148
Gündüz İsmayılov
lüyünü bilirdi və din siyasətində bu amili nəzərə alırdı. Ona görə,
ən optimal vasitə düzgün dini bilikləri, dinin cəmiyyət həyatının
inkişafına çağıran, insanı kamilləşdirən, dözümlülük mühiti-
ni möhkəmləndirən əsas prinsiplərini maarifl əndirmə yolu ilə
vətəndaşlara çatdırmaqdır. Çünki yalnız düzgün maarifl əndirmə
nəticəsində xurafatın kökünü kəsmək, radikal ekstremist qüvvə lə-
rin qarşısını almaq və dini cahillərin girovundan qurtarmaq müm-
kündür. Din cahillərin əlində xurafat, alimlərin əlində isə xurafa-
ta qarşı ən güclü silahdır. Bu mənada Ulu Öndərin “Din incə bir
materiyadır” kəlamının arxasında hansı mənaların giz ləndiyini
müəyyən etmək elə də çətin deyildir. Ümumiyyətlə, Heydər
Əliyevin dinə münasibəti, ona verdiyi xarakteristik tərif orijinallığı
ilə seçilir. O, deyirdi ki, “Biz dini ilk növbədə mədəniyyətin, tarixi
irsin, milli mentalitetimizin bir fenomini və ayrılmaz bir hissəsi
kimi qəbul edirik”.
Məlum məsələdir ki, yalnız güclü iqtisadiyyata və sağlam ide-
ologiyaya malik dövlətlər yaşamaq və parlaq gələcək qurmaq iq-
tidarındadır. Çünki bu iki amil bir-birini tamamladıqda dövlətlər
inkişaf edir. Heydər Əliyev ilk gündən dövlətçiliyimizi güclü iqti-
sadiyyat və sağlam ideologiya üzərində qurmağı qarşısına məqsəd
qoymuşdu və buna da nail oldu. Bu gün Azərbaycanın güclü iq-
tisadiyyatının və sağlam ideoloji xəttinin olduğunu, hətta bəzən
düşmənlərimiz də etiraf etmək məcburiyyətində qalırlar.
Bütün ideologiyalar müəyyən zamandan sonra dəyişikliyə
məruz qalır, bəziləri isə ümumiyyətlə, ifl asa uğrayır. Tarix sübut
edib ki, dinə söykənməyən, tərkibində dini dəyərlərə yer verilməyən
ideologiyalar qısa ömürlü, nəticəsiz olurlar. Əksinə, dini dəyərlərə
söykənən ideologiyalar isə daha sağlam və sarsılmazdır. Bu ba-
xımdan Ümummilli Liderimizin “milli-mənəvi sərvətimiz” adlan-
dırdığı dinimizin ideologiyamızın tərkib hissəsi olması həm təbii
haldır, həm də dərin təfəkkürün göstəricisidir. Bu onu deməyə əsas
verir ki, Azərbaycanın inkişafını təmin edəcək güclü iqtisadiyyatı
olduğu kimi, sağlam və əbədi ideologiyası da var.
149
Tolerantlıq: bildiklərimiz və bilmədiklərimiz
Bir ictimai quruluşdan başqa ictimai quruluşa keçid asan ol-
madığı kimi, milli-mənəvi dəyərlərə qayıdış da asan başa gəlmir.
Belə vəziyyətlərdə müəyyən problemlərin üzə çıxması təbiidir.
Məsələ ondadır ki, milli-mənəvi dəyərlərə, daha konkret desək,
dini dəyərlərə qayıdışı hər kəs eyni cür qəbul etmir. Hətta bunu
İslamın meydana çıxdığı VII əsrə qayıdış kimi başa düşənlər də
tapılır. Yaxud İslami dəyərlər dedikdə bunu hansısa təriqət və ya
məzhəblə məhdudlaşdıranlar olur. Problem də elə burdan yaranır.
Ulu Öndər dinə qayıdışın kütləviləşməsinə həmişə normal yanaş-
mış, amma bu prosesin kor-koranə aparılmasını heç vaxt düzgün
hesab etməmişdir. Çünki kor-koranə İslama qayıdış nəinki ciddi
fəsadlar yarada, hətta, əks effekt verə, dövlətçiliyimiz və milli
təhlükəsizliyimiz üçün ciddi problemə çevrilə bilər.
