəyanların yaradıcılıq metodları, həyata, sənətə,
klassik irsə və başqa yaradıcılıq məsələlərinə münasibətini
təhlil etmişdir. Burada XX əsr Azərbaycan tənqidi üç əsas
cərəyanın inkişafı aspektində öyrənilir, «Demokratik tənqid»,
«Burjua tənqidi» və «Marksist tənqid» cərəyanlarının hər biri
ayrı-ayrılıqda tədqiq və təhlil olunurdu. K. Talıbzadə
monoqrafiyasını yazdığı vaxt XX əsrin milli ədəbi tənqidinin
ən qüvvətli cərəyanı sayılan demokratik tənqidin ideya-estetik
prin-siplərinin təhlilinə daha geniş yer vermişdir.
Zəngin sənəd və materiallar əsasında yazılmış «Demok-
mokratik tənqid» bölümündə realizm problemi, ədəbiyyatın
həyatla əlaqəsi, ictimai vəzifəsi, «köhnə» və «təzə» şeir
problemi, klassik ədəbi irsə münasibət, Azərbaycan teatrı və
149
dramaturgiyasının əlaqələri, ədəbi dil problemi kimi mühüm
məsələlər sistemli şəkildə təhlil süzgəcindən keçi-rilirdi.
K.Talıbzadənin demokratik tənqidə qarşı güclü marağı isə onun
bir bədii metod və ədəbi cərəyan kimi realizmə rəğbətindən
irəli gəlirdi. Bu həm də dövrün kommunist ideologiyasından
doğan maraqla üst-üstə dü-şürdü. 1947-ci ilin fevralından
1990-cı ilin yanvarına qədər Kommunist Partiyasının üzvü olan
K.Talıbzadə təbii ki, o dövrkü hakim ideologiyaya zidd
mövqedən çıxış edə bilməzdi. Tədqiqatçı öz materialist
baxışlarına uyğun olaraq XX əsrin əvvəllərində fəaliyyət
göstərən tənqidi cərəyanların təsnifində marksist
metodologiyanın prin-siplərinə ciddi şəkildə riayət etmişdi.
Müəllif ədəbi tənqidi onu doğuran tarixi şəraitin ictimai-siyasi
və bədii vəzifələri ilə qarşılıqlı əlaqədə nəzərdən keçirir, milli
tənqidi məşğul etmiş problemləri, onun daxilində gedən ideya-
estetik mü-barizələri açıb göstərirdi. Monoqrafiyanın kitab
halında çapı ərəfəsində (1964) yazdığı geniş rəydə Y.Qarayev
hər üç tənqidi cərəyanın təhlilinə münasibət bildirərkən «burjua
tənqidi» bölümü haqqında yazırdı ki, «bu bölmə tarixən
qanunauyğun, spesifik, təbii və obyektiv bir hadisə kimi
mövcud olan burjua tənqidinin bədii spesifik və fəlsəfi
cəhətdən hərtərəfli təhlili və şərhi deyildir, əvəzində burjua
tənqidinin bəlkə yalnız tənqidindən ibarətdir.»
1
«Burjua
tənqidi» adı altında isə XX əsrin əvvəllərində Azərbaycan
mədəniyyətinin ən görkəmli nümayəndələri Ə.Hüseynzadə,
Ə.Ağayev, Ə.Topçubaşov, C.Hacıbəyli, M.Ə.Rəsulzadə,
1
K.Талыбзадənиn шəхsи архиви, Y.Гараyeвиn рəyи, 1964.
Dostları ilə paylaş: |