151
Tolerantlıq: bildiklərimiz və bilmədiklərimiz
Bütün dövrlərdə əsl din xadimləri xalqın içərisindən çıxmış,
vətən, millət, Tanrı yolunda mübarizə aparmışlar. Bu həqiqəti
qəbul etmək üçün Azərbaycan tarixinə ötəri nəzər salmağımız
kifayətdir. Heydər Əliyev həmişə əsl din xadimlərinə böyük eh-
tiram göstərmiş, onların Azərbaycan xalqı və dövləti qarşısındakı
xidmətlərini layiqincə qiymətləndirmişdir. O, din xadimlərinin im-
kanlarından təkcə öz sahələrində deyil, digər problemlərin həllində
də istifadə olunmasını vacib sayır, bu sahədə onları daha fəal olma-
ğa çağırırdı. Çünki Ulu Öndər çox gözəl başa düşürdü ki, İslamda
insanın mənəvi aləminə nüfuzetmə xüsusiyyəti, güclü səfərbəredici
potensial, hər cür əsarətə, zülmə nifrət, azadlıq və hüriyyətə
hörmət ruhu vardır. O, İslamın bu üstün xüsusiyyətlərindən istifa-
də edib ölkədə vətənpərvərlik hissinin gücləndirilməsinə, milli
ordunun möhkəmləndirilməsinə, Vətənin müdafi əsi naminə həm-
rəyliyin yaranmasına çalışırdı. Bu mənada Ulu Öndərin 1993-cü
ildə Məhəmməd Peyğəmbərin mövludu münasibəti ilə Təzəpir
məscidində çıxışı xüsusilə diqqətə layiqdir: “Mən tam əminəm ki,
bizim dinimiz, din xadimlərimiz Azərbaycan Respublikasının bu
ağır günündə xalqımızın, Vətəni qoruyan bütün adamların daha
sıx birləşməsində, ordumuzun möhkəmlənməsində, işğal olunmuş
torpaqların geri qaytarılmasında bundan sonra daha fəal iştirak
edəcəklər, öz səylərini göstərəcəklər və beləliklə də bir daha İslam
dininin nə qədər böyük qüdrətə malik olduğunu bütün dünyaya sü-
but edəcəklər”.
Təxminən iki əsrlik müstəmləkə dövründən, xüsusilə sovetlər
dönəmində ateizmin təbliğindən sonra milli-mənəvi dəyərlərə qa-
yıdış uzun, çətin, hətta, ağrılı bir prosesdir. Sözsüz ki, bu prosesin
qısa vaxtda başa çatması qeyri-mümkündür. Ancaq əsas odur ki,
Azərbaycan müstəqilliyini bərpa etdikdən sonra Heydər Əliyevin
rəhbərliyi altında və onun müəllifi olduğu konsepsiyaya uyğun
şəkildə bu proses həyata keçirildi. Qısa zamanda Azərbaycan
cəmiyyəti xeyli yol qət etmiş, milli-mənəvi dəyərlərimizə qayıdış
dönməz xarakter almışdır.
152
Gündüz İsmayılov
TOLERANTLIQ ƏNƏNƏLƏRİNİN
QORUNUB-SAXLANILMASI
Ədalət naminə deməliyik ki, ölkəmizdə dövlət-din münasi bət-
lə r inin tənzimlənməsi, dini sahədə sabitliyə nail olunması, kon-
fessiyalar arasında dözümlülük mühitinin dövlət səviyyəsində qo-
runub saxlanılması məhz Heydər Əliyevin adı ilə bağlıdır. Onun
ikinci dəfə hakimiyyətə qayıdışından sonra tolerantlıq mühiti
dövlət-din konsepsiyasına uyğun daha da möhkəmlənmiş, bu sahə
də dövlət siyasətinin prioritet istiqamətinə çevrilmişdir.
