118
Gündüz İsmayılov
Azərbaycanda Nic kimi örnəklər çoxdur. Onlardan biri də
Oğuz şəhəridir. Azərbaycanın ən dilbər guşələrindən biri olan, Bö-
yük Qafqaz dağlarının ətəyində yerləşən Oğuzda hər üç səmavi
dinin –Yəhudiliyin, Xristianlığın və İslamın mənsubları yaşayır.
Neçə əsrdir ki, Oğuzda yaşayan yəhudilər, udilər və müsəlman
azərbaycanlılar təkcə bu torpağın suyunu, çörəyini, havasını deyil,
həm də taleyini bölüşürlər. Onlar fərqli dinlərin daşıyıcıları olsalar
da, kiçik bir şəhərdə, hətta, eyni məhəllədə yaşayır, eyni məktəbdə
oxuyur, eyni yerdə işləyir, amma bir-birindən cəmi bir neçə yüz
metr aralı yerləşən məsciddə, kilsədə və sinaqoqda ibadət edirlər.
Bu gün Oğuz şəhərində bir məscid, bir Alban-udi kilsəsi və
iki sinaqoq fəaliyyət göstərir. Bu baxımdan Oğuzu tolerantlıq
nöqteyi-nəzərdən Azərbaycanın kiçildilmiş modeli kimi də qəbul
etmək olar. Oğuzlular üçün məscid, kilsə və sinaqoqun bir adı var:
Allah evi. Bütün Allah evləri isə müqəddəsdir, hörmət və ehtira-
ma layiqdir. Əslində, Azərbaycandakı tolerantlığın səbəbini, həm
də üstün cəhətlərindən birini məhz elə bunda axtarmaq lazımdır.
Azərbaycanlılar hansı dinin ibadət evi olmasına baxmayaraq, bü-
tün məbədləri Allah evi, ora gedənləri isə Allah adamı kimi qəbul
edirlər. Məscid kimi kilsəni də, sinaqoqu da Allah evi sayan, ora
gələn xristianı, yəhudini də Allah adamı hesab edən bir xalqdan
başqalarına zərər dəyə bilərmi? Başqalarının inancına öz inancı
qədər hörmət göstərən, başqalarının məbədinə öz məbədi qədər
ehtiram bəsləyən bir xalq tolerantlıq nümunəsi hesab edilməyə
bilərmi? Yəqin ki, bu ritorik sualların cavabını biz yox, beynəlxalq
mütəxəssislər versə, daha doğru olar. Axı bizə görə həyat tərzi olan
tolerantlıq onlar üçün tədqiqat sahəsi, araşdırma predmetidir.
119
Tolerantlıq: bildiklərimiz və bilmədiklərimiz
AZƏRBAYCANIN SEÇİLMİŞ TOLERANTLIQ
NÜMUNƏLƏRİ
Bəzən bir modeli, yüzilliklər boyu formalaşmış ənənələri
qısa və dəqiq şəkildə izah etmək, mahiyyətini tam açmaq çətin
olur. Bunun ən qısa yolu və ən dolğun ifadə forması konkret
nümunələr verməkdir. Konkret bir nümunə çox vaxt əlavə sual-
lara belə yer qoymur, əksinə, məsələni daha da aydınlaşdırır. Bu
baxımdan Azərbaycanda tarixən formalaşmış tolerantlıq mühitini
və ənənələrini, eləcə də onun miqyasını və səviyyəsini tam açmaq
üçün ən doğru variant konkret nümunələr təqdim etməkdir.
Kürmükoba bayramı. Qax Azərbaycanın tarixi abidələrlə
zəngin rayonlarından biridir. Bu rayonda Qafqaz Albaniyası
dövrünə aid xeyli sayda tarixi abidə var. Onlardan biri də Azər-
bay canın dini və mə dəni ir sini bu günədək özün də qoruyub sax-
layan Kürmük məbədi dir. IV əsrin yadigarı olan Kürmük mə bə di
Alban kilsəsi ləğv edi lə nə qədər fəaliyyət gös tər miş, daha son-
ra dağın tılara mə ruz qalmışdır. Çar Rusiyası dağılmış məbə da
rus-pravoslav kilsəsi inşa etmiş, lakin Alban kilsəsinin qalıqları
günümüzə qədər gəlib çatmışdır.
Kürmük məbədi bütün dövrlərdə, hətta, fəaliyyət göstər mə diyi
zamanlarda da Azərbaycan xalqının inanc yerlərindən biri kimi
qalmışdır. Azərbaycanlılar İslamı qəbul etdikdən sonra da Kürmük
məbədinə biganə qalmamış, onunla bağlı olan Kürmükoba bayramı-
nı bütün dövrlərdə qeyd etmişdir. Əslində, azərbaycanlıların İslam
dinini qəbul etdikdən sonra da keçmiş dinlərinə məxsus məbədləri
qoruyub saxlamaları, hətta, onları müqəddəs və mübarək məkan
kimi ziyarət etmələri ölkəmizin bütün bölgələrində müşahidə olu-
nan həqiqətdir. Bəlkə də, bu, həm də xalqın genetik yaddaşının
ifadəsi və göstəricisidir.