Heydər Əliyev xarici dairələrin bu prosesdən bəhrələnmək, din
pərdəsi altında öz maraqlarını təmin etmək niyyətini də nəzərə alır,
bu sahədə yerli milli kadrların hazırlanmasına, dini maarifl əndirmə
işində əsasən daxili potensialdan istifadə olunmasına diqqət
yetirməyi vacib sayırdı. Ümumiyyətlə, ölkəmizdə dini təhsillə
bağlı məsələ müstəqilliyimizi bərpa etdikdən sonra bu sahədə ən
ciddi problemlərdən biri kimi ortaya çıxıb. Məsələ burasındadır ki,
XIX əsrin əvvəllərində Rusiyanın Şimali Azərbaycanı işğal etməsi
ilə ölkədə dini təhsilin inkişafı uzun müddət ləngimişdir. Son
200 il ərzində Azərbaycanda iri mötəbər dini təhsil ocağı olma-
yıb. Azərbaycan ruhanilərinin nümayəndələri ali dini təhsili Qum,
Nəcəf, İstanbul, Qahirə və Mədinə şəhərlərindəki müxtəlif təhsil
müəssisələrində almışlar. Sovet dövründə isə yalnız XX əsrin
70-ci illərindən etibarən azərbaycanlılar Buxara mədrəsəsində
və Daşkənd İslam İnstitutunda dini təhsil almaq hüququ əldə
etmişdilər. Azərbaycan müstəqilliyini bərpa etdikdən sonra bu
problemin həlli istiqamətində ciddi addımlar atılmış, ölkədə dini
sahədə milli kadrların hazırlanması məqsədilə Bakı İslam Uni-
versiteti, onun bölgələrdə fi lialları, Bakı Dövlət Universitetinin
nəzdində ilahiyyat fakültəsi, müxtəlif mədrəsələr və dini mərkəzlər
150
Gündüz İsmayılov
açılmış, Heydər Əliyevin apardığı din siyasəti nəticəsində bu təhsil
ocaqlarının fəaliyyətinin güclənməsi və genişlənməsi üçün böyük
zəmin yaranmışdır. Qətiyyətlə deyə bilərik ki, hazırda ölkəmizdə
islamşünaslıq elmi inkişaf dövrünü yaşayır və bu inkişafda Ulu
Öndərin rolu əvəzsizdir. Onun şəxsi təşəbbüsü və qayğısı ilə dini
sahə ilə bağlı Bakıda bir neçə beynəlxalq konfrans keçirilmiş və
həmin tədbirlər İslam dünyasında ciddi əks-səda doğurmuşdur.
1998-ci ildə keçirilmiş “Müasirlik və dini-mənəvi dəyərlər” möv-
zusunda beynəlxalq konfrans, “İslam sivilizasiyası Qafqazda”
mövzusunda beynəlxalq simpozium Ümummilli Liderimizin adı
ilə bağlı möhtəşəm tədbirlər kimi tariximizə düşüb.
O, 1998-ci il dekabrın 9-11-də Bakıda keçirilən “Qafqazda İs-
lam sivilizasiyası” adlı beynəlxalq simpoziumda çıxışında islamşü-
naslıq elminin inkişaf etdirilməsini bir vəzifə kimi qarşıya qoymuş,
bu məqsədlə ayrıca təşkilatların, orqanların və elmi mərkəzlərin ya-
radılmasını tövsiyə etmiş və simpozium iştirakçılarına müraciətlə
demişdir: “… Mən belə fi krə gəlirəm ki, Azərbaycan Qafqazda İs-
lam sivilizasiyası araşdırmalarının mərkəzi ola bilər. Azərbaycanın
buna haqqı da vardır. ... Əgər siz hamınız belə bir qərara gələ
bilsəniz, Azərbaycanda bir mərkəz yaratmaq olar. Azərbaycan
dövləti də buna himayəçilik edə, kömək göstərə bilər. Mən hər halda
Azərbaycanın timsalında demək istəyirəm ki, bu sahədə çox böyük
işlər görülməlidir. Elmi tədqiqat üçün burada geniş imkanlar vardır”.
Azərbaycanda islamşünaslıq elminin inkişafı sahəsində
önəmli addımlardan biri kimi Ulu Öndərin xeyir-duası ilə Qaf-
qaz Müsəlmanları İdarəsinin nəzdində Elmi-Dini Şuranın yara-
dılmasını göstərmək olar. Azərbaycan elminin inkişafında böyük
xidmətləri olan görkəmli alimlərin və din xadimlərinin Elmi-Dini
Şurada bir araya gəlməsi, şübhəsiz ki, ölkədə islamşünaslığın inki-
şafına əhəmiyyətli dərəcədə təsir göstərir. Ümumiyyətlə, müxtəlif
sahələr üzrə tanınmış mütəxəssis alimlərin bu sahəyə cəlb olunma-
sı, həm tədqiqatların dairəsini genişləndirir, həm də yeni islamşü-
nas alimlərin yetişməsinə zəmin yaradır.
Dostları ilə paylaş: |