134
cı illərə qədər bu sənətin ədəbi prosesdəki rolu düzgün
dəyərləndirilməmiş, tənqidə «ədəbiyyatın ikinci dərəcəli
sahəsi» kimi laqeyd münasibət göstərilmişdir. Milli
tənqidimizin tarixi, hətta onun varlığı ideyası Azərbaycan
ədəbiyyatının elmi tarixinin yazılması və nəşrindən sonra
meydana çıxmışdır. 60-cı illərə qədərki ədəbiyyat tarixlə-rində
ədəbi tənqidə ədəbiyyatımızın janrları sistemində qətiyyən yer
ayrılmamış, ondan milli ədəbi tarixi prosesin komponenti və
hadisəsi kimi xüsusi bəhs edilməmişdir. Həmin dövrdə ədəbi
ictimaiyyətdə hətta belə bir yanlış qənaət yaranmışdı ki,
Azərbaycanda sovet hakimiyyəti illərinə qədər ədəbi tənqid
olmamışdır. Bu ögey münasibətin nəticəsidir ki, həmin dövrdə
nəşr olunan ədəbiyyat tarix-lərində tənqiddən ədəbiyyatın
mühüm bir yaradıcılıq sahəsi kimi danışılmamış, tənqid tarixi
bir tədqiqat obyekti kimi diqqətdən kənarda qalmışdır. Bu
20-30-cu illərin qüdrətli qələm sahiblərinin – böyük
tənqidçilərinin, ədəbiyyatşünas-larının repressiyaya düçar
olması nəticəsində ədəbi tənqiddə hökm sürən ciddi boşluq,
daha sonra 40-50-ci illərdə sovet ideologiyasına xidmət edən
ehtiyatkar bir tənqidin forma-laşmasından irəli gəlirdi.
Tənqidin təsvirçi xarakter daşıdığı bu dövr haqqında müasir
ədəbiyyatşünaslıqda belə bir qənaət yaranmışdır ki, ədəbi
tənqid marksist-leninçi mövqe-dən çıxış edərək, əsil həqiqətləri
ifadə etməkdən çəkinirdi. Ədəbiyyatşünas Nizaməddin
Şəmsizadə bu haqda yazırdı: « O (yəni, ədəbi tənqid – T.R.)
bədii ədəbiyyatın bəzi cəsa-rətli addımları qarşısında vahimə
keçirir, cəmiyyətin işğalçı əxlaqi mövqeyində duraraq, ciddi
cəhdlə onun qarşısını almağa çalışırdı. Məsələn, M.Arif kimi
135
ədəbiyyatı sevən, onun uğrunda çalışan bir adam hətta bir çox
mətləblərin aydınlaşdığı 60-cı illərin
əvvəllərində
S.Əhmədovun cəsa-rətlə yazılmış «Görünməz dalğa» və
«Aran» romanları haq-qında «Yazıçının mövqeyi aydın
olmalıdır!» adlı məqalə yazıb yazıçının mövqeyini cəmiyyətə
uyğun olmamaqda günahlandırırdı. Yaxud, Anarın «Ağ liman»
povesti ilə bağlı yazılan məqalələr göstərir ki, 50-ci illərin
ehtiyatkar tənqid ənənələri 60-cı illərin ortalarında hələ
yaşayırdı.»
1
Məhz belə bir dövrdə K.Talıbzadə tənqidə bir janr
kimi müraciət edərək bir-birindən məzmunlu məqalələr yazıb
dərc etdirmişdir. «Ədəbi tənqidimizin məsələləri haqqın- da»
(1954), «Tənqidçi və ədəbiyyatşünaslarımızın yeni nəsli»
(1956), «Tənqid və ədəbiyyatşünaslığımızın vəziyyəti
haqqında» (1958), «Tənqidimiz haqqında qeydlər» (1963),
«Ədəbiyyatşünaslığımızı müasir elmi-nəzəri problemlərin
həllinə doğru istiqamətləndirməli» (1965) və s. məqalələr
tədqiqatçının ilk tənqidi yazıları idi. K.Talıbzadənin ədəbi
tənqidə necə məsuliyyətlə yanaşması, tənqidi ədəbiyyatın
mühüm bir yaradıcılıq sahəsi kimi qiymətləndirməsi onun bu
ilk yazılarında özünü büruzə verirdi. O, tənqid tarixini
öyrənməyə başladığı ilk illərdə həmçinin M.Qorki, S.Vur-ğun,
M.Hüseyn, M.Ibrahimov, Y.Qarayev və başqa yazıçı və
tənqidçilərin görüşləri, əsərləri haqqında «Ədəbiyyat və
incəsənət», «Kommunist» qəzetlərində məqalələr, resenzi-yalar
dərc etdirmişdir. Həmin məqalələrində müəllif 50-60-cı illər
tənqidinin tarixini əhatə etməyə çalışmışdır. K.Talıb-zadənin
1
Шəmsизадə N. Тüрk тəфəkküрü məжраsыnда, Баkы, Тəщsил, 1998, s. 48.