120
Gündüz İsmayılov
Kürmük məbədi.
Bu baxımdan dünyada dəyişdirdiyi inancına və keçmiş dininə
azərbaycanlılar qədər ehtiramla yanaşan ikinci bir xalq yoxdur.
Ola bilsin ki, Azərbaycan xalqının tolerantlığının səbəblərindən
biri də məhz elə bu amillə bağlıdır. Amma Kürmük məbədinin və
Kürmükoba bayramının nümunə kimi təqdim edilməsinin yeganə
səbəbi bu deyil. Məsələ ondadır ki, Kürmükoba bayramını bu gün
müsəlman qaxlılarla yanaşı, hazırda həmin rayonda yaşayan xris-
tian gürcülər də qeyd edir. Onların bu bayramı qeyd etmək üçün
azərbaycanlılara nə vaxtdan qoşulduqları bilinmir, ancaq həqiqət
budur ki, Kürmükoba müsəlmanlarla xristianların birgə qeyd
etdikləri yeganə bayramdır. Hər il bu bayramda azərbaycanlılarla
gürcülər Kürmük məbədini ziyarət edir və qurbanlar kəsirlər.
Müsəlmanlarla yəhudilərin və xristianların müqəddəs saydıq-
ları ortaq məkanlar var. Məsələn, Qüds şəhəri hər üç səmavi dinin
mənsubları üçün müqəddəs məkandır. Amma onlar bu şəhəri sülh
və əmin-amanlıq şəraitində nəinki paylaşa bilmir, hətta onun uğ-
runda qanlı mübarizədən belə çəkinmirlər. Bu baxımdan Kürmük
121
Tolerantlıq: bildiklərimiz və bilmədiklərimiz
məbədi yeganə məkandır ki, müsəlmanlarla xristianlar onu birlikdə
ziyarət edir və bu ziyarəti qardaşlıq bayramına çevirə bilirlər.
Əslində, Kürmük məbədinə və Kürmükoba bayramına təkcə
Azərbaycanda tarixən mövcud olan dözümlülük mədəniyyətinə
nümunə kimi yanaşmaq olmaz. Bu məbəd və bayram həm də xristi-
anlarla müsəlmanların birlikdə və sülh şəraitində yaşaya bilməsinin
əyani təsdiqidir. Kürmükoba bayramı sübut edir ki, dinlər insanları
ayırmır, əksinə, onları ortaq dəyərlər ətrafında birləşdirə bilir. Bu
mənada dinlərin sülh yaratma potensialı həddindən artıq böyük-
dür. Sadəcə, bu potensialı düzgün qiymətləndirmək və dini siya-
si məqsədlərin alətinə çevirməmək lazımdır. Dinlərin tarixi sübut
edir ki, bütün dövrlərdə bunu Azərbaycan xalqından daha yaxşı ba-
caran ikinci bir toplum olmamışdır. Ona görə də, Azərbaycanın bu
sahədə təcrübəsi həm də dünyada dinlərarası dialoqu təmin etmək
və dinlərin sülhyaratma potensialını öyrənmək və tətbiq etmək ba-
xımından əhəmiyyətlidir.
Atəşgah məbədinin inşası: İslam dininin bütpərəstliyə mü-
nasibəti bəllidir. Səmavi dinlər – Yəhudilik və Xristianlıq istisna
olmaqla, digər dinləri, o cüm lə dən atəşpə rəst liyi qəbul etmir və
onları bütpərəst sayır. Eyni zamanda, büt pə rəst dinlərin nümayən-
dələri ilə müqayisədə səmavi dinlərin mən sub larına daha çox gü-
zəşt lə yanaşır, onlara xüsusi imtiyazlar tanıyır. Lakin tarixi faktlar
təsdiqləyir ki, bütpə rəstliyə münasibət heç də bütün İslam dünya-
sında eyni olmamış və bəzi ölkələrdə müsbət mənada fərqlənmişdir.
Məsələn, İslam Azərbaycanda yayıldıqdan sonra da bu coğrafi ya-
da atəşpərəstliyin təzahürləri qalmış, xalqın məişətindən və inanc
sistemindən tam çıxmamışdır. Üstəlik, atəşpərəst tacirlər üçün bü-
tün dövrlərdə Azərbaycanda ticarətlə məşğul olmuş və digər dinlərə
mənsub tacirlərlə onlar arasında heç bir fərq qoyulmamışdır. Tarixi
sənədlər və abidələr təsdiqləyir ki, Azərbaycanda həm yəhudi və
xristian, həm də hindli tacirlərə məxsus karvansaraylar, eləcə də
ibadət evləri olmuşdur. Məsələn, İçərişəhər ərazisində yerləşən və
hindli tacirlərə məxsus olan Moltanı karvansarayı günümüzədək
Dostları ilə paylaş: |