Tarixən dinlərin və mədəniyyətlərin qovşağı olmuş Azərbay-
can bu gün də eyni funksiyanı uğurla yerinə yetirir. Hazır-
da Azərbaycan əhalisinin tərkibi həm etnik, həm dini, həm də
məzhəb baxımından zəngindir. Amma xoşbəxtlikdən müxtəlif
dinlərin və dini fəlsəfi cərəyanların yayıldığı Azərbaycanda bütün
tarixi dövrlərdə etnik və dini icmalar arasında möhkəm dözüm-
lülük əlaqələri formalaşmış, milli, irqi və dini zəmində heç bir
ayrıseçkilik faktı qeydə alınmamışdır. Müxtəlif tarixi dövrlərdə
Azərbaycan ərazisində məskunlaşmış dini-etnik qruplar burada
özlərini nəinki yad hesab etməmiş, hətta yerli əhali ilə qaynayıb-
qarışmış, qohumluq əlaqələri qurmuşlar. Fərqli dini konfessiya-
ların nümayəndələri hər zaman Azərbaycan xalqı ilə həmrəy ol-
muş, vahid Vətənimizin azadlığı və fi ravanlığı uğrunda mübarizə
aparmışlar. Azərbaycanın azadlığı və ərazi bütövlüyü uğrunda
vuruşmuş, bu yolda canından keçmiş müxtəlif dini konfessiyalara
mənsub vətəndaşlarımızın da uyuduqları Şəhidlər Xiyabanı bu gün
bizim təkcə and yerimiz yox, həm də qardaşlığımızın və tolerant-
lığımızın simvoludur. Vətənimizdə bu cür mükəmməl tolerantlıq
mühitinin yaranması dini dözümlülüyün İslamın və Azərbaycan
xalqının xarakterik xüsusiyyəti və milli-mənəvi sərvəti olmasına
153
Tolerantlıq: bildiklərimiz və bilmədiklərimiz
dəlalət edir. Heydər Əliyev İslam dininin və Azərbaycan xalqının
bu xarakterik keyfi yyətini çox gözəl ifadə etmişdir: “Hesab edirəm
ki, Azərbaycan xalqı özlüyündə, təbiətinə görə, öz xarakterinə
görə yüksək tolerantlıq hissinə malikdir. Azərbaycan əhalisinin
çox hissəsinin etiqad etdiyi müsəlman dinində, onun kökündə də
tolerantlıq var”.
Ulu Öndərimiz dindarlarla, din xadimləri ilə görüşündə, bu
sahə ilə bağlı tədbir və beynəlxalq konfranslarda həmişə diqqəti
dinlərin, xüsusilə İslamın dözümlülük xüsusiyyətinə, insanları
birliyə, vəhdətə dəvət çağırışlarına çəkirdi. O, deyirdi ki, “İslam
dini bizi heç vaxt işğalçılığa, qəsbkarlığa sövq etməmişdir. Biz
sülhsevər millətik. Bizim dinimiz də insanlara dostluq, qardaşlıq,
sülh, barışıq yolu göstərmişdir. Biz həmişə bu yolla getmişik”.
Heydər Əliyev Azərbaycanda tolerantlıq mühitinin forma-
laşmasında digər dinlərin və xalqların xidmətlərini də nəzərdən
qaçırmır, həmişə bunu yüksək qiymətləndirirdi. O, 1999-cu il
noyabrın 16-da ölkəmizdə fəaliyyət göstərən dini konfessiya-
ların başçıları ilə görüşündə bu məqamı xüsusilə qabartmışdır:
“Əlbəttə, Azərbaycanda mövcud olan millətlərarası, dinlərarası,
etnik vəziyyət yüksək qiymətə layiqdir. Bu, hamının – həm
azərbaycanlıların, həm rusların, həm ukrayınların, həm yəhudilərin,
digər millətlərdən olan insanların, o cümlədən bizim dini konfessi-
yaların – Azərbaycanda başlıca dinimiz olan İslam dininin, xristi-
an-pravoslav, yəhudi dinlərinin səyləri ilə əldə edilmişdir”.
Heydər Əliyevin Azərbaycan xalqı və tarix qarşısında ən bö-
yük xidmətlərindən biri də xalqımızın xarakterik keyfi yyəti olan
tolerantlığın daha da inkişaf etdirilməsi üçün hüquqi baza yaradı-
laraq bu sahənin dövlətin nəzarəti və qayğısı altına keçirilməsidir.
Vətəndaşlarımızın vicdan azadlığı hüququ birbaşa Konstitusi-
yamızda, geniş şəkildə isə “Dini etiqad azadlığı haqqında” Qa-
nunda təsbit olunmuşdur. Konstitusiyamızın 48-ci maddəsinə
görə, hər bir vətəndaş vicdan azadlığını, dinə münasibətini
müstəqil müəyyənləşdirmək, dini əqidəsini sərbəst ifadə etmək
Dostları ilə paylaş: |