136
bu məqalələri qarşıdakı tənqid tarixinə dair funda-mental
tədqiqata bir növ hazırlıq idi. Azərbaycan ədəbi tənqidinin
keçdiyi tarixi inkişaf mərhələlərini öyrənmək, onun elmi
mənzərəsini yaratmaq yolunda milli ədəbiyyatın bu ilk əsaslı
tədqiqatı «XX əsr Azərbaycan ədəbi tənqidi (1905-1917-ci
illər)» monoqrafiyası idi. Onu da qeyd etmək lazımdır ki, bu
dövrdə M.Arif, M.Cəfər, M.S.Ordubadi, M.Rəfili,
F.Qasımzadə, C.Cəfərov, M.Qasımov və başqa görkəmli ədəbi
şəxsiyyətlərin milli ədəbi-estetik fikrin ta- rixi inkişaf yolu
haqqında məqalə və kitabçaları çap olunmuşdu. Lakin
K.Talıbzadə ilk dəfə milli ədəbi-estetik fikrin tarixini yaratmaq
məqsədini izləmiş, bununla da 60-cı illərdə milli
ədəbiyyatşünaslığımızın qarşısında du- ran mühüm
vəzifələrdən birinin həllində əvəzsiz xidmət göstərmişdir.
Qeyd etmək lazımdır ki, 37-ci il repressiyasının böyük
ədiblər, tənqidçilər ordusunu cəza düşərgələrinə, sürgünə,
məhvə məhkum etdiyi, nəticədə uzun illər ədəbi nəsillər
arasında varislik əlaqəsinin pozulduğu bir vaxtda K.Talıb-zadə
kimi qayğıkeş ziyalılarımız ədəbiyyatşünaslığın daha
məsuliyyətli vəzifələrinin həllində fəal iştirak edirdilər.
K.Talıbzadə bu vəzifələrin demək olar ki, ən çətini və
məsuliyyətlisini– ədəbi tənqid tariximizin yazılması işini
üzərinə götürüb uğurla yerinə yetirmişdir. Belə bir funda-
mental ədəbiyyatşünaslıq vəzifəsinin icrası üçün K.Talıb-zadə
bu sahədə müəyyən təcrübəyə malik olan müasir rus
ədəbiyyatşünaslığından bəhrələnmişdi. Xüsusi qeyd olun-
malıdır ki, əsərin yazıldığı və nəşr edildiyi dövrdə keçmiş
SSRI-də milli ədəbiyyatların ədəbi tənqid tarixi hələ mey-
137
danda yox idi. Həmin vaxt yalnız rus ədəbi tənqidinin tarixi
yazılmış və nəşr olunmuşdu. Buna görə də K.Talıbzadə öz
tədqiqatı üzərində işləyərkən məhz rus ədəbi mənbələrinə
istinad etmişdi. 1958-ci ildə nəşr olunan iki cilddən ibarət «Rus
tənqidinin tarixi» kitabı, 60-70-ci illərdə rus tənqidinə dair bir
sıra monoqrafiyalar, həmçinin V.I.Kuleşovun «Rus tənqidinin
tarixi haqqında» əsəri belə nümunələrdən idi. K.Talıbzadə
monoqrafiyasını yazmağa başlamazdan əvvəl həm bu
tədqiqatlarla, həm də rus tənqidi və Azərbaycan klassik ədəbi-
estetik fikri ilə yaxından tanış olmuşdu.
Zəngin sənəd və material, müşahidə və təcrübə əsasın-da
yazılan «XX əsr Azərbaycan ədəbi tənqidi (1905-1917-ci
illər)» (1966) kitabı o vaxtkı çoxmillətli ədəbi prosesdə bu
sahədə ilk tədqiqatlardan biri kimi nəinki Azərbaycan, eləcə də
keçmiş SSRI xalqları ədəbiyyatşünaslığında elmin ciddi
nailiyyəti kimi dəyərləndirildi. Monoqrafiyanı ilk dəfə təhlil
edən və yüksək qiymətləndirənlərdən biri akademik M.Arif
əsər haqqında yazırdı: «K.Talıbzadənin «XX əsr Azərbay-can
ədəbi tənqidi» əsəri əsrimizin əvvəllərində ədəbiy-yatımızda
tənqidi fikrin formalaşmasına həsr edilmişdir. Müəllif konkret
tarixi şəraitdə ədəbi tənqidin xüsusi bir sahə kimi inkişafını
öyrənib, ədəbi prosesdəki rolunu müəyyənləşdirmişdir. XI
əsrdən başlayaraq tək-tək adamlar ədəbi tənqid ilə məşğul
olsalar da, XIX əsrədək o, ədəbiyyatımızda zəif yer tutmuşdur.
Yalnız M.F.Axun-dovun, H.Zərdabinin və qismən də
F.Köçərlinin xidməti sayəsində ədəbi tənqidin inkişafı üçün
sağlam bünövrə yaranmışdı. M.F.Axundovun ənənələrinə
əsaslanan demok-ratik ədəbi tənqid XX əsrdə xüsusilə
Dostları ilə paylaş: |